في ذاتي سجن الحبيب و غياب الأم( بالهجة الجزائرية)

💕😍النهاية😍💕

الحلقة 78 و الأخيرة
*فاتو ربعة سنين الدار ظلمة بلا بابا و الحمد لله اليوم يخرج من الحبس ؛هدو ربع سنين كامل عاد في عمري 24 سنة كبرت و كبرو همومي بصح راني مأمنة يجي الوقت وربي يخرجنا على خير؛اليوم أكبر يوم وجدنا العشاء أنا ومروة و روحنا نسناو بابا.
سرين و مروة(جرينا ليه ):الحمد لله على سلامتك بابا.
مهدي:الله يسلمكم راكم ملاح توحشتكم.
سرين:يا بابا دار ظلام بلا بيك توحشناك.
مروة:والله صح ظلام بلا بيك حمد لله رجعتلنا.
مهدي:الله يحفظكم يا بناتي.
سرين:بابا دار رجعنها قصر دوك يعجبك و درنالك عشاء فووور.
مهدي:مرسي عليكم شطرات.
*حمد لله (happy)بابا رجع و نتعشينا مع بعض كلينا قسرنا و رجعت الحيوية لدار الحمد لله راني فرحانة بصح بقات حاجة لازم نعيط الماما هدا واش قررنا أنا و مروة لازم نسامحوها؛كيما قتلكم عيطنلها و تلقينا في غستوغون نفطرو مع بعض.
سرين:سلوى حنا سمحناك و لي فات مات اليوم حمد لله بابا راهو معنا و نتي تانيك سمحناك.
سلوى:ونتي مروة مزالك زعفانة مني ؟
مروة:كيما قاتلك سرين سماحنك و راكي مامنا قبل كلش.
سلوى:ربي يحفظكم فرحت بزاف و الله فرحت أرواحو نعنقكم و من اليوم تعيشو عيطولي ماما.
*ماما عنقتنا إحساس غريب حنانة الأمومة ولات لينا بعد كامل هد العمر و الحمد لله هكا نتمنى نكملوا حياتنا في الهناء.
سرين:ماما نحبوك.
سلوى:وأنا أكثر يا حبيباتي.
مروة:نحبوك ماما سمحناك.
سلوى:تعيشيلي يا حنونة.

♡♡♡♡♡♡♡♡♡♡♡♡♡♡♡♡
*و ها جاء اليوم لي حبيبي رسيم جاء يخطبني من بابا ديك الفرحة وحدها حبيبي لي مكونتش ضانة يرجعلي جاء خطبني و بقا شهر ندير العرس.
رسيم:حبيبي راني فرحان راح تولي مرتي.
سرين:و نتا يا روحي راح تولي راجلي.
رسيم:أه عليك نحبك بزاااااااف.
سرين:نموت عليك يا عمري.
رسيم وسرين  💏💏💏💏.

☆☆☆☆☆☆☆☆♡♡♡♡♡♡♡♡
*جاز شهر درت عرس سمعو بيه كامل ناس عرضنا كامل لحباب و عيشنا نهاية سعيدة بعد كل العناء لي مرينا به ......سرين ورسيم 💑💑💑.

《نتمنى نالت إعجابكم ليكيب إلى كرونيك أخرى أحبابي 》😚😍😍😍