حب هجرسي

7-8

بارت٧
ﺑﺎﻭﻋﺖ ﻟﻔﻮﻙ ﻭﺍﻧﻲ ﺷﻔﺘﻪ ﻳﺒﺎﻭﻋﻠﻲ ﻭﺍﻧﻲ ﺻﺤﺖ
.. ﻋﺎﺍﺍﺍﺍﺍﺍﺍﺍ .... ﻫﺠﺮﺭﺭﺭﺭﺭﺳﺲ ﺍﻟﺤﻜﻨﻴﻴﻴﻴﻴﻴﻲ
ﻭﻃﻠﻌﺖ ﺍﺭﻛﺾ ﻫﻮ ﺍﺟﻪ ﻋﻠﻴﻪ ﻳﺮﻛﺾ ﻭﺍﻧﻲ ﺩﻋﻤﺘﻪ ﻭﺻﺮﺕ ﺑﺤﻀﻨﻪ ﺑﺴﺮﻋﻪ ﻭﺧﺮﺕ ﻋﻨﻪ ﻭﺧﺘﻠﺖ ﻭﺭﺍﻩ ﻛﺎﻝ ﺑﻘﻠﻖ
.. ﺷﺒﻴﺞ ﺷﻜﻮ
.. ﺍﺑﻮ ﺑﺮﻳﺺ .. ﺍﺑﻮ ﺑﺮﻳﺺ ﺣﺒﺎﺏ ﺑﺎﻟﺤﻤﺎﻡ
.. ﺍﺳﺘﻐﻔﺮﺍﻟﻠﻪ ... ﺻﺪﻙ ﺑﻠﻪ ﺗﺤﺠﻴﻦ ﻭﻛﻌﺘﻲ ﻗﻠﺒﻲ
.. ﺣﺒﺎﺏ ﻭﺍﻟﻠﻪ ﻳﺒﺎﻭﻋﻠﻲ
.. ﺍﻟﻌﻘﻞ ﻣﻦ ﺍﻟﻠﻪ
ﺭﺍﺡ ﻛﺪﺍﻣﻲ ﺍﺧﺬ ﺍﻟﻤﺎﺳﺤﻪ ﺍﻟﻠﻲ ﻳﻢ ﺍﻟﺤﻤﺎﻡ ﻭﺩﺧﻞ ﻣﺎ ﺍﻋﺮﻑ ﺷﺴﻮﻩ ﻭﺍﻧﻲ ﻭﺍﻛﻔﻪ ﺑﻌﻴﺪ ﻭﺭﻩ ﺷﻮﻳﻪ ﻃﻠﻊ ﻻﺯﻣﻪ ﺑﺎﻳﺪﻩ ﻣﻴﺖ ﻭﺟﺎﺑﻪ ﻳﻤﻲ ﻭﺍﻧﻲ ﺻﺤﺖ ﻋﺎﺍﺍﺍﺍﺍﺍﺍﺍﺍﺍﺍﺍﺍﺍ ﻭﺭﻛﻀﺖ ﻟﻠﻤﻄﺒﺦ ﻭﻗﻔﻠﺘﻪ ﻋﻠﻴﻪ ﻭﻫﻮ ﻳﻀﺤﻚ ﻃﻠﻊ ﺑﺮﻩ ﻭﺭﺟﻊ ﻛﺎﻝ ﻭﻫﻮ ﺧﺮﺑﺎﻥ ﺿﺤﻚ
.. ﻭﻳﻨﺞ
.. ﻭﺍﻟﻠﻪ ﻣﺎ ﺍﻃﻠﻊ ﻫﺴﻪ ﺗﺬﺑﻪ ﻋﻠﻴﻪ
.. ﻭﺍﻟﻠﻪ ﻋﻤﻲ ﻃﻠﻊ ﺑﺲ ﺍﺑﻮ ﺑﺮﻳﺺ ﺻﻜﺎﺭﺟﻦ ﺍﻧﻲ ﻣﺎ ﺗﺨﺎﻓﻴﻦ ﻣﻨﻲ ﺑﻜﺪﻩ
.. ﻛﻮﻟﻲ ﻭﻳﻦ ﻭﺩﻳﺘﻪ
.. ﻭﺍﻟﻠﻪ ﺫﺑﻴﺘﻪ ﺑﺎﻟﺰﺑﺎﻟﻪ
.. ﺟﺬﺍﺏ
.. ﻭﻟﺞ ﺷﻨﻮ ﺟﺬﺍﺏ ﺍﺳﺘﺤﻲ ﻭﺍﻟﻠﻪ ﺫﺑﻴﺘﻪ ﺑﺮﻩ
.. ﻛﻮﻝ ﻭﺍﻟﻘﺮﺍﻥ ﺫﺑﻴﺘﻪ
ﺧﺮﺑﺎﻥ ﺿﺤﻚ ﻭﻳﺤﺠﻲ
.. ﻭﻟﺞ ﻋﻠﻤﻮﺩ ﺍﺑﻮ ﺑﺮﻳﺺ ﺍﺣﻠﻔﻠﺞ .
.. ﻣﺎ ﺍﻃﻠﻊ ﻟﻌﺪ ﻭﺍﻟﻠﻪ
.. ﻭﺍﻟﻘﺮﺍﻥ ﺫﺑﻴﺘﻪ ﺑﺮﻩ . ﺑﺲ ﺍﻃﻠﻌﻲ
ﻓﺘﺤﺖ ﺍﻟﺒﺎﺏ ﻋﻠﻜﻴﻒ ﻭﺑﺎﻭﻋﺘﻠﻪ ﺍﻱ ﺻﺢ ﻣﺎ ﺑﻴﺪﻩ ﺷﻲ ﻃﻠﻌﺖ ﺑﺮﻩ ﺍﻟﻤﻄﺒﺦ ﺑﺲ ﺗﻔﺎﺟﺄﺕ ﺑﺄﺑﺘﺴﺎﻣﺘﻪ ﺍﻟﻠﻲ ﺗﻼﺷﺖ ﻭﺍﺧﺘﻔﺖ ﻭﺣﻠﺖ ﻣﺤﻠﻬﺎ ﻧﻈﺮﺍﺕ ﻣﺎ ﺷﺎﻳﻔﺘﻬﺎ ﺑﺤﻴﺎﺗﻲ ﻣﻨﻪ ﻧﻈﺮﻩ ﺑﻴﻬﺎ ﺍﻋﺠﺎﺏ ﻭﺻﺪﻣﻪ ﻭﻧﻈﺮﻩ ﻣﺘﻔﺎﺟﺌﻪ ﻭﺣﺴﻴﺖ ﺗﻨﻔﺴﻪ ﺻﺎﺭ ﺳﺮﻳﻊ ﻭﻛﺎﻡ ﻳﺒﻠﻌﻢ ﺑﻌﺪﻳﻦ ﺗﺬﻛﺮﺕ ﺍﻧﻲ ﻃﺎﻟﻌﻪ ﺑﺪﻭﻥ ﺣﺠﺎﺏ ﺣﻄﻴﺖ ﺍﻳﺪﻱ ﻉ ﺣﻠﻜﻲ ﻫﻮ ﺍﻧﺘﺒﻪ ﺑﺴﺮﻋﻪ ﺩﻧﻚ ﻭﻛﺎﻝ
.. ﺭﻭﺣﻲ ﻣﻦ ﻛﺪﺍﻣﻲ ﺟﻴﻼﻥ
.. ﺍﺍﺍﺍﺍﺍﺍ
ﺻﺎﺡ
.. ﻛﺘﻠﺞ ﺭﻭﺣﻲ ﻣﻦ ﻛﺪﺍﻣﻲ ﺑﺴﺮﻋﻪ
ﺩﺧﻠﺖ ﻟﻠﺤﻤﺎﻡ ﺑﺴﺮﻋﻪ ﻭﺳﺪﻳﺖ ﺍﻟﺒﺎﺏ ﺑﺎﻭﻋﺖ ﺷﻌﺮﻱ ﻃﺎﻟﻊ ﻭﻓﺘﺤﺔ ﺻﺪﺭﻱ ﺷﻮﻳﻪ ﻃﺎﻟﻌﻪ ﻣﻦ ﺍﻟﺜﻮﺏ ﻭﺧﺪﻭﺩﻱ ﺣﻤﺮ ﻣﻦ ﺍﻟﺨﺠﻞ ﺧﺮﺏ ﻫﺎﻱ ﺷﻜﺪ ﻓﺸﻠﻪ ﺣﻄﻴﺖ ﺍﻳﺪﻱ ﻉ ﻋﻴﻮﻧﻲ ﻭﻣﺴﺤﺖ ﻭﺟﻬﻲ ﻧﺰﻋﺖ ﻣﻼﺑﺴﻲ ﻭﻓﺘﺤﺖ ﺍﻟﺪﻭﺵ ﻋﻠﻰ ﺍﻟﻤﻲ ﺍﻟﺪﺍﻓﻲ ﻭﺩﺧﻠﺖ ﺟﻮﺍﻩ ﻳﺎﺑﻪ ﺍﺣﺲ ﺟﺴﻤﻲ ﻛﻠﻪ ﺣﺎﺭ ﻣﻦ ﺍﻟﺨﺠﻞ ﺷﻜﺪ ﻋﻴﺐ ﻫﺴﻪ ﺷﻴﻜﻮﻝ ﻋﻠﻴﻪ
ﺑﻘﻴﺖ ﺑﺎﻟﻨﺺ ﺳﺎﻋﻪ ﻭﺭﺍﻫﺎ ﺣﺴﻴﺖ ﺍﻟﻤﻲ ﺑﺪﻩ ﻳﺒﺮﺩ ﺣﻴﻞ ﻛﻞ ﻫﺎﻟﻮﻗﺖ ﺑﺎﻟﺤﻤﺎﻡ ﺳﺪﻳﺖ ﺍﻟﻤﻲ ﻭﺑﺪﻳﺖ ﺍﻧﺸﻒ ﻧﻔﺴﻲ ﻭﻟﺒﺴﺖ ﻣﻼﺑﺴﻲ ﻭﻃﻠﻌﺖ ﺍﺷﻮ ﺍﻟﺒﻴﺖ ﻫﺪﻭﺀ ﻫﺬﺍ ﻭﻳﻨﻪ
