في ذاتي سجن الحبيب و غياب الأم( بالهجة الجزائرية)

الحلقات 65\66\67\68

الحلقة 65
*طيبنا أنا و مروة لقاطو و في دقيقة لي كملنا بابا دق الباب؛أنا تخبيت في الكوزينة و مروة راحت تحل الباب.
مروة:أهلا بابا صفا
مهدي:بيان دوك خلي نعمة ترتاح بسك ضغط هبطلها و دي معك قمر لبيتك.
مروة:بابا فطرتو ؟
مهدي:وي فطرنا مرسي عليك بنتي.
نعمة:سمحولي أنا نروح لبيتي.
مهدي:روحي تريحي قمر راهي مع مروة.
*خرجت من الكوزينة و جبت في يدي القاطو ندير سوربريز البابا.
سرين:أهلا بابا توحشتك بزاف.
مهدي:سرين!!!!كيفاه هدا من خرجتي ههههه.
سرين :اليوم صباح جيت و ملقيتكومش بصح توحشتكم.
مهدي:حتا أنا توحشتك لعزيزة علاه معيطيليش نجي للمطار ؟
سرين:محبيتش نقلقك بابا بصح توحشتكم و جيت نشوفكم وين راهي طاطا "نعمة".؟
مهدي:نعمة راحت لبيتها راهي عيانة من الحمل عندها 3 شهور و هي حامل.
سرين:مبروك بابا يا الله ذوق القاطو راني درتو علجالك.
مروة:حتا أنا عاونتها هههه.
قمر:سرين توحشناك
سرين:يا قلبي صغيرة حتا أنا توحشتك و جبتلك دمية شابة كي نتي.
قمر:مرسي سرين نتي نحبك.
مهدي:شوفي نتي برك تحبك ههههه.
مروة:وي شفتوها هههه.
مهدي:يعطيكوم صحة البنات القاطو روعة.
سرين:بلا مزية بابا المهم عجبك.
مهدي:في هدي عجبني تعرفيلها.
مروة:سمحولي أنا نروح نشوف طاطا "نعمة ".
سرين:معليش روحي دوك نلحقك.
○○○○○○○○○○○○○○○○○
مروة:واش صفا طاطا ؟
نعمة:بيان واش جات ختك ؟
مروة:وي علاه مراكيش حابة تشوفيها ،؛واش خفتي تفيقلك و تعود البابا.
نعمة:وشبيك مروة تهدي فيا ؟
مروة:لا قولي شكون هديك المرأة لي قولتيلها الأمور راهي تمشي 100%عند مهدي و بنتو و عن قريب كلش يبان.
نعمة:وشبيك تشكي فيا هديك ختي و تسقسي عليكم برك.
مروة:و هديك الكلمة كلش يبان واش معناها؟
*في هد دقيقة دخلت لبيت طاطا "نعمة"وسمعت أخر كلمة قلتها مروة.
الحلقة66
سرين:واش راكي طاطا "نعمة "؟
نعمة:مليحة بنتي ونتي ؟
سرين:بيان راكي حامل ؟
نعمة:وي هدي 3 شهور.
سرين:مبروك و كيفاه تحسي روحك ؟
نعمة:صفا و نتي علاه متقوليش راكي جاية كونا نوجدولك مأكلة بطبع.
سرين:معليش ديجا نتي لازم تريحي.
نعمة:مرسي حنونة.
سرين:هاكي جبتلك بارفن إنشاء الله يعجبك.
نعمة:مرسي بزاف هايل.
سرين:أنا نخليك تريحي أومبعد هيا مروة.
مروة:أوكي ممبعد طاطا.
*خرجنا من بيت نعمة و ديت مروة معيا لشمبرة.
سرين:فهميني وشبيك مع نعمة؟
مروة:والوا علاه ؟
سرين :سمعتك تقوليلها قوليلي وشنو هدا كلش يبان.
مروة:والوا كنا نهدرو على البيبي كاش نسموه و ممبعد قلنا كلش يبان.
سرين:اسمعي متحشيهاليش ليا فهمتي واش كاين ؟
مروة:حبيتي تفهمي؛صافي سمانة ليفاتت لقيت نعمة تهدر مع واحدة في تليفون و تقولها الأمور راهي تمشي 100%عند مهدي و بنتو و عن قريب كلش يبان فهمتي.
سرين:هدا واش سمعتي ؟
مروة:وي تقلقت و حبيت نفهم و هي راهي تتهرب.
سرين:خليني دوك أنا ندبر راسي واش هد الهدرة بفففف كنت خايفة من المشاكل و راها بدأت.
مروة:متقلقيش و الله دبر راسها لازم تحكي.
سرين:بيان سور بصح بلعقل راهي حامل.
مروة:مدخلنيش واش حابة ديرلنا مشاكل(mad).
سرين:ختي بلعقل تعيشي.
مروة:أوكي.
سرين:ملازمش تتسرعي راكي تعرفي بابا يتقلق و بلعقل برك نفهمو كلش.
مروة:يا ربي راني خايفة درت غلطة كي قبلت بزواج هدا.
سرين:خلاص كلش يتصلح بلعقل.
مروة:إنشاء الله.
(moa)(moa)(moa)(moa)(heart)(heart)(heart)

