حب هجرسي

بارت 39 أضافي

باااااارت أضاااااافي

#حب_هجرسي_ج٢

بقلم مريم الموسوي

#بارت٣٩

ﻣﺸﺘﺎﻗﺘﻠﻜﻢ ﺍﺣﺒﺎﺏ ﻗﻠﺒﻲ ﺷﻠﻮﻧﻜﻢ 😘😘😘😘😘
.........
ﻫﺬﺍ ﺑﺎﺭﺕ ﺍﺿﺎﻓﻲ ﻟﻌﻴﻮﻧﻜﻢ ﺑﻤﻨﺎﺳﺒﺔ ﺍﻟﻘﺼﻪ ﻭﺻﻠﺖ ﻟﻠﻤﻠﻴﻮﻥ ﻣﺸﺎﻫﺪﻩ .. ﻛﻨﺖ ﺿﺎﻣﺘﻪ ﻫﺎﻟﺒﺎﺭﺕ ﻣﺎ ﻧﺸﺮﺗﻪ ﻟﻤﻦ ﺣﻘﻘﺖ ﻫﺎﻟﺸﻲ ﺑﻔﻀﻞ ﺍﻟﻠﻪ ﻭﺑﻔﻀﻠﻜﻢ ❤
ﻫﻦ ﺑﺎﻻﺻﻞ ﻋﺒﺎﺭﻩ ﻋﻦ ﺑﺎﺭﺗﻴﻦ ﻫﺪﻳﻪ ﺑﺎﺭﺕ ﺍﻧﺰﻟﻪ ﺍﻟﻜﻢ ﺍﻟﻴﻮﻡ ﻭﺑﺎﺭﺕ ﺑﺎﺟﺮ ﺍﻥ ﺷﺎﺀ ﺍﻟﻠﻪ ﺑﻨﻔﺲ ﺍﻟﻤﻮﻋﺪ ... ﺍﺣﺒﻜﻢ ﻭﺍﻣﻮﺕ ﻋﻠﻴﻜﻢ 😍
.........
ﺩﺧﻠﺖ ﺑﺸﻬﺮﻱ ﻭﺍﻧﻲ ﺑﻌﺪﻧﻲ ﻣﺎ ﺍﻋﺮﻑ ﺟﻨﺲ ﺍﻟﺠﻨﻴﻦ ﻻﻥ ﻳﻜﻮﻟﻮﻥ ﺟﺎﻱ ﻉ ﺍﻟﻤﻘﻌﺪ ... ﺍﻟﺪﻛﺘﻮﺭﻩ ﻛﺎﻟﺖ ﻣﻨﺘﻈﺮﻳﻦ ﺍﻟﻄﻔﻞ ﻳﺘﺤﺮﻙ ﺣﺘﻪ ﺣﺘﻪ ﻳﻨﻜَﻠﺐ ﻳﻠﻪ ﺗﺠﻴﺒﻴﻦ ... ﻻﻥ ﻣﺎ ﻧﻜﺪﺭ ﻧﺠﻴﺒﺞ ﻃﺒﻴﻌﻲ ﺍﺫﺍ ﺑﻘﻪ ﺍﻟﻄﻔﻞ ﻉ ﺍﻟﻤﻘﻌﺪ .. ﻭﺍﺫﺍ ﺑﻘﻪ ﻫﻴﺞ ﻧﺴﻮﻳﻠﺞ ﻋﻤﻠﻴﻪ
ﺍﻟﺤﻤﺪ ﻟﻠﻪ ﺍﻧﻲ ﻭﺭﻩ ﻓﻀﻞ ﺿﺮﺑﺖ ﺍﺑﺮﻩ ﺍﺧﺘﻼﻑ ﻓﺼﻴﻠﻪ ﺍﻟﺪﻡ ﺣﺘﻪ ﻣﺎ ﻳﺤﺪﺙ ﺗﺸﻮﻩ ﺍﻭ ﺍﻱ ﺷﻲ ﺧﻄﺮ ﺑﺎﻟﻄﻔﻞ ﺍﻟﺜﺎﻧﻲ
ﻳﻮﻡ ٣ / ٥ / ٢٠١٩ ﺍﻟﻤﻐﺮﺏ ﻛﺎﻋﺪﻩ ﺍﻭﻛﻞ ﺑﻔﻀﻞ ﻻﻥ ﺟﺎﻉ ﻳﻢ ﺑﻴﺒﻲ ﻭﻫﻲ ﺗﺴﺒﺢ ﺑﺴﺒﺤﺘﻬﺎ ﻭﺍﺳﻮﻟﻒ ﻭﻳﺎﻫﺎ .... ﺩﺧﻞ ﻫﺠﺮﺱ ﻛﺎﻟﺐ ﻛﺼﺘﻪ ﻛﺎﻝ
.. ﺍﻟﺴﻼﻡ ﻋﻠﻴﻜﻢ
.. ﻋﻠﻴﻜﻢ ﺍﻟﺴﻼﻡ
ﺑﺎﻭﻋﺘﻠﻪ ﻛﺘﻠﻪ
.. ﺷﺒﻴﻚ ﺣﺒﻴﺒﻲ
ﻛﺎﻝ ﺑﺤﺪﻩ
.. ﻣﺎ ﺑﻴﻪ .. ﺗﻌﺒﺎﻥ
ﻭﺳﻜﺖ ﺍﻧﻲ ﺍﻋﺮﻓﻪ ﻟﻮ ﻣﺘﻌﺎﺭﻙ ﻟﻮ ﺿﺎﻳﺞ ﻣﻦ ﺷﻲ ﻋﻔﺘﻪ
ﻓﻀﻞ ﺑﻴﻦ ﻣﺎ ﺳﺎﻟﺖ ﺍﺑﻮﻩ ﻭﺭﺟﻌﺖ ﺷﻔﺘﻪ ﻛﺎﻡ ﻭﺭﺍﺡ ﻳﻢ ﺷﻬﺪ ﺿﺮﺏ ﺷﻬﻮﺩﻩ ﺑﺮﺍﺳﻬﺎ ﺑﺎﻟﻨﻌﺎﻝ ﺣﻴﻞ ﺻﺮﺧﺖ
ﻛﺎﻡ ﻫﺠﺮﺱ ﻗﺒﻠﻲ ﻭﺿﺮﺑﻪ ﺭﺍﺷﺪﻱ ﺧﻠﻪ ﺧﺪﻩ ﺍﺣﻤﺮ ﻭﺻﺎﺡ ﺑﻴﻪ ﻭﻫﻮ ﻓﺤﻂ ﺑﺠﻲ
ﺍﺟﻴﺖ ﺭﻛﻀﺖ ﺷﻠﺘﻪ ﻣﻦ ﻳﻤﻪ ﻭﻋﻄﺖ
.. ﻟﻴﺶ ﺗﻀﺮﺑﻪ ؟
.. ﻭﺍﻟﻠﻪ ﺍﻣﻮﺗﻪ ﺍﺫﺍ ﻛَﺎﺱ ﺧﻮﺍﺗﻪ .. ﻣﻨﻴﻦ ﻣﺘﻌﻠﻢ ﻫﺎﻟﺴﻮﺍﻟﻒ ﺍﻟﻄﺎﻳﺢ ﺣﻈﻬﺎ
.. ﻭﺭﻭﺡ ﺍﺑﻮﻳﻪ ﺍﻋﻮﻓﻠﻚ ﺍﻟﺒﻴﺖ ﻭﺍﻫﺞ ﺍﺫﺍ ﻛَﺴﺘﻪ .. ﻛﻠﺸﻲ ﻭﻻ ﺍﺑﻨﻲ
.. ﻻ ﺗﻌﻠﻴﻦ ﺣﺴﺞ ﻻ ﺍﻟﻄﻤﺞ ﻋﻠﻰ ﺣﻠﻜَﺞ
ﺻﺎﺣﺖ ﺑﻴﻪ ﺑﻴﺒﻲ
.. ﻭﺣﻤﺲ ﺷﺒﻴﻚ ﺟﺎﻱ ﺗﺸﺤﺮﺝ ﻣﻦ ﺑﺮﻩ ﻭﺗﻄﻚَ ﺑﺎﻟﻔﺮﻭﺥ
.. ﺣﺒﻮﺑﻪ ﻣﺎﻟﺞ ﺩﺧﻞ ﻣﺤﺪ ﺩﻟﻠﻪ ﻏﻴﺮﺝ
.. ﺟﺎ ﻭﻟﻚ ﺳﻠﻴﻤﺔ ﺍﻟﺒﻴﻦ ﺍﺷﻮ ﺗﺬﺑﻬﺎ ﺑﺮﺍﺱ ﺍﻧﻲ ﺷﻠﻲ ﻏﺮﺽ .. ﻫﻮ ﻃﺎﻟﻊ ﻋﻠﻴﻚ ﻣﺴﻮﺩﻥ
ﻣﺎ ﺟﺎﻭﺑﻬﺎ ... ﺍﻧﻲ ﻫﻢ ﺍﺧﺬﺗﻪ ﻭﺻﻌﺪﺕ ﻭﺩﻣﻮﻋﻲ ﺗﺠﺮﻱ ﺍﺗﺄﺫﻩ ﻛﻠﺶ ﻋﻠﻰ ﻓﻀﻞ ﺍﺣﺲ ﺭﺑﻲ ﺍﻧﻄﺎﻧﻲ ﻫﺎﻟﻨﻌﻤﻪ ﺑﻌﺪ ﺣﺮﻣﺎﻥ ﻫﻮ ﻛﻠﺸﻲ ﺑﺪﻧﻴﺘﻲ ﻣﺎ ﺍﻗﺒﻞ ﺍﺣﺪ ﻳﺄﺫﻳﻪ
ﺻﺢ ﺻﺎﻳﺮ ﻳﺘﻤﺎﺩﻯ ﻻﻥ ﺑﻴﺒﻲ ﺗﻌﻠﻤﻪ ﻭﻫﻮ ﻣﻦ ﻧﻮﻉ ﻳﻠﻜَﻂ ﺍﻟﻜﻠﻤﺎﺕ ﻭﺍﻟﺘﺼﺮﻓﺎﺕ ﺑﺴﺮﻋﻪ
ﺑﺲ ﺑﺎﻟﻤﻘﺎﺑﻞ ﻫﻮ ﻣﺘﻨﺤﺲ ﻻﻥ ﻓﻄﻤﺘﻪ ﻣﻦ ﺍﻟﺤﻠﻴﺐ ﻭﻫﺎﻟﺸﻲ ﻣﺨﻠﻴﻪ ٢٤ ﺳﺎﻋﻪ ﻳﺒﺠﻲ ﻭﻋﺼﺒﻲ ﻭﻳﻀﺮﺏ
ﻭﻫﺠﺮﺱ ﻳﻌﺮﻑ ﻛﻠﺶ ﺯﻳﻦ ﺷﻜﺪ ﺍﻧﻲ ﻣﺘﻌﻠﻘﻪ ﺑﻔﻀﻞ ﺣﺘﻪ ﺩﻭﻡ ﻳﻜﻮﻟﻲ ﻭﺍﻟﻠﻪ ﺍﻏﺎﺭ ﻣﻨﻪ ﺻﺎﻳﺮﻩ ﺗﻬﻤﻠﻴﻨﻲ ﻭﺑﺲ ﻫﻮ ﺗﺤﺒﻴﻪ ﺷﻜﺪ ﺍﺣﻠﻔﻠﻪ ﺍﻧﻲ ﺍﺣﺒﻪ ﻣﺎ ﻳﺼﺪﻙ ﻳﺎ ﺭﺑﻲ ﻫﺎﻟﻐﻴﺮﻩ ﺍﻟﻌﻨﺪﻩ ﺻﺎﻳﺮﻩ ﻣﺎ ﺗﻨﻄﺎﻕ
ﺣﻀﻨﺖ ﺍﺑﻨﻲ ﻫﻮ ﻳﺒﺠﻲ ﻭﺍﻧﻲ ﺍﺑﺠﻲ ﺩﺧﻞ ﻭﺭﺍﻧﻪ ﻫﺠﺮﺱ ﻧﺰﻉ ﺍﻟﺪﺷﺪﺍﺷﻪ ﺑﻌﺼﺒﻴﻪ ﻭﺷﻤﺮﻫﺎ ﺑﺎﻟﻜﺎﻉ ﻭﺍﺧﺬ ﺍﻟﺨﺎﻭﻟﻲ ﻭﺭﺍﺡ ﻟﻠﺤﻤﺎﻡ ﻣﺎ ﺣﺠﻪ ﻭﻻ ﻛﻠﻤﻪ
ﺑﻘﻴﺖ ﺍﺳﻜﺖ ﺑﻴﻪ ﺷﻮﻳﻪ ﻫﺪﺃ ﻭﺭﺟﻊ ﻳﻜﻮﻝ ‏( ﻟﻮﺡ ﻫﻮﺩﻩ ‏) ﻋﻮﺩ ﻳﺮﻭﺡ ﻳﻢ ﺷﻬﻮﺩﻩ
ﻣﺎ ﺍﻛﺪﺭ ﺍﻣﻨﻌﻪ ﻋﻨﻬﺎ ﻻﻥ ﺍﺩﺭﻱ ﺑﻴﻬﻢ ﺟﻬﺎﻝ ﻳﺘﻀﺎﺭﺑﻮﻥ ﻭﻳﺘﻌﺎﺭﻛﻮﻥ ﺑﺲ ﻭﺍﺣﺪ ﻳﺤﺐ ﺍﻟﺜﺎﻧﻲ ﺑﺎﻻﺧﺺ ﻓﻀﻞ ﺩﻭﻡ ﻳﺪﺍﻓﻊ ﻋﻦ ﺷﻬﻮﺩﻩ ﺍﺫﺍ ﺿﺮﺑﺘﻬﺎ ﺯﻫﻮﺭﻱ ﺍﻭ ﺍﺫﺍﻫﺎ ﺍﺣﺪ ﺑﺲ ﻫﻮ ﻋﻮﺩ ﻣﺮﺍﺕ ﻳﻠﻌﺐ ﻭﻟﻌﺒﻪ ﻣﺸﺎﻏﺐ ﻳﻀﺮﺑﻬﺎ
بيج قصص عراقيه حقيقيه من واقعنا.روعه الطائي
ﻧﺰﻝ ﻳﻤﻬﺎ ﻭﺍﻧﻲ ﺑﻘﻴﺖ ﺍﻟﻤﻠﻢ ﺑﺎﻟﻐﺮﻓﻪ ﻃﻠﻊ ﻣﻦ ﺍﻟﺤﻤﺎﻡ ﻣﺎ ﺣﺠﻪ ﻭﻻ ﻛﻠﻤﻪ ﺑﺲ ﺍﺣﺲ ﺑﻴﻪ ﻳﺒﺎﻭﻋﻠﻲ ﺑﺎﻟﻤﺮﺍﻳﻪ ﻭﺍﻧﻲ ﺍﺑﺠﻲ ﻣﺸﻂ ﺷﻌﺮﻩ ﻭﻟﺒﺲ ﺗﺮﺍﻛﻪ ﻭﻃﻠﻊ