ﺭﺣﺖ ﻟﻼﺳﺘﻘﺒﺎﻝ ﻟﻜﻴﺖ ﺍﻟﻨﻔﺎﺿﻪ ﻣﻠﻴﺎﻧﻪ ﺟﻜﺎﻳﺮ ﻋﺰﻩ ﻳﻤﻜﻦ ﻣﺨﻠﺺ ﺍﻟﺒﺎﻛﻴﺖ ﻛﻠﻪ ﺑﻬﺎﻟﻨﺺ ﺳﺎﻋﻪ ﺑﺎﻭﻋﺖ ﻋﻠﻴﻪ ﻟﻜﻴﺘﻪ ﺣﺎﻁ ﺍﻳﺪﻩ ﻋﻠﻰ ﻋﻴﻮﻧﻪ ﻭﺍﻟﻈﺎﻫﺮ ﻧﺎﻳﻢ ﺍﺩﻧﻴﺖ ﻋﻠﻴﻪ ﻛﺎﻥ ﺗﻨﻔﺴﻪ ﻣﺴﺘﻘﺮ ﺍﻟﻈﺎﻫﺮ ﺻﺪﻙ ﻧﺎﻡ ﺑﺎﻭﻋﺖ ﻟﻠﺴﺎﻋﻪ ﺑﺎﻝ١ ﺑﻌﺪ ﻭﻛﺖ ﺧﻄﻴﻪ ﺧﻠﻲ ﻳﻨﺎﻡ ﺭﺣﺖ ﺟﺒﺖ ﺑﻄﺎﻧﻴﻪ ﻣﻦ ﺍﻟﻐﺮﻓﻪ ﻭﻏﻄﻴﺘﻪ
ﺭﺟﻌﺖ ﻟﻠﻤﻄﺒﺦ ﻏﺴﻠﺖ ﺍﻟﻤﻮﺍﻋﻴﻦ ﻭﻟﻔﻴﺖ ﺍﻻﻛﻞ ﺍﻟﺒﺎﻗﻲ ﻭﺧﻠﻴﺘﻪ ﻓﻮﻙ ﺟﻨﻄﺔ ﺍﻟﻐﺮﺍﺽ ﺣﺘﻪ ﻧﺎﺧﺬﻩ ﻭﻳﺎﻧﻪ ﻭ ﻣﺸﻄﺖ ﻭﺑﺪﻟﺖ ﻣﻼﺑﺴﻲ ﻣﺎﻝ ﻃﻠﻌﻪ ﻭﺧﺎﺑﺮﺕ ﺑﺎﺑﺎ ﻣﺎ ﺟﺎﻭﺑﻨﻲ ﺍﻟﻈﺎﻫﺮ ﻧﺎﻳﻢ ﺧﻄﻴﻪ ﻣﺎ ﺍﺭﻳﺪ ﺍﺯﻋﺠﻪ .. ﺍﺷﻮ ﺣﺴﻴﺖ ﺭﻭﺣﻲ ﻧﺤﻠﺖ ﺣﻄﻴﺖ ﺭﺍﺳﻲ ﻉ ﺍﻟﻤﺨﺪﻩ ﻭﻧﻤﺖ
ﻛﻌﺪﺕ ﺍﺑﺎﻭﻉ ﻟﻠﺴﺎﻋﻪ ﺏ٤ ﻋﺰﺯﺯﺯﺯﺯﺯﻩ ﻭﺻﺨﺎﻡ ﻛﻌﺪﺕ ﺍﺭﻛﺾ ﻟﻜﻴﺖ ﻫﺠﺮﺱ ﻧﺎﻳﻢ ﻛﻌﺪﺗﻪ ﺑﺨﺮﻋﻪ
.. ﻫﺠﺮﺱ .. ﻫﺠﺮﺱ
ﻫﻮ ﻛﻌﺪ ﻣﺨﺘﺮﻉ
.. ﺷﻜﻮ
.. ﺗﺄﺧﺮﻧﻪ ﺑﺎﻝ٤ ﻫﺴﻪ
ﺫﺏ ﺍﻟﺒﻄﺎﻧﻴﻪ ﻭﺻﺎﺡ
.. ﺻﺪﻙ ﺑﻠﻪ ﺗﺤﺠﻴﻦ ﻟﻴﺶ ﻣﺎ ﻛﻌﺪﺗﻴﻨﻲ
.. ﺍﻧﻲ ﻫﻢ ﻏﻔﻴﺖ ﻭﻣﺎ ﺍﺩﺭﻱ ﺑﻨﻔﺴﻲ
.. ﺑﻠﻪ ﻫﺴﻪ ﺷﻮﻛﺖ ﻧﺮﺟﻊ
.. ﻫﺴﻪ ﻧﻄﻠﻊ
.. ﺑﺎﺑﺎ ﻧﻮﺻﻞ ﺍﻟﺪﻧﻴﺎ ﻟﻴﻞ ﺍﻧﺘﻲ ﺷﺎﻳﻔﻪ ﺍﻟﻄﺮﻳﻖ ﺑﺎﻟﻠﻴﻞ .. ﺍﻣﺸﻲ ﺍﻣﺸﻲ ﺍﻣﺮﻱ ﻟﻠﻪ ﻣﻦ ﻓﻬﺎﻭﺗﺞ
.. ﻻ ﺗﻜﻠﻲ ﻣﻦ ﻓﻬﺎﻭﺗﺞ ﻉ ﺍﺳﺎﺱ ﺍﻧﺖ ﺍﻟﻨﺎﺩﺭ
.. ﺍﺳﺘﻐﻔﺮ ﺍﻟﻠﻪ ﺑﺪﺕ .. ﻣﻮﻟﻲ ﻛﺪﺍﻣﺞ ﺍﺣﺴﻨﻠﻲ
ﻃﻠﻊ ﻫﻮ ﻭﺍﻧﻲ ﺍﺧﺬﺕ ﺟﻨﻄﺘﻲ ﺍﻟﺠﺒﻴﺮﻩ ﻣﺎﻝ ﺍﻟﺴﻔﺮ ﺍﺳﺤﻞ ﺑﻴﻬﺎ ﻛﻮﻩ ﺍﺟﺮ ﺑﻴﻬﺎ ﻻﻥ ﻧﻘﻠﺖ ﺗﻘﺮﻳﺒﺎ ﻛﻞ ﻏﺮﺍﺿﻲ
ﺍﺟﻪ ﻫﻮ ﺷﺎﻓﻨﻲ ﺍﺳﺤﺐ ﺑﻴﻬﺎ ﺻﺎﺡ
.. ﻟﻴﺶ ﻣﺎ ﺻﺤﺘﻴﻠﻲ
ﺩﻓﻌﻨﻲ ﺑﻤﺘﻨﻪ ﻭﺍﺧﺬﻫﺎ
.. ﻫﻮ ﺍﻧﺖ ﺗﺘﺤﺎﺟﻪ ﺷﺎﻳﻒ ﻧﻔﺴﻚ ﺷﻮﻓﻪ
ﺍﻧﺪﺭﺍﻟﻲ ﻭﻋﻴﻮﻧﻪ ﺑﻜﺼﺘﻪ ﻣﻦ ﺍﻟﻐﻀﺐ
.. ﺗﻌﺎﻱ ﺍﺧﺬﻳﻠﺞ ﺭﺍﺷﺪﻱ
ﺧﻔﺖ ﻣﻨﻪ ﺳﻜﺘﺖ ﺳﺤﺐ ﺍﻟﺠﻨﻄﻪ ﻭﺣﻄﻬﺎ ﺑﺎﻟﺴﻴﺎﺭﻩ ﻭﺍﻧﻲ ﻗﻔﻠﺖ ﺍﻟﺒﺎﺏ ﻭﻃﻠﻌﺖ
ﻣﺸﻴﻨﻪ ﺗﻘﺮﻳﺒﺎ ﺳﺎﻋﻪ ﺍﺛﻨﻴﻨﻪ ﺳﺎﻛﺘﻴﻦ ﻭﺭﻩ ﺳﺎﻋﻪ ﺗﻘﺮﻳﺒﺎ ﻛﺎﻝ
.. ﺟﻴﻼﻥ ﻋﻨﺪﻱ ﻣﻮﺿﻮﻉ ﻭﻳﺎﺝ
.. ﻛﻮﻝ ﺍﺳﻤﻌﻚ
.. ﺭﺍﺡ ﺍﻛﻮﻝ ﻟﺠﺪﻱ ﺑﺎﺟﺮ ﻧﻌﻘﺪ ﻭﻧﻬﺎﻳﺔ ﺍﻻﺳﺒﻮﻉ ﺍﻟﺰﻭﺍﺝ
ﻓﺘﺤﺖ ﻋﻴﻮﻧﻲ ﻉ ﻭﺳﻌﻬﻦ ﻭﺍﻧﺪﺍﺭﻳﺖ ﺍﻟﻪ
.. ﺻﺪﻙ ﺗﺤﺠﻲ
.. ﻗﺎﺑﻞ ﺍﺗﺸﺎﻗﻪ ﻭﻳﺎﺝ
.. ﻭﻟﻴﺶ ﻫﺎﻻﺳﺘﻌﺠﺎﻝ
.. ﻭﻟﻴﺶ ﻫﺎﻟﺘﺎﺧﻴﺮ ﺍﻭﻝ ﺷﻲ ﺣﺘﻰ ﻋﻤﻲ ﻳﻄﻤﺌﻦ ﻭﺑﻠﻜﺖ ﻳﺘﻌﺎﻓﻪ ﺍﺫﺍ ﺳﻤﻊ ﺑﺎﻟﺨﺒﺮ ﻻﻥ ﺍﻟﻨﻔﺴﻴﻪ ﺍﻟﻬﺎ ﺩﻭﺭ ﺑﺎﻟﻌﻼﺝ ﻭﺛﺎﻧﻲ ﺷﻲ ﺍﻧﻲ ﻣﺎﻟﻲ ﺧﻠﻚ ﺍﻟﺠﺮﺟﺮﻩ ﻭﺭﺍﻱ ﺷﻐﻞ ﺍﻓﻀﻬﺎ ﺑﺄﺳﺒﻮﻉ ﻭﺍﻧﺘﻬﻰ ﺍﻟﻤﻮﺿﻮﻉ
