شماعة الظروف

الجزء الخامس

الحلقه الخامسه :
_يا عمر !
_قبل علي المدير وجسمو كلو يرجف
_بتفتش علي شنو انت ودموعو جرن وغالبو الكلام
_هنا عمر قرب يقع من الخوف
_يا ولدي الله ينصرك دائما يااخ رفعت راسي والله انت اسمك في قائمه الشرف يا ولدي .
_عمر من الخلعه انفقع بالبكاء وحضن المدير وقعدو يبكو سوا بعد مسافه مشي القائمه لقي نفسو اول المدرسه  وقراها ودموعو ما قادرات يقيفن عمر ابراهيم حسن الاحمدي 94.7 طلع لقي المنطقه الصناعيه كلها جمب المدرسه جرو عليهو وشالوهو في كتفهم ولفو بيها الحله كلها مبسوطين بي اخوهم دا وصل حاج بكري لقاهو ضابح وعازم الحله كلها والناس دي تطاقش تحلف تقول عرس ما نجاح وكان اليوم داك يوم عطله في المنطقه الدكاكين كلها مقفله عشان خاطر عمر والكبير والصغير رجع الدكان لي حاج بكرس لقاهو مستنيهو والابتسامه ما قادره تفارق وشو عفارم عليك يا ولدي عافي منك والله والله فعلا ابوك زمان لمن قالي انا لمن اموت ما خائف لاني خلفت وراي راجل كان صادق لانو ابوك ولد راجل فعلا اها عاد دي هديه مني ليك يا ولدي وما تكسفني عليك الله
فتحها لقاها قروش في ظرف جايه من اولاد المنطقه وتلفون من التلفونات الغاليه داير يرجعا قاليهو داير تكسفني يعني .
_ما عاش من يكسفك يا حاج لكن لزومو شنو الغالي ما كان تجيب لي اي حاجه تكلمني باقيلك يديني ديل يدين تتش يا حاج .
_هههههه مالن يديك يدين مهندس قدر الدنيا يعني هسي داير تنزل جامعه بي يديك ديل لا والله حاشا وكلا من بكره انا الورشه دي بجيب  عامل  وانت سافر البلد  اخد ليك راحه وانجم وفرح اهلك وتعال .
_الله ينصرك يا حاج .
سافر البلد وغشي السوق شال ليهو كميه من الحاجات لي اخواتو واول حاجه غشي اختو في الجامعه سلم عليها واصلا ما وراهم انو نزل جامعه قاليها يا بت انتي التلفون الجبتو ليك زمان وينو .
_قاعد ياهو دا مالك في شنو ؟
_ لالا مافي شي عندي ولد صاحبي في المنطقه امتحن السنه ونتيجتو ما طلعت قالو بجيبوها بالموقع بتعرفي تجيبها
_كيف يعني ما بعرف امال خشيت طب كيف قايلني بليده زيك
_هههههه لالا حاشاك البلاده اها سجلي الرقم خلي الفصاحه وشك الواحد دا
_مالك ومالو ما تومتك حاطلع كيف يعني اها كم
_103605
_هدا جاء ((عمر ابراهيم حسن الاحمدي 94.7))
_دا شنو دا دا منو دا مالو اسمو زيك
_هههههه وتقولي لي ما بليده
_لا ما تقولي عليك الله صاح(( وهاك يا بكيه))
_هسي مالك بتبكي هالعويره دي اخليها ولا شنو
_يخلخل ضروسك الشينات ديل وكوالي موركت لي صحباتا .
_هنا صاحبنا بدا يتخجل وبقي شغال يضرب فيها غايتو انتي اصلو ما بتسنتري
_ يا هلا كيفك
_يا مراحب والله تسلمو ان شاء الله اتفضلو
_طيب يا عموري ديل صحباتي هديل وريم وحسنه
، ودا عمر تومي الحكيت ليكم عنو ؟؟
_ما شاء الله يعني حكيتي عني يا النجيضه قلتي شنو يا المجنونه ما تكوني بشعتي بي
_هههههه لالا ما بشعت بيك والله تشكر فيك السنه كلها حمتنا القرايه كل يومين تبكي مشتاقه ليك
_اخد ليهو ضحكه ودموعو بدن يرقرن ياها تومتو البتشبهو .
قعد معاهم واتونس معاهم لحد ما مشن قبل عليها بي ضحكه كدا
_غايتو ما شاء الله وقت مصاحبه ليك نجفات زي ديل مالك ما بتعزمينا جامعه
_ههههه ما عرفتك يا ود برلوم من متين بتعاين للبنات انت
_اها شوفي حركات ناس الخرطوم دي ما بتنفع خلاس مشيتي سنه تانيه دايره تعملي لي فيها ولا اينشتاين
_ههههه اصلا اينشتاين بس الدنيا بت كلب ساي
_ اها هوي انا مسافر البلد تمشي معاي ولا عندك حاجه
_يا ود ارح ساي  ما دايرني احصل الكرامه يا معفن ماشه ماشه .
وصل البت قابل اخواتو والفرحه ما سايعه البيت مشي غرفه امو ووقف قدام صوره امو وابوهو الحافظه في راسو سنين وعمرو ما حينساها وقعد يبكي بعد شويتين سمع اختو بتكورك عمر عمر .......