شماعة الظروف

الجزء الثاني

الحلقه التانيه:
_لانو الزول وقت ينادوهو بي ابوهو بعظموهو وانا ابوي لحد ما مات مات عظيم ولو سالت اي زول في البلد بقول ليك كدا لكن امي دي زوله عظيمه شديد لكن عشان مستوره مافي زول بجيب خبرها انا امي دي بفتخر بيها قدام اي زول وبفرح شديد لمن ينادوني بيها .
_اي كلنا بنفرح بي اماتنا لكن اشمعنا يعني انت شايفها عظيمه كدا
_والله يا شاب لو وصفت ليك لي بكره ما حاديها حقها عشان كدا كفايه الناس تعرف انها عظيمه وكان الله جمعنا تاني بحكي ليك عنها .
_تمام ان شاء الله لي بكره .
_دقيقه ما وريتني اسم الكريم منو
_محمود حسن التجاني بقرا في جامعه الخرطوم هندسه نفط اول سنه ساكن المنشيه
_لالا اتشرفنا عمر ابراهيم الاحمدي
_تمام يا عمر لي بكره .
اتفارقو واي زول اتوكل علي دربو ، وعمر صلي وجاء للورشه وبدا يشتغل لحد قريب الصبح حتي خلص وجسمو فتران روحو طالعه لكن ما قادر ينوم وراجي متين محمود يجي عشان ما يلقاهو نايم لانو وعدو يستناهو المهم استني زمن وقت اتاخر فتح العربيه ورقد جواها .
_ما نام ليهو دقائق محمود جاء
_معليش يااخ اتاخرت عليك استنيت السواق يودي اخواني المدرسه ويجي يجيبني هنا ما بريد زحمه المواصلات دي شكلك تعبان ما نمت ولا شنو
_والله ما لحقت انوم ياداب من خلصت المهم هدي عربيتك جاهزه وان شاء الله تاني ما بتجيها حاجه وكان جاتا رقم حاج بكري عندك اتصل علي وانا بجيك في محلك باذن الله
_لالا تسلم يا عمر يااخ ومعليش اتعبتك معاي
_لالا مافي تعب والله ماياها شغلتنا
_تسلم لكن قبل امش انت يا عمر شغال هنا طوالي ولا اجازات ولا شنو
_لالا طوالي ليه مالك
_لالا ساي قلت اسالك بتقرا وين
_والله للاسف ما كملتها لحد السنه الفاتت كنت بقرا وقت وصلت تالته ما قدرت اق ا واشتغل سواء فخليتها وبقيت زول معيشه .
يا زول ربنا يوفقك ويسهل عليك دنيتك ان شاء الله
وكان احتجت اي حاجه سجل رقمي دا وان شاء الله بتلقاني .
((عمر مشي بي فترو داك قفل الورشه وطوالي علي دكان حاج بكري المكان الببيت فيهو وبحرسو ليهو بالليل ))
_يا حاج انا تعبان والله من امس ما نمت كان جاك اي زول قوليهو تعال العصر الزول دا ماف لانو كان قلت نايم بصحوني وما بقدر احرج لي زول
_تمام يا ولدي امش نوم نوم العافيه ان شاء الله
((عمر نام بي فترو داك ما صحي الا المغرب صحي ولسه فتران لقي حاج بكري مشي صلاه المغرب ومافي غير الحبشي الشغال معاهو ))
داير يطلع كدا الحبشي كورك ليهو
_حاج بكري قال(( انت صحي ما تمش محل هو عندو حاجه يقول ))
_ههههه تمام يا زول هادي ضحكه
●شويتين كدا حاج بكري جاء لكن وشو ما علي طبيعتو كانو في حاجه ما ياها
_مالك يا حاج في شنو ؟؟
_ والله يا ولدي ...........