.. ﻫﻮ ﺷﻨﻮ ﺗﻔﻀﻬﺎ ﺑﺄﺳﺒﻮﻉ ﻭﺍﺣﺪ ﻭﻭﺭﺍﻙ ﺷﻐﻞ ﺑﻴﺶ ﺗﺄﺛﺮ ﻋﻠﻴﻚ ﺍﺫﺍ ﺑﻘﻴﻨﻪ ﻣﺨﻄﻮﺑﻴﻦ ﻭﻛﺎﻋﺪﻳﻦ ﻳﻢ ﺑﻴﺖ ﺟﺪﻱ
.. ﺍﻧﻲ ﺑﺎﻟﻨﺴﺒﻪ ﺍﻟﻲ ﻣﺎ ﺗﺼﺮﻓﻠﻲ
.. ﻭﺍﻧﻲ ﻫﻢ ﻣﺎ ﻳﺼﺮﻓﻠﻲ ﺣﺠﻴﻚ .. ﺧﻼﺹ ﺍﻧﺴﻰ ﺍﻟﻤﻮﺿﻮﻉ ﻣﺎﻛﻮ ﺯﻭﺍﺝ
.. ﻫﻲ ﻣﻮ ﺑﻜﻴﻔﺞ ﻭﻻ ﻛﻴﻔﻲ ﺟﺪﻱ ﻭﺍﺑﻮﺝ ﻳﺰﻋﻠﻮﻥ ﻋﻠﻴﻨﻪ ﻭﺍﻧﻲ ﻣﺎ ﺍﻛﺪﺭ ﻋﻠﻰ ﺯﻋﻠﻬﻢ ﺍﺫﺍ ﺍﻧﺘﻲ ﺗﻜﺪﺭﻳﻦ ﻣﺎ ﻋﻨﺪﻱ ﻣﺎﻧﻊ ﺍﻧﺘﻲ ﺭﻭﺣﻲ ﺣﺎﺟﻴﻬﻢ
.. ﻫﺠﺮﺱ ﻻ ﺗﺘﺤﺪﺍﻧﻲ ... ﺗﺮﻩ ﻭﺍﻟﻠﻪ ﺍﺭﻛﺐ ﺭﺍﺳﻲ ﻭﺍﺑﻄﻞ
.. ﺑﻜﻴﻔﺞ ﺍﺫﺍ ﺣﺎﺑﻪ ﻋﻤﻲ ﻳﺘﺨﺮﺑﻂ ﺍﺳﻢ ﺍﻟﻠﻪ ﻋﻠﻴﻪ ﻣﺜﻞ ﺫﺍﻙ ﺍﻟﻴﻮﻡ ﺑﺮﺍﺣﺘﺞ ﺍﻧﻲ ﻫﻢ ﺍﺑﺮﺩ ﺭﺍﺱ ﺃﻟﻲ ﻉ ﺍﻻﻗﻞ ﺍﺷﻮﻓﻠﻲ ﻭﺣﺪﻩ ﺗﻔﻬﻤﻨﻲ ﻣﻮ ﻣﺮﻩ ﺭﺍﺳﻬﺎ ﻳﺎﺑﺲ ﻭﺍﻟﻌﻨﺎﺩ ﻳﻤﺸﻲ ﺑﺪﻣﻬﺎ
ﺩﺭﺕ ﻭﺟﻬﻲ ﻉ ﺍﻟﺠﺎﻣﻪ ﻭﺳﻜﺘﺖ ﻫﺎﻱ ﺷﻠﻮﻥ ﺳﺎﻟﻔﻪ ﻫﺬﺍ ﺭﺍﺡ ﻳﺴﻮﻳﻬﺎ ﺻﺪﻙ ﻭﺑﻌﺪ ﺍﺳﺒﻮﻉ ﻧﺘﺰﻭﺝ ﺍﺣﺲ ﺭﺟﻔﻪ ﻣﺸﺖ ﺑﺠﺴﻤﻲ ﻣﻦ ﺗﺬﻛﺮﺕ ﺍﻧﻲ ﻭﻳﺎﻩ ﺭﺍﺡ ﻧﺼﻴﺮ ﺑﻐﺮﻓﻪ ﻭﺣﺪﻩ ﺟﺴﻤﻲ ﺻﺎﺭ ﺣﺎﺭ
ﺭﺑﻲ ﺳﺎﻋﺪﻧﻲ ﻟﻴﺶ ﺧﻠﻴﺘﻨﻲ ﺑﻬﺎﻻﺧﺘﺒﺎﺭ ... ﺍﺥ ﻭﺍﻟﻠﻪ ﻟﻮ ﻣﺎ ﺑﺎﺑﺎ ﻛﺎﺳﺮ ﻇﻬﺮﻱ ﻭﺍﺧﺎﻑ ﻋﻠﻴﻪ ﻣﺎ ﺍﺑﺎﻭﻉ ﺑﻮﺟﻬﻚ ﻳﺎ ﻫﺠﺮﺱ
ﻟﺰﻣﺖ ﺍﻟﺴﻜﺘﻪ ﻃﻮﻝ ﺍﻟﻄﺮﻳﻖ ﻭﺻﻠﻨﻪ ﺑﺎﻟﻠﻴﻞ ﺗﻘﺮﻳﺒﺎ ﺏ٨ ﻟﻜﻴﻨﻪ ﺍﻟﻜﻞ ﻛﺎﻋﺪ ﺑﺎﻟﺼﺎﻟﻪ ﺩﺧﻠﻨﻪ ﺍﺛﻨﻴﻨﻪ
.. ﺍﻟﺴﻼﻡ ﻋﻠﻴﻜﻢ
.. ﻭﻋﻠﻴﻜﻢ ﺍﻟﺴﻼﻡ
ﺭﺣﺖ ﻉ ﺑﺎﺑﺎ ﺑﺴﺘﻪ
.. ﺷﻠﻮﻧﻚ ﺍﻟﻴﻮﻡ ﺣﺒﻴﺒﻲ
.. ﺍﻟﺤﻤﺪ ﻟﻠﻪ
ﻛﺎﻟﺖ ﺑﻴﺒﻲ
.. ﻭﻟﻚ ﻫﺠﺮﺱ ﺷﻮ ﺗﺄﺧﺮﺗﻮﺍ ﻭﻳﻦ ﺟﻨﺘﻮﺍ
ﺍﻧﻲ ﻻ ﺍﺭﺩﺍﻳﺎ ﺣﺠﻴﺖ ﻛﺘﻠﻬﺎ
.. ﺑﻴﺒﻲ ﺍﺧﺬﺗﻨﻪ ﺍﻟﻨﻮﻣﻪ ﻣﺎ ﻛﻌﺪﻧﻪ ﻏﻴﺮ ﺑﺎﻝ٤
ﺑﺎﻭﻋﺖ ﻟﻬﺠﺮﺱ ﺧﺰﺭﻧﻲ ﺑﺎﻭﻋﺖ ﻟﺒﻴﺒﻲ ﺍﺑﺘﺴﻤﺖ ﻫﻲ ﻭﺟﺪﻭ ﻭﻋﻤﺘﻲ ﻋﻴﻮﻧﻬﺎ ﺻﺎﺭﺕ ﺑﻜﺼﺘﻬﺎ ﻛﺎﻟﺖ ﺑﻴﺒﻲ
.. ﺍﻱ ﺣﺒﻮﺑﻪ ﻧﻮﻣﺔ ﺍﻟﻌﺎﻓﻴﻪ ... ﺑﺲ ﻋﺎﺩﻥ ﻟﻮ ﻣﺨﻠﻴﺘﻬﺎ ﻭﺭﻩ ﻣﺎ ﻳﻌﻘﺪﻟﻜﻢ ﺍﻟﻤﻮﻣﻦ ﺣﺘﻪ ﺗﺼﻴﺮ ﻧﻮﻣﺘﻜﻢ ﺑﺎﻟﺤﻼﻝ
ﺑﻌﺪﻳﻦ ﻃﺨﺖ ﻋﻨﺪﻱ ﺍﻧﻪ ﻫﻢ ﺍﺧﺬﻭﻫﺎ ﺑﻐﻴﺮ ﺷﻲ ﺣﺴﻴﺖ ﺍﻟﻨﺎﺭ ﻛﺎﻡ ﺗﻄﻠﻊ ﻭﺟﻬﻲ ﻛﻤﺖ ﺭﻛﻀﺖ ﻭﺩﺧﻠﺖ ﻟﻠﻐﺮﻓﻪ ﻳﺎ ﺍﻟﻠﻪ ﺷﻜﺪ ﻋﻴﺐ ﻫﺴﻪ ﺍﻧﻲ ﺷﺤﺠﺎﻧﻲ ﻳﺎ ﺭﺑﻲ ﺷﻜﺪ ﻓﺸﻠﻪ ﻓﻮﻛﺎﻫﺎ ﻛﻠﻬﺎ ﻛﺎﻋﺪﻩ
ﺭﺣﺖ ﻟﻠﻐﺮﻓﻪ ﺑﺪﻟﺖ ﻭﺑﻘﻴﺖ ﻛﺎﻋﺪﻩ ﺍﺟﺖ ﻓﻄﻮﻣﻪ ﺗﺮﻛﺾ
.. ﻫﻠﻮ ﺟﻮﻟﻲ ﺣﺒﻴﺒﻲ ﺷﻨﻮ ﻫﺎﻟﺨﺒﺮ ﺍﻟﺤﻠﻮ ﺍﻟﺴﻤﻌﺘﻪ
.. ﻳﺎ ﺧﺒﺮ
.. ﺻﺪﻙ ﺭﺍﺡ ﺗﺘﺰﻭﺟﻴﻦ ﻧﻬﺎﻳﺔ ﺍﻻﺳﺒﻮﻉ ﺍﻧﺘﻲ ﻭﻫﺠﺮﺱ
.. ﺍﺳﻜﺘﻲ ﻻ ﺗﺬﻛﺮﻳﻨﻲ ﻭﺍﻟﻘﺮﺍﻥ ﻣﻌﺪﺗﻲ ﺗﻨﻤﻐﺺ ﻛﻠﻤﺎ ﺍﺗﺬﻛﺮ ﺍﻧﻪ ﺍﻧﻲ ﻭﺍﺧﻮﺝ ﺭﺍﺡ ﻳﺠﻤﻌﻨﻪ ﺳﻜَﻒ ﻭﺍﺣﺪ