ﻣﺴﺤﺖ ﺩﻣﻮﻋﻲ ﻭﻧﺰﻟﺖ ﻭﺭﺍﻩ ﻟﻜﻴﺘﻪ ﺣﺎﻁ ﻓﻀﻞ ﺑﺤﻀﻨﻪ ﻭﻳﺒﻮﺱ ﻭﻳﺸﻢ ﺑﻴﻪ ﻭﻳﻼﻋﺒﻪ ﻣﺎ ﺣﺎﺟﻴﺘﻪ
ﺭﺣﻨﻪ ﺻﺒﻴﻨﻪ ﻋﺸﻪ ﻣﺎ ﻛﻌﺪﺕ ﻳﻤﻪ ﺭﺣﺖ ﻛﻌﺪﺕ ﺑﻴﻦ ﺣﻮﺭﻳﻪ ﻭﻣﺮﺓ ﻋﻤﻲ
ﺷﻔﺘﻪ ﺍﺣﺘﻘﻦ ﻭﺿﺎﺝ ﻛﻠﺶ ﺣﺘﻪ ﻣﺎ ﺍﻛﻞ ﻫﻮﺍﻱ ﺷﻮﻳﻪ ﻭﻛﺎﻡ ﻣﺎ ﺍﻫﺘﻤﻴﺖ ﺭﺟﻌﺖ ﺍﻭﻛﻞ ﺑﻔﻀﻞ
ﻭﺭﻩ ﺷﻮﻳﻪ ﺷﻔﺘﻪ ﻧﺰﻝ ﻣﺒﺪﻝ ﻣﻼﺑﺴﻪ ﻭﻃﻠﻊ ﻏﺴﻠﻨﻪ ﺍﻟﻤﻮﺍﻋﻴﻦ ﻭﺑﻘﻴﻨﻪ ﻛﺎﻋﺪﻳﻦ ﻳﻢ ﺑﻴﺒﻲ
ﺍﺟﻪ ﻫﺎﺷﻢ ﻛﺎﻥ ﺑﺎﻟﻌﻴﺎﺩﻩ ﻣﺎﻟﺘﻪ
.. ﺳﻼﻡ ﻋﻠﻴﻜﻢ
.. ﻋﻠﻴﻜﻢ ﺍﻟﺴﻼﻡ
ﺭﻛﻀﺘﻠﻪ ﺷﻬﻮﺩﻩ
.. ﺑﺎﺑﺎ ﻫﺴﻮﻣﻲ
ﺷﺎﻟﻬﺎ ﻭﻳﺒﻮﺱ ﺑﻴﻬﺎ
.. ﻳﺎ ﺑﻌﺪ ﺟﺒﺪ ﻫﺴﻮﻣﻲ
.. ﺷﺠﺒﻴﺘﻠﻲ ؟
.. ﻛﻠﺸﻲ ﺟﺒﺘﻠﺞ ﻳﺎ ﺭﻭﺣﻲ ﺑﺲ ﺗﻨﻄﻴﻦ ﻧﺺ ﺍﻟﺞ ﻭﻧﺺ ﻟﻔﻀﻞ
.. ﺑﻌﻴﻮﻧﻲ
ﻓﺪﻭﻩ ﻫﺎﻱ ﺍﻟﻜﻠﻤﻪ ﺩﻭﻡ ﻧﺴﻤﻌﻬﺎ ﻣﻦ ﺷﻬﻮﺩﻩ ﻣﺘﻌﻠﻤﺘﻬﺎ ﻣﻦ ﺣﻮﺭﻳﻪ ﺍﻣﻬﺎ ﻻﻥ ﺍﻱ ﺷﻲ ﻧﻄﻠﺒﻪ ﻣﻨﻬﺎ ﺗﻜﻮﻝ ﺑﻌﻴﻮﻧﻲ
ﺍﻧﻄﺎﻫﺎ ﺍﻟﻌﻼﻛﻪ ﺑﻴﻬﺎ ﺣﺒﺸﻜﻼﺕ ﺍﻧﻄﺖ ﻧﺼﻬﺎ ﻟﻔﻀﻞ ﻭﺍﻟﺒﺎﻗﻲ ﺍﻟﻬﺎ
ﻛﻌﺪﻭﺍ ﺍﻟﺠﻬﺎﻝ ﻳﺎﻛﻠﻮﻥ ﻭﻳﺴﻮﻟﻔﻮﻥ ﺑﻠﻐﺘﻬﻢ
ﻛﺎﻟﺘﻠﻪ ﺑﻴﺒﻲ ﻭﻫﻲ ﺗﺒﺎﻭﻋﻠﻪ
.. ﻭﻟﻚ ﻫﻮﻳﺸﻢ ﺟﺎ ﻭﺍﻧﻪ ﺣﺒﻮﺑﺘﻚ ﻣﺎ ﺫﻛﺮﺗﻨﻲ ﺑﺤﻮﻳﺠﻪ ﻣﻨﻬﻢ ﻟﻮ ﺻﺎﺭ ﻋﻨﺪﻙ ﻓﺮﺧﻪ ﻭﺑﻌﺪ ﻣﺎ ﺗﺬﻛﺮﻧﻲ
ﻛﻤﺰ ﻣﻦ ﻣﻜﺎﻧﻪ ﻳﻤﻬﺎ
.. ﺳﻮﺩﻩ ﺑﻮﺟﻬﻲ ﺿﺎﻭﻳﻪ ﻣﺸﺘﻬﻴﻪ ﻭﻣﺎ ﺗﺤﺠﻲ
.. ﻭﻟﻚ ﺍﺷﻮ ﺍﻧﺖ ﻣﺎ ﺗﺴﺘﺤﻲ ﻣﺴﺘﻬﺘﺮ ﺷﻨﻬﻲ ﻣﺸﺘﻬﻴﻪ ﺍﻟﻴﺴﻤﻌﻚ ﺷﻴﻜﻮﻝ ﻋﻠﻴﻪ ﺍﺭﻳﺪﻟﻲ ﺭﺟﻞ
.. ﺷﻴﻜﻮﻝ ﻣﺮﻳﻪ ﺣﻠﻴﻮﻩ ﻭﺑﻌﺪﺝ ﺷﺒﺎﺏ ﻭﻣﺤﺘﺎﺟﻪ ﺣﺐ ﻭﺣﻨﺎﻥ
ﺷﺎﻟﺖ ﺍﻟﻌﺼﺎ ﻭﻛﺎﻟﺘﻠﻪ
.. ﻫﺎﻱ ﺣﻨﺎﻥ ﻣﻨﻬﻲ ﺍﻧﻮﺏ ﻭﺍﻟﻌﺒﺎﺱ ﺍﻛﺴﺮ ﻫﺎﻟﻌﺼﺎ ﻋﻠﻴﻚ .. ﻛﻮﻡ ﺟﻴﺒﻠﻲ ﺍﺯﺑﺮﻱ ﻭﺗﻌﺎﻝ
.. ﺿﺎﻭﻳﻪ ﺑﺎﻟﻌﺒﺎﺱ ﺑﻔﺎﺗﺤﺘﺞ ﺍﻻ ﺍﻭﺯﻉ ﺍﺯﺑﺮﻱ ﻉ ﺍﻟﻮﺍﺩﻡ ﺣﺘﻪ ﺑﺎﻟﻜَﺒﺮ ﺗﻜﻌﺪﻳﻦ ﺗﻤﺼﻴﻦ ﻭﻣﺎ ﺗﻠﺤﻜﻴﻦ
ﺿﺮﺑﺘﻪ ﺑﺎﻟﻌﺼﺎ ﻣﺎ ﻃﺎﺣﺖ ﺑﻴﻪ ﻭﻫﻮ ﺧﺮﺑﺎﻥ ﺿﺤﻚ ﻛﺎﻟﺘﻠﻪ ﺣﻮﺭﻳﻪ
.. ﻫﺎﺷﻢ ﻋﻮﻑ ﺑﻴﺒﻲ ﺧﻄﻴﻪ
ﻛﺎﻟﺘﻠﻬﺎ
.. ﺍﻭ ﺍﻟﻐﺴﻞ ﻫﺎﻱ ﻛﻞ ﻗﻮﺗﺞ
ﻭﺍﺣﻨﻪ ﺧﺮﺑﺎﻧﻴﻦ ﺿﺤﻚ ﻋﻠﻴﻬﺎ
ﺭﺍﺡ ﻫﺎﺷﻢ ﻟﻐﺮﻓﺘﻪ ﺑﺪﻝ ﻭﺍﺗﻌﺸﻪ ﻃﻠﻊ ﺟﺎﺏ ﻣﻮﻃﺎﺕ ﻭﺍﺯﺑﺮﻱ ﺍﻟﻨﻪ ﻭﻟﺒﻴﺒﻲ
ﻭﺍﻟﺠﻬﺎﻝ ﻋﺎﻓﻮﺍ ﺣﺒﺸﻜﻼﺗﻬﻢ ﻳﺮﺩﻭﻥ ﻣﻮﻃﺎﺗﻨﻪ ﻣﻮﻋﺖ ﺷﻮﻳﻪ ﻣﻨﻬﺎ ﺑﻤﺎﻋﻮﻥ ﻟﻔﻀﻞ ﻭﻛﻌﺪ ﻳﺎﻛﻞ ﺑﻴﻬﺎ ﻓﺮﺣﺎﻥ ﻫﻮ ﻭﺷﻬﻮﺩﻩ ﻫﻢ ﺟﺎﺑﺖ ﻣﺎﻋﻮﻧﻬﺎ ﻭﻛﻌﺪﺕ ﻳﻤﻪ ﻭﻳﺮﻃﻨﻮﻥ ﺳﺒﺤﺎﻥ ﺍﻟﻠﻪ ﺍﻟﺨﻠﻪ ﺍﻟﺠﻬﺎﻝ ﻭﺍﺣﺪ ﻳﻔﺘﻬﻢ ﻉ ﺍﻟﺜﺎﻧﻲ
ﺩﺧﻞ ﻫﺠﺮﺱ ﺷﺎﻓﻨﻪ ﻛﺎﻋﺪﻳﻦ ﻧﺎﻛﻞ ﻛﺎﻝ
.. ﺍﻧﻪ ﺍﺧﻮﻙ ﺗﺎﻛﻠﻮﻥ ﻭﻧﺎﺳﻴﻦ ﺍﺑﻨﻜﻢ ﺍﻟﺠﺒﻴﺮ
ﻛﺎﻟﺘﻠﻪ ﺑﻴﺒﻲ ﻭﻫﻲ ﺗﻤﺺ ﺑﺎﻻﺯﺑﺮﻱ
.. ﺟﺎ ﻫﻮ ﺍﻧﺖ ﺗﻬﺠﻊ ؟؟؟ ... ﺟﻨﻚ ﻃﻄﻮﻩ ﺑﺲ ﺗﻔﺘﺮ ﻭﺗﺸﺤﺮﺝ
ﻛﻌﺪ ﻳﻤﻲ ﻭﺍﺧﺬ ﺧﺎﺷﻮﻛﺘﻲ ﻛﺎﻡ ﻳﺎﻛﻞ ﻣﻦ ﻣﻮﻃﺘﻲ ﻭﻛﺎﻝ ﺑﺼﻮﺕ ﻧﺎﺻﻲ
.. ﺧﺮﺏ ﻫﺎﻱ ﻫﻴﺞ ﺍﻟﻤﻮﻃﻪ ﻣﻦ ﺣﻠﻜﺞ ﻃﻴﺒﻪ ﻭﺍﻧﻲ ﻣﺎ ﺍﺩﺭﻱ ﺣﻄﻴﺘﻬﺎ ﻛﻠﻬﺎ ﺑﺤﻀﻨﻪ ﺑﻌﺼﺒﻴﻪ ﻭﻛﻤﺖ ﺭﺣﺖ ﻟﻐﺮﻓﺘﻲ
بيج قصص عراقيه حقيقيه من واقعنا.روعه الطائي
ﺍﺟﻪ ﻭﺭﺍﻱ ﻻﺯﻡ ﺍﻟﻤﻮﻃﻪ ﻛﺎﻝ
.. ﺍﺷﺘﻌﻞ ﺟﺪﻫﻢ ﻟﺠﺎﺭﻧﻪ ﺍﺑﻮ ﺗﺤﺴﻴﻦ
ﺍﺩﺭﻱ ﺑﻴﻪ ﻣﻦ ﺗﻮﻓﻪ ﺟﺪﻱ ﺑﻄﻞ ﻳﻜﻮﻟﻲ ﺍﺣﺘﺮﻙ ﺟﺪﺝ ﻛﺎﻡ ﻳﺤﻮﻝ ﻋﻠﻰ ﺍﺟﺪﺍﺩ ﺍﻟﺠﻮﺍﺭﻳﻦ
ﻛﺎﻝ
.. ﻟﻴﺶ ﻣﺮﺩﺗﻲ ﺩﺷﺪﺍﺷﺘﻲ ﻭﻟﺞ
ﻣﺎ ﺟﺎﻭﺑﺘﻪ ﻛﺎﻋﺪﻩ ﻉ ﺍﻟﺠﺮﺑﺎﻳﻪ ﻭﻻﺯﻣﻪ ﻣﻮﺑﺎﻳﻠﻲ ﺍﻛﻠﺐ ﺑﻴﻪ ﻋﺎﻑ ﺍﻟﻤﻮﻃﻪ ﻉ ﺍﻟﻤﻴﺰ ﻭﺍﺟﻪ ﻛﻌﺪ ﻳﻤﻲ ﻭﺳﺤﺐ ﻣﻨﻲ ﺍﻟﻤﻮﺑﺎﻳﻞ ﻭﺣﻄﻪ ﻉ ﺍﻟﻤﻴﺰ ﺭﺩﺕ ﺍﻛﻮﻡ ﺳﺤﺒﻨﻲ ﻟﺤﻀﻨﻪ
ﻛﺎﻝ
.. ﻻ ﺗﻀﻮﺟﻴﻦ ﻣﻨﻲ ﻭﺍﻟﻜﻌﺒﻪ ﺍﺣﺒﺞ
ﻛﻤﺖ ﺍﺩﻓﻊ ﺑﻴﻪ ﻭﺍﺭﻳﺪ ﺍﻛﻮﻡ
.. ﻋﻮﻓﻨﻲ ﻫﺠﺮﺱ
.. ﻣﺎ ﺍﻋﻮﻓﺞ ﺍﻧﺘﻲ ﺭﻭﻳﺤﺘﻲ
.. ﻟﻮ ﺭﻭﻳﺤﺘﻚ ﻣﺎ ﺗﺴﻮﻱ ﺑﻴﻪ ﻫﻴﺞ
.. ﻭﺍﻟﻠﻪ ﻗﺒﻞ ﺷﻮﻳﻪ ﻣﺎ ﺗﺤﻤﻠﺖ ﺍﺷﻮﻑ ﺩﻣﻮﻋﺞ ﺗﺠﺮﻱ ﻛﻠﺶ ﻛﺮﻫﺖ ﺭﻭﺣﻲ ﻻﻥ ﺯﻋﻠﺘﺞ ﻧﺰﻟﺖ ﻟﻔﻀﻞ ﺭﺿﻴﺘﻪ ﺣﺘﻪ ﻻ ﻳﻀﻞ ﺑﺨﺎﻃﺮﺝ
.. ﺍﻧﺖ ﻣﺎ ﺗﺤﺒﻨﻲ ﻭﻻ ﺗﺤﺐ ﺍﺑﻨﻲ
ﺑﺎﻭﻋﻠﻲ ﺑﺼﺪﻣﻪ
.. ﺷﻨﻮ ﻫﺎﻟﺤﺠﻲ ﺍﻟﻤﺎﺻﺦ ﺟﻴﻼﻥ ﺻﺪﻙ ﺗﺤﺠﻴﻦ ؟
.. ﺍﻱ ﺑﺎﻻﺧﺺ ﻓﻀﻞ ﺗﻜﺮﻩ .....
