حب هجرسي

33

#حب_هجرسي ج2

#بارت 33

احبكم موت 😍

#Mariam-almusawi

..ها عمه دا ........
صاحت بيه
.. امشي طبي جوه

دخلت واني ارجف كالت بيبي
.. ولج شمالج تتراجفين جنج سعفه

كعدت يمها وسولفت الها السالفه كالت
.. شجاج حبوبه .. ما جاوب اعوفنه خيولي الا تفكين الباب وتمدين راسج
.. بيبي شمدريني بعد صارت .. خاف هجرس يعصب عليه
.. مالج غرض اني احاجيه 

بقيت ارجف مو قصدي يشوفني الولد بس من ما سمعت صوت فضول خلاني افتح الباب يا ربي كون هجرس ما يعرف والقران يسويها كربله عليه
شكد كنت متوقعه يعصب ويكسر بس ما اتوقعت توصل بيه المواصيل لهالدرجه

للمغرب اني كنت هستوني مخلصه صلاه ودا ارتب بالسجاده
دخل هجرس خطف بسرعه قفل الباب واجه سحبني من شعري وضربني راشدي احس خدي انشلع منه

باوعتله صاح
.. شمطلعج بررررررررررررررره ... ولج اني شكايل

وضربني الراشدي الثاني صاح
.. جاوبينييييي .. ولج شلون تخلين هذا العار يشوفج .. لا وانوب يجي يخطبج مني ... ويكل لابو علي ما شايف بجمالهاااااااااأااا

ضربني راشديين حسيت شي جره من خشمي ....الباب تكسرت وهو قافلها اباوعله عبالك وحش ابد مو هجرس الحنين هذا استلمني راشديات ..ولزمني من شعري وهز راسي حيل

صاح
.. لا تصفنين بوجهييييييي .. فوك َ ما عاكَر ومتحملج كمتي تكو.... من وراي

لو ضاربني طلقه ولا كايل هاي الحجايه انكسرت باب الغرفه ودخلوا عمي وحوريه عمي دفع هجرس وصاح بيه
.. شجاك تخبلت .... وخر عنها
اني احس جسمي كله تكهرب بساعتها اريد احجي ما اكدر بس حسيت نفسي متت واني فعلا من مات ابوي ما بقالي احد

لمتني حوريه لحضنها ولكيت بيبي منتظرني جوه الدرج وهي تبجي
.. يمه جويله تعاي ليه .. الله يكسر ايدك يا المسودن

وصلت اخر درجه وكعت بس واعيه ع الداير مدايري حوريه كام تصيح هي وبيبي

اجه عمي يركض شالني اباوع لهجرس واكف فوك ع الدرج ويصيح اخذني عمي وحطني بغرفة بيبي وجدي كاعد يبجي عليه لان مريض وما يكدر يكوم الي

جابت حوريه المي اخذه عمي منها وكام يمسح بوجهي وبيبي تمسح بالدم من وجهي وتبجي هي وحوريه

سمعنه هجرس فوك كام يصيح ويكسر بالغرفه يمكن ما خله قطعه صاحيه وشفناه نزل بسرعه وهو شايل سلاحه

ركض عمي وراه ولزمه من ياخته ضربه بوكس وسحب السلاح من ايده وصاح بيه
.. زمال شبيك تخبلت
.. اي تخبلت اني واحد يباوع لعرضي ويكوم يتغزل بيه يم الناس والله ادفنه بكاعه واخليه يتمنى يشم الهوى .. انوب يسوي علاقه ويه مرتي؟ والله والله موته اليوم على ايدي
راد يكوم عمي رجع ضربه وصاح بيه
.. انجب طايح الحظ وفهمني ... شبيك بس تجعر