.. ﺩﻭﻟﻲ ﻭﺍﻟﻠﻪ ﻟﻮ ﻣﻨﺞ ﺍﻧﻲ ﺍﻛﻮﻡ ﺍﻃﻚ ﺍﺻﺒﻌﺘﻴﻦ ﺍﺥ ﻫﺠﺮﺱ ﻟﻮ ﻣﺎ ﺍﺧﻮﻱ ﺍﻻ ﺍﺯﺣﻔﻠﻪ ﻭﺍﻛﺒﻞ ﻭﻳﺎﻩ ﻭﻟﺞ ﺣﻠﻮ ﻭ ﻣﻌﺒﻌﺐ ﻣﻠﻴﺎﻥ ﻓﻠﻮﺱ
.. ﺍﻛﻠﻲ ﻧﻌﻞ ﺷﺘﺪﺭﻳﻦ ﺑﻴﻪ ﺑﺤﺎﻝ ﺍﻟﻔﻠﻮﺱ ﻟﻮ ﺑﺤﺎﻝ ﺍﻟﺠﻤﺎﻝ ﺍﻧﻲ ﺍﺭﻳﺪ ﺭﺟﺎﻝ ﻳﺤﺘﺮﻣﻨﻲ ﻳﻘﺪﺭﻧﻲ ﻳﻬﺘﻢ ﺑﻴﻪ ﻭﻳﺎﺧﺬ ﺭﺃﻳﻲ ﺑﻜﻞ ﺷﻲ ﻣﻮ ﻳﺪﻓﻨﻲ ﺑﺎﻟﺤﻴﺎﺓ
.. ﺍﻫﻮ ﻛﺎﻡ ﺗﻤﻀﺮﻁ ﺑﺎﻟﺤﺠﻲ ﺧﻠﻲ ﺍﻛﻮﻡ ﺍﺣﺴﻨﻠﻲ ﻭﺍﻟﻠﻪ ﺍﻧﺘﻲ ﺩﻭﺍﺝ ﺍﻣﻲ ﻭﺑﺲ
.. ﻭﻟﻲ ﻭﻛﻮﻟﻲ ﻻﺧﻮﺝ ﺧﻠﻲ ﻳﺠﻴﺐ ﺍﻟﺠﻨﻂ ﻣﻦ ﺳﻴﺎﺭﺗﻪ ﻣﺤﺘﺎﺟﻪ ﻏﺮﺍﺿﻲ
.. ﺍﻓﺘﻬﻤﻨﻪ
ﻭﺭﻩ ٥ ﺩﻗﺎﻳﻖ ﺩﻙ ﺍﻟﺒﺎﺏ ﻫﺠﺮﺱ ﻓﺘﺤﺖ ﺍﻟﺒﺎﺏ ﺩﺧﻞ ﺍﻟﺠﻨﻂ ﻭﺑﺎﻭﻋﻠﻲ ﻛﺎﻝ
.. ﺣﻀﺮﻱ ﻧﻔﺴﺞ ﺑﺎﺟﺮ ﺍﻟﺼﺒﺢ ﻧﺮﻭﺡ ﻧﺸﺘﺮﻱ ﺍﻟﺬﻫﺐ ﻭﻣﺴﺘﻠﺰﻣﺎﺕ ﺍﻟﻌﻘﺪ ﻭﺍﻟﻌﺼﺮ ﻧﻌﻘﺪ
.. ﺍﻧﺖ ﻣﺎ ﺩﺍ ﺗﺸﻮﻑ ﻭﺿﻊ ﺑﺎﺑﺎ ﺍﻧﻲ ﺑﻴﺎ ﺣﺎﻝ ﻭﺍﻋﻘﺪ ﻭﺍﺗﺰﻭﺝ
.. ﻭﺍﻟﻠﻪ ﻋﻤﻲ ﻓﺮﺡ ﻛﻠﺶ ﺑﻬﺎﻟﺨﻄﻮﻩ ﺣﺘﻪ ﺣﺴﻴﺖ ﻭﺭﺩﻥ ﻭﺟﻨﺎﺗﻪ ﻣﻦ ﺳﻤﻊ ﺑﺎﻟﺨﺒﺮ ﺑﻌﺪ ﺑﻜﻴﻔﺞ ﺍﺫﺍ ﺗﺮﺩﻳﻦ ﺻﺤﺘﻪ ﺗﺮﺟﻊ ﺗﻨﻜﺘﺲ ﺑﺮﺍﺣﺘﺞ ﺑﻘﺖ ﻳﻤﺞ
ﺍﻭﻝ ﻣﺮﻩ ﺍﺣﺲ ﻧﻔﺴﻲ ﻣﺮﺑﻄﻪ ﻭﻣﺎ ﺍﻛﺪﺭﻟﻪ ﺍﺑﺘﺴﻤﻠﻲ ﻭﻋﺎﻓﻨﻲ ﻭﻃﻠﻊ ﺭﻛﻌﺖ ﺍﻟﺒﺎﺏ ﻭﺭﺍﻩ ﺑﻘﻮﻩ ﻛﻌﺪﺕ ﺍﺭﺗﺐ ﺍﻟﻤﻼﺑﺲ ﺑﺎﻟﻜﻨﺘﻮﺭ ﺑﻌﺼﺒﻴﻪ
ﻭﺭﻩ ﺩﻗﺎﻳﻖ ﺍﺟﻪ ﺑﺎﺑﺎ ﺷﺎﻓﻨﻲ ﻣﻌﺼﺒﻪ ﻛﺎﻝ
.. ﻟﻴﺶ ﺿﺎﻳﺞ ﺍﻟﺤﻠﻮ
.. ﻣﺎ ﺿﺎﻳﺠﻪ .. ﻫﻴﺞ ﺷﻮﻳﻪ ﺗﻌﺒﺎﻧﻪ ﻣﻦ ﺍﻟﻄﺮﻳﻖ
ﺍﺟﻪ ﻛﻌﺪ ﻭﺍﺧﺬ ﺍﻟﻤﻼﺑﺲ ﻣﻦ ﺍﻳﺪﻱ
.. ﺑﻨﻴﺘﻲ ﺻﺢ ﺍﻟﻠﻪ ﻣﺎ ﻳﺤﺐ ﺍﻻﻧﺴﺎﻥ ﺍﻟﻌﺠﻮﻝ ﺑﺲ ﺍﻛﻮ ﻣﻮﺍﻗﻒ ﺗﻀﻄﺮ ﺗﺴﺘﺨﺪﻡ ﺑﻴﻬﺎ ﺍﻟﻌﺠﻠﻪ ﺣﺘﻰ ﺗﻨﻘﺬ ﺑﻴﻬﺎ ﺣﻴﺎﺓ ﺍﻧﺴﺎﻥ ... ﻭﺍﻧﺘﻲ ﻣﻮ ﺍﻱ ﺍﻧﺴﺎﻥ ﺍﻧﺘﻲ ﻗﻄﻌﻪ ﻣﻦ ﻗﻠﺒﻲ .. ﺍﺭﺟﻊ ﻭﺍﻛﻮﻟﺞ ﺍﻧﻲ ﻋﻠﻰ ﺍﺑﻮﺍﺏ ﺍﻟﻤﻮﺕ ﺍﺭﻳﺪ ﺍﻣﻮﺕ ﻭﺍﻧﻲ ﻣﺮﺗﺎﺡ ﻳﺠﻮﺯ ﺍﻟﻴﻮﻡ ﻋﺎﻳﺶ ﺑﺎﺟﺮ ﻣﺎ ﻣﻮﺟﻮﺩ ﻳﻤﺞ ﺍﺭﻳﺪ ﺍﻟﻲ ﻳﺴﻨﺪﺝ ﻣﻦ ﺑﻌﺪﻱ ﻳﻜﻮﻥ ﺍﻗﺮﺏ ﺍﻟﻨﺎﺱ ﺍﻟﻴﻪ ﻭﺍﻋﺮﻓﻪ ﻭﺍﻛﺪﺭ ﺍﺋﺘﻤﻨﺞ ﻳﻤﻪ ﻭﺍﻧﻲ ﺑﺎﻟﻲ ﻣﺮﺗﺎﺡ ﺍﻧﻪ ﻣﺎ ﺑﻴﻮﻡ ﻳﺨﺬﻟﺞ ﺍﻭ ﻳﺄﺫﻳﺞ ﺗﺮﻩ ﺑﻌﻤﺮﻩ ﺍﻟﺤﺐ ﻣﺎ ﻛﺎﻥ ﻣﻘﻴﺎﺱ ﻟﻠﺴﻌﺎﺩﻩ ﻳﺎﻣﺎ ﻧﺎﺱ ﻛﺎﻧﺖ ﺗﺤﺐ ﻭﻓﺮﻗﺘﻬﻢ ﺍﻟﺪﻧﻴﺎ ﻟﻮ ﺑﻄﻼﻙ ﻟﻮ ﺑﻤﻮﺕ ﻭﻳﺎﻣﺎ ﻧﺎﺱ ﻏﺮﺑﺎﺀ ﺟﻤﻌﺘﻬﻢ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻭﺻﺎﺭﻭﺍ ﺭﻭﺡ ﻭﺣﺪﻩ .. ﺍﻧﻲ ﻣﺘﺄﻛﺪ ﻣﻠﻴﻮﻥ ﺑﺎﻟﻤﻴﻪ ﺭﺍﺡ ﺗﺤﺒﻴﻦ ﻫﺠﺮﺱ ... ﻻﻥ ﻫﺠﺮﺱ ﺫﻫﺐ ﻭﺍﻟﺬﻫﺐ ﻋﻤﺮﻩ ﻣﺎ ﻳﻜَﻠﺐ ﻭﻳﺒﻘﻰ ﻳﻠﻤﻊ ﻃﻮﻝ ﻋﻤﺮﻩ
ﺍﺑﺎﻭﻋﻠﻪ ﻭﻋﻴﻮﻧﻲ ﺗﺼﺐ ﺭﺣﺖ ﺣﻄﻴﺖ ﺭﺍﺳﻪ ﺑﺤﻀﻨﻪ ﻭﻛﻤﺖ ﺍﺑﺠﻲ ﻭﺍﻛﻮﻟﻪ
