حب هجرسي

35

#حب_هجرسي ج2

#Mariam-almusawi

#بارت 35
حبايب...باجر ماكو بارت اعتذر لسبب خاص
... احبكم موت ❤❤

Mariam-almusawi

لبست دشداشتي حتى ما لبست شال ونزلت اركض ردت اوكع من الدرج ولزمت المحجر تذكرت من مات بابا انعاد عليه نفس الموقف

كعدت ع الدرج ما كدرت انزل اكثر ربي دخيلك لا تعيدلي المشهد كَلبي مو حمل وجع بعد ..كعدت وكمت ابجي ع الدرج واسمع بيبي تصيح من غرفة جدو

طلع هاشم من غرفة بيبي  والدموع تجري ركض ليفوك اريد اسأله انعكَد لساني... وكمت ابجي  ربي اخذ عمري بس لا تاخذ احد عزيز عليه والله كَلبي تدمر

طلعت حوريه تبجي كالت
.. ولج جولي ولج جدو مااااااات

هي كَالت هيج واني ركضت اصرخ
.. جدووووو .. حبيبيييييييي
شفتهم مغطينه وبيبي تلطم على صدرها وعمي حاضنه نايم فوكاه ومرة عمي تهدي بعمتي

صرخت وذبيت نفسي فوكَاه
.. جدوووووو .. حباب ارجع لا تعوفني وحديييييي .. بس انت بقيتلي بهالدنيا ما عندي سند بعد غيرررررررك

احجي وياه واصرخ اجه هاشم شالني وبعدني عنه وكال لحوريه وهو يبجي
.. خليج يمها

شالو جدو وبيبي تصيح خطيه بحركَه واني ادكَ والطم وحوريه لازمتني ونسوان المنطقه التمن والصياح علا .. وبيبي خطيه اكثر وحده منهاره

احس نفسي ذكرى بابا انعادت كلها عليه بس الفرق انه هسه تعلمت ع الصدمات وصرت اقوى

كمت لبست اسود وعيوني تجري والنسوان اجن ونصبنه الفاتحه جدي لان توفى بالبيت ما رجعوه بعد من المستشفى اخذوه للمغيسل والدفن

عماتي اجن وخطيه كلش اتأذن ع موت ابوهن واني والبنات نوزع جاي ومي  حوريه راحت لبيت اهلها بأيام الفاتحه لأن نفسه ويكولون النفسه مو زين تصير بيها دوسة مينت
اكثر شي اشتغلنه اني وفطومه وبنات عمتي حسنه لان عمتي امل ما عدها بنات وكم وحده من الجوارين ساعدنه

مرت ٣ ايام الفاتحه احس ظهري انكسر والله خايفه ع الطفل لأن كلش تعبت وكم مره دخت وردت اوكع بس اتماسك وانطرح شويه وارجع لان خطيه فشله ما عدهم احد واني كوه صار عندي ربي احميه بحق الحسين

هاشم والزلم ما شفناهم كضوها بالحسينيه وعافولنه البيت هاشم يجي ياخذ الغراض اليحتاجهن لو يجيب اللي نحتاجه ويرجع ما شفنه اي احد بيهم 

بيبي حالتها كلش مو زينه لا اكل ولا شرب بس تبجي عليه واحنه دموعنه تصب وياها

اروح يمها تكلي تعاي يمي انتي من ريحته جان يموت عليج وتبوس بيه وتشم وتبجي وابقى بحضنها اتذكره وابجي

خلصت ال٣ ايام .. ثالث يوم الفاتحه خلصنه الختمه والنسوان راحن رحت المغرب جبت لكمه لبيبي حته تاكل لان ٣ ايام صارلها ما ماكله