في ذاتي سجن الحبيب و غياب الأم( بالهجة الجزائرية)

الحلقات 23\24\25\26\27

الحلقة 23
*ايه كيما قولتلكم غدوا من داك وليت لليسي و نشوف رشا تجري ليا.
رشا:حمد لله على السلامة حبيبة وين كنتي ؟جيت لداركم ملقيت حتا واحد أومبعد قلت سور وين روحتي مع باباك.
سرين:حكاية طويلة و الله رشا.
رشا:و ختك مروة محبتش تقولنا والوا قالتلنا برك راكي مريضة.
سرين:شوفي كي ندخلوا القسم نحكيلك كلش.
رشا:أوكي اصبري نسناو منال و ندخلو بعدا راهي جات شوفي كيفاه راهي تجري كي شافتك ههههع(laugh).
منال:حبيبة وين كنتي توحشناك ؟؟!
سرين:حكاية طويلة ندخلو و نحكيلكوم.
*دخلنا للقسم و مزية كانت عندنا ساعة فراغ حكيتلهوم كلش بتفصيل.
رشا:و كيفاه تروحي تسما لباريس ؟؟؟
سرين:وي لازم راني قتلك عملية جراحية.
منال:ربي يشفيك حنونة إنشاء الله تولي بخير.
سرين:مرسي الكبيدات (heart).
رشا:عيطلنا برك باش منتقلقوش عليك.
سرين:أوكي.
*راكم تعرفو على 12خرجنا من ليسي أنا و رشا ومنال حتى نشوف رسيم جاي ليا.
رسيم:وين كنتي ؟؟علاه تغلقي في تيليفون ؟
سرين:واش ؟نتا هبلت و قيل معليش تخليني طرونكيل.
رسيم:راني نهدر معاك جاوبي
سرين:وقيل نسيت واش قوتلي الخطرة لي فاتت.
رسيم:ماكنتش مليح علبالك عندي مشاكل.
سرين:و تجي تعود تقابلني نورمال دير روحك مكان والوا شوف انساني و نسا حاجة و سمها سرين.
*ورسيم زير على يديا.
رسيم:كيفاه ننسا حاجة وسمها سرين اسمعي اعرفي واش راكي تهدري.
سرين:وجعتني خليني روح
*ورسيم عود جبدني لعندو؛و مروة مفهمتش كيفاه حتى لقيتها قدامنا و الله جامي شفتها هكا مقلقة و بينا معولة على حاجة خطيرة.

الحلقة24
مروة:وسمك نحي يدك على ختي.
رسيم:نتي مهبولة وقيل اسمعي راني نهدر مع سرين ماشي معك.
سرين:متنساش روحك هدي ختي و راح تنحي يديك عليا و تخليني نروح.
رسيم:كيفاه كيفاه!!!وشبيك سرين أنا رسيم لي متقدريش تصبري عليه.
سرين:هديك كانت بكري دوك راني سرين جديدة و خطيني الماضي.
مروة:متفهمش قاتلك اخطيني ياربي عقلك صغير.
رسيم:شوفي راني شاد روحي معك نتي واش دخلك ؟!!علبالنا بلي نتي ختها بصح هد شيء بينتنا.
مروة:أنا ختها و نتا الباراني دوك خلي يد سرين و لا دوك نليم عليك الغاشي.
*تعرفو رسيم واش دار جبدني من يدي و بدا يكركر فيا.
رسيم:راني نقولك ارواحي متخلينيش ندير حاجة في ختك هدي.
سرين:خلاص مروة دوك نولي متتقلقيش.
*و جبدني رسيم لعندو و داني معاه،لحقنا الواحد زنقة و قعدنا.
رسيم:دوك لازم نهدرو سرين ريحي مديري في المشاكل.
سرين:منعرف شكون لي دار المشاكل أنا و لا نتا.
رسيم:علبالي غلطت معاك بصح و الله ماكنت في نهاري كيفاه منقدرش نخليك.
سرين:وجعتني بزاف علبالك مخليت فيا والوا نهار قوتلي نحبسو و تعرفني بلي نحبك و فراقك صعيب بصح نتا مخممتش كامل جرحتني .
رسيم:والله سمانة و أنا نعيطلك تيليفونك طافي معرفتش كيفاه ندير ،سقسيت رشا عليك قاتلي راكي شوية مريضة و الله ملقيت كيفاه ندير.
سرين:شوف يدي شوفها مليح.
رسيم:واش هدا ؟؟؟
سرين:هد شيء علجالك نتا و الله جرحتني نهار قوتلي نحبسو و ثلاث أيام كامل و أنا في سبيطار و قيل حسبتلك حاجة سهلة.
*ورسيم ضمني لصدرو واش نقولكم (yummi)حسيت بواحد الراحة و تمنيت هد لقطة متخلاصش و همسلي في وذني.
رسيم:نحبك سرين منقدرش نفرط فيك.
سرين(الدمعة طحتلي بصح كرامتي فوق كلش ،وجبدت روحي عليه):خلاص وقت هد الهدرة ،لي فات مآت كل واحد فينا الله يسهل عليه.
رسيم:هدي هي هدرتك الأخرة ؟؟
سرين:وي هدي هي ،منقدرش نكمل في العذاب ، أنا نروح ختي مقلقة عليا.
رسيم:استناي و سنسلة لي عطيتهالي متديهاش آننن.
سرين:نن منقدرش نخلي ريحتك عندي نتفكر واش تعذبت علجالك ،خليها عندك.
رسيم:وأنا كي نشوفها بيها منقدرش ننساك بصح معليش عندي اسبوار راح ترجعلي.
*أعطيتو بظهري و دمعة في عيني (ugh)فراقو صعيب بصح الحكاية معاه كملت لي جرحني منقدرش نرجعلو.