.. ﺑﺎﺑﺎ ﺣﺒﺎﺏ ﻻ ﺗﻌﻮﻓﻨﻲ ﻭﺍﻟﻠﻪ ﺍﺣﺲ ﺑﻨﻔﺴﻲ ﻗﻮﻳﻪ ﻻﻥ ﺍﻧﺖ ﻳﻤﻲ ﻣﺤﺪ ﻳﺴﻨﺪﻧﻲ ﻏﻴﺮﻙ ... ﻃﻮﻝ ﻋﻤﺮﻙ ﺳﺎﻧﺪﻧﻲ ﻻ ﺗﻌﻮﻓﻨﻲ ﺍﻭﻛﻊ ﻫﺴﻪ
ﺣﺴﻴﺖ ﺑﻮﺟﻬﻲ ﺍﻛﻮ ﻣﻲ ﻣﺴﺤﺘﻪ ﻟﻜﻴﺘﻪ ﺩﻡ ﺑﺎﻭﻋﺘﻠﻪ ﻣﺨﺘﺮﻋﻪ ﻟﻜﻴﺖ ﺧﺸﻤﻪ ﻃﺎﻙ ﺩﻡ ﻛﺘﻠﻪ ﺑﺨﻮﻑ
.. ﺑﺎﺑﺎ ... ﻫﺎﻱ ﺷﻨﻮ ؟؟؟
ﺍﺧﺬ ﻛﻠﻨﻴﺲ ﻭﻛﺎﻝ
.. ﻻ ﺗﺨﺎﻓﻴﻦ ﺑﺎﺑﺎ ﻋﺎﺩﻱ ﻛﺎﻝ ﺍﻟﺪﻛﺘﻮﺭ ﻳﺼﻴﺮﻥ ﺫﻧﻲ ﻳﺘﺨﺮﺑﻂ ﺍﻟﻀﻐﻂ ﻋﻨﺪﻱ
.. ﺑﺎﺑﺎ .. ﺣﺒﺎﺏ .. ﺧﻠﻲ ﻧﺎﺧﺬﻙ ﻟﻠﻤﺴﺘﺸﻔﻰ
.. ﺑﺎﺑﺎ ﻣﺎ ﺑﻴﻪ ﺷﻲ ﺷﺒﻴﺞ
.. ﺍﺧﺬﺕ ﺩﻭﺍﻙ
.. ﺍﻱ ﺍﺧﺬﺗﻪ ﺣﺒﻴﺒﻲ ﻻ ﺗﺨﺎﻓﻴﻦ ﻳﻠﻪ ﻧﺎﻣﻲ ﺑﺎﺟﺮ ﻭﺭﺍﺝ ﻋﻘﺪ ﺗﺼﺒﺤﻴﻦ ﻋﻠﻰ ﺧﻴﺮ
.. ﻭﺍﻧﺖ ﺑﺨﻴﺮ ﺣﺒﻴﺒﻲ
ﺍﺩﺭﻱ ﺑﻴﻪ ﻳﻜﺎﺑﺮ ﻣﺎ ﻳﺮﻳﺪ ﻳﺒﻴﻦ ﺍﻟﻲ ﺍﻟﻤﻪ ﺑﺲ ﺍﻧﻲ ﻣﺎ ﻣﺮﺗﺎﺣﻪ ﺭﺣﺖ ﻳﻢ ﺭﺍﺳﻪ ﻛﻤﺖ ﺍﻗﺮﻩ ﻉ ﺭﺍﺳﻪ ﺍﻳﺎﺕ ﻗﺮﺍﻧﻴﻪ ﻭﺍﺑﺠﻲ ﺷﻮﻳﻪ ﺷﻮﻳﻪ ﺳﻤﻌﺖ ﻧﻔﺴﻪ ﺛﻘﻞ ﻳﻌﻨﻲ ﻧﺎﻡ ﺍﻟﺤﻤﺪ ﻟﻠﻪ ﻭﺍﻟﺸﻜﺮ .... ﺷﻜﺪ ﺻﻌﺒﻪ ﻣﻦ ﺗﺸﻮﻑ ﺍﻻﻳﺎﻡ ﻭﻳﻪ ﺍﻏﻠﻰ ﺍﻧﺴﺎﻥ ﻋﻠﻰ ﻗﻠﺒﻚ ﺻﺎﺭﻥ ﻣﻌﺪﻭﺩﺍﺕ ﺭﺑﻲ ﻻ ﺗﺨﺘﺒﺮﻧﻲ ﺑﺄﺑﻮﻱ ﺍﺗﻮﺳﻞ ﺍﻟﻚ ﺍﺧﺘﺒﺮﻧﻲ ﺑﻌﺎﻓﻴﺘﻲ ﻭﻻ ﺍﺑﻮﻱ ﺭﺍﺿﻴﻪ ﺑﺤﻜﻤﻚ ﺑﺲ ﻻ ﺗﺒﻌﺪﻩ ﻋﻨﻲ
ﻣﺴﺤﺖ ﺩﻣﻮﻋﻲ ﻭﻛﻤﺖ ﺭﺣﺖ ﻳﻢ ﺑﻴﺒﻲ ﺑﻐﺮﻓﺘﻬﺎ ﻟﻜﻴﺖ ﻳﻤﻬﺎ ﺟﺪﻭ ﻧﺎﻳﻢ ﻻﻥ ﻫﻢ ﻫﻨﺎﻙ ﻳﻨﺎﻣﻮﻥ ﻣﻦ ﻭﻛﺖ ﺑﺲ ﺑﻴﺒﻲ ﺗﺒﻘﻰ ﻛﺎﻋﺪﻩ ﻟﻞ٩ ﺗﺨﻠﺺ ﺍﻟﻤﺴﻠﺴﻞ ﻣﺎﻟﺘﻬﺎ ﺍﻟﻤﺼﺮﻱ ﻛﺎﻧﺖ ﻣﺎﻝ ﻓﻴﻔﻲ ﻋﺒﺪﻩ ‏( ﺍﻟﺤﻘﻴﻘﻪ ﻭﺍﻟﺴﺮﺍﺏ ‏) ﻳﻠﻪ ﺗﻨﺎﻡ ﺭﺣﺖ ﺣﻄﻴﺖ ﺭﺍﺳﻲ ﺑﺤﻀﻨﻬﺎ ﻭﺩﻣﻌﺘﻲ ﺑﺨﺪﻱ ﻛﺎﻟﺖ
.. ﻳﺎ ﺷﻤﺎﻟﺞ ﺗﻨﺎﺷﻐﻴﻦ ﻳﺎ ﺑﻴﺘﻲ
ﻣﺎ ﺭﺩﺕ ﺍﺣﺠﻴﻠﻬﺎ ﺷﻲ ﻻﻥ ﻫﻲ ﻫﻢ ﻣﺮﻳﻀﻪ ﻭﺍﺻﻼ ﻣﺎ ﺑﻴﺪﻫﺎ ﺗﺴﻮﻱ ﺷﻲ
.. ﻣﺎ ﺑﻴﻪ ﺷﻲ ﺑﻴﺒﻲ ﻫﻴﺠﻲ ﻣﺘﻀﺎﻳﻘﻪ ﺷﻮﻳﻪ
.. ﻣﺘﻀﺎﻳﻘﻪ ﻋﻠﻰ ﺍﺑﻴﺞ ﻣﻮ ؟
ﻣﺴﺴﺤﺖ ﺩﻣﻌﺘﻬﺎ ﻭﻛﺎﻟﺖ
.. ﺍﻭﻭﻭﻭﻑ ﺣﺒﻮﺑﻪ ﻫﺬﺍ ﺟﺪﺝ ﺗﺸﻮﻓﻴﻨﻪ ﻳﻮﻣﻴﻪ ﻗﺒﻞ ﻣﺎ ﻳﻨﺎﻡ ﺩﻣﻮﻋﻪ ﺗﺠﺮﻱ ﻭﻳﻜﻌﺪ ﺑﺼﻼﺓ ﺍﻟﺼﺒﺢ ﻫﻢ ﻳﺒﺠﻲ ﻋﻠﻴﻪ ﺟﺎ ﺷﺒﻴﺪﻧﻪ ﺣﺒﻮﺑﻪ ﻫﺬﺍ ﺍﻣﺮ ﺍﻟﻠﻪ ﻻ ﺍﻋﺘﺮﺍﺽ ﻋﻠﻰ ﺣﻜﻤﻪ ﺑﺲ ﺍﺩﻋﻴﻠﻪ ﺑﺎﻟﻌﻮﻳﻔﻴﻪ
.. ﻭﻓﻮﻙ ﻛﻞ ﻫﺬﺍ ﺍﻟﻘﻬﺮ ﻳﺮﻳﺪ ﻳﺰﻭﺟﻨﻲ ﺍﻧﻲ ﺑﻴﺎ ﺣﺎﻝ ﻭﺍﻓﺮﺡ ﺑﻴﺒﻲ
.. ﺑﺎﻋﻲ ﺣﺒﻮﺑﻪ ﺍﺩﺭﻱ ﺑﻴﺞ ﻣﻜﺪﺭﻩ ﻻﻥ ﺭﺍﺡ ﺗﺎﺧﺬﻳﻦ ﻫﺬﺍ ﺍﻟﻤﺴﻮﺩﻥ ﺑﺲ ﻭﻏﻼﺗﺞ ﺯﻟﻤﻪ ﻣﻦ ﻇﻬﺮ ﺯﻟﻤﻪ ﻭﻟﻮ ﻣﺎ ﺍﺣﺒﻨﺞ ﻣﺎ ﺍﺭﻏﺒﺞ ﺑﻴﻪ .. ﺑﺲ ﺍﻧﺘﻲ ﻫﻢ ﺗﻨﺤﻨﺤﻲ ﻭﺑﻄﻠﻲ ﺳﻮﺍﻟﻒ ﺍﻟﻌﻨﺎﺩ ﻣﺎﻟﺞ ﺟﻨﺞ ﻣﻄﻲ ﻣﻄﻨﻜﺮ ﻭﻳﺤﺮﻥ ‏( ﺍﻟﺤﻴﻮﺍﻥ ﻣﻦ ﻳﺮﻛﺐ ﺭﺍﺳﻪ ﻭﻳﻌﺎﻧﺪ ﻭﻣﺎ ﻳﻘﺒﻞ ﻳﻤﺸﻲ ‏) ﺗﺮﻩ ﺍﻟﺮﺟﺎﻝ ﻣﺜﻞ ﺍﻟﻄﻔﻞ ﺑﺲ ﺍﻧﻄﻴﻪ ﺣﺎﺟﺘﻪ ﻭﺩﻟﻴﻠﻴﻪ ﺑﻴﻬﺎ ﺗﺤﻄﻴﻪ ﻣﺤﺒﺲ ﺑﺎﻳﺪﺝ
