في ذاتي سجن الحبيب و غياب الأم( بالهجة الجزائرية)

الحلقات18.19.20.21.22

الحلقة 18
*ايه نولو لردوان صاحب بابا واش نقولكم ياك عرفتو بلي والا مدير شركة تع الياوورت بصح راح نفاجأكم شويا الشركة ماشي تاعو تع ماما لي وسمها سلوى ولي في الحقيقة مامتتش ،ايه نكملكم سلوى جأت تشوف ردوان في شركة.
سلوى:واش اسيدي وقيل نسيت بالمهمة لي كلفتك!!!!!
ردوان:والله منسيت روحت اهدرت معاه بصح والو مازالو يقول بلي راكي ميتة و حتا البنات حسبوك ميتة ،وهو محبش كامل يعود يهدر عليك نتي.
سلوى:هو علبالي قتلني و أنا حية ،بصح بناتي لازم يعرفو الحقيقة ،فهمت الحقيقة.
ردوان:وكيفاه دورك واش نديرو؟ ؟؟
سلوى:منصدمش بناتي بصح غير الحقيقة لي منخبيهاش (mad).
ردوان:والله أنا راني معاك نعاونك للخر متخميش.
*و ردوان حط يديه على يدين ماما و هو
تخمامو راح لبعيد بزاف،و ماما جبدت يديها عليه.
سلوى:مدبيك هدي متزيدش تعودها فهمت.
ردوان:سلوى و الله مقدرت؛كل اليوم نقترب منك ونتي متفهمينيش أقبلي تتزوجي بيا و الله كلش يتبدل حتا بناتك ندير كلش باش يرجعولك.
سلوى:هبلت ردوان نسيت مرتك و ولادك ،متنشاش ولادك.
ردوان:و الله هديك المرأة كرهتلي حياتي ديما في المشاكل مع وليدي رسيم ،كرهت دار هديك.
سلوى:لا هدا ماشي عدر دبر راسك هدي عايلتك و لازم تحتفظ بها و نقولك ادا راك حاب تحفظ على هد الخدمة نحي هد تخمام من راسك و نحبك غدوا تجبلي كامل الأخبار على بناتي فهمت ،ادا راك حاب تحفظ على بلاصتك بيان سور.
ردوان:أوكي ميكون غير خاطرك.
سلوى:مليح أنا نروح و على يومين نولي نشوف واش درت فيها قبل ما نولي لفرنسا أوكي.
ردوان:أوكي.
الحلقة 19
*(مروة تحكي)خرجت لعشية من ليسي حتا نشوف رشا و منال جايين ليا.
منال:مروة غير الخير علاه مجاتش سرين ؟
مروة:علاه تحوسو ؟؟!
رشا:راهي ختنا ماشي غير صاحبتنا؛تقلقنا عليها علاه مجاتش ؟؟!
مروة:تشافي نهار قولتلي راح تفطر معاكم كدبتو عليا مراحتش تفطر معاكم ياك ؟؟؟
رشا:وشبيك مروة طفلة جات تفطر معانا علاه راكي موسوسة ؟!
مروة:و مزالكي تكدبي ،شوفي ختي راهي مريضة شويا و مدابيكم أخطوها كي نتي كي منال و بعدو هداك رسيم عليها فهمتو.
منال:الله يهديك حنا نحبوها و بلاك كثر منك و نخافو عليها و راهي صاحبتنا كي البارح كي اليوم.
مروة:شوفو أنا منهدر والوا أخطوها برك و بعدوا هدك عليها ،أنا دوك نخليكم مانيش فارغة شغل.
رشا:سلمي عليها.
منال:هيا نروحو تعيي هدي مروة بففففف.
*ومروة جات تجري مع نوال لعندي لسبيطار.
مروة:راكي مليحة سرين؟
سرين:بيان قريتو ؟؟؟
مروة:وي بصح و الله عقلي كان معك ختيتو.
نوال:و الله مكانش كامل كونصوطراسيو علجالك لقرايا معندها مين تفوت.
سرين:لالا حمد لله أنا ريحت نتوما حطو راسكم في القراية.
مروة:المهم راكي مليحة،هكي جبتلك مأكلة من دار ولي تحبيها لازم تأكلي العميرة.
سرين:مرسي بصح و الله شبعت جابلي بابا مقبيل نأكل و دوك راح يشري حاجة و يولي.
مروة:و الله غير ذوقي شويا في خاطري سرين(shy).
سرين:أوكي ميكون غير خاطرك بب.
مروة:واش هدر معاك بابا على....
سرين:لا مهدرش و الله حيرني بزاف.
نوال:سرين حبيت نقولك حاجة متزعفيش.
سرين:قولي صغيرونة.
نوال:علجال حبيبك درتي هكا ؟؟
سرين:واه كيفاه حبيبي!!!

