في ذاتي سجن الحبيب و غياب الأم( بالهجة الجزائرية)

💕الحلقات 73\74\75\76\77💕

الحلقة 73
*كي العادة لبست و خرجت للخدمة مع مدام سلوى بصح كلام رسيم محبش يخرج من رأسي حتى الخدمة و تلفتلي اليوم من كثرة أن كلام رسيم في بالي؛ايه نخدم حتى نسمع واحد خبطلي في الباب و يقول خلوني نشوف مدموازال "سرين "..... المفاجأة سيلفستر جاء يشوفني.
السكرتيرة(بالفرنسية):مدام دخل بالقوة سمحلي.
سرين:معليش دوغيا خلينا من فضلك.
سيلفستر:وين كنتي البارح أنا و ماما تقلقنا!!
سرين:عمتو راني بعتلها ميساج و نتا هد شيء ميهمكش.
سيلفستر:عندك الحق ميهمنيش بصح راح نقولك حاجة تهمك و نخليك نتي دبري راسك.
سرين:ههههه أوكي قول.
سيلفستر:واش حسبتلك مدام سلوى أعطتك بلاصت مديرة هكا برك.
سرين:منسمحلكش تهدر على مدام سلوى هكا فهمت.
سيلفستر:عندك الحق بصح مكاش لي يخلي شركة تاعو الواحد عرفو غير لمدة 6شهور.
سرين:واش راك تقصد ؟
سيلفستر:ماماك شحال عندها ملي ماتت ؟؟؟
سرين:واش دخلك في ماما(upset).
سيلفستر:حبيت نسقسيك ياك malgré أنا وليد عمتك.
سرين:ههههه جامي نتا شيطان و خبيث.
سيلفستر:المهم عندي ليك خبر مهم في موضوع ماماك.
سرين:نتا عندك خبر على موضوع ماما الله يرحمها هههههه.
سيلفستر:تفضلي أقراي الورقة هدي .
*لالالا ماما مامتش كيفاه ماما هي....... ؛نقرا في الورقة و من كثرت شوك دموع تبلوكاو وقلبي بقا غير يخبط رفدت صاكي و خرجت نجري نحوس على مدام سلوى؛حكمت تيليفون و بقيت نعيطلها.
سلوى:أنعم سرين.
سرين:وين راكي حبيت نشوفك دوك دوك.
سلوى:وشبيك سرين؟
سرين:أرواحي دوك نتلقاو في الحديقة لي قدام حانوت الصبابط.
سلوى:أوكي 10 دقايق نكون عندك.
*بقيت نسنا فيها يا ربي كيفاه ماما حية و عمرها محوست علينا و هي في كامل هد الخير و جامي جاءت تشوفنا و بابا علاه كذب علينا،أنا خلاص عاد مخي ميفكرش.
سلوى:وي سرين وشبيك هكا.
سرين:فهميني واش هد الورقة ؟
سلوى(بقات تشوف فيها و دموع طيحين على الورقة ):أأأ....شكون مدهالك ؟
سرين:جاوبيني صح واش فيها صح ؟
سلوى:سرين أنا ماماك بصح متفهمينيش غلط.
*أنا من الخلعة قعدت في الأرض و قلبي تزير.
سرين:واش ههههه تمسخري ياك!!!!!
سلوى:وي ماماك بصح متفهمينيش غلط بنتي علبالي تقولي وين كنت هدو عوام علبالي بصح نترجاك فهميني.
سرين:خلاص مدبيك لازم نروح عيييت.
*رفدت روحي و مشيت بزاف أفكار كانوا يدورو في راسي و الله معرفت وين نروح ولا واش ندير يا رب عاوني.

الحلقة74
*بقيت غير نمشي و منعرف وين نروح حتى نلقا طوموبيل تمشي من ورايا و تكلاكسونيلي؛ندور ونشوف رسيم يتبع فيا.
رسيم:سرين سرين اهدري.
*سرين(نشوف فيه وساكتة حتى نطيح في الأرض )،رسيم رفدني و داني لسبيطار وبقا معيا حتى فطنت نلقاه قدامي.
رسيم:صفا سرين؟
سرين:بيان وين راني؟
رسيم:بلعقل سرين طحتي جبتك لسبيطار ممم فهمتي متقلقيش روحك.
سرين:راني مليحة حابة نروح.
رسيم(شدلي يديا ):لالا عمري لازم تريحي روحك شويا.
سرين:رسيم مزالت تحبني.
رسيم(حط يديا في قلبو ):واش راكي تسمعي قلبي يخبط غير باسمك حبي نموت عليك.
سرين :(teary) فهمتك.
رسيم:أرتاحي دوك متخميش.
*خرجت من سبيطار و داني رسيم نسكن عندو مبيد نلقا دار و نحوس على خدمة بسك عمتي موليتش نروح عندها بعدما صرا شيء هداك مع سيلفستر .
رسيم:راكي مرتاح هنا ؟
سرين:وي مرسي لي جبتني لدارك و حليتلي بابها.
رسيم:وكيفاه!نخلي حبيبة قلبي برا نحبك سرين.
سرين:(shy)مرسي رسيم
رسيم:متقوليش مرسي قولي كلمة شابة عليها باش نعرف مازالك تحبيني.
سرين:نحبك وي نحبك(shy).
رسيم:عودي مسمعتش.
سرين:نحبك.
رسيم:يا قلبي شوفي لعشية نتعشاو مع بعض راني خارج مدام سلوى تحتاجني.
سرين(هبطت راسي ):أوكي.
رسيم:سمحيلي منزيدش نجبد هد الاسم قدامك أتهلاي في روحك.
سرين:معليش ممبعد.