الحلقة 67
*جازت سمانة و أنا نخمم في كلام مروة و نتردد باش نروح نهدر مع طاطا "نعمة "بصح خلاص اليوم قررت باش نفهم واش كاين؛ايه روحت ليها للصالون وقررت نكلمها في الموضوع.
سرين:طاطا نعمة حاب نتكلم معك.
نعمة:خير بنتي كاشما تحتاجي ؟
سرين:وي حاجة راهي مقلقتنا أنا و مروة.
نعمة:خير؟؟؟؟
سرين:شكون لمرى لي كونتي تهدري معها نهار قوتيلها الأمور راهي تمشي 100%عند مهدي و بنتو و عن قريب كلش يبان.؟؟
نعمة:ختك موسوسة كنت نهدر مع ختي سقستني عليكم.
سرين:لا و ختك تقوليلها عن قريب كلش يبان ماشي نورمال طاطا.
نعمة:راكوم شاكين فيا وشبيكم فوق هد شيء منقبلش.
سرين:و حنا من حقنا نعرفو واش راكي تخططي ورانا.
نعمة:مراني نخطط لوالو فهمتي و مدبيكم احترموا حدودكم.
سرين:ههههه اسمحيلي طاطا بصح هدي دارنا و بابانا منحبلو غير الخير.
نعمة:أنا نروح مدبيا منسمعش هد الهدرة تعيشي.
سرين:لا مراحش نحبس هنا حتى نعرف الحقيقة أوكي طاطا.
نعمة:أنتي و ختك راكم موسوسين هدا مكان و عليها مراحش نلومكم أنا نروح للكوزينة  .
□□□□□□□□□□□■□■■□
*طاطا "نعمة "كي كانت تهدر معيا عينيها معمرين بالكذب حسيت بلي أمر مهم راهي مخبيتو علينا راني خايفة كيفاه راح نتقبلو صدمة أخرى بعد موت نوال ،آه قلبي راه يوجع مسكين بابا منيش حابة يزيد يشوف الحزن هد زواج كنت قابل بيه بصح قلبي مكانش مهنيني ياربي و جعلها خير.
الحلقة 68
*لحق الوقت نرجع لباريس الخدمة تسنا فيا بصح في قلبي خوف كبير بسك يدرا ختي مروة واش راح يصرلها مع نعمة؛لحقت الباريس وكانت خدمة كبيرة تسنا فيا و صدفة جات لينا مدام سلوى.
سلوى:سرين توحشناك وين كنتي ؟
سرين:روحت نشوف فاميلتي في جزاير.
سلوى:راهم ملاح ؟
سرين:و الله حمد لله مرسي.
سلوى:جيت نشوفك اليوم نتي خاصة عندي موضوع نطرحهولك.
سرين:أنا؟؟؟؟
سلوى:وي موضوع حبيت نهدر معك.
سرين:أوكي ياك خير ؟!
سلوى:وي بيان سور.
سرين:وين بصح ؟
سلوى:نديك الغستوغون لي فطرنا فيه مرة لي فاتت راهو شوفور يسنا فينا .
*خرجنا أنا و مدام سلوى و خرج شوفور تع سيارة يحلنا الباب........😰😦ياه الصدفة مرانيش مأمنة هدا رسيم و لا شبيه ديالو لالالا هو وي هو ملامح تاعو كلش تاعو يا ربي كيفاه ندير هد الانسان مراحش يخرج من عقلي و راسي؛وقفت مجمدة نخزر فيه هدا حلم و لا كابوس.
سلوى:سرين سرين.
شوفور:تفضلي سرين ادخلي
سرين:وي مدام
سلوى:وشبيك حنونة قولي ؟؟؟
سرين :ولوا سمحيلي.
*دخلت في سيارة واحد البارفن كان فيه و الله غير ولا كلاس سيد ولا حاجة تووب؛لحقنا لغستوغون و دخلنا نفطرو.
سلوى:وشبيك راكي تبني مقلقة من حاجة قلقك شوفور؟
سرين :لا راني شويا عيانة البارح لحقت من سافر.
سلوى:أه معليش كيما قتلك عندي موضوع حبيت نهدر معك.
سرين:نعم تفضلي مدام.
سلوى:أفكارك هايلة سرين و حابة تولي تسيري شركة تاعي و نديرك نتي المديرة و أنا نراقب من بعيد واش رايك ؟؟؟
سرين:مدام مرسي على ثقة تاعك بصح معليش نخمم و نجاوبك.
سلوى:خذي راحتك نتمنى تعطيني جواب إيجابي بسك واحدة كيما نتي راكي في القمة.
سرين:مرسي مدام درتي جاست شباب .
سلوى:دوغيا عجبتك المأكلة ؟؟؟
سرين:وي مرسي بنين بزاف.
*خرجنا و بقيت غير نشوف في شوفور نقصد رسيم كاش هدر معيا ببرودة بصح الله يبارك زيان بزاف ؛و الله ليلة كامل مقدرتش نرقد كيفاه يعني هد الحب راح يبقى حي على طول و هدا الألم مراحش يخلاص