الحلقة 20
نوال:صح أنا صغيرة بصح علبالي بلي درتي هد شيء علجال واحد تحبيه.
سرين:وشبيك!!نن أنا قست روحي برك  بزجاج.
نوال:علبالي مكيش حابة تحكيلي ،بصح حاسة بلي راكي دايرة هد شيء علجال واحد تحبيه.
مروة:خلاص نوال خليها راهي عيانة.
سرين:نوال ختي مديري والو في بالك قست روحي برك مم.
نوال:كيما قالت مروة نتي دوك ريحي.
*وبعدها دخل بابا وجهو كامل مقلب و الله كي شفتو قلبي حبس ،خلاص بابا راهو سمع كلش ياربي (confused)واش رحا يخمم دوك.
مهدي:جيتو!!!
مروة(حتا أنا كي سمعت صوت بابا قلبي حبس معرفتش نهدر):و  يي جينا بابا.
نوال:جبنلها تأكل بصح علبالنا تهليت فيها بابا.
مهدي:ووو لازم راهي بنتي حنونتي.
سرين:ربي يخليك بابا.
مهدي:البنات خرجو دقيقة عندي هدرة مع سرين
*خلاص هنا قلت سور سمعني واش كنت نقول ياربي و استر.

الحلقة 21
مهدي:بنتي ياك راكي مليحة ؟؟؟
سرين:وي بابا راني مليحة.
مهدي:شوفي متقلقيش كامل روحك رانا معك.
سرين(هنا راني رتحت شويا بسك بابا معرفش واش كنا نهدرو أنا و البنات):مرسي بزاف بابا لخاطرش وقفتو معايا.
مهدي:لازم راكي بنتي و نحبوك.
سرين(دمعة طاحت من عيني ):ربي يحفظك بابا مرسي (heart).
مهدي:بنتي نقولك حاجة بصح متخافيش.
سرين:واش كاين بابا غير الخير!!!!
مهدي:غير الخير بنتي.
سرين:وي ؟؟؟
مهدي:بنتي لازم ديري عملية جراحية بسك طبيبة تاعك لقات في تحليل بلي دم تاعك مراهوش يمشي نورمال.
سرين:علاه عملية؟؟؟ ياك خلاص رتحت.
مهدي:يا بنتي لازم في تحليل راهو خرج بلي دمك مراهوش يلحق لشرايين مليح و العملية متقدريش ديريها هنا بسك هنا ميقدروش يديروهالك.
*أنا غير دموع يخرجو من عينيا😟😢مقدرتش نأمن بلي أنا راح ندير عملية خطيرة لهد درجة.

الحلقة22
مهدي:خلاص متبكيش سرين و الله عملية جراحية خفيفة برك متبكيش.
سرين:لالا بابا برك دموع راهم يهبطو واحدهم أول مرة ندير عملية جراحية.
مهدي:و راح تكون أخير مرة بإذن المولى عز وجل راح تروحي عند عمتك في باريس و ديرها و تولي فهمتي.
سرين:جيء معيا بابا ؟؟؟
مهدي:أكيد نجيء مع بنتي.
سرين:و البنات يبقاو وحدهم ؟؟؟!
مهدي:لالا راح نخليهوم غير 3أيام و نرجع.
سرين:و أنا نبقى وحدي تمك!!!
مهدي:لا راح تكوني عند عمتك و حاجة ما تخصك تريحي شويا و تولي.
سرين:أوكي بابا علاه محبيتش البنات يسمعو بلي ندير عملية ؟؟
مهدي:ماشي دوك غدوا تخرجي من هنا و نقوللهم متهدري والوا أوكي.
سرين:أوكي.
*غدوا من داك خرجت من سبيطار و وليت لدار و لقيت كلش واجد حتى الفطور و داروه بطبع علجالي .
سرين:ربي يحفظكم ليا مرسي بزاف .
مروة:مرحبا بك و ماشي خسارة فيك كل هدا.
مهدي:أيا بسم الله كلوا خير ربي قدامكم.
سرين:شكون طيب بصح ؟؟؟
نوال:أنا خيرت الوصفة هوما برك عاونوني.
سرين:هههههه علبالي شاطرة في طياب.
نوال:بصحتكم لفامي ههههه(wink).
مهدي:يعطيك العافية و الله طياب صغيرونة تعي فوووووور.
مروة:و أنا بابا ههههه
مهدي:و نتي تانيك شاطرة.
*فاتو يومين ووليت نقرا لليسي مبيد يوجدو لكوارط و نروح عند عمتي ندير العملية.