ﺣﻂ ﺍﺻﺒﻌﻪ ﻉ ﺷﻔﺘﻲ ﻭﻣﺎ ﺧﻼﻧﻲ ﺍﻛﻤﻞ ﻭﻛﺎﻝ ﺑﺤﺪﻩ
.. ﺍﺷﺸﺸﺸﺶ ﻫﺎﻱ ﺍﻟﺤﺠﺎﻳﻪ ﺣﺠﻴﺘﻴﻬﺎ ﻫﺎﻟﻤﺮﻩ ﻣﺮﺓ ﺍﻟﺜﺎﻧﻴﻪ ﺻﺪﻙ ﺍﺯﻋﻞ ﻣﻨﺞ .. ﺷﻨﻮ ﻣﺎ ﺍﺣﺒﻜﻢ ﻟﻴﺶ ﺷﻌﻨﺪﻱ ﻏﻴﺮﻛﻢ ﺑﻬﺎﻟﺪﻧﻴﺎ ﺍﻧﺘﻮ ﺍﻟﻨﻔﺲ ﺍﻟﻴﺼﻌﺪ ﻭﻳﻨﺰﻝ
.. ﻟﻌﺪ ﻟﻴﺶ ﺗﻀﺮﺏ ﻓﻀﻞ ﻭﺍﻧﻲ ﺗﻜﻮﻟﻲ ﺍﻟﻄﻤﺞ ﻋﻠﻰ ﺣﻠﻜﺞ
.. ﺟﻨﺖ ﻋﺼﺒﻲ ﻭﻃﻠﻌﺖ ﺣﺮﻛﺘﻲ ﺑﻴﻜﻢ ﺷﻠﻮﻥ ﻣﺎ ﺗﺘﺤﻤﻠﻴﻨﻲ ﻭﺑﻌﺪﻳﻦ ﻓﻀﻞ ﺻﺎﻳﺮ ﻛﻠﺶ ﻭﻛﺢ ﻳﺮﺍﺩﻟﻪ ﺟﺮﺓ ﺍﺫﻥ ﺣﺘﻪ ﻳﺘﻌﻠﻢ
.. ﻭﺍﺣﻨﻪ ﺷﻨﻮ ﻣﺴﺘﻮﺩﻉ ﻟﻌﺼﺒﻴﺘﻜﻢ .. ﻭﻋﻠﻰ ﺷﻨﻮ ﻋﺼﺒﻲ ﺑﻠﻪ ؟
.. ﺟﻴﻼﻥ ﻳﻌﻨﻲ ﺑﺸﺮﻓﺞ ﺻﺎﺭﻟﻲ ١٠ ﺍﻳﺎﻡ ﻣﺎﻛﻮ ﺷﻲ ﺑﻴﻨﻨﺎ ﻭﺍﻟﻠﻪ ﺍﺣﺲ ﺍﻟﺴﻢ ﺻﺎﻋﺪ ﻟﺮﺍﺳﻲ ﻛﻠﻤﺎ ﺍﺗﻘﺮﺑﻠﺞ ﺗﻜﻮﻟﻴﻦ ... ﻻ ﺗﺠﻴﻨﻲ ... ﺍﺧﺎﻑ ﺍﻃﻠﻚ ﻭﺍﺟﻴﺐ .... ﺧﺎﻑ ﺍﻟﻄﻔﻞ ﻳﺼﻴﺮ ﺑﻴﻪ ﺷﻲ ... ﺗﻌﺒﺎﻧﻪ
.. ﺍﻱ ﺍﻧﻲ ﻫﺎﻱ ﺍﻻﻳﺎﻡ ﻗﺮﺑﺖ ﻭﻻﺩﺗﻲ ﻭﺍﻧﻲ ﻛﻠﺶ ﺧﺎﻳﻔﻪ
.. ﻭﻟﻴﺶ ﺗﺨﺎﻓﻴﻦ ﻳﺎ ﺭﻭﻳﺤﺘﻲ
ﺩﻣﻌﺖ ﻋﻴﻮﻧﻲ
.. ﻣﺎ ﺍﻋﺮﻑ ﺍﺣﺲ ﻉ ﺳﺎﻋﻪ ﺍﻣﻮﺕ ﺑﻄﻨﻲ ﻛﻠﺶ ﺛﻜَﻼﻧﻪ ﻭﺻﺎﻳﺮﻩ ﺍﺧﺘﻨﻚَ ﺑﺎﻟﻠﻴﻞ
ﺣﻀﻨﻨﻲ ﻭﻛﺎﻝ
.. ﺳﻼﻣﺘﺞ ﻳﻮﻣﻲ ﻗﺒﻞ ﻳﻮﻣﺞ ﻻ ﺗﺨﺎﻓﻴﻦ .. ﺫﺑﻲ ﺍﺗﻜﺎﻟﺞ ﻉ ﺍﻟﻠﻪ ﻭﺍﻫﻞ ﺑﻴﺘﻬﺎ ﻫﻢ ﻳﺴﻬﻠﻮﻫﺎ ﺍﻟﺞ ... ﺍﻛﺜﺮ ﻣﻦ ﻓﻀﻞ؟؟ ﺟﻨﺘﻲ ﺧﺎﻳﻔﻪ ﻣﻦ ﻭﻻﺩﺗﻪ ﻭﺳﺎﻟﻔﺔ ﺑﻴﺒﻲ ﺯﺭﻛَﺘﻴﻪ ﻭﻛﻤﺘﻲ ﻛﻠﺸﻲ ﻣﺎ ﺑﻴﺞ
ﺍﺑﺘﺴﻤﺖ ﻛﺮﺹ ﺧﺪﻱ ﻭﻛﺎﻝ
.. ﻫﻴﺞ ﺍﺭﻳﺪﺝ .. ﻛﻠﺸﻲ ﺑﻮﻗﺘﻪ ﻻ ﺗﻔﻜﺮﻳﻦ .. ﻛﻮﻣﻲ ﺧﻠﻲ ﺍﻃﻠﻌﺞ ﻧﺘﻤﺸﻰ ﺷﻮﻳﻪ
.. ﺗﻌﺒﺎﻧﻪ ﻫﺠﺮﺱ ﻣﺎﻟﻲ ﺧﻠﻚ
.. ﻣﺎ ﺗﺮﺩﻳﻦ ﺗﺼﻴﺮ ﻭﻻﺩﺗﺞ ﺳﻬﻠﻪ
.. ﺍﻱ ﺑﺲ ﺗﻌﺒﺎﻧﻪ ﻭﺍﻟﻠﻪ ﺍﺫﺍ ﺍﻣﺸﻲ ﻫﺴﻪ ﺍﺗﺨﺮﺑﻂ
.. ﺟﺎ ﺧﻮﺵ ﺗﻌﺎﻱ ﺍﻧﻲ ﻋﻨﺪﻱ ﻃﺮﻳﻘﻪ ﺗﺴﻬﻠﻠﺞ ﻭﻻﺩﺗﺞ
ﻛﺎﻡ ﻳﺒﻮﺱ ﺑﻴﻪ ﺩﻓﻌﺘﻪ
.. ﻫﺠﺮﺱ ؟؟
ﻣﺎ ﺳﻤﻌﻨﻲ ﺑﻘﻪ ﻳﺒﻮﺱ ﻧﺰﻉ ﻫﺪﻭﻣﻪ ﻭﺑﺪﻩ ﻳﺘﻘﺮﺑﻠﻲ ﻣﺎ ﻛﺪﺭﺕ ﺍﺻﺪﻩ ﺧﻄﻴﻪ ﺍﻧﻲ ﻫﻢ ﻣﻘﺼﺮﻩ ﻭﻳﺎﻩ ﺻﺪﻙ ﻛﻠﺖ ﻣﺎ ﺍﻛﺪﺭ ﺍﻣﻨﻌﻪ ﺍﻛﺜﺮ .. ﺍﻧﻲ ﻣﺎ ﻣﺘﺄﺫﻳﻪ ﻫﺴﻪ ﻟﻴﺶ ﺍﺣﺮﻣﻪ .... ﻭﻫﻮ ﻫﻢ ﻛﺎﻥ ﺣﻨﻴﻦ ﻭﻳﺎﻱ ﻣﺎ ﺍﺫﺍﻧﻲ
ﻛﻌﺪﺕ ﺍﻟﺼﺒﺢ ﻛﺎﻥ ﻫﺠﺮﺱ ﺑﻌﺪﻩ ﻧﺎﻳﻢ ﻭﻓﻀﻮﻟﻲ ﻫﻢ ﻧﺎﻳﻢ ﺑﻔﺮﺍﺷﻪ ﻛﻤﺖ ﺍﺣﺲ ﺍﻟﻢ ﺑﻈﻬﺮﻱ ﻗﻮﻱ ﻳﻤﻜﻦ ﻻﻥ ﺗﻘﺮﺑﻠﻲ ﻫﺠﺮﺱ
بيج قصص عراقيه حقيقيه من واقعنا.روعه الطائي
ﺍﺧﺬﺕ ﻣﻼﺑﺴﻲ ﻭﺭﺣﺖ ﺳﺒﺤﺖ ﻭﻛﻮﻩ ﻧﺰﻟﺖ ﻻﻥ ﺑﻄﻨﻲ ﺻﺎﻳﺮﻩ ﺛﻜَﻴﻠﻪ ﻛَﻮﻩ ﺍﻧﺰﻝ ﻭﻛَﻮﻩ ﺍﺻﻌﺪ .... ﻟﻜﻴﺖ ﺑﺲ ﺑﻴﺒﻲ ﻛﺎﻋﺪﻩ ﻳﻤﻜﻦ ﻋﻤﺘﻲ ﺍﺧﺬﺗﻬﺎ ﺍﻟﻨﻮﻣﻪ
.. ﺻﺒﺎﺡ ﺍﻟﺨﻴﺮ
.. ﺻﺒﺎﺡ ﺍﻟﻌﺎﻓﻴﻪ
ﻋﻔﺘﻬﻦ ﻭﺭﺣﺖ ﺍﺳﻮﻱ ﺭﻳﻮﻙَ ﺣﺴﻴﺖ ﻉ ﺻﻮﺕ ﻭﺭﺍﻱ ﺍﻭﻝ ﻣﺎ ﺍﻧﺪﺍﺭﻳﺖ ﺍﺧﺬ ﺷﻔﺘﻲ ﺑﺒﻮﺳﻪ ﺣﻠﻮﻩ ﺍﺑﺘﺴﻤﺖ ﻭﻛﺎﻝ
.. ﺻﺒﺎﺡ ﺍﻟﺨﻴﺮ ﺭﻭﻳﺤﺘﻲ
ﻛﺘﻠﻪ ﺑﺘﻌﺐ
.. ﺻﺒﺎﺡ ﺍﻟﻨﻮﺭ ﺣﺒﻴﺒﻲ
ﺑﺎﻭﻋﻠﻲ ﺑﺘﺴﺎﺅﻝ
.. ﺷﻌﻨﺪﺝ ؟
ﻫﺰﻳﺖ ﺑﺮﺍﺳﻲ ﺑﻼ ﻭﺭﺟﻌﺖ ﺍﻛﻤﻞ ﺍﻟﺮﻳﻮﻙ
.. ﻣﺎ ﻋﻨﺪﻱ ﺷﻲ .. ﺷﻮﻳﻪ ﺍﻟﺤﻤﻞ ﻣﺘﻌﺒﻨﻲ
.. ﻭﺧﺮﻱ
ﺍﺧﺬ ﺍﻟﺨﺎﺷﻮﻛَﻪ ﻣﻨﻲ ﻭﻛﺎﻡ ﻳﻜﻠﺐ ﺑﺎﻟﺒﻴﺾ ﻭﻃﻤﺎﻃﻪ ﻛﺘﻠﻪ
.. ﺣﺒﻴﺒﻲ ﻋﻮﻓﻪ ﺍﻧﻲ ﺍﻛﻤﻠﻪ
.. ﻻ ﻳﺎ ﻋﻤﺮﻱ ﺍﺭﺗﺎﺣﻲ ﻭﺍﻧﻲ ﻫﺴﻪ ﺍﻭﺻﻲ ﺍﻣﻲ ﻋﻠﻴﺞ
.. ﺷﻜﺮﺍ ﺣﺒﻴﺒﻲ
ﺑﺎﺳﻨﻲ ﺑﻮﺳﻪ ﻫﻮﺍﺋﻴﻪ ﺣﻀﺮﺕ ﺍﻟﻤﻮﺍﻋﻴﻦ ﻭﻛﻌﺪﺕ ﻉ ﺍﻟﻜﺮﺳﻲ ﺍﺑﺎﻭﻋﻠﻪ ﻓﺪﻭﻩ ﻟﻄﻮﻟﻪ ﻛﺘﻠﻪ
.. ﺣﺒﻴﺒﻲ ﺍﺷﻮ ﺍﺣﺴﻚ ﻃﻮﻻﻥ ﺷﻮﻳﻪ؟
.. ﺟﺎ ﺷﻌﺒﺎﻟﺞ ﻫﺎﻱ ﺍﻻﺷﻮﺍﻁ ﺍﻟﻨﺎﺧﺬﻫﺎ ﺍﻟﻬﺎ ﺩﻭﺭ ﺗﻄﻮﻝ ﻛﻞ ﺍﻻﻣﺎﻛﻦ
ﺷﻬﻜَﺖ ﻭﻛﺘﻠﻪ
.. ﺗﺄﺩﺏ ﺷﻨﻮ ﻫﺎﻟﺴﻮﺍﻟﻒ ﻣﻦ ﺍﻟﺼﺒﺢ .. ﻟﻮ ﻳﺴﻤﻌﻚ ﺍﺣﺪ ﺷﻴﻜﻮﻝ
ﺷﺎﻝ ﺍﻟﻄﺎﻭﻩ ﻭﺗﻘﺮﺏ ﻣﻨﻲ
