حب هجرسي

32

#حب_هجرسي ج2

#mariam
#بارت 32

فاطمه

دخلت بشهر السادس ونفسيتي كلما جايها تصير زفت تفكير وقلق وتعب وخوف

وقاسم ما جاي اشوفه من الشغل يرجع ينام ...والعصر يرجع يشتغل يجي يتعشه ويطلع هو وعبد الله ما يجيني غير بال١ كلشي ما شايفه منه ما يحس ويكول عندي مره حامل خطيه

كلت والله اليوم خلي يجي  اريد اتعارك وياه

كان عنده شغل الصبح بدلت وتعطرت وتمكيجت وانتظرته اجه من الشغل باوعلي وكام يبدل
.. ها فطوم شلونج
.. الحمد لله

.. هاي شعندج مبدله اليوم وطالعه تخبلين
.. اريد نكعد نسولف ضايجه
.. هاي شعندج مبدله اليوم وطالعه تخبلين
.. اريد نكعد نسولف ضايجه

.. فطوم والله راسي راح ينفجر الشغل هالايام مكثف علينه من اكعد
.. واني مالي حق تكعد وتسولف وياي

.. يووووو.... اني راجع تعبان وانتي فايخه
.. شنو قصدك فايخه يعني قصدك ادور بال خ .... حب ركَي
.. فاطمه تأدبي من تحجين وياي جاي من الشغل ابو ابوي مسموط .. خلي ارتاح وادللي

عافني وراح يسبح رحت صبيتله اكل واجيت لكيته يصلي انتظرت يكمل صلاته ... خلص اجه كعد وكعدت يمه تغده وكال
.. سولفي
.. شأسولف قاسم .. اكو واحد يسولف ع الاكل .. نخلص ونسولف فوك

.. فاطمه تعبان كلش والله ومسطور من اكعد من النوم نسولف
.. من تكعد تروح للشغل

.. من ارجع
.. ومن ترجع تروح ويه عبد الله وع هذا الموال يوميه
.. يوووووو سديتي نفسي والله كومي شيليه
عاف الاكل وكام يغسل واني احس نار شبت بيه راح غسل ورجع لكاني نفس كعدتي وعبالك اريد انفجر مسح وجهه بعصبيه وقرفص يمي ولزم خدي
.. لا تزعلين مني فاطمه بس شغلنه متعب هاي الايام وعلينه ضغط انتي هم تحمليني

كمت وعطت
.. واني شنو حجاره هنا ما تكول هاي مره عندي ما تشتاقلي صارلك شكد ما متقربلي

.. فاطمه جاي اكلج جاي اتعب بالشغل والله يعني ليش ما تقدرين
.. اني اقدر بس عبد الله ما يقدر اذا عفته يوم مو ؟

.. انتي هذا الكاتلج شلون اطلع ويه عبد الله .. لو تموتين ما اعوف عبد الله كطنه وشيليها من اذنج

.. انت هاي الفالح بيها .. عبد الله وبس .. بس مال تشوف احتياجات مرتك ........

قاطعني وصاح
.. فاطمه اتجفي شري .. شنو ناقصج شي شنو ترديه اجيبه

كتله بقهر
.. سلامتك .. العصر اريد اروح لاهلي
.. روحي .. بعد عندج شي لو اولي انطمر
.. براحتك

شلت الصينيه وطفيت الضوه وطلعت وكعدت بالمطبخ كمت ابجي همزين بيت عمي نايمين بقيت ابجي  نص ساعه تقريبا وراها كمت لغرفتي شفته نايم طلعت الكلينيس المبلل مسحت المكياج ولبست دشداشه كودري واخذت مخدتي وفراشي ونزلت جوه نمت
للعصر حسيت عليه يطكطك بالكناتير بس ما كعدتله تعود عليه يوميه اني احضرله ملابسه واكله اني اعلمك والله اذا ما ابهذلك