حب هجرسي

30

#حب_هجرسي ج2

Mariam-almusawi

#بارت 30

اليوم نزلتلكم من وكت لان كلكم طلبتوا مني البارحه بارت وما كنت كاتبه شي ... فكتبته الكم بسرعه ونزلته من وكت
... احبكم ❤❤❤❤❤

فاطمه

.. قاسم .. قاسم .. اكعد
.. همم فاطمه شتردين
.. هسه غير يكعد

سحبته من ايده وكعدته وهو منعس كوه مفتح عيونه
.. شتردين فطومه والله نعسان باجر وراي شغل
.. كوم جيبلي لبلبي

باوعلي مصدوم وباوع للساعه ورجع باوعلي
.. صدك تحجين الساعه ب٢ بالليل منين اجيبلج لبلبي

.. والله مالي علاقه ابنك مدري بتك مشتهي .. قابل اليه؟
.. فاطمه انعلي الشيطان ونامي .. الصبح عود اجيبلج

.. يبوووو عليه .. بله اكو مطي يشتهي لبلبي بالليل
.. اي الزماله مالتك تريد

باوعلي خزرني كَلب وجهه وكَام لبس ملابس وغسل وجهه وطلع بقيت اكَلب بالتلفون لل٣ وهو ماكو نعست ونمت

نمت هواي تقريبا بال٤ حسيت بيه دخل ويحاجيني
.. فاطمه .. فاطمه

فتحت تك عين
.. ها شتريد
.. اكعدي مو ردتي لبلبي جبتلج

كعدت فتحت العلاكه وهو ينزع ملابسه كتله
.. ايع هاي شنو لبلبي ؟
.  لا ابوي المشعول .. مو ردتي لبلبي لو لا ؟

سديت خشمي وكتله
.. شيله شيله .  نفسي كام تلعب

هو صفن عليه خطيه وكال
.. فاطمه عليج الحمزه صدك تحجين لو تتشاقين
.. والقران نفسي كام تلعب .. تعال شيله
شمر الدشداشه وصاح
.. صدك بله تحجين شنو زعطوط كدامج تضحكين عليه
.. ردته بساعته وتأخر وهسه لعبت نفسي شأسويلك

راح للكنتور فتحه بعصبيه وذب هدومه بالكاع يدور ع بجامته ويدردم

.. امداني عبن عرست ... هسه اجاج ابن عمتج عباس وخطبج شجاني صرت فاندام ورحت ركض انهي وامنع وما خليته ياخذج واخلص منج جان هسه مطمور وخلصان من هالعيشه

.. اي ميخالف اذا خلصت لم الهدوم وراك وسد الضوه نعست
عفته ونمت وهو يركع بالبيبان مال كنتور وتمدد ع الجربايه ودار وجهه ونام
(مريم الموسوي)

ثاني يوم الصبح كعدت بال٩  هو ماموجود رايح للشغل اباوع للغرفه صايره حرب البسوس من الهدوم والهوسه البيها ....صدك جذب هسه من اخابره واتعارك وياه اكو واحد يكولي ليش ؟

كمت لميت الملابس ورتبت الغرفه والفراش وطبيت سبحت وطلعت لكيت عمتي جاي تغسل بمواعين الريوك
.. صباح الخير عمه
.. صباح العافيه حبيبه
.. انطيني اني اغسلهن  عنج
.. لا لا عمه روحي اكليلج لكَيمه ...شعدي هن ماعونين .. لا تتعبين روحج انتي حبله
.. شلون اعوفج وحدج انطيني
.. لا عمه روحي تريكي اول وبعدين تعاي عاونيني