.. ﻳﻜﻮﻝ ﻫﺎﻱ ﻣﺮﺗﻪ ﻣﺸﺒﻌﺘﻪ ﻣﺨﻠﻴﺘﻪ ﻣﺎ ﻳﺸﻮﻑ ﺍﺣﺪ ﻏﻴﺮﻫﺎ
ﺑﺎﺱ ﺧﺪﻱ ﻭﺭﺍﺡ ﻳﺪﻳﺮ ﺍﻻﻛﻞ ﺑﺎﻟﻤﺎﻋﻮﻥ ﻛﺘﻠﻪ
.. ﻭﺍﻟﻠﻪ ﺻﺎﻳﺮ ﻭﻛﺢ ﻛﻠﺶ ﺍﺭﻭﺡ ﻟﻐﺮﻓﺘﻲ ﺍﻧﻄﺮﺡ ﺍﺣﺴﻦ ﻣﺎ ﺗﺤﺮﻓﻨﻲ ﺍﻛﺜﺮ
ﺻﺒﻴﺘﻠﻪ ﺍﻟﺠﺎﻱ ﻛﺎﻝ
.. ﺗﻌﺎﻱ ﺗﺮﻳﻜﻲ ﻭﻳﺎﻱ
.. ﺣﺒﺎﺏ ﺗﻌﺒﺎﻧﻪ ﻛﻠﺶ ﺍﺭﻳﺪ ﺍﺭﻭﺡ ﺍﻧﻄﺮﺡ
.. ﻟﺨﺎﻃﺮﻱ ﻭﺍﻟﻠﻪ ﻣﺘﻌﻮﺩ ﻋﻠﻰ ﻭﺟﻬﺞ ﻳﻮﻣﻴﻪ ﻳﻔﺘﺢ ﻧﻔﺴﻲ
ﻣﺎ ﺭﺩﺕ ﺍﻛﺴﺮ ﺧﺎﻃﺮﻩ ﺷﺎﻝ ﺍﻟﺼﻴﻨﻴﻪ ﻭﺭﺣﻨﻪ ﻳﻢ ﺑﻴﺒﻲ
ﻛﺎﻟﺖ ﺑﻴﺒﻲ ﻭﺍﻧﻲ ﺍﻛﻌﺪ
.. ﻭﻟﺞ ﺍﺷﻮ ﺑﻄﻨﺞ ﻭﺻﻠﺖ ﻟﺤﻠﻜﺞ ﻭﻟﺴﻪ ﻣﺎ ﺟﺒﺘﻲ
.. ﺑﻴﺒﻲ ﻗﺎﺑﻞ ﺑﻴﺪﻱ ﺍﻟﻠﻪ ﻣﺎ ﻗﺴﻤﻠﻪ ﻫﺴﻪ ﻳﺠﻲ
.. ﺟﺎ ﻭﻟﺞ ﺍﻋﻠﻤﺞ ﺑﻄﺮﻳﻘﻪ ﺗﺨﻠﻴﺞ ﺍﻟﻠﻴﻠﻪ ﺗﺠﻴﺒﻴﻦ .. ﺭﻭﺣﻲ ﺻﻌﺪﻱ ﺍﻟﺴﻄﺢ ٤٠ ﻣﺮﻩ ﻭﺷﻴﻠﻲ ﺍﻟﻘﻨﻴﻨﻪ ﻭﻫﺴﻪ ﺗﺰﺭﻛﻴﻪ
ﻛﺎﻟﻬﺎ ﻫﺠﺮﺱ
.. ﺑﻴﺒﻲ ﺷﺎﻟﻘﺼﻪ ﻧﺎﻭﻳﻪ ﺗﻤﻮﺗﻴﻦ ﺍﻟﻔﺮﺥ
.. ﻣﺎﻟﻚ ﻏﺮﺽ ... ﺷﻤﻌﺮﻓﻚ ﺍﻧﺖ ﺑﻬﺎﻱ ﺍﻟﺴﻮﺍﻟﻒ .. ﺟﺎ ﻭﻟﻚ ﺍﻧﻲ ﺑﺄﺑﻮﻙ ﺍﻟﻲ ١٥ ﺷﻬﺮ ﻭﻣﺎ ﺟﺒﺖ ﻛﻠﺖ ﻻﺯﻡ ﺍﺷﻮﻓﻠﻲ ﻃﺮﻳﻘﻪ ﺍﺧﻠﻲ ﻫﺎﻟﻔﺮﺥ ﻳﺰﺭﻙَ ﻭﻋﺴﺎﻩ ﺑﺎﻟﻄﻜﻴﻚ ﺍﺫﺍ ﻣﺎﺕ ﺑﺲ ﻳﻨﺰﻝ ... ﺟﺎﻥ ﺍﺑﻮﻙ ﺛﻜَﻴﻞ ﺗﻜﻮﻝ ﺣﺎﻃﺘﻠﻲ ﺣﻼﻧﻪ ‏( ﺗﻤﺮ ﻣﺨﺰﻭﻥ ‏) ﺑﺒﻄﻨﻲ ﻣﻮﺵ ﻓﺮﺥ
ﺍﺑﺘﺴﻤﻠﻲ ﻫﺠﺮﺱ ﻛﺎﻟﻠﻬﺎ
.. ﺿﺎﻭﻳﻪ ﻭﻳﻦ ﺍﻛﻮ ﻃﻔﻞ ﻳﺒﻘﻰ ١٥ ﺷﻬﺮ ﺑﺒﻄﻦ ﺍﻣﻪ ﺷﻨﻮ ﻓﻴﻞ ﻫﻮ؟
.. ﺍﻛﻞ ﻣﻄﻲ ﺟﺎ ﺍﻧﻲ ﺣﺴﺒﺖ ﺑﺬﻳﺞ ﺍﻟﺴﺎﻋﻪ ﺷﻜﺪ ﺍﻟﻲ .. ﺟﻨﺖ ﺍﺭﻛﺾ ﻭﺭﻩ ﺟﺪﻙ ﺟﺎﻥ ﻣﺼﺎﺣﺐ ﺭﺍﺑﺤﻪ ﺍﻡ ﺍﻟﻜﻴﻤﺮ
ﺑﺎﻭﻋﻨﺎﻟﻬﺎ ﻣﺼﺪﻭﻣﻴﻦ ﺍﻧﻲ ﻭﻫﺠﺮﺱ ﻛﺎﻟﻠﻬﺎ
.. ﺣﺒﻮﺑﻪ ﺍﺷﻮ ﻣﺎ ﻛﺎﻳﻠﺘﻠﻲ ﻋﻠﻰ ﻫﺎﻱ ﺍﻟﺴﺎﻟﻔﻪ ؟
.. ﺟﺎ ﺍﻧﻪ ﺣﻠﻔﺖ ﻟﺠﺪﻙ ﺑﻌﺪ ﻣﺎ ﺍﺟﻴﺐ ﻃﺎﺭﻳﻬﺎ ﺑﺲ ﻫﺴﻪ ﺭﺍﺡ ﻟﺮﺣﻤﺔ ﺍﻟﻠﻪ ﺭﺍﺡ ﺍﺧﺮﻁ ﺍﻻﻭﻝ ﻭﺍﻟﺘﺎﻟﻲ ﻋﻠﻴﻤﻦ ﺿﺎﻣﻪ ﺍﻟﺴﺎﻟﻔﻪ ﺑﻌﺪ
ﺍﻧﻲ ﻭﻫﺠﺮﺱ ﻭﺍﺣﺪ ﻳﺒﺎﻭﻉ ﻟﻠﺜﺎﻧﻲ ﻭﻛﻮﻩ ﻛﺎﺗﻤﻴﻦ ﺍﻟﻀﺤﻜﻪ ﻫﺠﺮﺱ ﻛﺎﻡ ﻳﺎﻛﻞ ﻭﻳﻜﻠﻬﺎ
.. ﺍﻱ ﺣﺒﻮﺑﻪ ﺳﻮﻟﻔﻴﻠﻨﻪ ﺷﻠﻮﻥ ﻟﻜﻔﺘﻴﻪ ﻭﺷﺴﻮﻳﺘﻲ
بيج قصص عراقيه حقيقيه من واقعنا.روعه الطائي
.. ﺍﺧﺨﺦ ﻫﻴﺠﺖ ﻋﻠﻴﻪ ﻃﻴﺎﺣﻆ ﺟﺪﻙ ﺍﻟﻠﻪ ﻳﺮﺣﻤﻪ .. ﺷﻮﻑ ﺟﺪﻙ ﺟﺎﻥ ﺑﺤﺠﺔ ﻳﺮﻭﺡ ﻟﻠﻜﻴﻌﺎﻥ ﻳﺸﻮﻑ ﺍﻟﺸﻠﺐ ﻭﻳﻔﺘﺢ ﺍﻟﻌﺒﺮﺍﺕ ﻉ ﺍﻟﺰﺭﻉ ﻣﻨﺎﻙ ﻭﺗﺠﻴﻪ ﻫﺎﻱ ﺍﻟﺰﻓﺮﻩ ﺍﻡ ﺍﻟﻜﻴﻤﺮ ﻭﺍﻧﻲ ﻣﺎ ﺟﺎﻥ ﻋﻨﺪﻱ ﻋﻠﻢ ﺑﻬﺎﻱ ﺍﻟﺴﺎﻟﻔﻪ
ﺍﻧﻲ ﺍﺑﺎﻭﻋﻠﻬﺎ ﻣﺼﺪﻭﻣﻪ ﻛﻤﻠﺖ ﻫﻲ
.. ﺍﻧﻲ ﺟﻨﺖ ﺷﺎﻛﻪ ﻋﻨﺪﻩ ﺳﺎﻟﻔﻪ ﻃﺎﻳﺢ ﺣﻈﻬﺎ ﺑﺲ ﺟﻨﺖ ﻃﺎﺑﻪ ﺑﺸﻬﺮﻱ ﻭﻣﺎ ﺍﻛﺪﺭ ﺍﺭﻭﺣﻦ ﺍﺗﺎﺑﻌﻪ ﻭﺍﺷﻮﻓﻪ .. ﻭﺍﻧﻲ ﺍﻛﻮﻟﻦ ﺷﻌﻨﺪﻩ ﻳﻮﻣﻴﻪ ﺟﺎﻳﺒﻠﻲ ﻛﻴﻤﺮ ﻣﻌﻘﻮﻟﻪ ﻛﺎﻇﻢ ﻫﻴﺞ ﻳﺤﺒﻨﻲ ﻭﻣﺪﻟﻠﻨﻲ
.. ﺗﺎﻟﻲ ﺣﺒﻮﺑﻪ ﺷﻠﻮﻥ ﻟﻜﻔﺘﻴﻪ ؟
.. ﻧﺸﺪﺕ ﻋﻠﻰ ﺍﺧﻮﻱ ﺧﻀﻴﺮ ﻭﻛﺘﻠﻪ ﺗﺸﻮﻓﻠﻴﺎﻩ ﻭﻳﻦ ﻳﻮﻟﻲ ... ﻟﻜﺎﻩ ﻛﺎﻋﺪ ﺑﺎﻟﻜﺎﻉ ﻭﻻﺯﻡ ﺍﻟﻜﺮﻙ ﻭﻳﺨﺮﻁ ﺳﻮﺍﻟﻒ ﻭﻳﺎﻫﺎ ﻭﻫﻲ ﺣﺎﻁ ﻫﺎﻟﻜﻴﻤﺮ ﻋﻠﻰ ﺭﺍﺳﻬﺎ ﻭﻳﺘﻤﻀﺤﻜﻮﻥ .. ﻛﻠﺖ ﺑﺴﻴﻄﻪ ﺍﻧﻲ ﺿﺎﻭﻳﻪ ﺍﻟﻤﺤﺪ ﻳﻜﺪﺭﻟﻲ ﺗﺠﻲ ﺍﻧﺖ ﻛﻮﻳﻈﻢ ﻭﺗﻠﻌﺐ ﺑﺬﻳﻠﻚ ﻣﻦ ﻭﺭﺍﻱ ﻣﻦ ﻋﻮﻳﻨﺎﺗﻲ
ﺿﺤﻜﻨﻪ ﻛﺎﻟﻠﻬﺎ ﻫﺠﺮﺱ
.. ﺣﺒﻮﺑﻪ ﻓﻀﻴﻬﺎ ﻭﺍﻟﻌﺒﺎﺱ ﺗﺄﺧﺮﺕ
.. ﺟﺎ ﻭﻟﻚ ﻣﺎ ﺗﻮﻟﻲ ﻫﻲ ﻃﻮﻳﻠﻪ ﺗﺮﻳﺪ ﺗﺴﻤﻌﻬﺎ ﺿﻞ ﻣﺎ ﺗﺮﻳﺪ ﺍﻣﺸﻲ ﻭﻟﻲ
.. ﺿﺎﻝ ﺿﺎﻝ .. ﻛﻤﻠﻲ
.. ﺟﺎ ﺧﻮﺵ . ﺍﻟﻤﻬﻢ .. ﺭﺟﻊ ﻣﻨﺎﻙ ﺳﻮﻳﺖ ﺭﻭﻳﺤﺘﻲ ﻛﻠﺸﻲ ﻣﺎ ﺍﻋﺮﻑ ﻭﺍﺿﺤﻚ ﻭﺍﺳﻮﻟﻒ ﻭﻳﺎﻩ ﻭﺍﻧﻄﻴﺘﻪ ﺣﻘﻪ ﺍﻟﺸﺮﻋﻲ
ﻫﺠﺮﺱ ﻏﺺ ﻭﻋﻴﻮﻧﻪ ﻛﺎﻡ ﺗﺪﻣﻊ ﻣﻦ ﺍﻟﻀﺤﻚ ﻛﺎﻟﺘﻠﻪ
.. ﻭﺣﻤﺲ ﺷﻤﺎﻟﻚ ﻛﻤﺖ ﺗﺘﻔﻞ ﻋﻠﻴﻨﻪ
ﺍﻧﻄﻴﺘﻪ ﻣﻲ ﻭﻛﺘﻠﻬﺎ
.. ﻛﻤﻠﻲ ﺑﻴﺒﻲ ﻣﺎﺑﻴﻪ ﺷﻲ .