.. ﺑﺲ ﺑﻴﺒﻲ ﻫﺠﺮﺱ ﻣﻦ ﻧﻮﻉ ﻣﺎ ﻳﺎﺧﺬ ﺭﺍﻱ ﺍﻟﻤﺮﻩ ﻭﻳﻐﺼﺒﻬﺎ ﻋﻠﻰ ﻫﻮﺍﻱ ﺷﻐﻼﺕ
ﻫﻲ ﺻﻔﻜﺖ ﺍﻳﺪﻫﺎ ﻭﻏﻤﺘﻨﻲ
.. ﺍﻣﺪﺍﺝ ﻳﺎﻟﻌﻮﺑﻪ .. ﺟﺎ ﻫﻮ ﺣﺒﻬﺎ ﻭﻟﺒﻂ ﻫﻲ ﺍﻟﻤﺮﻩ ﺍﻟﺒﻴﻬﺎ ﺣﻆ ﻫﻲ ﺗﺨﻠﻲ ﺍﻟﺮﺟﺎﻝ ﻳﺴﻮﻟﻔﻠﻬﺎ ﻭﻳﺎﺧﺬ ﺷﻮﺭﻫﺎ
.. ﻣﺸﻜﻮﺭﻩ ﺑﻴﺒﻲ ﻣﺎ ﻗﺼﺮﺗﻲ ﻫﺎﻱ ﺗﺎﻟﻴﺘﻲ ﺍﺷﻜﻴﻠﺞ ﺗﻐﻤﻴﻨﻲ ﻭﺗﻄﻠﻌﻴﻨﻲ ﻣﻄﻲ
.. ﺣﺒﻮﺑﻪ ﻻ ﺗﺼﻴﺮﻳﻦ ﺟﻨﺞ ﻫﺎﻱ ﺍﻟﺒﻠﻤﺴﻠﺴﻞ .. ﺑﺘﻬﻢ ﻳﺎﻫﻮ ﺍﻟﻴﺠﻴﻬﺎ ﺗﺘﻔﻜﻬﻦ ‏( ﺗﺘﻌﻴﻘﻞ ‏) ﻋﻠﻴﻪ ﻟﻤﻦ ﺿﺤﻚ ﻋﻠﻴﻬﺎ ﻭﺍﺣﺪ ﺗﺎﻟﻲ ﺿﻠﺖ ﺑﺎﻳﺮﻩ ﻋﻠﻰ ﻛَﻠﺐ ﺍﻣﻬﺎ ﺗﺮﻳﺪ ﻭﺍﺣﺪ ﻳﻨﻔﻜَﻬﺎ ﻣﺎﻛﻮ
ﺿﺤﻜﺖ ﻉ ﺣﺠﻴﻬﺎ ﺍﺩﺭﻱ ﺑﻴﻬﺎ ﻣﺎ ﺗﻨﻄﻲ ﺑﻬﺠﺮﺱ ﻟﻮ ﺍﺣﺠﻲ ﻣﻨﺎ ﻟﺒﺎﺟﺮ ﻛﻤﺖ ﻣﻦ ﻳﻤﻬﺎ ﺧﺎﺑﺮﺗﻨﻲ ﻉ ﺍﻟﻤﺎﺳﻨﺠﺮ ﻓﻄﻮﻣﻪ ﻛﺎﻟﺖ ﺗﻌﺎﻟﻲ ﻳﻤﻲ ﺍﻧﻲ ﻫﻢ ﻛﻨﺖ ﺿﺎﻳﺠﻪ ﺭﺣﺖ ﻳﻤﻬﺎ ﺑﻘﻴﻨﻪ ﻧﺴﻮﻟﻒ ﺗﻘﺮﻳﺒﺎ ﻟﻞ١١ ﻛﺘﻠﻬﺎ
.. ﻓﻄﻮﻣﻪ ﻻﺯﻡ ﺍﺭﻭﺡ ﺍﻧﺎﻡ ﻻﻥ ﺑﺎﺟﺮ ﻭﺭﺍﻱ ﻫﻮﺳﻪ ﻭﻛﻌﺪﻩ ﻣﻦ ﺍﻟﺼﺒﺢ
.. ﻳﻤﻪ ﻭﻟﺞ ﻣﺎ ﻣﺼﺪﻛﻪ ﺭﺍﺡ ﺗﺼﻴﺮﻳﻦ ﻣﺮﺓ ﺍﺧﻮﻱ ﻭﺍﻧﻮﺏ ﻳﻤﻲ ٢٤ ﺳﺎﻋﻪ
.. ﺩﻳﻠﻪ ﻫﺴﻪ ﻉ ﺍﺳﺎﺱ ﺍﻧﻲ ﻃﺎﻳﺮﻩ ﻗﺒﻞ ﺍﻟﺰﻭﺍﺝ ﺍﺷﻮ ﻣﻜﺎﺑﻠﺘﺞ ﻣﻦ ﺍﻟﺼﺒﺢ ﻟﻠﻴﻞ
.. ﻻ ﺣﺒﻴﺒﺘﻲ ﻗﺒﻞ ﺍﻟﺰﻭﺍﺝ ﻣﻤﻜﻦ ﻋﻠﻰ ﻟﺤﻈﻪ ﺗﻄﻴﺮﻳﻦ ﺑﺲ ﻫﺴﻪ ﺍﺧﻮﻱ ﺭﺍﺡ ﻳﺤﺒﺴﺞ ﺑﺎﻟﻘﻔﺺ ﻣﺎﻟﺘﻪ ﻭﺍﻟﻌﺐ ﺑﻴﻬﺎ ﻳﺎﺑﻮ ﺳﻤﻴﺮﻩ
.. ﻭﺍﻟﻠﻪ ﺍﻧﺘﻲ ﻣﺎ ﻭﺭﺍﺝ ﻏﻴﺮ ﺍﻟﻤﻐﺜﻪ ﺍﻛﻮﻡ ﺍﻭﻟﻲ ﺍﺣﺴﻦ
ﻃﻠﻌﺖ ﻣﻦ ﻳﻤﻬﺎ ﻟﻜﻴﺖ ﻫﺠﺮﺱ ﻓﺎﺗﺢ ﺑﺎﺏ ﺍﻟﺤﻤﺎﻡ ﻭﻳﺤﻠﻖ ﻉ ﺍﻟﻤﻐﺴﻠﻪ ﻭﻻﻑ ﺍﻟﺨﺎﻭﻟﻲ ﻉ ﺧﺼﺮﻩ ﺑﺎﻭﻋﺘﻠﻪ ﺍﺳﺘﺤﻴﺖ ﺑﺴﺮﻋﻪ ﺩﻧﻜﺖ ﻭﺭﺩﺕ ﺍﻧﺰﻝ ﻛﺎﻝ
.. ﻟﺤﻈﻪ ﺟﻴﻼﻥ
ﻭﻛﻔﺖ ﺑﺲ ﻣﺎ ﺷﻠﺖ ﺭﺍﺳﻲ ﺗﻘﺮﺏ ﻣﻨﻲ ﻭﻛﺎﻝ
.. ﺷﻠﻮﻥ ﺻﺎﺭ ﻋﻤﻲ
.. ﻣﻮ ﺯﻳﻦ ﺑﺎﺑﺎ
.. ﺷﺒﻴﻪ
ﺑﺎﻭﻋﺘﻠﻪ ﺍﺭﻳﺪ ﺍﺣﺠﻲ ﻣﺎ ﺍﻛﺪﺭ ﻛﺎﻥ ﻗﺮﻳﺐ ﻣﻨﻲ ﻭﻻﻑ ﺍﻟﺨﺎﻭﻟﻲ ﻉ ﺧﺼﺮﻩ ﻭﻋﻀﻼﺕ ﺟﺴﻤﻪ ﻣﺒﻴﻨﻪ ﻭﻧﺺ ﻟﺤﻴﺘﻪ ﺑﻴﻬﺎ ﻣﻌﺠﻮﻥ ﻭﺍﻟﻨﺺ ﺍﻟﺜﺎﻧﻲ ﻣﺤﻠﻮﻕ ﻭﻋﻄﺮﻩ ﻳﺴﻄﺮ ﻛﺘﻠﻪ
.. ﺍﺍﺍﺍ ... ﻣﻤﻤﻢ ... ﻫﻮ ﻣﺮﻳﺾ ﻳﻌﻨﻲ ﺷﺘﺘﻮﻗﻊ ﺷﻠﻮﻧﻪ ؟
.. ﻋﻠﻜﻴﻔﺞ ﻻ ﺗﻨﺘﺮﻳﻦ ﺍﻟﻤﻬﻢ ﺻﺤﺘﻠﺞ ﺍﺭﻳﺪ ﺍﻛﻮﻟﺞ ﺑﺎﺟﺮ ﺍﻟﺼﺒﺢ ﻣﻦ ﺗﺠﻴﻦ ﺗﺨﺘﺎﺭﻳﻦ ﺍﻟﺬﻫﺐ ﺍﻟﺒﺴﻲ ﻋﺒﺎﻳﺔ ﻓﺎﻃﻤﻪ
ﻓﺘﺤﺖ ﻋﻴﻮﻧﻲ ﻉ ﻭﺳﻌﻬﻦ
.. ﺷﻨﻮﻭﻭﻭ .. ﺻﺪﻙ ﺍﻧﺖ ﻓﺎﻳﺦ ... ﻣﺎ ﺍﻟﺒﺲ ﻫﺠﺮﺱ ﻭﺷﺘﺮﻳﺪ ﺗﺴﻮﻱ ﺳﻮﻱ
.. ﺧﻼﺹ ﺍﻧﺴﻲ ﻟﻌﺪ ﺍﻟﻄﻠﻌﻪ ﻭﺍﻧﺴﻲ ﺍﻟﺰﻭﺍﺝ ﻛﻠﻪ
.. ﺍﻟﻠﻪ ﻭﺍﻳﺪﻙ ﻫﻴﺞ ﻭﺗﺨﻠﺼﻨﻲ ﻣﻨﻚ
