في ذاتي سجن الحبيب و غياب الأم( بالهجة الجزائرية)

الحلقات 28\29\30\31\32\33

الحلقة28
*ايه لحقت عند عمتي أنا و بابا و الله غير ستقبلتنا بترحيب كبير عندها.
فراح:مرحبا بكم و الله نورتونا راك تعرف بعد موت ستيفان(راجلها من أصول بلجيكيا )دار فرغت و نتوما عمرتوها علينا.
مهدي:مرسي ختي وين راهو سلفستر  ؟؟؟
فراح:راك تعرف خدام في شركة لي خلاهالو باباه الله يرحمو و الله منشوفو حتى ليل،و نتي سرين كيف حوالك؟؟؟
سرين:لباس عمتو فرحت كي جيت شفتك.
فراح:حتى نتي يا بنتي نورتي دار و الله هدو عامين مشفتكش كبرتي و زينتي الله يبارك.
سرين:الله يعطيك صحة مرسي (shy).
فراح:هيا نديك لشمبرتك و رتحي ياك حنونة.
سرين:مرسي عمتو مرسي بزاف (heart).
فراح:بلا مزية بنتي يا الله ارتحي.
*عمتو فراح أعطاتني واحد شمبرة تهبل (inlove)تقول طالت على قلبي مريحة و شابة بزاف ،المهم راحت تقصر شويا مع بابا في صالون.
فراح:و الله تقلقت كي قوتلي راح دير عملية جراحية (sad).
مهدي:متخافيش ختي قالي طبيب خفيفة مقدرتش ديرها في جزاير بسك مكاش أطباء يديروها.
فراح:مسكينة و أنا راني نخمم على قرايتها كيفاه؟ ؟؟
مهدي:هدرت مع المدير و فهم الوضعية تاعها و بإذن الله تعود تولي تقرا نورمال.
فراح:مليح هكا مضيعش المستقبل تاعها.

الحلقة 29
*في ليل قعدنا في طابلة نتعاشو حتى دخل علينا سلفستر وليد عمتو فراح داخل علينا غير بالفرونسي (yummi) .
سلفستر:bonsoir,oh oncle mehdi cv???c est toi nessrin!!!je me t roppe pas. /(هدي ترجمة:مساء الخير إوه خالي صافا؟ونتي سرين ياك مانيش غالط )
سرين:oui c est moi hhhhh cv(وي أنا هي ههههه صافا ؟؟)
سلفستر:b1 tu as trop change à vrai dire tu es belle (yummi).
*بابا ديراكت قاطعو في الهدرة ههههه.
مهدي:alors cv mon fils.
سلفستر:oui alors tu fais toujours la bonne pâtisserie???hhh.
مهدي:toujours je vais vous préparer de mes pâtisserie je te promais.
سلفتر:je vais l attendre avec impatience.
*علبالي راكم تحوسو تفهمو كيفاه داير هدا سيلفستر ههههه (laugh)(yummi)و الله هو شباب سمر و عينيه زروقا يلمعو واحد الزين بصح منكدبش عليكم رسيم مازالو في راسي صعيب باش ننساه،يومين فاتو و لحق وقت العملية.
مهدي:متخافيش سرين والوا غير عملية خفيفة و تسلكي.
سرين:ادعيلي بابا و إنشاء الله نسلك.
فراح:متخافيش بنتي دوك تشوفي تولي خير ملي كنتي.
سرين:مرسي عمتو مرسي بزاف.
مهدي:متخافيش كلش يفوت بخير.
*و دخلت للبلوك ندعي ربي نسلك على خير و نولي نشوف نوال بسك كلمها قلقني قبل ما نروح.

الحلقة 30
*بعد ساعتين خرجت من للبلوك كنت كامل مدوخا منعقل على حتا واحد بصح حمد لله سلكت على خير لقيت بابا و عمتي قدامي وليد عمتي 《سيلفستر》.
فراح:حمد لله سلكتي حنونة .
*مقدرتش نهدر زغت برك راسي.
مهدي:متعييش روحك لعزيزة حمد لله سلامات.
سيلفيستر(بالفرنسية يتكلم):و الله خفنا عليك أنا في الخدمة و نخمم عليك(وشدلي يديا)راني فرحان لي سلكتي بخير .
مهدي:حمد لله كلش راهو بخير.
*بعدها جات ممرضة.
ممرضة(بالفرنسية ):خلاصت وقت لفيزيت غدوا تقدرو تجو تشوفوها.
فراح:أوكي مدام غدوا نولو ،سرين بلعقل حنونة غدوا نولو.
مهدي:بنتي صباح ربي نكون عندك متخافيش.
*زغت راسي بإشارة نعم و غمضت عينيا،أووف حمد لله وليت لحياة بخير و راح نولي بقوة بربي.