تتسلل من غرفتها متخذة من ستار الليل حاميٍ لها وتضع ورقة بيضاء فيها بعض الكلمات على المقعد المجاور للباب وتفتح باب منزلها بحذر شديد وتنزل من السلالم المشتركة مع منزل جدها وهي تحمل حقيبة ملابسها وتفتح الباب الرئيسي للمنزل فيصدر صوت صرير دلالة على قدم الباب والمنزل وتخرج الى الحي فتكون هناك سيارة تنتظرها في الخارج وتركب بسرعة في السيارة وتنطلق مخلفة خلفها الغبار الثائر ..
أناغيم : يا ربي قلبي رح يوقف من الخوف فكرتك مش رح تعرفي تطلعي
فلك : * تضع يدها على قلبها* سدي بوزك قلبي وقف من الخوف يابيي متت لثانية فكرتهم مسكوني .. وانتي كيف طلعتي من داركوو مهي فلم رعب اكثر من دارنا
أناغيم : متخفيش مهو محد بالدار بس انا ومرت ابوي وولادها وببساطة عملتلك فيها حنونة وكال دعمل شاي وحبة منوم ع السريع بدون ما حدا ينتبه
فلك : يا ابليس مخطرطش على بالي .. ما تحكي يابنتي طيب محنا بالهوا سوا .. المهم اكدتي ع الثنتين الثانيات قزومة واجاشي انهن بدرنش عنا اشي وانو النا فترة محكيناش معهن
أناغيم : ااه يابومة البوم .. كلو انشالله تمام .. هس خليني انام شوي قبل ما نوصل الجسر
فلك : نوم الظالمين عبادة يا بقرة ... تغلق فلك عينها وهي تتذكر احداث هذا الشهر وما عانته من محاولات لاقناع والدها بالسفر الى بريطانيا ..
أحمد * والد فلك * : وانا كلت كلمة وخلص النقاش
فلك * بصراخ* : نقاش .. الطم .. انو نقاش هاض يا بابا كلتلك بدي اسافر مع غنمة على بريطانيا رحلة لمدة one month شهر واحد وانت بس بدون حتى ما اكمل اطلعت في بطريقة نشفت الدم بعروقي .. وبعدين بتقولي لأ بدون سبب واحد مقنع ..
أحمد * بصوت عالي*: بدون سبب واحد مقنع انتي شكلك انهبلتي يا بنت احمد
فلك : انهبلت .. الله يسامحك يا ابو النمر ... وانا يلي بقول ابو النمر حبيبي يلي بفهمني .. وكال بتقولي اني اميرتك وحبيبتك وبنتك الاولى والاخيرة *وهي تقترب من والدها وتقبله على وجنته* هو انا بنتك حبيبتك *مع نظرات الكلب اللطيف*
أحمد * يضع يده على راسها ويمسح على شعرها* : مهو لانك بنتي حبيبتي واميرتي البقرة لازم اخاف عليكي مش اسفرك لحالك على بلد ثانية مش يوم ولا اثنين اخرى لا هاض شهر يا يابا شهر .. تخيلي بنتين لحالهن يسافرن على بلد غريب بعرفنش حد فيه و غير هيك بعدكن صغار
فلك : لا كده وربنا كتير ... الطم مثلا يعني .. يعني بزبطش تكمل جملة مفيدة وحدة اميرتي البقرة وكمان صغار .. ابو النمر انت عارف كديش صار عمري .. صار عمري عشرين سنة عارف شو عشرين سنة يعني مش صغيرة مني هيني بدرس بجامعة بعيدة عنكو وماخدة سكن وبروح وباجي هناك لحالي يعني ولا مرة حكيت انو مش عاجبك
أنت تقرأ
جنون العشق
Romansaعندما يسيطر القلب على العقل والجسد .... فهو من يتحكم ويقوم بكل ما هو يرغب به ... ولكن بعد هذه السكرة يسيطر العقل من جديد ويرى كل ما دمره صديقه العدو من افعال ويحاول ان يصلح ما قام به ... فهل ينجح الحب بمسامحت الحبيب وغفران اخطائه العاشقة ؟؟؟ ام ان...