.. ﺟﻴﻼﻥ ﻻ ﺗﺨﻠﻴﻨﻪ ﻧﺨﺘﻠﻒ ﻣﻦ ﻫﺴﻪ ﻋﻠﻰ ﺷﻐﻼﺕ ﺗﺎﻓﻬﻪ ﺍﻭﻝ ﻭﺗﺎﻟﻲ ﺗﺴﻮﻳﻬﺎ .. ﺻﻴﺮﻱ ﺣﺒﺎﺑﻪ ﻭﺍﻟﺒﺴﻴﻬﺎ ﺑﺎﺟﺮ
ﻋﺎﻓﻨﻲ ﻭﺩﺍﺭ ﻭﺟﻬﻪ ﻭﺭﺍﺡ ﺍﻧﻲ ﻣﺎ ﺍﻋﺮﻑ ﺷﺒﻴﻪ ﺑﺴﺎﻋﺘﻬﺎ ﺍﻧﺴﻄﺮﺕ ﻭﻣﺎ ﻛﺪﺭﺕ ﺍﺭﺩ ﻋﻠﻴﻪ
ﻧﺰﻟﺖ ﻭﺍﻧﻲ ﺍﺣﺘﺮﻙ ﻟﻴﺶ ﻣﺎ ﻋﺎﻧﺪﺗﻪ ﺍﺻﻌﺪ ﺍﻛﻠﻪ ﻣﺎ ﺍﻟﺒﺴﻬﺎ ﻫﺴﻪ ﻳﻜﻮﻡ ﻳﻀﺤﻚ ﻋﻠﻰ ﻋﻘﻠﻲ ﻻ ﺑﺎﺟﺮ ﺍﺭﻭﺡ ﺑﺲ ﺑﺎﻟﺤﺠﺎﺏ ﻭﺍﺭﻳﺪ ﺍﺷﻮﻓﻪ ﺷﻴﺴﻮﻱ ﺭﺣﺖ ﻟﺒﺎﺑﺎ ﺗﺄﻛﺪﺕ ﻣﻦ ﺗﻨﻔﺴﻪ ﻣﺮﺗﺎﺡ ﻏﻄﻴﺘﻪ ﺯﻳﻦ ﻭﺍﻧﻄﺮﺣﺖ ﺑﻔﺮﺍﺷﻲ ﺍﻓﻜﺎﺭ ﺗﺠﻴﺒﻨﻲ ﻭﺍﻓﻜﺎﺭ ﺗﻮﺩﻳﻨﻲ ﻟﻤﻦ ﻧﻤﺖ
ﺛﺎﻧﻲ ﻳﻮﻡ ﻛﻌﺪﺕ ﺏ٧ ﺻﺒﺤﺖ ﻋﻠﻴﻬﻢ ﻛﺎﻧﻮ ﻛﻠﻬﻢ ﻛﺎﻋﺪﻳﻦ ﻳﻢ ﺑﺎﺑﺎ ﻛﺎﻟﺖ ﺑﻴﺒﻲ
.. ﻳﻠﻪ ﺣﺒﻮﺑﻪ ﺟﻮﻳﻠﻪ ﺍﺣﺰﺑﻲ ‏( ﻳﻌﻨﻲ ﺍﺳﺘﻌﺠﻠﻲ ‏) ﺍﻛﻠﻴﻠﺞ ﻟﻜَﻴﻤﻪ ﻭﺭﻭﺣﻲ ﻭﻳﻪ ﺧﻄﻴﺒﺞ ﺍﺧﺘﺎﺭﻱ ﺍﻟﺬﻫﺐ ﻭﻣﻼﺑﺲ ﺍﻟﻤﻠﭽﻪ
.. ﻟﻴﺶ ﻣﺤﺪ ﻳﺮﻭﺡ ﻭﻳﺎﻱ؟؟؟ !!!
.. ﺣﺒﻮﺑﻪ ﺧﺎﺑﺮﺕ ﺑﺸﻮﺭﻩ ﺗﺮﻭﺡ ﻭﻳﺎﺝ ... ﺍﻧﻲ ﻟﻮ ﻣﺜﻞ ﺣﻴﻞ ﻛَﺒﻞ ﻣﺎ ﺍﻋﻮﻓﻨﺞ ﺗﺮﻭﺣﻴﻦ ﻭﺣﻴﺪﺍﺗﺞ ﺑﺲ ﻣﺜﻞ ﻣﺎ ﺗﺸﻮﻓﻴﻨﻲ ﺭﺟﻠﻴﻨﺎﺗﻲ ﻣﺎ ﻳﻌﻴﻨﻨﻲ ﻭﻋﻤﺘﺞ ﺭﺍﻛﺒﻪ ﺭﺍﺳﻬﺎ ﻭﻣﻄﻨﻜﺮﻩ ﻣﺎﻟﺞ ﻏﺮﺽ ﺑﻴﻬﺎ
ﺳﻜﺘﺖ ﻣﺎ ﺣﺠﻴﺖ ﺍﺣﺲ ﺍﻟﻴﻮﻡ ﻣﻦ ﻛﻌﺪﺕ ﻟﺴﻪ ﻗﻠﺒﻲ ﻣﻘﺒﻮﺽ ﺑﺎﺑﺎ ﺣﺲ ﻋﻠﻴﻪ ﻟﺰﻡ ﺍﻳﺪﻱ ﺑﺴﺮﻋﻪ ﺍﻧﺘﺒﻬﺖ ﻣﺎ ﺭﺩﺕ ﺍﺿﺎﻳﻘﻪ ﺍﺑﺘﺴﻤﺖ ﺍﻟﻪ ﺣﺘﻰ ﻣﺎ ﺍﺣﺴﺴﻪ ﺑﺎﻟﻀﻴﻖ ﻛﺎﻝ
.. ﻻ ﺗﻬﺘﻤﻴﻦ ﺣﺒﻴﺒﺘﻲ ﺍﻧﻲ ﻭﺻﻴﺖ ﻫﺠﺮﺱ ﻋﻠﻴﺞ ﻭﺍﻋﺘﺬﺭ ﻣﻨﻲ ﻻﻥ ﻋﺎﺭﺽ ﺫﺍﻙ ﺍﻟﻴﻮﻡ ﻛﻠﻲ ﺟﻨﺖ ﻣﻌﺼﺐ ﻻﻥ ﺍﻟﺸﻐﻠﻪ ﺻﺎﺭ ﺑﻴﻬﺎ ﻋﻨﺎﺩ ﻭﻟﻮ ﺍﺩﺭﻱ ﺑﻴﻚ ﻣﺮﻳﺾ ﺍﻧﻲ ﺍﺟﻲ ﺍﻃﻠﺒﻬﺎ ﻣﻨﻚ ﻗﺒﻞ ﻻ ﺗﺤﺠﻲ
ﺻﻔﻨﺖ ﻉ ﻛﻼﻣﻪ ﻣﻌﻘﻮﻟﻪ ﻫﺬﺍ ﻛﻼﻡ ﻫﺠﺮﺱ ﺑﻬﺎﻻﺛﻨﺎﺀ ﺩﺧﻞ ﻫﺠﺮﺱ ﺳﻠﻢ ﻋﻠﻴﻬﻢ ﻭﻛﻌﺪ ﻳﺘﺮﻳﻚ ﻛﺎﻝ ﻋﻤﻮ
.. ﻫﺠﺮﺱ ﺗﺨﺘﺎﺭ ﺍﻏﻠﻰ ﺷﻲ ﻟﭽﻨﺘﻨﺎ ﻣﻦ ﺍﻟﺬﻫﺐ ﻭﺍﻟﻐﺮﺍﺽ ﺍﻟﺒﺎﻗﻴﻪ ﺗﺎﺧﺬﻫﺎ ﻻﺭﻗﻰ ﺍﻟﻤﺤﻼﺕ
.. ﺑﺪﻭﻥ ﻣﺎ ﺗﻮﺻﻲ ﻳﺎﺑﻪ .. ﺟﻴﻼﻥ ﺑﻌﻴﻮﻧﻲ
ﻛﺎﻟﻬﺎ ﺑﺪﻭﻥ ﻣﺎ ﻳﺮﻓﻊ ﻋﻴﻨﻪ ﺍﻧﻲ ﺻﻔﻨﺖ ﻫﺬﺍ ﻣﻦ ﺷﻮﻛﺖ ﺻﺎﺭ ﻣﺆﺩﺏ ... ﻗﻄﻊ ﻛﻼﻣﻨﻪ ﺩﺧﻮﻝ ﻫﺎﺷﻢ
.. ﺻﺒﺎﺡ ﺍﻟﻔﺴﺘﻖ
ﺿﺤﻜﻨﻪ
.. ﺻﺒﺎﺡ ﺍﻟﻌﺎﻓﻴﻪ
ﻛﺎﻟﺖ ﺑﻴﺒﻲ
.. ﻫﺎﻱ ﻳﺎ ﺍﻟﻤﺼﻮﻣﺦ ﺍﺷﻮ ﺍﻟﻴﻮﻡ ﻭﺍﻋﻲ ﻣﻦ ﻏﺒﺸﻪ
.. ﺍﻭﻑ ﻳﺎ ﺿﺎﻭﻳﻪ ﺷﺤﺠﻴﻠﺞ ﺟﺎ ﻏﻴﺮ ﺍﻟﻴﻮﻡ ﺍﺟﻪ ﺍﻟﻘﻬﺮ ﺍﻟﺪﻭﺍﻡ ﻭﻻﺯﻡ ﺍﻛﻌﺪﻟﻪ ﻏﺒﺸﻪ ﺷﻔﺘﻲ
.. ﻋﻔﻴﻪ ﻋﻠﻴﻚ ﻭﻟﻴﺪﻱ ﺻﻴﺮ ﺳﺒﺎﻋﻲ ﺣﺘﻰ ﺗﺨﻠﺺ ﻭﺍﻋﺮﺳﻚ
ﺍﺟﻪ ﻛﻌﺪ ﻳﻤﻬﺎ ﻭﻟﺰﻡ ﺍﻳﺪﻫﺎ
.. ﺑﺮﻭﺡ ﻧﻮﻣﺎﺳﻪ ﺍﻣﺞ
.. ﺟﺎ ﻭﻟﻚ ﺍﻧﻲ ﻣﺠﺬﺑﻪ ﻋﻠﻴﻚ ﻗﺒﻞ ﺑﺴﺎﻉ
