الحلقه السابعه :
شاف زول ما غريب عليهو بضارب مع الناس طوالي خشا معاهو وبقي يشاكل بعد مسافه كدا الناس اتفرقت اتقابلو لقاهو محمود الجاهو لي عربيتو زمان
وهاك يا سلااام واحضان وونسه ساقو علي جنبه كدا وبقو يتكلمو
_شنو يا صاحبي الجابك بي جاي شنو طاشي ولا شنو
_هههههه والله اخير الطاشي يا خوه جابتنا القسمه
_عندك قريبك هنا ولا شنو
_ههههه والله ما بصدق كان حكيت ليك لكن عالعموم ربك دايرني ابقي مهندس زيكم كدا ولا في اعتراض في راي ربنا
_حاشا وكلا ، يعني رجعت تقرا
_ههههه انت يا محمود شكلك طشيت هاك البطاقه بتختصر ليك اي شي
_لالا ما شاء الله الف مبروك يا صاحبي والله عفارم عليك اصلا والله انا من كلامك معاي داك عرفت انو الواحد لما يبقي ابوهو عظيم وامو عظيمه ولدهم لازم يكون زيهم عالعموم نورت الجميله والله ووالله زادت بيك جمال يا حبيب
_تسلم ان شاء الله يا راقي لكن ما وريتني الجوطه في شنو ؟
والله يا صاحبي شفت البلد دي طالما فيها كيزان عمرها ما حتتقدم هسي شفت اتحاد الطلاب دا كرهونا ليهو ويومي عاملين لينا مشكله لكن بنادبهم
_هههههه وانت تابع لي شنو زعلان كدا
_واللع انا ما تابع لي اي حزب لكن ديل كلابات يا عمر وعمرو الكلب ما ببقي زول عشان كدا انا مع اي حاجه ضدهم بس ، ونصيحتي ليك اختا دربهم حتي لو جووك هم ديل ما اولاد حلال
_هههههه ابشر تب اصلا انا ما عندي علاقه بالسياسه
حدي معاها باب المهديه في سنه تانيه تاني البصله ما عارفها
_هههههه لالا كفاك تب اها والقرايه كيف معاك وما شايفك في الجامعه نهائي
_والله ما بقعد فيها كتير وكان قعدت بتلقاني في المكتبه
_الغريبه ناس دفعتكم ديل بعرفهم بس ما سمعت بي سيرتك ابدا
_ههههه ولا حتسمع مسمني المتوحد بخش القاعه بقعد براي بحضر المحاضره بطلع ما بشوفوني الا المحاضره البعديها
_ليه مالك قالك الجامعه دي ما قرايه بس يا صاحبي عيش دنيتك كدي زاتو تعال اعرفك علي شلتي دي وزاتو تعرف ليك ناس
_هههه ارح امنا لله
_باااااس الحمد لله اهو زاتو ديل ناس من دفعتك قاعدين
_اي اي شايف الخلق دي في القاعه
_سلام يا شباب
_اووووو حوته الخبر يا مان !
_تمام والله ؛ تتزكرو يوم عربيتي عطلت داك وحكيت ليكم بي الزول الساعدني
_يا ود بت ....كان اسمها منو
_عمر ود بت المنى
_ايوووه بس اتشرفنا ياااخ
_طبعا دا احمد ودا صالح وديل هدي وملاذ وعبير ديل دفعتي وديل نهله وروئ وياسمين دفعتك انت
_لالا ما شاء الله والله اتشرفنا
اخدو ونستهم ومحمود قاليهو انا خاشي عندي محاضره اخليك مع الشباب ديل اتعرف عليهم زاتو وبيناتنا تلفون
_طبعا في اللحظه ديك الخجل داير يشق عمر اول مره في حياتو يقعد مع بنات براهو غالبو يتكلم وهن يعاينن ليهو يضحكن وقت حسا بالاحراج قاليهم اها اخبار العلم شنو
_بدت روئ تتكلم والظاهر الود الخشن دا كسر فيها ضلعه لانها تعاين ليهو وتتبسم قالت ليهو ماشي الحال
انت كيف معاك
_والله الحمد لله لحد الان مافي مشكله كلو ماشي تمام
_طيب يااخ وقت تمام انا عندي حاجه واقفه لي ممكن تشرحا لي
_امممك جابت ليها شرح (في سرو ) ، لالا ما عندك مشكله وقت تفضي انا موجود
_خلاس تمام اديني رقمك عشان اول ما افضي اتصل عليك
_الليله ووووب ((برضو في سرو )) طيب سجلي 011******
_خلاس تمام يلا موفق ان شاء الله
_صاحبنا اليوم داك لا خشا مكتبه لا يحزنون طوالي علي الورشه اشتغل شويه كدا حسا نفسو تعبان مشي ينوم قبل ينوم جاتو رساله نصيه .....
أنت تقرأ
شماعة الظروف
General Fictionالدنيا دي سموها دنيا عشان حاجه دنيئه وعمرها ما كانت حاجه مهمه فما تعيش فيها باللقيتو فيهو غير فيها عشان تمش معاك واوعك ثم اوعك تعلق امالك في ((شماعه الظروف)) الظروف دي ماهي الا عقبات ربنا ختاها ليك عشان تجتازا وتصل لي هدفك العايزو .
