حب هجرسي

28

#حب_هجرسي_ج2

#بقلم مريم الموسوي

#بارت 28

كل عام واحلى متابعين بمليون خير يا الغوالي اموووووت عليكم شكرا لصبركم عليه وانتظاركم 😍😍😍😘😘😘😘😘

Mariam-almusawi

حوريه

تزوجنه اني وهاشم  ... والحمد لله مرتاحين احلى راحه هو مدللني شنو الاريده يجيبه الي ما مقصر وياي ... وحنين عليه... ودوم من نكعد سوه بالغرفه يضحكني... واذا زعلني بس يجي يبوسني ويضحك بوجهي انسى الزعل كله لان قلبي يهواه وما اكدر على زعله

بس تفاجأت بيه من جابلي حب المانع وره ١٠ ايام تقريبا من زواجنه ....

و كال تبلعين وما تنسين ما اريد هسه جهال ما محضر نفسي الهم.... وبعدين اريد اشبع من جسم مرتي ما اريد من اول سنه يخرب حباله وجيبوبه
اخذته منه مكسور خاطري بس ما كدرت اكوله لا لأن هذا كان اتفاقنه قبل لا نتزوج وهو هم حقه بس ما انكر اني حابه اصير ام
Mariam-almuaswi

اجه رمضان .... وهاشم بالنهار نايم ومن يجي العصر كلما اطب للغرفه يبقى يتحارش ويصيح ربي يمته الفرج مو خلص صبري.......لو يطلع يم جماعته حتى ما يشوفني كدامه

ومن نفطر خطيه بسرعه يروح للعياده ما الحك اكعد وياه.... يجي تقريبا ب١١ تعبان بس ما يهملني يسبح ويجي يكعد وياي يسولفلي على عيادته وعلى شغله وبعدين يبدي يتحارش ويسوي سوالفه الوكحه وياي .... اني وياه وعلى هالموال من بداية رمضان لحد ما ...........

اجه ١٨ يوم برمضان اللي هي موعد الشهريه مالتي ...تأخرت عليه وما اجت كلت يجوز تتاخر مثل كل مره او لأن متزوجه جديد تخربطت

انتظرتها يوم يومين ....اسبوع وهي ماكو كمت انام هواي ومن اكعد احس بدوخه خفيفه وجسمي يوجعني

دخلت ع الانترنت وقريت اعراض الحمل اغلبهن بيه ... احس الرعب دخل لقلبي وجذبت نفسي انه هاي مو اعراض حمل

حتى اخر مره قبل لا احلل جنت واكفه يمه وهو يمشط يريد يروح للعياده ونسولف دخت ولزمت ميز المرايه ذب المشط وكال
.. الله الله شبيج
.. ما اعرف هاشم دايخه كلش
باوعلي بقلق
.. شبيج .. شدا تحسين؟
.. دوخه مو طبيعيه
.. اخذج للطبيب ؟
هزيت راسي بلا واباوعله وكلش خايفه لأن تأكدت البيه اعراض حمل

باوعلي وكال
.. شنو بيج شي وخايفه تكوليلي

هزيت راسي بلا
.. ما عندي شي بس الظاهر الصيام أثر عليه.. دائما  اخر ايام هيج يصير وياي
.. هسه من ارجع من العياده اجيبلج وياي مقويات خاف عندج فقر دم
.. يجوز
باسني وكال
.. ديري بالج على روحج
Mariam-almusawi

طلع واني دموعي تجري وادعي ربي كون مو حامل ما خليت نذر ما نذرته ما اريد اخسر هاشم

خابرت امي
.. الو
.. هله حوريه يمه شلونج
.. هله بيج يمه .. اكولج
.. كولي يمه شبيه صوتج ؟
.. ما بيه شي باجر الصبح اخذيني للمستشفى اريد اروح احلل
.. شعدج ... شنهي شاكه بروحج حامل ؟
.. اي
.. اي صلوات على محمد وال محمد
.. يمه بروح الحسين كولي ان شاء الله ماكو
.. انجبي خفه لهالحلك اي والله .. الوادم تتحسر ع البزر .. ليش ما تردين ؟
.. ما اريد وخلص .. ترحين وياي باجر لو لا
.. ماشي ب٩ امر عليج
.. الله وياج
سديته منها ولفيت راسي وكعدت جوه البطانيه ادعي وخايفه