.. ﻭﺍﻟﻌﺒﺎﺱ ﺍﺫﺍ ﺯﻭﺟﺘﻴﻨﻲ ﺣﻮﺭﻳﻪ ﻫﺎﻟﺸﻬﺮ ﺍﻻ ﺍﺳﻮﻳﻠﺞ ﻃﻘﻢ ﺍﺳﻨﺎﻥ ﺗﻌﻠﺴﻴﻦ ﺣﺘﻰ ﺟﻮﺯ ﺑﻴﻪ ﻣﻮ ﺑﺲ ﺧﻴﺎﺭ
.. ﺟﺎ ﺧﻮﺵ ﺍﺗﻔﻘﻨﻪ
ﺿﺤﻜﻨﻪ ﻋﻠﻴﻬﻢ ﻭﻛﻤﺖ ﺑﺪﻟﺖ ﻭﺍﻧﻲ ﻧﻔﺴﻲ ﻣﻘﺒﻮﺿﻪ ﺍﺣﺲ ﺍﻧﻲ ﻣﺜﻞ ﺍﻻﻟﻪ ﻳﻤﺸﻮﻥ ﻭ ﻳﺤﺮﻛﻮﻥ ﺑﻴﻪ ﻭﺟﻬﺎﺯ ﺍﻟﺘﺤﻜﻢ ﺑﺄﻳﺪﻫﻢ ﺭﺑﻲ ﺳﺎﻋﺪﻧﻲ ﺍﻧﻲ ﺍﻻﻣﻮﺭ ﻛﻠﻬﺎ ﻃﻠﻌﺖ ﻣﻦ ﺍﻳﺪﻱ
ﻃﻠﻌﺖ ﻟﻜﻴﺖ ﻫﺠﺮﺱ ﻭﺍﻛﻒ ﺑﺒﺎﺏ ﺍﻻﺳﺘﻘﺒﺎﻝ ﻻﺑﺲ ﺩﺷﺪﺍﺷﻪ ﻧﻴﻠﻲ ﻭﺷﻤﺎﻍ ﺍﺑﻴﺾ ﻭﻋﻜﺎﻝ ﻃﺎﻟﻊ ﻳﻠﻤﻊ ﻭﻣﺘﻌﻄﺮ ﻭﻳﻔﺮ ﺑﺴﺒﺤﺘﻪ ﺩﺧﻠﺖ ﻟﻼﺳﺘﻘﺒﺎﻝ ﻟﻜﻴﺖ ﺑﺸﺮﻯ ﻛﺎﻋﺪﻩ ﻳﻤﻬﻢ ﺑﻮﺳﺘﻬﺎ ﻭﺍﺑﻨﻬﻢ ﺟﺎﻥ ﺣﺎﻃﻪ ﻫﺎﺷﻢ ﺑﺎﻟﻜﺎﻉ ﻭﻳﺒﻮﺱ ﺑﺨﺪﻭﺩﻩ ﻭﺑﻴﺒﻲ ﺗﻜﻠﻪ
.. ﻭﻟﻚ ﻛﺘﻠﺖ ﺍﻟﻔﺮﺥ
ﻋﻤﺘﻲ ﻛﺎﻟﺘﻠﻪ
.. ﻛﺎﻓﻲ ﻫﺎﺷﻢ ﺍﻣﺸﻲ ﻭﻟﻲ ﻟﺪﻭﺍﻣﻚ ﻻ ﺍﻃﻠﻊ ﺣﺮﻛَﺔ ﺍﻟﻠﻪ ﺑﻴﻚ
.. ﺍﻫﻮﻭﻭﻭ ﺍﺷﺘﻐﻠﺖ ﺳﻮﺍﻟﻒ ﺍﻟﻌﻤﻪ ﻭﺍﻟﺠﻨﻪ ﺍﻋﻮﻓﻚ ﻣﻠﻮﻛﻲ ﺑﺲ ﺧﻠﻲ ﺍﻋﻀﻚ ﻗﺒﻞ ﻻ ﺍﺭﻭﺡ
ﻋﻀﻪ ﻣﻦ ﺧﺪﻩ ﻭﺍﻟﻄﻔﻞ ﺻﺮﺥ ﻋﻤﻲ ﺿﺮﺑﻪ ﻋﻠﻰ ﻇﻬﺮﻩ ﻭﻫﻮ ﻋﺎﻓﻪ ﻭﻃﻠﻊ ﻳﻀﺤﻚ
ﻛﺎﻟﺖ ﺑﺸﺮﻯ
.. ﻳﻠﻪ ﻳﻤﻪ ﻫﻢ ﻳﻠﻪ ﻧﺮﻭﺡ ﻭﺭﺍﻧﻪ ﻓﺮﻩ ﺑﺎﻟﺴﻮﻙ ﻫﺬﺍ ﻣﺎﻟﻚ ﻳﻤﺞ ﺩﻳﺮﻱ ﺑﺎﻟﺞ ﻋﻠﻴﻪ
.. ﺭﻭﺣﻲ ﻳﻤﻪ ﺭﻭﺣﻲ ﺍﻧﺘﻲ ﻣﺸﻠﻮﻋﺔ ﻗﻠﺐ ﻣﺜﻞ ﺍﻣﺞ
ﻃﻠﻌﻨﻪ ﺻﺎﺣﺖ ﺑﻴﺒﻲ ﻭﺭﺍﻱ
.. ﺟﻮﻳﻠﻪ ﺗﻌﺎﻱ ﺟﺎﻱ ﻋﻨﺪﻱ ﻭﻳﺎﺝ ﺑﺼﻴﺮﻩ ‏( ﺣﺠﺎﻳﻪ ‏) ﻗﺒﻞ ﻻ ﺗﻤﺸﻴﻦ
ﻃﻠﻌﻮﺍ ﻫﺠﺮﺱ ﻭﺑﺸﺮﻯ ﻛﺪﺍﻣﻲ ﺩﻧﻜﺖ ﻉ ﺑﻴﺒﻲ ﻛﺎﻟﺖ
.. ﻫﺎﺝ ﺣﺒﻮﺑﻪ ﻫﺎﻱ ﺍﻟﻌﺒﺎﻳﻪ ﺍﻟﺒﺴﻴﻬﺎ
.. ﺑﺲ ﺑﻴﺒﻲ
.. ﺍﺫﺍ ﺗﺤﺒﻴﻨﻲ ﺍﻟﺒﺴﻴﻬﺎ ﺍﺣﻠﻔﺞ ﺑﻌﺎﻓﻴﺔ ﺍﺑﻮﺝ ﻻ ﺗﻜﺴﺮﻳﻦ ﺧﺎﻃﺮﻩ ﻫﺴﻪ ﺗﺼﻴﺮ ﻃﻼﺑﻪ ﻭﻫﺬﺍﻙ ﺍﻟﻤﺴﻮﺩﻥ ﻳﻄﻨﻜﺮ ﻭﻳﻜﻮﻡ ﻳﺮﻋﺪ ﻭﺍﺑﻮﺝ ﻳﺘﻜﺪﺭ .. ﺍﻧﻌﻠﻲ ﺍﻟﺸﻴﻄﺎﻥ ﻭﺍﻟﺒﺴﻴﻬﺎ ﺧﻠﻲ ﺍﺑﻮﺝ ﻣﺮﺗﺎﺡ
ﺗﻨﻔﺴﺖ ﺑﻐﻀﺐ ﺍﺧﺬﺗﻬﺎ ﻭﺳﻜﺘﺖ ﻻﻥ ﺻﺪﻙ ﻣﺎ ﺍﺭﻳﺪ ﺑﺎﺑﺎ ﻳﺘﺄﺫﻩ ﺷﻔﺘﻪ ﺷﻮﻳﻪ ﻣﺮﺗﺎﺡ ﺍﻟﻴﻮﻡ ﻛﺎﻟﺖ
.. ﻋﻔﻴﻪ ﺑﺒﻨﻴﺘﻲ ﻭﺍﻟﻠﻪ ﺍﻧﺘﻲ ﻋﺎﻗﻠﻪ ﻣﺎ ﻳﺴﺘﺎﻫﻠﺞ ﻫﺬﺍ ﺍﻟﻤﺴﻮﺩﻥ ﻭﺍﻟﻴﻮﻡ ﺍﺧﻠﻲ ﺫﻧﻲ ﺍﻟﻤﻜﻤﻮﻋﺎﺕ ﺍﻟﻔﻮﻙ ﻳﻨﻈﻔﻦ ﺑﻤﺠﺎﻧﺞ
ﻫﺰﻳﺖ ﺭﺍﺳﻲ ﻭﻋﻔﺘﻬﺎ ﺭﺣﺖ ﻟﺒﺎﺑﺎ ﻛﺘﻠﻪ
.. ﺑﺎﺑﺎ ﺍﺧﺬﺕ ﺩﻭﺍﻙ
.. ﻻ ﻭﺍﻟﻠﻪ ﺑﺎﺑﺎ ﻧﺴﻴﺘﻪ
ﺭﺣﺖ ﺟﺒﺘﻪ ﺍﻟﻪ ﻭﻭﻳﺎﻩ ﻛﻼﺹ ﻣﻲ ﺑﻠﻊ ﺩﻭﺍﻩ ﻭﺑﺴﺘﻪ ﻭﻃﻠﻌﺖ ﻟﻜﻴﺖ ﺑﺸﺮﻯ ﺗﺴﻮﻟﻒ ﻭﻳﻪ ﻫﺠﺮﺱ ﺑﺎﻟﻄﺎﺭﻣﻪ ﻭﻫﺎﺷﻢ ﻣﻨﺘﻈﺮﻧﻪ ﺑﺮﻩ ﻳﻢ ﺍﻟﺴﻴﺎﺭﻩ ﻳﻜﻨﻚ ﻟﺒﺴﺖ ﺍﻟﻌﺒﺎﻳﻪ ﺷﻔﺖ ﻫﺠﺮﺱ ﻳﺒﺎﻭﻋﻠﻲ ﺍﺑﺘﺴﻢ ﻭﺩﺍﺭ ﻭﺟﻬﻪ ﺭﺍﺡ ﻟﻠﺴﻴﺎﺭﻩ ... ﻓﺮﺣﺎﻥ ﻣﻮ؟ ﻭﻛﺎﻋﺪ ﺗﺘﺸﻤﺖ ﺑﻴﻪ ﺑﺴﻴﻄﻪ ﺻﻌﺪﻧﻪ ﺑﺎﻟﺴﻴﺎﺭﻩ ﻭﺭﺣﻨﻪ
mariam#