- هل لنا ان نتقابل يومًا ؟؟!!!!
= ولكننا تقابلنا
- نتقابل يومًا غير اليوم بظروفٍ غير تلك
وحياة غير الحياة .....
****
كان يجلس بمنزله كالمعتاد حتى اتصل به احدهم
يوسف : ايوه يا وائل
وائل : تعالى مكتبي عاوزك
يوسف : طب لما تيجي البيت عشان انا مخنوق ومش قادر اتحرك
وائل : الموضوع بخصوص لارا
يوسف بفزع : لارا !!! استنى عندك انا جايلك حالاً
لم تمر نصف ساعة وكان يوسف جالسًا امام اخيه في مكتبه
يوسف : ايه يا وائل في جديد ؟!
وائل : ايوه انا عاوزك تهدى خاالص وتسمع ده
اخرج وائل هاتفه و اشغله ليسمع يوسف الآتي
....... متحدث : توفيق انا مش هينفع استني اكتر من كده البنت بتروح مني .... مين عارف الحيوان ده عمل فيها ايه
متحدث آخر : طب اهدى دلوقتي يا امجد وهجيلك نكمل كلام في المكتب ونشوف هنعمل ايه .......
يوسف بصدمه : ده امجد ابو لارا ؟!!!!
وائل : ايوه واللي بيتكلم معاه ده توفيق اللي عرفته انه شريكه في مجموعة الشركات بتاعته وهو ده اكتر حد امجد بيتواصل معاه
يوسف : بس ..... بس المكالمه دي كده معناها ايه ؟! لارا اتخطفت ؟؟!!!!!!!!
وائل : للاسف مفيش احتمال إلا كده ده بالاضافة إلى ان الخاطف تواصل مع امجد بس واضح انهم موصلوش لحل
يوسف : يعني ايه موصلوش لحل ؟؟؟! امجد راجل غني جدًا واكيد عنده بنته اغلى من فلوس الدنيا كلها
وائل : اللي انا استنتجته ان الخاطف مطلبش من امجد فلوس
يوسف : يعني ايه ممكن يكون طلب ايه ؟!
وائل : مش عارف بس ده يعرفنا حاجة مهمه جدًا ....... ان الخاطف ده يعرف امجد كويس اوووي وعملية الخطف كانت متخطط لها كويس من قبلها
يوسف بتوتر : انت قصدك ان اللي خطف لارا خطفها عشان ينتقم من امجد الراوي
وائل : مش متاكد بس ده احتمال كبير
يوسف : طب ليه ؟! مين هيعمل كده ؟؟؟!!!
وائل : امجد الراوي ده شخص له اسم كبير في السوق واكيد له اعداء في كل مكان
يوسف : طب احنا هنعمل ايه ؟؟!! هنقعد كده نتفرج عليه وهو مش عارف ينقذ لارا
وائل : للاسف مفيش في ايدينا حاجة الموضوع كله في ايد امجد الراوي .......
*** في منزل ادهم
ادهم بعد اخذ نفس عميق : هو ده كل اللي حصل
أنت تقرأ
نبض ميت
Mistério / Suspenseقلوبنا ماهى إلا مزيج من المشاعر : الحب ، الكره ، الخوف ، الإطمئنان ، القسوه ، الحنان ، اليأس ، الأمل وغيرها من المشاعر المتناقضة التى نملكها جميعها ولا نتحكم بها...لكن الظروف والمواقف تفعل! لذا لا تحكم عليَّ بالسوء فأنا من قست عليه الحياة فاضطر...