.. ﺛﺎﻧﻲ ﻳﻮﻡ ﻣﻦ ﻏﺒﺸﻪ ﻭﺭﺣﺖ ﻟﺴﻮﻙ ﺍﻟﻨﺴﻮﺍﻥ ﻫﻲ ﻣﺎ ﺗﺠﻴﻪ ﻣﻦ ﺍﻟﺼﺒﺎﺣﻴﻪ ﻭﺭﻩ ﻣﺎ ﺗﺒﻴﻊ ﺍﻟﻜﻴﻤﺮ ﻣﺎﻟﺘﻬﺎ ﻛﻠﻪ ﻳﻠﻪ ﺗﺠﻴﻪ .. ﺍﻧﻲ ﺭﺣﺘﻠﻬﺎ ﻟﺴﻮﻙ ﺍﻟﻨﺴﻮﺍﻥ ﺍﻋﺮﻓﻬﺎ ﻛﺎﻟﻲ ﺑﺄﺳﻤﻬﺎ ﺧﻀﻴﺮ .. ﻟﻜﻴﺘﻬﺎ ﻫﺴﺘﻮﻫﺎ ﺣﺎﻃﻪ ﻣﻌﺠﺎﻧﺘﻬﺎ ﻣﻠﻴﺎﻧﻪ ﻛﻴﻤﺮ ﻭﺍﺭﻭﺣﻦ ﻭﺍﻛﻠﺐ ﺍﻟﻤﻌﺠﺎﻧﻪ ﻛﻠﻬﺎ ﻋﻠﻰ ﺭﺍﺳﻬﺎ ﻭﺻﺤﺖ ﺑﻨﺺ ﺍﻟﺴﻮﻙ ﺗﺸﻮﻓﻦ ﻫﺎﻱ ﺍﻟﻤﺮﻩ ﺍﻟﺰﻓﺮﻩ ﺗﺒﻮﻙ ﺯﻟﻢ ﻭﺗﻀﺤﻚ ﻋﻠﻴﻬﻢ ﻭﺗﺎﺧﺬ ﻓﻠﻮﺳﻬﻢ ﻭﺣﻼﻟﻬﻢ ﺩﻳﺮﻥ ﺑﺎﻟﺠﻦ ﻣﻦ ﻋﺪﻫﺎ ﻭﺍﻟﻨﺴﻮﺍﻥ ﺻﺎﺭ ﺍﻟﻤﻄﺎﻓﺮ ﻋﻨﻬﺎ ﻣﺎﻟﻪ ﻭﺍﻟﻲ ﻭﺑﺎﻭﻋﺘﻠﻬﺎ ﻭﻫﻲ ﺩﻣﻌﺘﻬﺎ ﺧﺮﺕ ﻛﺘﻠﻬﺎ ﺑﺎﻟﺞ ﺗﺪﻧﻴﻦ ﻳﻢ ﻛﻮﻳﻈﻢ ﻫﺎﻟﻤﺮﻩ ﺣﻄﻴﺖ ﺍﻟﻜﻴﻤﺮﻩ ﻓﻮﻙ ﺭﺍﺳﺞ ﺑﻌﺪﻳﻦ ﺗﻌﺮﻓﻴﻦ ﻭﻳﻦ ﺍﺣﻄﻬﺎ ﻭﻋﻔﺘﻬﺎ ﻭﻣﺸﻴﺖ
ﻛﺎﻟﻬﺎ ﻫﺠﺮﺱ
.. ﺣﺒﻮﺑﻪ ﻭﻳﻦ ﺗﺤﻄﻴﻬﺎ
.. ﺍﻛﻞ ﻣﻄﻲ ﺧﻠﻴﻨﻲ ﺍﻛﻤﻞ .. ﻭﺭﺟﻌﺖ ﻟﻤﻴﺖ ﻏﺮﻳﻀﺎﺗﻲ ﻭﺭﺣﺖ ﻻﻫﻠﻲ ﻣﺎ ﺧﻠﻪ ﻛﺎﻇﻢ ﻭﺍﺣﺪ ﻣﺎ ﺩﺯﻩ ﻟﻴﻪ ٣ ﺍﺷﻬﺮ ﻫﻮ ﻳﺪﺯ ﻭﺍﺩﻡ ﻭﻳﺘﻮﺳﻞ ﺣﺘﻪ ﺍﺭﺟﻌﻠﻪ ﻛﺘﻠﻬﻢ ﺍﺭﺟﻌﻠﻪ ﺑﺲ ﺑﺸﺮﻁ ﺍﺫﺍ ﺭﺟﻊ ﻟﺪﺭﺏ ﺍﻟﻨﺴﻮﺍﻥ ﺍﺧﺬ ﻋﺪﻧﺎﻥ ﻭﻫﺬﺍ ﺍﻟﻔﺮﺥ ﺍﻟﻠﻲ ﺑﺒﻄﻨﻲ ﻭﻳﺤﻠﻢ ﻳﺸﻮﻓﻬﻢ
ﻭﺍﻧﺘﻮ ﺷﺎﻫﺪﻳﻦ ﻛﺎﻟﻮ ﻫﺬﺍ ﻫﻮ
ﻛﺎﻟﻬﺎ ﻫﺠﺮﺱ ﻭﻫﻮ ﻳﻜﻮﻡ
.. ﻭﺍﻟﻠﻪ ﺿﺎﻭﻳﻪ ﻃﻠﻌﺘﻲ ﻣﻮ ﺧﺎﻟﻴﻪ
.. ﺟﺎ ﺷﻠﺴﺒﺎﻟﻚ ﺍﻧﻪ ﺿﺎﻭﻳﻪ ﺑﺖ ﻋﻠﻚَ .. ﻭﻣﻦ ﺍﻫﺪﻫﺎ ﺟﺪﻙ ﺍﺫﺍ ﺷﺎﻑ ﻣﺮﻩ ﺗﻤﺸﻲ ﻋﻠﻰ ﻫﺬﺍ ﺍﻟﺴﺎﻳﺪ ﻳﺮﻛﺾ ﻳﺮﻭﺡ ﻟﺬﺍﻙ ﺍﻟﺴﺎﻳﺪ ﻭﻳﺘﻐﺸﻪ ﻋﻨﻬﺎ .. ﻳﻠﻪ ﺑﻌﺪ ﺭﺍﺡ ﻟﺮﺣﻤﺔ ﺭﺑﻪ ﻣﺎ ﺗﺠﻮﺯ ﻋﻠﻰ ﺍﻟﻤﻴﺖ ﻏﻴﺮ ﺍﻟﺮﺣﻤﻪ
ﻛﺎﻟﻬﺎ ﻫﺠﺮﺱ ﻭﻫﻮ ﻳﻜﻮﻡ
.. ﺣﺒﻮﺑﻪ ﺷﺨﻠﻴﺘﻲ ﺑﻴﻪ ﺑﻌﺪ ﺷﻌﻠﺘﻴﻪ ﺷﻌﻞ ﺑﻜَﺒﺮﻩ ﺍﻟﻤﺴﻜﻴﻦ ﻣﻦ ﻭﺭﻩ ﺳﺎﻟﻔﺘﺞ
ﻭﻃﻠﻊ ﺧﺮﺑﺎﻥ ﺿﺤﻚ
ﺍﻧﻲ ﺍﺿﺤﻚ ﻭﺭﺣﺖ ﺍﺭﻳﺪ ﺍﺷﻴﻞ ﺍﻟﺼﻴﻨﻴﻪ ﺣﺴﻴﺖ ﺑﺎﻟﻢ ﺑﻈﻬﺮﻱ ﻛﻠﺖ ﺑﺼﻮﺕ ﻣﺘﺄﻟﻢ ﻭﻟﺰﻣﺖ ﻇﻬﺮﻱ
.. ﺍﺍﺍﺧﺨﺨﺨﺦ
ﻛﺎﻟﺖ ﺑﻴﺒﻲ ﺑﺨﻮﻑ
.. ﻫﺎ ﺣﺒﻮﺑﻪ ﺷﻤﺎﻟﺞ
ﻛﺘﻠﻬﺎ ﺑﺄﺑﺘﺴﺎﻣﻪ ﺗﻌﺒﺎﻧﻪ
.. ﻣﺎﻛﻮ ﺷﻲ ﺑﻴﺒﻲ ﺷﻮﻳﻪ ﺩﺧﺖ
.. ﻭﻟﺞ ﺟﺎ ﺩﺧﺘﻲ ﻣﻦ ﻇﻬﺮﺝ .. ﺷﻤﺎﻟﻪ ﻇﻬﺮﺝ
بيج قصص عراقيه حقيقيه من واقعنا.روعه الطائي
.. ﻣﺎ ﺑﻴﻪ ﺑﻴﺒﻲ ﺍﺭﻳﺪ ﺍﺭﻭﺡ ﺍﺭﺗﺎﺡ
.. ﺭﻭﺣﻲ ﺣﺒﻮﺑﻪ ﺭﻭﺣﻲ ﺍﻧﻲ ﻫﺴﻪ ﺍﺧﻠﻲ ﻣﺮﺓ ﻋﻤﺞ ﻣﻦ ﺗﻜﻌﺪ ﺗﺸﻴﻠﻬﺎ
ﻛﻤﺖ ﻭﻛﻮﻩ ﺻﻌﺪﺕ ﺩﺧﻠﺖ ﻫﺠﺮﺱ ﺑﻌﺪﻩ ﻳﻀﺤﻚ ﻉ ﺍﻟﻤﺮﺍﻳﻪ ﻭﻳﻤﺸﻂ ﺳﻤﻌﻨﻲ ﻣﻦ ﺩﺧﻠﺖ ﻛﺎﻝ
.. ﺭﺍﺡ ﺍﺧﺎﺑﺮ ﺻﺎﺣﺒﺘﻲ ﺍﻡ ﺍﻟﺴﻤﺞ ﺑﺪﻝ ﻫﺎﻱ ﺍﻡ ﺍﻟﻜﻴﻤﺮ .. ﺍﺑﻦ ﺍﻟﻮﺯ ﻋﻮﺍﻡ
ﺳﻜﺘﺖ ﻭﻛﻮﻩ ﺍﻣﺸﻲ ﻣﻦ ﻇﻬﺮﻱ ﺑﺎﻭﻋﻠﻲ ﺑﺎﻟﻤﺮﺍﻳﻪ ﻭﺍﻧﺪﺍﺭﻟﻲ ﻣﺨﺮﻭﻉ ﻟﺰﻣﻨﻲ ﻣﻦ ﺍﻳﺪﻱ
.. ﺷﺒﻴﺞ ﺣﺒﻴﺒﻲ
ﻫﺰﻳﺘﻠﻪ ﺭﺍﺳﻲ ﺑﻼ ﻭﻛﺘﻠﻪ
.. ﻣﺎ ﺑﻴﻪ ﺑﺲ ﻇﻬﺮﻱ ﺷﻮﻳﻪ ﻭﺟﻌﻨﻲ
.. ﺷﻨﻮ ﺍﺫﻳﺘﺞ ﺍﻟﺒﺎﺭﺣﻪ
