الحلقة 14
*مروة خرجت من ليسي و حتا تجيء ليها رشا.
رشا:سرين علاه مجاتش لليسي لعشية ؟؟
مروة:ياك راحت تفطر معاكم ؟!و كيفاه ماجتش ؟!
منال:هي صح جات فطرت معنا و قتلنا نجوز لدار تبدل حوايج.
مروة:اووووو و كيفاه مجاتش ؟!
رشا:مانش عرفين !!عليها سقسيناك
مروة:دوك نروح لدار.
*ومروة راحت تجري لسيام جابت نوال و جاءت لدار لقتني مرمي في شمبرا و يدي كامل معمرين بدم.
مروة:سرين ،سرين حنونة،نوال عيطيي البابا خافي عيطيلو
نوال:أااااا واش هد دم يا ربي
مروة:خافي قتلك عيطي البابا
*ختي نوال من الخلعة معرفتش تشد تيليفون و عيطت لبابا.،10 دقايق ممبعد بابا وصل.
مهدي:وشبيها ،وشبيها هكا ؟؟؟!
نوال:والله منعرفو يا بابا.
مهدي:نروح نجيب سيارة و نجي أوكي.
*هبطني بابا للسيارة و راح يجري بيا لسبيطار و مع خواتاتي ،دخلوني الأطباء لداخل و بابا بقاء غير يتبع بعينيه ،بعد 20 دقيقة بابا راح يشوف طبيبة.
مهدي:ياك راهي مليحة ؟؟
طبيبة:فقدت دم بزاف رهي قريب قطعت الشرايين توعها
مهدي:شرايين كيفاه؟؟
طبيبة:بنتك حولت تنتحر موسيو.
مهدي:بص حح كي فاه
طبيبة:الحمد الله سلكنها راح تولي بخير
*طبيبة راحت و بابا غايس في تفكيرو.
مروة:بابا سرين راهي مليحة ؟؟؟
مهدي:حمد لله سلكت
نوال:أوه حمد لله خفت عليها
مروة:ياربي حمد لله حمد لله ختي سلكت
مهدي:تقدرو تقولولي علاه ختكم مراحتش تقرا لعشية ؟؟؟!
مروة:كانت عيانة شوية ،الحمى بابا
مهدي:أنا نخرج ندور شويا و نولي عيطولي كشما كاين
مروة:أوكي بابا
الحلقة15
*بعد مدة عود جاء بابا و في يدو دخان و الله مروة بقات حال فمها بابا لي جامي دنا لدخان رافد قارو و كي شاف مروة تخزر فيه رماه في الارض و دخل لسبيطار.
مهدي:واش البنات ياك مكان والوا ؟
مروة:لالا بابا مكان والوا برك نوال نعست رقدت في الكرسي.
مهدي:علبالي جيتو من لمسيد و عيتو ،هييا نرحو لدار و نرجعو غدوا إن شاء لله نلقاوها فطنت .
مروة:أوكي بابا دوك نوض نوال.
مهدي: ايه روحي نوضيها.
مروة:نوال نوضي ختي نروحو لدار.
نوال:وسرين فطنت ؟؟!
مروة:مزال غدوا إنشاء الله نلقاوها فطنت هيا حنونة بابا راهو يستنا.
نوال:أوكي.
*روحنا لدار و غدوا مندك نوضنا صباح بكري باش نشوفو سرين.
مهدي:البنات نتوما جوزو لسبيطار و أنا نروح للخدمة نقول لعمار بلي منجيش اليوم.
مروة:علاه بابا!أنا نبقى مع سرين و نتا روح تخدم عادي!!
مهدي:لا اليوم بالأخص ختكم إنشاء الله تفطن و تلقاني معها فهمتو.
مروة:أوكي بابا كيما تحب؛دوك أنا و نوال نروحو لسبيطار.
مهدي:أوكي أيا ممبعد.
*البنات مساكن لبسوا قشهم كي المهبولات و جاو يجرو لسبيطار.
مروة:واش ختي فطنت؛ياك لي جبنها البارح!!!
الممرضة:إيه فطنت و لباس عليها روحو تشوفوها.
*(مروة تحكي)والله أنا محسيت حتا نوال جات تجري ورايا من كثرة خفنا على سرين.
