اتنهدت وقمت وانا ضاغطته على عامود انفي ومشيت ليه كان قاعد بعصبية قعدت جمبه وحضنت يده وختيت راسي على كتفه قلت
-انا غلطانة وانا اسفة.
عاين لي بطرف عينه ضحكت وقلت
-م تعاين لي كدا
-وانتي م تعملي الغلط وتجي تعتذري ببرود كدا .
قام وقف وقال
-قبل كم يوم قلتي عايزة تعملي حلق جمب حاجبك وسمحت ليك وعملتيه لكن دا م معناه انك تعملي العايزاه بدون موافقتي
-عدنان انا م بقدر اعاين لماما وشعرها قصير وانا شعري ممكن اقعد فيه والله
-وتقومي تقصيه لحد رقبتك؟
-كدي حدد المزعلك شعري ولى اني م إستأذنت علشان اقدر احنسك
-م تحنسيني وم تشتغلي بي خليك كدا بس.
طلع ناديته
-عدنان تعال ياخ😑
-م جاي اعملي العايزاه.
طلع من البيت وقمت غيرت لانو ماما مارينا وبابا جايين من المستشفى بعد شوية لبست عفريته جينز فستان لحد فوق الركبة طوالي وتيشيرت ابيض سيور صلحت حلق حاجبي كان الماسة قلب جابها لي عدنان لما قلت ليه عايزة اقد وشعري قصيته الصباح لحد رقبتي شقيته بالجنبة وعملته من ورا فوق فيونكة وخليت الباقي فاكي الجرس رن لبست محبسي بسرعة ونزلت مفكراهم هم فتحت الباب كانت مرة قدر خالتو ريان بتتكلم بطريقة ماليزية و e مكسر سلمت علي وقالت
--انا جارتكم هنا وحبيت اجي اسلم عليكم.
فضلتها دخلت الشغالة جات سالتها عايزة تشرب شنو ومشت قالت
-انا كادي وانتي؟
-سالي😇
-سالي عايشة هنا براك؟
-ﻷ يا خالتو اذا بتسمحي لي اناديك كدا طبعا☺.
ابتسمت وهزت راسها قلت
-معاي ماما وبابا جينا علشان هي كانت مريضة بس الحمدلله حسي كويسة.
ابتسمت وقالت
-الحمدلله انتي مسلمة يعني؟.
هزيت راسي قالت بإبتسامة كبيرة وقالت
-سودانية؟
-اممهم
-م شاء الله م شاء الله طيب وانا تركية عايشة هنا لي كم سنة بس م لاقوني سودانين ابدا.
ابتسمت ليها وقلت
-ام راجلي تركية من امها وانا اتولدت في تركيا برضو💗
-انتي متزوجة؟مش صغيرة؟.
هزيت راسي واشرت لبطني حتى هي لاحظت ليها قالت
-م شاء الله وفي الشهر الكم؟
-الرابع بس هم تؤام علشان كدا☺
-ﻷﻷ دا اكتر من الرابع ارجعي الدكتور احسن من يكون في حاجة.
ابتسمت ليها عدنان جاء داخل زهجان ومرا بدون م يعاين لي قلت
-عدنان تعال ثواني☺.
التفت لي بزهج وعاين للمرة بخلعة وهي وقفت على طولها مشى ليها وقال
-خالتو كادي😳
-عدنان انت هنا؟😳.
باس يدها ومشت على شعره قالت
-انت الجابك هنا شنو مش على اساس كنت ح ترجع امريكا؟
-الموضوع طويل يا خالتو والله
-وبتعرف سالي من وين؟.
التفت لي ومد يده لي اتقدمت منو ومسكتها بإبتسامة قال
-مرتي يا خالتو☺💚.
ختت يده على خدي قالت
-سبحان الله اول م شفتها امبارح فكرت فيك وجيت حسي اتعرف عليها وطلعت مرتك❤.
ابتسم ليها وقال
-اتفضلي اقعدي.
قعدت واشرت لي اقعد جمبها قعدت قالت
-ربنا اداك احسن منها زي م كنت بدعي
عدنان:ياريت لو كانت بتك زيك والله.
ضحكت وقالت
-بتي لو كانت زي م كنت ح تلقى القمر دي😄.
عاينت لي بحنية انا كنت مسطحة وم فاهمة شي
عدنان:انتي عارفة انها ولدت ميهان؟.
ابتسمت بإستهزأ وقالت
-و ح اعرف من وين😏.
عدنان شبك إيديه وقال
-جابت ميهان وخلت وافي براه وإختفت ورجعت قبل فترة عايزة تطلقني من مرتي بدل تحضن بتها تخيلي
خالتو بخلعة:نعم؟
عدنان:اممم
خالتو:والله دي عايزة تربية من الأول😠.
إستأذنت وطلعت قلت
-دي ام ميسندرا؟.
هز راسه بأي وقام طلع فوق الجرس رن قمت فتحت كانوا ناس ماما حضنتها هي وبابا ودخلوا قالت
-دا شنو العاملاه في شعره دا؟😨.
حركت شعري وقلت حلو صح😄
بابا:حلو شديد والله
ماما:م سألتك يا مراد وبعدين م حلو ولى حاجة ليه عملتي كدا😠.
عدنان جاء نازل قال
-لم توريك يا خالتو وريني عليك الله.
عاينت ليها بزعل بابا جاء حضني وقال
-حرام عليكم م تزعلوها وهو حلو بالجد ولايق عليها😐.
عدنان ابتسم بإستفزاز
ماما:انت اساسا بتحب الشعر القصير لكن دا م معناه انك تخليها تعمل في شعرها كدا😠
عدنان:كلام خالتو صح.
قمت من مكاني بزهج وطلعت المرسم كان نفس بتاعي الفي بيتنا الأول عدنان جاب لي رسوماتي ولوحاتي كلها هنا قعدت ارسم واسمع في راسي الإمتحانات عدت فترة طويلة وانا شغالة جاء عدنان جرا مني الفرشة وقال
-اي انا زعلان منك لكن م معناه انك توقفي المسافة دي كلها وتهملي نفسك والأولاد كدا😒.
شلت الفرشة التانية و م رديت عليه شالها مني برضو قلعت المريولة ومشيت السطوح قعدت على الحافة جاء لاحقني وقعد وراي وضماني بقيت بضربه وهو بضحك ضم ايديني جمب بطني وهو بضحك وباس رقبتي قال
-على فكرة كلام ابوك صح القصة حلوة شديد💛.
م اشتغلت بيه لفاني عليه وباسني ضربته فكاني وهو بضحك قلت
-خليني في حالي وم تقرب علي احسن من اوقعك وارتاح منك😒
