جنون العشق

الفصل الرابع عشر

اناغيم : * ببكاء شديد * مصيبة .. الحقيني

فلك * بخوف * : الله يحرقك شو في ؟؟؟ احكي ع السريع

اناغيم : * من بين شهقاتها * عريس ... جايني عريس

فلك * وقد تملكها الغضب والصدمة *: عريس ... كل هاض من عريس يا اخت الحيوانة ... انهبلتي

اناغيم : ابوي موافق ومش راضي يسمعني ... رح يجوا عشان قراية الفاتحة

فلك : ولليش بتعيطي ... مبروووك * ثم تصمت لحظة الى ان تستوعب * شووووو ابوك انجن ... وجان حكيتيلو

اناغيم : لا .. خايفة احكيلو ... شو اعمل

فلك : *وهي تلتف في الغرفة بشكل اربك واضحك عمر * اسمعي ... اول اشي اعرف وينتى عريس الغفلة جاي

اناغيم : بعد بكرا

فلك : ممتاز بكون روحت ... المهم بكرة بس اروح بتيجي عندي .. او احكيلك تعالي من الصبح وضلي مع بيسان لحالها بالدار ... لحد ما اروح واشوف .. اتفقنا

اناغيم : ماشي ... فلك ... والله بحبو ساعديني

فلك : حبتك عقربة ... منيح ... انشالله انتي الو .. انتي اساسا الو ... سكري هس وااه انتبهي بحكيك مع ابوكي خلي تمام عشان بكرة تيجي عندي ... سكري

عمر : شوفي ؟؟ شو صاير ؟؟

فلك : جاي للبقرة عريس ويلي خلفها موافق ... لا وبدو يجبرها كمان

عمر : يا الله .... لازم جان يعرف خلي يتصرف

فلك : شكلك انهبلت ... فوت البس لتستهوى ... وانا بدبرها .. اهم اشي جان ميعرفش والا الدنيا بتخرب ... انا دطلع

تخرج فلك من الغرفة امام نظرات عمر وعندما تخرج تجد كل من امها وناهد ومريم يقفن بانتظارها ....

فلك : مالكن ...؟؟ ليش واقفات هيك ؟؟؟

مريم : شو صار ؟؟ سمعتك بتصيحي ... وليش هيك شكلك منفلة ومكعوشة وميكاجك ماكلها

فلك : فش اشي ... بس الحذر واجب ... وغير هيك اناغيم لازم نفكرلها بحل لمشكلتها

وفاء : مالها شوصاير معها ؟؟

فلك : بعدين دروح ازبط حالي عشان الحفلة عوشك تبلش .... وانا بعدني .. سوري وسعولي ....

تمر فلك من بين نظراتهن المتعجبة ... فتدخل الى غرفة مريم وتعدل من زينتها وملابسها ثم تخرج امامهن مزامنة مع خروج عمر من غرفته وكان قد ارتدى حلته السوداء التي ابرزت جسده وعضلاته وقام برفع شعره الى الاعلى فبدى بمظهر اكثر رجولة وجمال ولا ننسى ذقنه الخفيفة التي زادته هيبة .... فكان فتنة قوية على قلوب العذارى ...

عمر *وهو ينظر لهن بتفاخر *: عارف اني بجنن ومز

مريم : بس لونك مش اخوي ...