ﻫﺰﻳﺖ ﺭﺍﺳﻲ ﺑﻼ ﻭﻫﻮ ﻳﻌﺪﻝ ﺑﺎﻟﻤﺨﺎﺩ ﻭﺭﺍﻱ
.. ﻻ ﺣﺒﻴﺒﻲ ﺑﺎﻟﻌﻜﺲ ﺟﻨﺖ ﺣﻨﻴﻦ ﻭﻳﺎﻱ .. ﺑﺲ ﺍﻟﻈﺎﻫﺮ ﻭﻻﺩﺗﻲ ﻗﺮﺑﺖ
ﻛﺎﻝ ﻭﻫﻮ ﻳﺒﺎﻭﻋﻠﻲ ﺑﺨﻮﻑ
.. ﻳﻌﻨﻲ ﺭﺍﺡ ﺗﺠﻴﺒﻴﻦ ﺍﻟﻴﻮﻡ
.. ﻻ ﺣﺒﻴﺒﻲ ﺷﺎﻟﻘﺼﻪ ﺑﻌﺪﻧﻲ ﺑﻨﺺ ﺍﻟﺸﻬﺮ .. ﺧﻠﻲ ﺍﻛﻤﻞ ﺷﻬﺮﻱ ﻭﺍﻟﻠﻪ ﻳﺴﻬﻞ
ﺳﻜﺖ ﻭﺑﺲ ﻳﺒﺎﻭﻋﻠﻲ ﺑﻘﻠﻖ ﻛﺘﻠﻪ
.. ﻻ ﺗﺒﺎﻭﻋﻠﻲ ﻫﻴﺞ ﻣﺎ ﻋﻨﺪﻱ ﺷﻲ .. ﺭﻭﺡ ﻟﺸﻐﻠﻚ ﻻ ﺗﺨﺎﻑ ﺍﻧﻲ ﺍﺫﺍ ﺻﺎﺭ ﺷﻲ ﻭﻳﺎﻱ ﺍﺧﺎﺑﺮﻙ
.. ﻻ ﺗﺨﻮﻓﻴﻨﻲ ﻋﻠﻴﺞ
.. ﻫﺎﻱ ﺷﺒﻴﻚ ﻫﺠﺮﺱ
ﺑﺎﺱ ﺭﺍﺳﻲ ﻭﺧﺪﻱ ﻭﻋﺪﻝ ﻧﻔﺴﻪ ﻭﺭﺍﺡ ﻳﻜﻤﻞ ﻟﺒﺴﻪ
.. ﺟﻴﻼﻥ ﺍﻟﻠﻪ ﻋﻠﻴﺞ ﺍﻟﺴﻮﻙ ﻣﻮ ﺑﻌﻴﺪ ﺷﻴﺼﻴﺮ ﻭﻳﺎﺝ ﺗﺨﺎﺑﺮﻳﻨﻲ ﻭﺍﻧﻲ ﻛﻞ ﺷﻮﻳﻪ ﺍﺧﺎﺑﺮﺝ .. ﺯﻳﻦ ؟
ﻫﺰﻳﺖ ﺭﺍﺳﻲ ﺑﺄﻱ ﻭﺍﺑﺘﺴﻤﺘﻠﻪ ﻟﺒﺲ ﺍﻟﺸﻤﺎﻍ ﻣﺎﻟﺘﻪ ﻭﻫﻮ ﻳﺒﺘﺴﻤﻠﻲ ﻭﺟﺎﺏ ﺍﻟﻤﻮﺑﺎﻳﻞ ﻭﺍﻟﻤﻲ ﺧﻼﻫﻦ ﻗﺮﻳﺐ ﻳﻤﻲ
ﻭﻛﺎﻝ
.. ﻣﺎ ﺍﻭﺻﻴﺞ ﺑﻌﺪ؟ ... ﻭﻻ ﺗﻨﺰﻟﻴﻦ ﻭﺍﻧﻲ ﻫﺴﻪ ﻫﻢ ﺍﻭﺻﻲ ﺍﻣﻲ ﻭﺍﻭﺻﻲ ﺣﻮﺭﻳﻪ ﻋﻠﻴﺞ .. ﻣﺎﺷﻲ ؟
.. ﻣﺎﺷﻲ
ﺍﺧﺬ ﺷﻔﺘﻲ ﻭﺑﺎﺳﻬﻦ ﺑﺮﻗﻪ ﻭﺣﻂ ﻛﺼﺘﻪ ﻋﻠﻰ ﻛﺼﺘﻲ ﻭﻛﺎﻝ
.. ﺍﺣﺒﺞ
.. ﺍﻣﻮﺕ ﻋﻠﻴﻚ
ﺍﺑﺘﻌﺪ ﻋﻨﻲ ﻭﻛﺎﻝ
.. ﻳﻠﻪ ﻓﻴﻤﺎﻻ
.. ﺍﻟﻠﻪ ﻭﻳﺎﻙ
ﻃﻠﻊ ﻭﺍﻧﻲ ﻫﺎﻟﻠﺤﻈﺎﺕ ﺍﻟﻜﻈﻴﺘﻬﻦ ﻭﻳﺎﻩ ﻣﺎ ﺣﺴﻴﺖ ﺑﺄﻱ ﺍﻟﻢ .. ﻓﻌﻼ ﺭﺍﺣﺘﻲ ﻛﻠﻬﺎ ﻭﻳﺎﻩ
ﺑﻘﻴﺖ ﺍﻛَﻠﺐ ﺑﺎﻟﻤﻮﺑﺎﻳﻞ ﺑﻠﻜﺖ ﺍﻧﺴﻰ ﺷﻮﻳﻪ ﺍﻟﻢ ﻇﻬﺮﻱ ... ﺑﺲ ﻣﺎﻛﻮ ﻓﺎﺋﺪﻩ ﺍﺣﺲ ﺍﻟﻢ ﺑﻈﻬﺮﻱ ﻭﺍﻟﻢ ﺑﺒﻄﻨﻲ ﻣﺜﻞ ﺍﻟﻠﻮﻳﻪ ﺍﻟﺨﻔﻴﻔﻪ
ﻭﺭﺍﻫﺎ ﻛﻌﺪ ﻓﻀﻞ ﺍﺟﻪ ﻳﻤﻲ ﻉ ﺍﻟﺠﺮﺑﺎﺍﻳﻪ ﻛﺎﻡ ﻳﺤﻀﻦ ﻭﻳﺒﻮﺱ ﺑﻴﻪ ﻭﻳﻜﻮﻝ
.. ﻣﻤﺎ .. ﻋﻢ
ﻋﻮﺩ ﺟﻮﻋﺎﻥ
.. ﺳﻮﺩﻩ ﻋﻠﻴﻪ .. ﻫﺴﻪ ﻳﺎ ﺭﻭﺣﻲ
ﺧﺎﺑﺮﺕ ﻋﻠﻰ ﺣﻮﺭﻳﻪ ﺍﺟﺘﻨﻲ
.. ﻫﺎ ﺟﻮﻟﻲ ﺻﺒﺎﺡ ﺍﻟﺨﻴﺮ ﻳﺎ ﺭﻭﺣﻲ
.. ﺻﺒﺎﺡ ﺍﻟﻌﺎﻓﻴﻪ
.. ﺧﺎﺑﺮﻧﻲ ﻫﺠﺮﺱ ﻭﻭﺻﺎﻧﻲ ﻋﻠﻴﺞ .. ﺑﺲ ﻋﺒﺎﻟﻲ ﻧﺎﻳﻤﻪ ﻛﻠﺖ ﻣﺎ ﺍﺭﻳﺪ ﺍﺯﻋﺠﻬﺎ
.. ﻻ ﺣﺒﻲ ﻛﺎﻋﺪﻩ .. ﺑﺲ ﻓﺪﻭﻩ ﺗﻌﺒﺎﻧﻪ ﻛﻠﺶ ﺗﻜﺪﺭﻳﻦ ﺗﺮﻳﻜﻴﻦ ﻓﻀﻞ
.. ﺻﺎﺭ .. ﺣﺘﻰ ﺷﻬﻮﺩﻩ ﻛﻌﺪﺕ ﺧﻠﻲ ﻳﺘﺮﻳﻜﻮﻥ ﺳﻮﻩ
ﻫﻮ ﺳﻤﻊ ﺑﺸﻬﻮﺩﻩ ﻭﻫﻮ ﻛﺎﻡ ﻳﺼﻴﺢ
.. ﻟﻮﺡ ﻫﻮﺩﻩ
ﺑﻮﺳﺘﻪ ﻭﻛﺘﻠﻪ
.. ﺭﻭﺡ ﺣﺒﻴﺒﻲ
ﺍﺧﺬﺗﻪ ﺣﻮﺭﻳﻪ ﻭﻛﺎﻟﺖ
.. ﺍﻧﻲ ﺷﻮﻳﻪ ﻭﺍﺟﻴﺞ
.. ﻣﺎ ﻋﻨﺪﻱ ﺷﻲ ﺣﺒﻲ ﺍﻧﻲ ﺍﺫﺍ ﺍﺣﺘﺎﺟﺞ ﺍﺭﻣﺸﻠﺞ
.. ﻣﺎﺷﻲ ﺣﺒﻲ
ﺍﺧﺬﺕ ﻓﻀﻞ ﻭﻧﺰﻟﺖ ﺷﻮﻳﻪ ﻧﻌﺴﺖ ﺣﻄﻴﺖ ﺟﻬﺎﺯﻱ ﻳﻤﻲ ﻭﻧﻤﺖ ﻭﺭﻩ ﻣﺪﻩ ﻛﻌﺪﺕ ﻉ ﺍﻟﻢ ﻓﻀﻴﻊ ﺑﻈﻬﺮﻱ ﻭﺑﻄﻨﻲ ﺑﻬﺎﻻﺛﻨﺎﺀ ﺳﻤﻌﺖ ﺻﻮﺕ ﻣﻮﺑﺎﻳﻠﻲ ﻛﻮﻩ ﺷﻠﺖ ﺍﻟﺠﻬﺎﺯ ﻫﺠﺮﺱ ﺩﺍ ﻳﺘﺼﻞ
بيج قصص عراقيه حقيقيه من واقعنا.روعه الطائي
ﺟﺎﻭﺑﺘﻪ
.. ﺍﻟﻮ
.. ﻫﺎ ﻳﺎ ﺭﻭﻳﺤﺘﻲ ﺷﻠﻮﻥ ﺻﺮﺗﻲ ؟
ﻛﺘﻠﻪ ﺑﺄﻟﻢ
.. ﻫﺠﺮﺱ ﺑﻄﻨﻲ ﺩﺍ ﺗﻮﺟﻌﻨﻲ ﻭﻇﻬﺮﻱ ﺍﺣﺴﻪ ﺭﺍﺡ ﻳﻨﻜَﻄﻢ
.. ﺟﺎﻳﺞ ﻳﺎ ﻋﻤﺮﻱ .. ﺟﺎﻳﺞ ..
