سالي يا بت😡.اتنهدت ورميت دفتر الرسم وقمت نزلت ليه
ايوا يا بابا في حاجة؟
المافي شنو بس وانتي في حياتي😡.نزلت راسي وبديت امسح دموعي قلت اسفة
-اسفة؟ انتي لو اسفة كان ريحتيني منك من زمان يا حيوانة😡.وبدا يضربني جات ماما مارينا مربيتي داخلة لقتني ببكي بس كالعادة بعدته عني وقالت
مراد بسم الله اهدا في شنو م كدا كل مرة تجي تتفشي فيها،، يوم امها بتسألك منها ودي بتك انت نسيت؟😐
بابا:اريتها م بتي يا ريت لو نزلتها واصلوا امها دي م عافي ليها اصلي الله يحرقها ياخ😡.رفعت راسي وقلت
بابا حرام عليك هي م عملت ليك حاجة حسي😭.شاتني برجله ومشى ماما مارينا قومتني وانا ببكي طلعنا غرفتي قعدتني وقعدت جمبي قالت
م تشتغلي بيه في يوم ح يوعى لنفسه.هزيت راسي بﻷ وقلت
-بابا مافي يوم عاملني كويس انا حسي عمري 17 سنة 17 سنة وم شفت يوم حلو من وانا طفلة بجي بضربني كل يوم كل يوم حرفيا وانتي شاهدة😭💔
-معليش حبيبتي معليش يا ريت لو في يدي حاجة
-انتي مش قلتي ماما وبابا كانوا بحبوا بعض؟😢 طيب ليه ليه دايما بكرهني وبدعي عليها ليه دام بحبها؟😭.ختت يدها على خدي
-سالي ابوك كان بحب امك شديد بس بعد اتوفت بقى قاسي وبلومنا كلنا على موتها💔وانتي كنتي مولودة ليك اسبوع💔.مسحت لي دموعي وقالت يلا اجهزي علشان اوصلك المدرسة
-م عايزة امشي م حاسة نفسي كويسة💔
-اطلب الدكتور؟.هزيت راسي بﻷ قلت ح انوم شوية وح اكون احسن💛.باست راسي وطلعت دخلت ادوشت بألم من الضرب انا كل يوم كل يوم بابا بضربني وبعيد نفس الحوار من م قمت على الدنيا دي💔انا م متذكرة ماما شفتها في الصور بس وبابا ماسك شغل ماما الله يرحمها شركاته و شركاتها انا عمري 17 ممتحنة تالتة وشغالة مدرسة شايلة احياء عايزة اقرا صيدلة ومختبرات ماما ماتت بفايروس و م عرفوه وانا عايزة اكتشفه ،، على الرغم من البحصل معاي بس انا بحبهم الاتنين على قدر م بكره الدنيا💚 و ماما مارينا معاي من عمري 31 يوم رقدت نمت وانا بتألم كالعادة صحيت العصر ادوشت ونزلت الشغالة كانت بتخت في الغداء وماما مارينا بتساعدها قعدت وبابا جاء اتغدينا بهدوء وطلعت غرفتي رجعت لدفتر رسمي شلته ومشيت المرسم في الغرفة الجمبي قعدت اشتغل وارسم لحد وقت متأخر نزلت شربت عصير ورجعت غرفتي ونمت صحيت الصباح اتجهزت للمدرسة وشلت مفتاح عربيتي ونزلت بدون م زول يحس علي كان في كافيه انا بحبو شديد وبحب قهوته قريب للبيت بس م شديد نزلت فيه وشربت كمية كبيرة لدرجة الغرسون رفض يجيب لي تاني دفعت الحساب وطلعت معصبة دي كانت حالتي كل مرة و كل يوم 💔 مشيت المدرسة م كان عندي صحبات اساسا قعدت في حتتي وطلعت التلفون والسماعة شغلت اغاني ونمت صحيت بصوت التنبيه انو الأستاذ ح يدخل مسحت وشي بيدي دخل و قال
سالي انتي ح تكوني مسؤولة عن الفصل دا في كل حاجة و حتى مذاكرتهم.واحد من الاولاد قاطعه
ح ترأسنا بت؟😒.التفت ليه
امم البت دي احسن من 12 زيك عارف؟😏
هو:انا معترض وح اقدم شكوى
الاستاذ:قدم شكوى عادي جدا بس م ح تعمل حاجة😊
الولد: معناها ح احول من المدرسة😒
انا:امهم فكرة حلوة اظن انا اول وحدي تغلب ولد وتخليه يهرب من المدرسة😊
هو:انتي م غلبتيني في حاجة😊
انا:رئيستك والله و طفشتك في شنو تاني؟امم وكمان بمجرد م تكتب انو انا السبب ح تكون معرض للفصل😂.ابتسم بسخرية وقال
انا ح اقعد واتحداك انك م ح تقدري تتحكمي فيني😏 انا:امم نشوف
عدا اليوم عادي شفت البيانات وكان اسم الولد وافي رجعت البيت كان في صمت غريب بابا كان في الهول وخاتي يده على راسه ومستغرق في التفكير لدرجة م حس بي طلعت غرفتي ادوشت وطلعت لقيت ماما مارينا مجهزة لي الغداء في البلكونة وكاتبة
-مزاجك معكر صح؟.ابتسمت وكملت قراية مكتوب تاني
-الدنيا بسيطة اذا ضربتيها م ح تضربك واذا اتحديتيها م ح تغلبك يعني انتي الح تفوزي مهما كان وكل شيء لخير يا حبيبة امك❤
.قعدت ابكي ماما مارينا كانت مكرسة حياتها لي علشان تربيني وحتى م فكرت تتزوج عمرها حسي 38 سنة💛 كانت جميلة بس م بمستوى جمال امي الورثتني ليه انا،، طولي يعني بين طويلة وقصيرة و جسمي شوية مليان لوني قمحي فاتح وعيوني رمادية ورموشها غزيرة وكحيلة عندي شامة في خدي اليسار لفوق اقرب لعيني وشفايفي على الطبيعة لونهم كرزي بينك تقريبا انا نسخة عن امي وحتى في طول الشعر لحد نهاية ضهري عدا العيون لبابا💚وانا م بعرف حد من عيلة بابا او ماما بعد اتغديت قعدت اقرا لحد بالليل والبيت كان هاديء بطريقة مريبة وتخوف وخصوصا بابا الليلة م ناداني او جاني ادوشت بسرعة ونمت شوية وماما مارينا صحتني
-سالي حبيبتي اصحي قومي اكلي حاجة
-م عايزة يا ماما خليني انوم😴
-ﻷ قومي تنومي كيف وانتي بطنك فاضية
-الله يخليك م عايزة😴
-طيب اشربي الحليب بس.هزيت ليها راسي وقمت شربته وغسلت وشي وخشمي ورجعت نمت
