شماعة الظروف

الجزء الأول

شماعه الظروف🤗
الحلقه الاولي :
_سلام يا حاج بكري كيف اصبحت
_وعليكم السلام المبروك كيف حالك
_تمام والله في نعمه تامه الحمد لله
_اها يا ولدي الشغل ماشي معاك كيف
_والله يا حاج الحمد نعمه من كريم ما بطال سددت ايجار الدكان ورسلت لي امي المصاريف والباقي دا بقعدني لي باقي الشهر
_الحمد لله لكن يا ولدي شغلك دا ما باكلك عيش بعدين انت لسه شباب لسه قدامك حياة ما عشتها ولسه ما كملت قرايتك ولازم تسوي ليك بيت واسره
_ههههه يا حاج اسره شنو هو انا اخواتي الفي البيت ما ضمنت عيشتهم اجي اعرس انا لكن ربك كريم
_اي ونعم بالله يا ولدي ربنا يوفقك
((●عمر ابراهيم الاحمدي الشهير بي ((ود بت المنى ))
الولد الملامحو بتشبه ملامح الحته الجاء منها ، الولد الانطبقت عليهو غنيه ((ولدا متين بقي للسفر والاغتراب والدردره )) فعلا متين بقي للسفر الناس في عمرو بتلعب وتعيش في طفولتا هو جاء الخرطوم مع ابوهو كايس المعيشه واها ابوهو اتوفي وخلا الحمل فوق ضهرو تقيل ، وما ساب ليهو ولا حاجه يستند عليها غير ورشه وتلاته اخوات وامهن، امو ((بت المني )) المره الدغريه الحكيمه ، المره البتساوي ميه راجل ، لكن خلاس العمر اخدها وبقت من جيل الزكريات ، مريم الاخت الكبيره ماخده ود عمها ومطلع روحها وكل يومين جايه البيت تشكي ، سعاد البت الرزينه الهاديه استاذه في البلد وخاطبه زميلها بس لسه بكونو في نفسهم ، علا المجنونه تومه عمر وفي نفس سنو البت الاخدت صفات اخوها بالكربون
شاكلت معاهو اولاد الحله مشت معاهو الجنائن لكن بس فرقها منو انو قارها وخلي نفسو وما شاء الله السنه دي برلومه في طب وادي النسل نسبتها كان بتوديها جامعه في الخرطوم بس الظروف ما بتسمع تبعد من اهلها ●))
_انت يا خينا الشغال هنا
_مالك يا شاب مضايق اي معاك
_شنو ساعه عشان ترد
_يا زول ما تجوط ما شايفني ماسك شغل في يدي
_يا زول بجوط ما كلنا واقفين لينا ساعه وانت ما خلصت
_وانا مالي بيك ما تشوف اي ورشه تاني انا كان ما خلصت ما بجيك ولا يحزنون .
_تمام يا شاب خلاس افصلا انا زاتي في داعي اجي لي واحد زيك
_الله يسهل عليك اتوكل .
((دور عربيتو ومشي ورشه كبيره كدا وعمالها كتار جاءهم بي زهج كدا ياخ داير اصلح عربيتي دي ما عارفه مالا كل دقائف بتبطل وما لقيت ليها حل ))
_اسمع يا حبيب  عربتك دي مشكلتا كبيره وشغلتها كتيره لكن في ميكتنيكي شاطر في الشارع الوراء اسسمو عمر امشي ليهو بساعدك
_تمام يديك العافيه
رجع شارعو الورراء ما شايف اي ورشه غير ورشه عمر ،معقوله دي نفس الورشه مشي سال قالو ليهو ياها زاتا واصلا شغال فيها براهو ،يعني ياهو زاتو زولو ،استني مسافه لحد ما الناس دي كلها اتخارجت وعمر زاتو داير يققفل جاهو
_معليش يا شاب ما كان قصدي قبيل حاجه لكن كنت مضايق شديد
_ما اشكال يا حبيب انا زاتي بعتزر ليك لانو كنت مشغول وانت جيت جايط وانا والله زول ما بدور
زول يجوط فيني لكن حصل خير يا حبيب اها مشكلنك شنو
_والله انا زاتي ما عارف لكن عربيتي دي معصلجه ليها زمن وما لقيت ليها حل .
_ابشر يا زول هسي امش ارتاح شكلك من بدري لافي انا اصلي العشاء لانو زمنو راح وان شاء الله بكره الصباح بتلقاها ميه ميه
_تمام يا زول اديني رقمك عشان اتصل عليك الصباح
_ههههه رقم شنو يا زول ما شايل تلفون انا ما تشيل هم بتلقاني الصباح لكن للضمان سجل رقم حاج بكري
دا وقوليهو داير ود بت المنى بتلقاني ان شاء الله
_يا زول تمام لكن ود منو قلت لي
_ ههههه ود بت المنى!
_دا شنو دا دي امك ولا منو
_اي ربنا يحفظا
_طيب ليه بنادوك بيها
_ههههه لانو ...........