حب هجرسي

37

#حب_هجرسي ج2

#mariam_almusawi

#بارت 37

رحت يمه شكد ردت اتماسك كدامه ما اكدر انهاريت بالبحي ....باوعلي شاف الدموع تجري كال بقلق
.. شكو ؟
.. امشي نرجع للبيت
.. جيلان لا تخوفيني شكو

ما جاوبته رحت للشارع كدامه ودموعي تصب  شأريد اكوله واني نفسي ما اعرف اذا السمعته هسه صدك او جذب

اجه كال
.. جيلان احجي
.. مختنكَه اريد ارجع للبيت

اشر لسياره تكسي واخذنه ...قريب على متنزه كال للسايق
.. نزلنه هنا يابه

حاسبه ونزل فتحلي الباب وساعدني انزل... جنت منهاره كلش كتله
.. ليش ما خليتنه نرجع للبيت
.. نزلي
دخلنه للمتنزه وكعدنه ع كراسي اجه الكابتن جايب مي كال
..شتطلبون
كله
.. بعدين

عافنه وراح كال
.. احجي شكالتلج الدكتوره

حطيت ايديه ع وجهي وابجي بعد ايديه عن وجهي ووكال
.. جيلان لا تخبليني وتخليني اصيح هنا ....احجي

بعدت ايديه وكتله
.. الدكتوره تكول الطفله مشوهه واذا اجت للدنيا تموت

باوع بوجهي مصدوم كمت ابجي كتله
..هجرس ليش ما دا نرتاح .. ليش هيجي حياتنه والله تعبت

هو يباوعلي والصدمه بعدها بوجهه
.. جيلان كولي غيرها حبابه
.. يا ريت لو عندي حجي غيره

حط ايديه ع راسه وبعدين باوعلي كال
.. كومي هاي الدكتوره ما تفتهم .. باجر اخذج لوحده غيرها
.. هجرس ......
.. كتلج باجر اخذج لغيرها انسي الصار لا تفكرين بحجيها هاي ما تفتهم .. تردين تشربين شي ؟
.. ما اريد هجرس تعبانه اريد ارجع للبيت
.. كومي
كام .. داخ وراد يوكع لزمته وصحت
.. اسم الله حبيبي .. شبيك
كال
.. ما عندي شي
.. هجرس خل نرتاح
.. ما عندي شي امشي للبيت

سندته و ركبنه تكسي ورجعنه بس عيوننه تحجي حزننا للبيت تلكتنه مرة عمي
.. شبيكم وجوهكم صفر

كللها هجرس
.. ماكو شي يمه .. ضغطي شويه تخربط
.. يم اسم الله ما رحت للطبيب
.. ما  عندي شي بس اريد انام
.. روح يمه روح عندك العافيه

هجرس كعد شويه يم بيبي واني سويت روحي تعبانه عفتهم وصعدت للغرفه نزعت عباتي و كعدت بفراشي الدموع تجري...و صفنه تجيبني وصفنه توديني

هجرس اجه نزع هدومه وفتح التلفزيون ولمني لحضنه بس ما حجه شي يباوع للتلفزيون كأنه لا شئ كدامه يريد بس ينسى .. بس باله بغير مكان اعرفه ونمت

ثاتي يوم الصبح راح هجرس للشغل والعصر اخذني لدكتوره ثانيه اخذت تقاريري وياي وهجرس كان كلامه كله تشجيع وتحفيز

دخلت الها وسولفت الها كلشي .. باوعت للتقارير كالت
.. حبيبتي صح الطفله بيها عيب خلقي ومشوهه بسبب اختلاف فصيلة الدم كان لازم تضربين ابره قبل لا تحملين 
بس هذا مو معناها نيأس؟
.. يعني شنو دكتوره ؟
..حبيبتي يعني احنه كدكاتره ما نكدر نسويلج شي الطفله ببطنج بعدها جنين صغيره واعضاءها ما كامله بس الاجزاء الكامله منها حاليا مشوهه .. يعني بنتج وضعها الصحي مو تمام اذا طلعت وهي بهالحاله احجيلج كحاله طبيه مستحيل تعيش