ﺳﺪﻩ ﻣﻨﻲ ﻭﺍﻧﻲ ﻛﻤﺖ ﺍﻭﻥ ﺷﻮﻳﻪ ﻭﺻﻌﺪ ﻓﻀﻞ ﻳﺪﻙ ﺑﺎﻟﺒﺎﺏ ﻣﺎ ﻳﻜﺪﺭ ﻳﻔﺘﺤﻬﺎ ﻭﻳﺼﻴﺢ
.. ﻣﻤﺎ .. ﺑﺎﺏ
ﺍﻧﻲ ﺑﺲ ﺍﺑﺠﻲ ﻣﻦ ﺍﻻﻟﻢ ﺩﻛﻴﺖ ﻉ ﺣﻮﺭﻳﻪ ﺷﻮﻳﻪ ﻭﺻﻌﺪﺕ ﻓﺘﺤﺖ ﺍﻟﺒﺎﺏ ﻟﻔﻀﻞ ﻭﺷﺎﻓﺘﻨﻲ ﺍﺟﺘﻨﻲ ﻣﺨﺮﻭﻋﻪ
.. ﺷﺒﻴﺞ ﺟﻮﻟﻲ
ﺑﺠﻴﺖ ﻭﻟﺰﻣﺖ ﺍﻳﺪﻫﺎ
.. ﺣﻮﺭﻳﻪ ﺑﻄﻨﻲ ﺭﺍﺡ ﺍﻣﻮﺕ
.. ﺍﺳﻢ ﺍﻟﻠﻪ ﻋﻠﻴﺞ ﺣﺒﻲ .. ﻫﺴﻪ ﺭﺍﺡ ﺍﺧﺎﺑﺮ ﻫﺠﺮﺱ
ﺷﺎﻓﻨﻲ ﻓﻀﻞ ﺍﺑﺠﻲ ﻟﺰﻡ ﺑﺮﺟﻠﻲ ﻭﻛﺎﻡ ﻳﺼﺮﺥ ﻛﺘﻠﻬﺎ ﻭﺍﻧﻲ ﺍﺑﺠﻲ ﻣﺪﺭﻱ ﻣﻦ ﺍﻻﻟﻢ ﻣﺪﺭﻱ ﻋﻠﻴﻪ
ﻛﺘﻠﻬﺎ ﺑﺎﻟﻢ
.. ﺧﺎﺑﺮﺗﻪ .. ﻓﺪﻭﻩ ﺍﻟﺤﻜﻴﻠﻲ ﺑﺸﻲ ﺑﻄﻨﻲ ﻣﻮﺗﺘﻨﻲ .. ﺍﺧﺬﻱ ﻓﻀﻞ ﺍﺧﺘﺮﻉ
ﻫﻲ ﻫﻢ ﺍﺧﺬﺗﻪ ﻧﺰﻟﺘﻪ ﻳﻢ ﺑﻴﺒﻲ ﻭﺻﻌﺪﺗﻠﻲ ﻫﻲ ﻭﻣﺮﺓ ﻋﻤﻲ ﻳﺮﻛﻀﻦ ﻛﺎﻟﺖ ﻣﺮﺓ ﻋﻤﻲ
.. ﻫﺎ ﺟﻴﻼﻥ ﺷﺠﺎﺝ ﻋﻤﻪ ﺷﺘﺤﺴﻴﻦ
.. ﻋﻤﻪ ﺑﻄﻨﻲ ﺍﻟﻢ ﻗﻮﻱ ﻳﺮﻭﺡ ﻭﻳﺠﻲ ﺑﺮﻭﺡ ﺍﻟﺤﺴﻴﻦ ﺍﻟﺤﻜﻮﻧﻴﻴﻴﻲ
ﻧﺰﻟﺖ ﻋﻤﺘﻲ ﺗﺮﻛﺾ ﻭﺣﻮﺭﻳﻪ ﺍﻧﺨﺒﺼﺖ ﺩﻛﺖ ﻋﻠﻰ ﻫﺠﺮﺱ ﻭﺍﻧﻲ ﺍﻭﻥ ﻣﻦ ﺍﻻﻟﻢ .. ﻓﻌﻼ ﺍﻟﻄﻠﻮﻛﻪ ﻣﻮﺕ ﺍﺣﻤﺮ
ﺟﺎﻭﺑﻬﺎ ﻫﺠﺮﺱ ﻛﺎﻡ ﺗﺒﺠﻲ ﻭﺗﺤﺠﻲ ﻭﻳﺎﻩ
.. ﺍﻟﻮ ﻫﺎ ﺍﺑﻮ ﻓﻀﻞ ... ﻣﻮ ﺯﻳﻨﻪ ﺟﻴﻼﻥ ﺑﺲ ﺗﺼﻴﺢ ﻭﺗﺘﻮﺟﻊ ﻭﻫﺬﺍ ﻓﻀﻞ ﻳﺼﺮﺥ ﻳﻢ ﺑﻴﺒﻲ ﻋﻠﻴﻬﺎ ... ﺍﻱ ﻋﻔﻴﻪ ﺑﺴﺮﻋﻪ
ﺑﻘﻴﺖ ﻻﺯﻣﻪ ﺑﻄﻨﻲ ﻭﺍﺻﻴﺢ ﺑﻌﻠﻮ ﺻﻮﺗﻲ .. ﺑﻘﻴﻨﻪ ﻧﻨﺘﻈﺮ ﻭﺍﻧﻲ ﺍﻻﻟﻢ ﻣﻮﺗﻨﻲ ﻭ ﻫﺠﺮﺱ ﺗﺄﺧﺮ ... ﺻﻌﺪﻟﻲ ﻋﻤﻲ ﻳﻤﻜﻦ ﻣﺴﻮﻟﻔﺘﻠﻪ ﻣﺮﺓ ﻋﻤﻲ .. ﺩﻙ ﺍﻟﺒﺎﺏ ﻭﺻﺎﺡ
.. ﺑﻮﻳﻪ ﺟﻴﻼﻥ ﻛﻮﻣﻲ ﺍﻧﻲ ﺍﺧﺬﺝ
ﻓﺘﺤﺘﻠﻪ ﺍﻟﺒﺎﺏ ﺣﻮﺭﻳﻪ ﻛﺎﻟﺘﻠﻪ
.. ﺧﺎﻟﻲ ﻫﺠﺮﺱ ﺟﺎﻱ ﺑﺎﻟﻄﺮﻳﻖ
.. ﺑﻮﻳﻪ ﺧﺎﻑ ﻳﺘﺄﺧﺮ .. ﻭﺍﻟﺒﻨﻴﻪ ﺩﺍ ﺗﺸﻮﻓﻴﻦ ﺣﺎﻟﺘﻬﺎ
ﻛﺘﻠﻪ ﻭﺍﻧﻲ ﺍﺑﺠﻲ
.. ﺍﻱ ﻋﻤﻲ ﺍﺧﺬﻧﻲ .... ﻭﺧﺎﺑﺮ ﻫﺠﺮﺱ ..... ﻳﺠﻲ ﻭﺭﺍﻧﻪ ... ﺍﺍﺍﺍﺍﺍﺍﺍﻩ
.. ﺑﻮﻳﻪ ﺣﻮﺭﻳﻪ ﻟﺒﺴﻴﻬﺎ ﻋﺒﺎﺗﻬﺎ ﻋﻠﻤﺔ ﺍﺧﺎﺑﺮ ﻫﺠﺮﺱ
ﻃﻠﻊ ﺑﺮﻩ ﻳﺨﺎﺑﺮ ﻭﺣﻮﺭﻳﻪ ﺗﻠﺒﺴﻨﻲ ﺑﻌﺒﺎﺗﻲ ﻭﺭﺍﺣﺖ ﺗﺤﻀﺮ ﺟﻨﻄﺔ ﺍﻟﻄﻔﻞ ... ﺍﺟﺖ ﺑﻴﺒﻲ ﺻﻌﺪﺗﻠﻲ ﻫﻲ ﻭﻓﻀﻞ ﻛﻮﻩ ﺗﻤﺸﻲ
.. ﻫﺎ ﻳﻤﻪ ﺟﻮﻳﻠﻪ .. ﺷﻨﻬﻲ ﺍﺟﺘﺞ ﺍﻟﻄﻠﻮﻛﻪ
ﺍﺑﺠﻲ ﻭﺍﻛﻮﻟﻬﺎ
.. ﺍﻱ ﺑﻴﺒﻴﻴﻴﻴﻲ .... ﻭﺝ ﺑﻴﺒﻲ ﺭﺍﺡ ﺍﻣﻮﺕ
.. ﺍﺳﻢ ﺍﻟﻠﻪ ﻋﻠﻴﺞ ﺣﺒﻮﺑﻪ ﻻ ﺗﻔﺎﻭﻟﻴﻦ ﻋﻠﻰ ﺭﻭﻳﺤﺘﺞ ﻫﻲ ﺷﺪﺗﻬﺎ ﺳﺎﻋﻪ
ﺩﺧﻠﺖ ﻋﻤﺘﻲ ﻛﻮﺍﻛﺐ ﺗﺮﻛﺾ
.. ﻋﻤﻪ ﺟﻮﻟﻲ .. ﻛﻮﻣﻲ ﻟﻴﺶ ﻟﺴﺎﺗﺞ ﺑﺎﻟﻔﺮﺍﺵ
ﺍﺟﺖ ﺗﻜﻮﻣﻨﻲ ﻛﺎﻟﺘﻠﻬﺎ ﺑﻴﺒﻲ
.. ﻭﻟﺞ ﻣﺤﻤﻮﺳﻪ ﻣﻨﻬﻲ ﺫﺍﻋﻠﺞ ﺍﻟﺨﺒﺮ
.. ﻫﺴﻪ ﺧﺎﺑﺮﺗﻨﻲ ﺍﻡ ﺣﺴﻦ ﻭﻛﺎﻟﺖ ﺗﻌﺎﻱ ﻭﻳﺎﻱ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﻰ
.. ﺟﺎ ﻭﻟﺠﻦ ﺍﻧﺘﻦ ﻗﻨﺎﺓ ﺍﻟﺼﺒﺨﺎﻳﻪ ‏( ﻋﻮﺩ ﺍﻟﺠﺰﻳﺮﻩ ‏) ﻣﻮ ﻣﺜﻠﺠﻦ
ﻛﻮﻣﺘﻨﻲ ﻭﺍﻧﻲ ﺍﺻﺮﺥ ﻭﺍﺑﺠﻲ ﻭﻓﻀﻞ ﺑﻴﺒﻲ ﻛﻮﻩ ﻻﺯﻣﺘﻪ ﻳﺼﺮﺥ ﻋﻠﻴﻪ ﻣﺪﺭﻱ ﺍﺑﺠﻲ ﻋﻠﻰ ﺣﺎﻟﻲ ﻣﺪﺭﻱ ﺍﺑﺠﻲ ﻋﻠﻴﻪ
ﺳﻨﺪﻧﻲ ﻫﻲ ﻭﻣﺮﺓ ﻋﻤﻲ ﻛﺎﻟﺖ ﺑﻴﺒﻲ
.. ﻳﻤﻪ ﻛﻮﺍﻛﺐ ﺍﻗﺮﻳﻠﻬﺎ ﺳﻮﺭﺓ ﺍﻟﻔﺎﺗﺤﺔ ﺳﺒﻊ ﻣﺮﺍﺕ ﻭﺍﻳﺔ ﺍﻟﻜﺮﺳﻲ ﻭﺳﻮﺭ ﺍﻹﺧﻼﺹ ﻭﺍﻟﻔﻠﻖ ﻭﺍﻟﻨﺎﺱ ﻛﻞ ﻭﺣﺪﻩ ﻣﻨﻬﺎ ﺗﻠﺚ ﻣﺮﺍﺕ ﻭﺍﻧﺨﻲ ﺍﻡ ﺍﻟﺒﻨﻴﻦ ﻭﺍﻧﻲ ﺭﺍﺡ ﺍﺷﺪﻟﺞ ﺷﻴﻠﺘﻲ ﻫﻢ .. ﺍﻟﻠﻪ ﻳﺴﻬﻠﻠﺞ ﺣﺒﻮﺑﻪ
بيج قصص عراقيه حقيقيه من واقعنا.روعه الطائي
ﻛﺘﻠﻬﺎ ﻭﺍﻧﻲ ﺍﺑﺠﻲ
.. ﺑﻴﺒﻴﻴﻴﻲ ... ﺣﻮﺭﻳﻪ .... ﺩﻳﺮﻭﺍ ﺑﺎﻟﻜﻢ ﻋﻠﻰ ﻓﻀﻠﻠﻠﻠﻞ ... ﺑﺮﻭﺡ ﺑﺎﺑﺎ ﻻ ﺗﺨﻠﻮﻩ ﻳﺒﺠﻲ
ﻛﺎﻟﺖ ﺣﻮﺭﻳﻪ ﻭﻫﻲ ﺗﻤﺸﻲ ﻭﺭﺍﻧﻪ ﻉ ﺍﻟﺪﺭﺝ
.. ﻻ ﺗﺸﻴﻠﻴﻦ ﻫﻢ ﻓﻀﻞ .. ﻳﻤﻲ ﺣﺒﻲ .. ﺭﺑﻲ ﻳﺴﻬﻠﻠﺞ ﻭﻳﻬﻮﻧﻬﺎ ﻋﻠﻴﺞ ﻭﺗﺮﺟﻌﻴﻦ ﺳﺎﻟﻤﻪ ﺍﻧﺘﻲ ﻭﺍﻟﻄﻔﻞ
ﻧﺰﻟﺖ ﺍﺑﺠﻲ ﻉ ﺻﺮﺍﺥ ﻓﻀﻞ ﻭﻫﻮ ﻳﺼﻴﺢ ‏( ﻣﻤﺎﺍﺍﺍ ‏) ﺍﻛﺜﺮ ﻣﻦ ﺍﻟﻢ ﺑﻄﻨﻲ
ﻧﺰﻟﻨﻪ ﻭﻋﻤﻲ ﻛﺎﻝ
.. ﺟﺎﻱ ﺍﺩﻙ ﻋﻠﻰ ﻫﺠﺮﺱ ﻣﺎ ﺍﺣﺼﻠﻪ ﺍﻣﺸﻮﺍ ﻧﺮﻭﺡ ﻭﺍﻧﻲ ﺍﺧﺎﺑﺮﻩ ﺍﺩﻟﻴﻪ ﺑﺎﻟﻤﺴﺘﺸﻔﻰ
ﺳﻨﺪﻧﻲ ﻣﺮﺓ ﻋﻤﻲ ﻭﻋﻤﺘﻲ ﻭﺍﻧﻲ ﺍﺑﺠﻲ ﻭﺍﺻﻴﺢ ﺑﺄﻟﻢ ﻣﻜﺘﻮﻡ ﺻﻌﺪﻧﻪ ﺍﻟﺴﻴﺎﺭﻩ ﻭﻋﻤﻲ ﺍﺧﺬﻧﻪ
ﻻﺯﻣﻪ ﻋﺒﺎﺗﻲ ﻭﺍﻋﺾ ﺑﻴﻬﺎ ﻭﺍﻭﻥ ﻣﻦ ﺍﻻﻟﻢ ﻭﺩﺍﻓﻨﻪ ﺭﺍﺳﻲ ﺑﺤﻀﻦ ﻋﻤﺘﻲ ﻛﻮﺍﻛﺐ
ﺍﻟﻄﺮﻳﻖ ﻛﻠﻪ ﻋﻤﻲ ﻳﺪﻙ ﻋﻠﻰ ﻫﺠﺮﺱ ﻣﺎ ﻳﺠﺎﻭﺏ ﻭﺻﻠﻨﻪ ﻟﻠﻤﺴﺘﺸﻔﻰ ﻧﺰﻭﻟﻨﻲ ﻭﺍﺧﺬﻭﻧﻲ ﺑﺎﻟﻜﺮﺳﻲ ﺩﺧﻠﻮﻧﻲ ﻟﻼﺳﺘﺸﺎﺭﻳﻪ ﻣﺎﻝ ﺍﻟﺪﻛﺘﻮﺭﻩ ﻛﺎﻟﺖ
.. ﻋﻨﺪﺝ ﻃﻠﻮﻛﻪ .. ﺑﺲ ﻣﻲ ﺍﻟﺮﺍﺱ ﺑﻌﺪ ﻣﺎ ﻃﺎﻙَ
ﻛﺘﻠﻬﺎ ﻭﺍﻟﺪﻣﻮﻉ ﺗﺠﺮﻱ
.. ﺍﺑﻮﺱ ﺍﻳﺪﺝ ﺳﻮﻱ ﺍﻱ ﺷﻲ ﺑﺲ ﻃﻠﻌﻴﻪ
.. ﺣﺒﻴﺒﺘﻲ ﺍﻭﻝ ﺷﻲ ﻫﻨﺎ ﺍﺳﺘﺸﺎﺭﻳﻪ ﺛﺎﻧﻲ ﺷﻲ ﻻﺯﻡ ﺍﺣﻮﻟﺞ ﻋﻠﻰ ﺩﻛﺘﻮﺭﻩ ﺍﻭ ﻣﺴﺘﺸﻔﻰ ﺍﺧﺼﺎﺋﻲ ﻭﻻﺩﻩ
ﻛﺘﺒﺘﻠﻨﻪ ﻋﻠﻰ ﺗﺤﻮﻳﻞ ﻭﺭﺣﻨﻪ ﻟﻤﺴﺘﺸﻔﻰ ﺍﻫﻠﻲ ﺑﺲ ﺍﻧﻲ ﺍﻻﻟﻢ ﺫﺑﺤﻨﻲ ﺻﺪﻙ ﺑﻌﺪ ﻣﺎ ﺍﺗﺤﻤﻞ
ﻋﻄﺖ ﺑﻌﻤﻲ
.. ﻋﻤﻴﻴﻴﻴﻲ ﺧﺎﺑﺮ ﻫﺠﺮﺱ ﻻ ﺍﺑﺘﻠﻲ ﺑﻴﻪ ﻭﻳﻨﻨﻨﻨﻨﻨﻨﻪ
.. ﻋﻤﻲ ﻭﺍﻟﻠﻪ ﺟﺎﻱ ﺍﺩﻙ ﻋﻠﻴﻪ ﺟﻬﺎﺯﻩ ﻣﻐﻠﻖ
ﺍﻧﺪﺍﺭﻳﺖ ﻟﻌﻤﺘﻲ ﻛﻮﺍﻛﺐ ﻭﻣﺸﺎﻋﺮﻱ ﻣﻤﺰﻭﺟﻪ ﺑﺄﻟﻢ ﻭﺧﻮﻑ
.. ﻋﻤﻪ ﺧﺎﻑ ﺻﺎﻳﺮ ﻭﻳﺎﻩ ﺷﻲ
.. ﻻ ﻋﻤﻪ ﺍﺳﻢ ﺍﻟﻠﻪ ﻋﻠﻰ ﻛَﻠﺒﻪ .. ﺑﺲ ﻳﻤﻜﻦ ﺟﻬﺎﺯﻩ ﻃﺎﻓﻲ ﺷﺤﻦ ﻟﻮ .........