مروة:أوووف حمد لله سلامة سرين ياك صافا؟ ؟؟
نوال:ختي لعزيزة ياك رتحتي؟
سرين:راني صافا وراه بابا ؟؟؟
*و الله أنا كي ماشفتش بابا قلت خلاص زعف مني و كرهني كي عرفني حاب ننتحر قلبي والله بدأ يدق وحدو (heart).
مروة:راهو راح يهدر مع عمار بسك اليوم ماحش يخدم حاب يبقى معك.
*حمد لله (eek)هنا ارتحت و عرفت بلي بابا مزعفش مني أوووف حمد لله.
نوال:ماتخميش ختي دوك يجيء.
سرين:و نتوما مروحتوش تقراو ؟؟؟
مروة:نتي في هدي الحالة و حنا نقراو (yo)لالا ختنا شابة قبل كلش .
سرين:ربي يحفظك عمري.
الحلقة 16
نوال:حمد لله فطنتي ووليتلنا و الله بلا بك شمبرا صامطة
سرين:صغيرونة تاعي و الله نولي و نهبلك ههه.
نوال:معليش المهم تهبلنا و ديرلنا الفوضى تاعك ههههه(laugh).
سرين:راكي شاهدة مروة ندير كيما نحب الفوضى (wink).
مروة:معليش حبيبة. ،نوال تعيشي هاكي جيبلي هداك jus تع الحليب و شكولاطة و زيديلي كرواسون.
نوال:أوكي دوك نولي (wink).
*من خرجت نوال بقات معاي مروة عرفتها تقولي بزاف حاجات هههه تقول تحقيق تع لبوليس (yummi).
مروة:واش راكي تحسي؟ دوك صافا
سرين:وي حمد لله.
مروة:هد شيء لي صرا كامل علجالو ياك ؟!!!
سرين:كيفاه؟؟؟شكون!!!
مروة:رسيم علبالك معلباليش ليسي كامل عارف بعلاقتكم و أنا ختك حبتيني منعرفش.
سرين:واش وقيل رشا....
مروة:بلا متكملي الهدرة رشا مقاتلي والوا علبالي هدا عام و نصف و نتي معاه و الخطرة لي فاتت مروحتيش تفطري مع البنات روحتي تشوفيه ،علاه خبيتي عليا ؟؟؟
سرين:بصح واش راكي تقولي!!
مروة:تعيشي حنونة راني ختك متكدبيش عليا و الله سرك في بئر.
سرين:إيه علجالو و خليني منو محبيتش نقولك بسك خفت تقولي لبابا.
مروة:وعفسة كيما هدي نقول لبابا نتي مهبولة.
سرين:ايه خفت هدا مكان
مروة:خلاص كي تبراي نهدرو ،ارتاحي دوك.
*و دخلت نوال معها بابا.
الحلقة 17
مهدي:يابنتي حمد لله فطنتي وليتي بخير حبتي تخلي باباك محروق عليك!!!
سرين:مرسي بابا (depressed)
مهدي:خلاص بنتي متقلقيش روحك رانا كامل معك
سرين:راك مليح بابا ؟؟
مهدي:كلش مليح غير انتي هي صح دوك لازم نتهلاو فيك.
مروة:وي سرين نتي هيا صح دوك.
مهدي:راكي مليحة دوك؟؟
سرين:والله خير من لي كنت.
مهدي:مليح ،البنات روحو تقراو راني معاها.
مروة:بابا و نخلوكم وحدكم نخاف كشما تسحقو و متلقاونيش.
مهدي:مانسحقو والو روحي ادي ختك و روحي تقراي فهمتو.
مروة:أوكي بابا
نوال:باي سرين ممبعد نولو
سرين:باي
*البنات خرجو و شحال كنت خايفة(surprised) بابا يسقسني على الانتحار لي حاولت نديرو و الله قلبي خرج من مكانو إحساس خوف.
مهدي:متقلقيش روحك ارتاحي و إنشاء الله تبراي و تولي لقرايتك شطورة تع بنتي
سرين:إن شاء لله بابا.
مهدي:دوك لازم تأكلي شويا راني جبتلك تفاح لي تحبيه و ياوورت بلفاكيا لي تبغيها أوكي.
سرين:مرسي بزاف بابا (smiley).
تفاعل يا الله ليكيب مازال لخير للقدام (wink)(yummi)
أنت تقرأ
في ذاتي سجن الحبيب و غياب الأم( بالهجة الجزائرية)
Roman d'amourقصة عشق إشتياق خيانة حب و حزن و فراق الأهل
