في ذاتي سجن الحبيب و غياب الأم( بالهجة الجزائرية)

الحلقات 10.11.12.13

الحلقة 10
*غدوا مدك وجدنا روحنا و خرجنا نروحو لمسيد.
مروة:شوفي نوال أقعدي عاقلة و سنيني حتى نخرج من ليسي نجوز ليك.
نوال:أوكي متنساينيش برك فهمتي
مروة:بيان سور
نوال:أيا باي شيرات هههه(wink)

*وحنا كملنا طريقنا لليسي.
سرين:اسمعي أنا ليوم منجيش نفطر في الدار
مروة:وين بيها يا عمري هههه (laugh)
سرين:نفطر مع رشا و سرين
مروة:أوكي بلاكي على روحك مون بب (happycry)
سرين:جايحة و الله (laugh)

*حتا نشوف رشا جاية ليا.
رشا:واش سرين ؟؟مروة صافا؟؟
مروة:بيان أنا نخليكم نروح رشا اتهلاي فيها
سرين:باي
رشا:أوكي باي.
سرين:اسمعي راني قلت مروة بلي نفطر معك نتي و منال
رشا:علاه يا مدموزال؟؟!
سرين:توحشت رسيم نروح نشوفو علبالي اليوم ميجيش نفطر معاه
رشا:ايه فهمت(laugh)
سرين:واش فهمتي نروح نفطر معاه برك (huh)
رشا:أيا ندخلو و الله غير يحوزنا الأستاذ
الحلقة 11😘
*بابا(مهدي)كي العادة راح لخدمتو في حانوت تع الباتيسري و بدأ الخدمة؛حتى جاءه واحد صاحبو يسقسي عليه اسموه ردوان.
ردوان:أهلا خويا مهدي كي راك ؟؟
مهدي:حمد لله و الله رحمة ربي و نتا عندي شحال مشفتكش.
ردوان:راك تعرف الخدمة سيرتو راني مدير تع شركة تع الياوورت مكاش كيفاه نخلي الخدمة.
مهدي:الله يبارك تسما وليت مدير؟؟!
ردوان:ايه يعني واحد صاحبي خلاني أنا نتهلا في شركة.
مهدي:مليح.
ردوان:ونتا و البنات و مرتك راكم ملاح ؟؟
مهدي:لباس بصح راك عارف نورمالمو مرتي ماتت هدو 11 سنة.
ردوان:والله معلبالي راك تعرف ماكونتش ساكن هنا من قبل هدو 3سنين ملي جيت لهنا. و كيفاه هدا؟؟
مهدي:حادث عمل راك تعرف كانت مهندسة مباني.
ردوان:ونتا معودتش زواج ؟؟
مهدي:والله مقدرت بعد موتها يا خويا
ردوان:ربي معاك. بصح استنا على12نجوز ليك نفطرو كيفكيف.
مهدي:منقدرش يا خويا لازم نفطر مع البنات
ردوان:عندي حاجة مهمة نقولهالك تعيش خويا قول ايه
مهدي:أيا خلاص على 12 إيملا.

الحلقة 12
*حنا كي العادة خرجنا من لمسيد حتى ندور نلقا مروة تعيطلي باينة راحا تبدأ في الوصايا ههههه(wink)(yummi)

مروة:ديجا قلعتي!!!اصبري
سرين:واش دوك نسناو منال و نرحو
رشا:متقلقيش راهي معيا 😉
مروة:ايه نعرفكوم نتوما زوج متفهمين على الخرطي (eek)
رشا:خسارة عليك مروة راهي كي ختي
مروة:أيا نروح نشوف نوال؛ونتي بلاكي زغيد بزاف و القباحة (mischievous)فهمتي
سرين:أوكي روحي دوك ههههه(laugh)
مروة:راني رايحة باي
رشا:باي
سرين:مرسي(moa)رشا نتي عمري
رشا:روحي دوك مطوليش برك
سرين:أوكي لعشية إن شاء لله .
*راكم تعرفو ديراكت رفدت تيليفوني نعيط لرسيم.
سرين:ألو رسيم وين راك ؟؟
رسيم:راني راقد
سرين:كيفاه راك راقد!!!مهبول نتا ياك صباح بعتلك ميساج و قتلك نفطرو كيفكيف
رسيم:الله غالب مقدرتش نوض؛خليني نرقد دوك
سرين:اسمع دوك جيء علجالك مرحتش نفطر في الدار.
رسيم:يا سرين ماشي أنا لي قوتلك ماتفطريش في الدار يرحم باباك خليني نرقد.
سرين:علاه ديريلي هكا أنا ندير كلش علجالك و نتا والوا؛فهمني علاه
*وأنا نبكي بشهقة (crying).
رسيم:حبسي سرين؛عندي بزاف مشاكل و ماني حامل حتى واحد
سرين:حتا أنا مراكش حاملني هكا و الله ماراني مصدقة.
رسيم:خلاص خلاص لازم نحبسو هكا منزيدش نعذبك.
سرين: هههههه هدا واش راك حاب بعد عام و نصف جاتك ساهلة تقولهالي؛أنا نخليك باي.
*والله معرفت كيفاه كوبيت و طفيت تيليفون و مشيت نبكي لدار.

الحلقة13😘
*دوك نولي لبابا(مهدي)جاه صاحبو ردوان و راحو يفطرو كيفكيف في رستورون.
مهدي:ايه إيمل ردوان خويا لباس ؟؟
ردوان:وي؛اليوم راهي عليا خير  واش تحب تأكل و المرة الجاية نتا تعرضني .
مهدي:و الله ماشي خسارة في خويا.
ردوان:إيمل قوتلي مرتك ماتت عندها 11 سنة ؟!
مهدي:إيه 11سنة بصح علاه راك غير تسقسي عليها؟؟
ردوان:خويا مهدي علبالك وخير مني بلي مرتك مازالها عايشة؛علاه راك تكذب على بناتك ؟؟
مهدي:شوف خويا ردوان نعزك بزاف بصح مرتي ماتت و خلاص هد شيء مايهمكش(mad)

ردوان:هدء روحك خويا لعزيز ،هي بعتتني عندك مراهيش حابة تصدم لبنات بسك أنا خدمة مع مرتك، و تعرفني صاحبك بعتتني نقولك،راهي حابة تشوفهم.
مهدي:هههه (what)كيفاه حابة تشوفهم ،مرتي ماتت هدا شحال و في قلبي راهي ميتة (heart_break)،معندها حتى بنات الإنسان لي يخلي بناتو صغار و ماحبش يتحمل مسؤولييتهم مكلاه يحوس عليهم.
ردوان:بصح من حقهم يعرفو الحقيقة خويا مهدي.
مهدي:نخليك لازم نولي للخدمة ،أتهلا.

اتفاعلوا هيا شويا حركة ،راهي بدات تحلى هههه😱😱تفاعلو تعيشو