ﻗﺎﻃﻌﺘﻬﺎ ﻭﺍﻧﻲ ﺍﺻﻴﺢ
.. ﻋﻤﻪ ﺷﻨﻮﻭﻭﻭﻭ ﺟﻬﺎﺯﻩ ﻣﻐﻠﻘﻘﻘﻘﻖ .. ﻣﻮ ﻳﺪﺭﻱ ﺟﺎﻱ ﺍﻣﻮﻭﻭﻭﺕ
.. ﻳﺎ ﻋﻤﻪ ﻛَﻮﻟﻲ ﻳﺎ ﺍﻟﻠﻪ ﺷﺠﺎﺝ
ﺑﻘﻴﺖ ﺍﺑﺠﻲ ﺑﺤﻀﻨﻬﺎ ﻭﺍﺗﺄﻟﻢ ﺍﺭﻳﺪ ﺑﺲ ﻭﺍﺣﺪ ﺍﻃﻠﻊ ﺣﺮﻛَﺔ ﻛَﻠﺒﻲ ﻭﺍﻟﻤﻲ ﺑﻴﻪ
ﺍﺧﺬﻭﻧﻲ ﻟﻠﻤﺴﺘﺸﻔﻰ ﺍﻻﻫﻠﻲ ﺩﺧﻠﻮﻧﻲ ﻉ ﺍﻟﺪﻛﺘﻮﺭﻩ ﻓﺤﺼﺘﻨﻲ
ﻛﺎﻟﺖ
.. ﻟﻠﻴﻞ ﻳﻠﻪ ﻧﺴﻮﻳﻠﻬﺎ ﻋﻤﻠﻴﻪ ﻻﻥ ﺍﻟﻄﻔﻞ ﺟﺎﻱ ﻉ ﺍﻟﻤﻘﻌﺪ ﻣﺎ ﻧﻜﺪﺭ ﻧﺠﻴﺒﻬﺎ ﻃﺒﻴﻌﻲ
ﻛﻤﺖ ﺍﺑﺠﻲ ﻭﻟﺰﻣﺖ ﺫﻳﺎﻝ ﻋﻤﺘﻲ
.. ﻋﻤﻪ ﺧﺎﺑﺮﻭﺍ ﻫﺠﺮﺱ ﻓﺪﻭﻩ ﻣﺎ ﺍﺭﻳﺪ ﻋﻤﻠﻴﻪ ﺧﻠﻲ ﻳﻄﻠﻌﻮﻥ ﺍﻟﻄﻔﻞ ﻫﺴﻪ
ﻛﺎﻟﺖ ﻋﻤﺘﻲ
.. ﻋﻤﻪ ﺍﺍﻧﻌﻠﻲ ﺍﻟﺸﻴﻄﺎﻥ ﺷﺠﺎﺝ ﺍﻟﻴﻮﻡ ﺗﺨﺒﻠﺘﻲ
ﺍﻧﺪﺍﺭﻳﺖ ﻟﻠﺪﻛﺘﻮﺭﻩ ﻭﻛﺘﻠﻬﺎ ﻭﺍﻟﺪﻣﻮﻉ ﺗﺼﺐ
.. ﻓﺪﻭﻩ ﺍﺭﻭﺣﻠﺞ ﺟﻴﺒﻴﻨﻲ ﻫﺴﻪ ﻭﺍﻟﻠﻪ ﻣﺎ ﺍﺗﺤﻤﻞ ﺑﻌﺪ ﺍﻻﻟﻢ
.. ﺣﺒﻴﺒﻲ ﻫﺴﻪ ﺭﺍﺡ ﻧﻨﻄﻴﺞ ﻣﻬﺪﺉ ﻭﻧﻬﻴﺄﺝ ﻟﻠﻌﻤﻠﻴﻪ ﺑﺎﻟﻠﻴﻞ
ﺿﺮﺑﻮﻧﻲ ﺍﺑﺮﻩ ﻣﻬﺪﺋﻪ ﻭﺧﻠﻮﻟﻲ ﻣﻐﺬﻱ ﺍﻧﺪﺍﺭﻳﺖ ﻟﻤﺮﺓ ﻋﻤﻲ
.. ﻋﻤﻪ ﻫﺠﺮﺱ ﻭﻳﻦ ؟ ﻻ ﺗﺨﺒﻠﻮﻧﻲ
.. ﻭﺍﻟﻠﻪ ﻋﻤﻪ ﻣﺎ ﺍﻋﺮﻑ ﻋﻤﺞ ﺭﺍﺡ ﻳﺸﻮﻓﻪ ﻫﺴﻪ ﺍﻧﻲ ﺍﺩﺭﻱ ﺑﻴﻪ ﻭﻳﻦ ﺻﺎﺭ !
ﻧﺴﻴﺖ ﻧﻔﺴﻲ ﻭﻧﺴﻴﺖ ﺍﻟﺪﻧﻴﺎ ﻭﺑﻘﻴﺖ ﺑﺲ ﺍﺗﻜَﻠﻪ ﻋﻠﻰ ﻫﺠﺮﺱ ﻻﻥ ﺍﺗﺎﺧﺮ ﻭﻣﻮ ﻣﻦ ﻋﻮﺍﻳﺪﻩ ﻣﺎ ﻳﺠﺎﻭﺏ ﻉ ﺟﻬﺎﺯﻩ ﺍﻭ ﺑﻐﻠﻘﻪ ﻭﻳﻌﺮﻑ ﻛﻠﺶ ﺯﻳﻦ ﻭﺿﻌﻲ ﻣﻦ ﺧﺎﺑﺮﺗﻪ
ﺷﻮﻳﻪ ﻭﺩﻛﺖ ﺑﻴﺒﻲ ﻉ ﻋﻤﺘﻲ ﻛﻮﺍﻛﺐ ﻣﺎ ﻛﻨﺖ ﺍﺳﻤﻊ ﺑﻴﺒﻲ ﺷﺘﺤﺠﻲ ﻻﻥ ﻣﺎ ﻓﺎﺗﺤﻪ ﻣﻜﺒﺮ ﺍﻟﺼﻮﺕ ﺑﺲ ﻛﺎﻥ ﻛﻼﻡ ﻋﻤﺘﻲ ﻭﻳﺎﻫﺎ :
.. ﺍﻟﻮ ﻫﺎ ﻳﻤﻪ ﺣﻮﺭﻳﻪ ...... ﻫﺎ ﻳﻤﻪ ﻟﻴﺶ ﺗﺼﻴﺤﻴﻦ ..... ﻻ ﺑﻌﺪﻫﺎ ﻣﺎ ﺟﺎﺑﺖ .. ﻳﻤﻪ ﻭﺍﻟﻠﻪ ﻣﻮﺗﺘﻴﻨﻲ ﺷﻨﻬﻲ ﻓﺮﺥ ﻭﺍﺯﺭﻛَﻪ ﻳﺎﻫﻲ ﺍﻟﺠﺎﺑﺖ ﻭﻛﺘﻴﻠﻬﺎ ﻓﺮﺥ ﺍﺯﺭﻛﻪ ﻭﺍﻛﻮﻡ ....... ﻫﻤﺰﻳﻦ ﻣﻦ ﺟﺒﺘﻲ ﺍﻣﻞ ﺍﻟﻌﻤﺎﺭﻩ ﻛﻠﻬﺎ ﺍﻟﺘﻤﺖ ﻋﻠﻴﻨﻪ ﻭﺍﺳﺒﻮﻉ ﺍﻧﺘﻲ ﺗﻄﻠﻜﻴﻦ ﺑﻴﻬﺎ ﻣﺎ ﺗﺮﺿﻪ ﺗﻄﻠﻊ ....... ﻣﻘﺒﻮﻟﻪ ﻣﻨﺞ ﻳﻤﻪ ....... ﺻﺎﺭ ﺑﻌﻴﻨﻲ .... ﺍﻟﻠﻪ ﻭﻳﺎﺝ
ﺳﺪﺗﻪ ﻣﻨﻬﺎ ﻛﺘﻠﻬﺎ
.. ﻋﻤﻪ ﻟﻴﺶ ﻣﺎ ﺳﺎﻟﺘﻴﻬﻢ ﻋﻠﻰ ﻓﻀﻞ ﻭﻫﺠﺮﺱ ؟
.. ﻋﻤﻪ ﻓﻀﻮﻟﻲ ﺍﺳﻤﻌﻪ ﻳﻠﻌﺐ ﻫﻮ ﻭﺷﻬﻮﺩﻩ ﻳﻢ ﺍﻣﻲ .. ﻭﻣﺎ ﻛﺪﺭﺕ ﺍﺳﺎﻟﻬﺎ ﻋﻠﻰ ﻫﺠﺮﺱ ﻫﺴﻪ ﺗﻜﻮﻡ ﺗﻨﻮﺡ ﻭﺗﺨﺒﺼﻨﻪ ﻓﻮﻙ ﻣﺎ ﺍﺣﻨﻪ ﻣﺸﺪﻭﻫﻴﻦ .. ﻛﻞ ﺗﺄﺧﻴﺮﻩ ﻭﺑﻴﻬﺎ ﺧﻴﺮﻩ ﻳﻤﻪ ﻻ ﻳﻀﻞ ﺑﺎﻟﺞ
ﺍﺑﺎﻭﻉ ﻟﻠﺴﻜﻒ ﻭﺩﻣﻮﻋﻲ ﺗﺠﺮﻱ ﺷﻮﻳﻪ ﻭﺍﺟﻪ ﻋﻤﻲ ﺻﺎﺡ ﻣﺮﺓ ﻋﻤﻲ ﺑﺮﻩ ﻋﺮﻓﺖ ﺍﻛﻮ ﺷﻲ ﺻﺎﻳﺮ ﺷﻠﻌﺖ ﺍﻟﻤﻐﺬﻱ ﻭﻛﻤﺖ ﺻﺎﺣﺖ ﻋﻤﺘﻲ
.. ﻭﻟﺞ ﻫﺎﻱ ﻟﻴﺶ ﻳﺎ ﺍﻟﻤﺼﺨﻤﻪ ؟
ﻋﻔﺘﻬﺎ ﻭﻃﻠﻌﺖ ﺷﻔﺖ ﻋﻤﺘﻲ ﻟﻄﻤﺖ ﻋﻠﻰ ﺧﺪﻫﺎ ﻭﺻﺎﺣﺖ
.. ﻳﻤﻪ ﺑﻨﻴﻴﻴﻴﻴﻲ
ﻛﺘﻠﻬﺎ ﻭﺟﺴﻤﻲ ﻛﻠﻪ ﻳﺮﺟﻒ
.. ﻋﻤﻲ ﺷﺒﻴﻪ ﻫﺠﺮﺱ
.. ﻋﻤﻲ ﻣﺎ ﺑﻴﻪ ..........
ﻗﺎﻃﻌﺘﻪ ﻭﺍﻧﻲ ﺍﺻﺮﺥ
.. ﻋﻤﻲ ﻫﺠﺮﺱ ﺷﺒﻴﻴﻴﻴﻴﻴﻴﻴﻴﻴﻴﻴﻪ
ﻛﺎﻝ
.. ﻋﻤﻲ ﺳﻴﺎﺭﺗﻪ ﻣﺪﻋﻮﻣﻪ ﺑﺲ ﻫﻮ ﻣﺎﺑﻴﻪ .........
ﻣﺎ ﺳﻤﻌﺘﻪ ﺷﻜﺎﻝ ﻻﻥ ﻭﻛﻌﺖ ﻣﻦ ﻃﻮﻟﻲ ﻭﺍﻟﺪﻧﻴﺎ ﺻﺎﺭﺕ ﻇﻼﻡ
❤mariam