شماعة الظروف

الجزء التاسع

الحلقه التاسعه :
_ليه بتعمل فيني كدا وطوالي انفقعت بالبكاء
_استغفري الله يا بت مالك هسي والحاصل شنو
_يعني ما عارف يعني
_ليه مصر تحرجني دايما ما انت عارف
_عارف شنو يا بت الحلال
_عارف ....عارف
_اللهم طولك يا روح في شنو يا بت خوفتيني معاك
_عارف اني بحبك
_في اللحظه ديك عمر دا خشا في احساس بتاع سعاده ممزوج بي خوف وحسا بي جسمو كلو بيرجف وقلبو دا شويه ويطير ولسانو اتبلع في اللحظه ديك
_بعد مسافه كدا رفعت عيونها وعاينت ليهو والدموع ماليه وشها عمر حسا في اللحظه ديك بي انو مش وقع
خلاس حسا نفسو غرق
طوالي قري منها مسح دموعها وفي اللحظه ديك مسكت يدو وبقت تعاين ليهو في عيونو وفعلا عيونهم هي الدللت بي حبهم وصدق احمد شوقي لما قال :
وتطعلت لغه الكلام وخاطبت *عيناي في لغه الهوي عيناك .
ومنها ابتدت قصه الريد البيناتم ومنها عمر خشا في متاهه جديده اسمها الحب وبقي عندو بدل الهم همين
هم لي مستقبلو وقرايتو وهم لي مستقبلو الظهر فجاء في حياتو بس خلاس بعدها ما في رجوع لازم يواصل جهادو .
الزمن مشي سريع وخلاس بقو علي وش تخرج ولسه الريد ماشي بيناتهم اكبر اها وقت خلص امتحاناتو وبقي علي وش تخريج فكر يكمل الفرحه ووفكر  يخطب فطوالي مشا لي حاج بكري باعتبار انو الاب الروحي ليهو وكلمو بي الموضوع ، حاج بكري دموعو جرن شوووو واتزكر وصيه صاحبو ابراهيم لما قاليهو ولدي دي بوصيك عليهو يا بكري ما حيتعبك اصلو وان قصر في اي شي اتكيهو اضبحو بس الدايرو منم تشغلو محلي وهو تاني بتصرف في اللحظه ديك  حسا فعلا انو وفي بي عهدو لي صاحبو قاليهو ابشر يا ولدي هو نحن يا ولدي غير اليوم دا دايرين شنو الخميس كان الله هون انا بمش معاك نخطب .
طوالي عمر اتصل لي روئ كلمها وهي من الفرحه قلبها تتكلم بقت تبكي ، بقي بحنس فيها عشان تسكت ما راضيه في النهايه قاليها ربنا يتمم لينا علي خير يا غاليه وقفل .
والزمن الكان بمش سرعه داك ابي يمش نهائي الخميس دا بقي كانو سنه لحد ما جاء الخميس عمر لبس واتهندم وطوالي علي عمك بكري ودور العربيه واتحركو مشو، البت روئ ساكنه كافوري وما شاء الله ابوها من الجلابه الكبار الفي البلد وامها زاتا ما هينه بت واحد من الجلابه يعني عائله كدا من الطبقه البرجوازيه زي ما بقولو اها وصلو واهل البت استقبلوهم احسن استقبال ، طوالي حاج بكري بدا الكلام ، والله يا حاج السماني نحن جاينك في كل خير وان شاء الله ربنا دايما يجعل الخير دايرين نطلب يد بتك روئ لي ولدنا عمر !
_لا والله ما شاء الله نعم الابن عمر والله روئ كلمتني عنو ما شاء الله انسان مثابر ومجتهد ربنا يحفظو لكن يا حاج بكري في مشكله بس بتقيف قدامنا انا والله بتي دي غاليه علي شديد ومن ولدوها انا عيشتها عيشه ملوك عمرها ما احتاجت لي حاجه وعمر دا بالرغم من كل الصفات الفيهو دي ما بقدر يعيش بتي دي في الوضع  العايزو ليها هنا  ((في اللحظه ديك عمر الدنيا دي ضلمت في وشو وحسا نفسو صغير لي درجه ما تتوصف وكتن عايز يبكي بس ما قادر )) فانا والله يا حاج بكري لو ما جيتني انت وانت ما شاء الله يعني اسمك في السوق ملاني مكانو ما كان اصلا دخلتكم بيتي لكن تقديرا ليك انا اتكلمت معاك شخصيا وحبيت اوضح ليك الوضع فا والله  ربنا ان شاء الله يقسم ليهو بت الحلال البتستاهلو وان شاء الله ربنا يسعدو .
_في اللحظه ديك حاج بكري العبره خنقتو وحسا نفسو صغير قدام عمر وحسا انو ما عمل اي حاجه لي ولدو المربيهو ، داير يتكلم كدا ويقول ((ما كان العشم....) طوالي عمر سكتو وقال.....