شماعة الظروف

الجزء العاشر والاخير 💃💕

الحلقه العاشره والاخيره :
والله يا حاج السماني الله يديك العافيه كلامك مافيهو غلط وفعلا اللهم لا حسد بتك عاشت اميره عند ملك وفعلا وضعها معاي ما حيكون زي المعاك بس يا عم السماني الزول القدامك عاش حياه احلي منها ماف وامر منها ماف ولو انت كايس زول يسعد بتك غيري انا بتلقي كتير بس لو عايز زول بحبها ويحافظ عليها زي انا ما حتلقي ما عايز اشكر ليك نفسي بس عمرو القرش ماقيم راجل ولو انت بي قروشك وصلت  لي مكانتك دي ، فغيرك في ناس بدون قروش وصلت لاعظم من مكانتك دي انا القدامك دا ابوي لما مات ما خلا لي غير ورشه واسره كامله علي كتفي اهو الحمد لله اختي وراجلا بي بيتهم والتانيه ما شاء الله استاذه علمت اجيال وورتهم انو ((ما بعد الضيق الا الفرج )) والتالته دكتوره لما انت تمشي ليها في المستشفي ما حتسالك ساكن وين وقروشك كم بتتعامل معاك كبني ادم عندو مشاعر وانسانيه وحتعالجك زيك زي اي بشر غيرك وامي لحد ما ماتت ما حصل زول عرفها باتت شبعانه ولا جيعانه كنا مستورين والحمد لله للان مستورين ووالله ما ندمان اني اتقدمت لي بتك حتي لو رفضتني لانو في فرق بين انو انا عارف نفسي شنو وانت شايفني شنو لانو انا لو كنت بشتغل بي كلام الناس شايفاني شنو عمري ما كنت حاتقدم ولا كان حابقي مهندس ولا كان حاقيف قدامك هسي ولو اني علقت امالي في ((شماعه الظروف)) عمري ما كان حاتقدم خطوه وما كان حتسمع بي اسم عمر طول عمرك بس نحن ربناا كتب لينا نجاهد عشان نصل للحاجه البنحبها وطوالي واضع لينا امتحانات وبنمر فيها بي توفيقو هو لانو بقيف معانا ، هسي ما حصل الا الخير ربنا يسعدك ان شاء الله وويكتب لي بتك الزول البستاهلا او ((المشتريهو ليها انت )) واصلو ما بتمني ليها الشر لانها ما عندها زنب في حاجه ما في يدها بس بعدين لما تجيك منكسره وحزينه وانها ما مبسوطه اقدر اشتري ليها (( سعاده)) .
الخلاصه :
الدنيا دي سموها دنيا عشان حاجه دنيئه وعمرها ما كانت حاجه مهمه فما تعيش فيها باللقيتو فيهو غير فيها عشان تمش معاك واوعك ثم اوعك تعلق امالك في ((شماعه الظروف)) الظروف دي ماهي الا عقبات ربنا ختاها ليك عشان تجتازا وتصل لي هدفك العايزو .
حاجه تانيه اي عرسا ابوها وافق بعد الكلام الاتقال دا وجابو بت سموها بت المنى .
مع خالص الود والتقدير المصطفي الحاج
والي الملتقي 💙
رايك وتعليقك يهمني ❤