مشينا لقيناها ماشة وجاية في الهول وافي دخل قدامنا قبل م يشوفنا وقال
-امي في شنو؟.
التفتت وعايزة تتكلم لقتنا في وشها قلبت تعابيرها وقعدت على الكرسي ورفعت رجل على رجل قالت
-وافي أسال اخوك جاي بعد شنو؟.
عدنان عاين لي هزيت راسي بأمشي ليها مشى قعد جمب رجولها ومسك يدينها قال
-امي سامحينا الله يخليك.
زحت يدينها عنو وقامت جات قصادي وبتأشر علي قالت بعصبية
-انت خيرتني بين نفسي ومرتك صح؟ وانت اساسا اخترت مرتك بيني وبينها صح؟ تاني في شنو؟ الجابك شنو؟😡.
التفتت لي وقالت
-حامل؟.
ابتسمت بإستهزأ.
-امهم م بعيد يكون م ولدك يعني كانت قاعدة مع وافي صح؟ وزي م قعدت ميسندرا وجات حامل يمكن هي برضو ولى شنو؟
-وافي:امي😡.
التفتت عاينت ليه من فوق لتحت ورجعت قالت لعدنان بعصبية زايدة
-انت عارف اي حاجة ويمكن كلامي صح م امها كانت معرسة وجابتها وهي عينها على ابوك ولى كلامي غلط؟.
ضحكت ودموعها جات نازلة.
-وتختار وحدي زيها؟ على امك؟ الإنت من بطنها؟ تختار وحدي وسخة على امك؟.
جات نينا قاطعتها ومدت ليها ظرف قالت
-انا كنت عارفة انك م ح تسكتي عارفة انك ح تقولي الحاجة دي و خليت مها تفحصهم بدون م هم الإتنين يعرفوا اتفضلي يلا الفحص قدامك😠.
عاينت ليهم بوجع عدنان م دافع عني ابدا وحتى نينيا عملت حاجة كانت خطيرة على اولادي علشان امها؟ طيب انا واولادي ذنبنا في حقارتهم دي شنو؟ اتسحبت ومفتاح عربية عدنان كان معاي طلعت بسرعة وانا ببكي بقيت ماشة وانا زايدة في البكى💔فجأة جاء تاتشر عاكس اتجاه الشارع وضربني انا كنت اول عربية في وشه العربية اتقلبت بي بقيت لافة يديني حول بطني وشوية وبقيت م حاسة بأي حاجة بعد فترة بقيت حاسة وسامعة اصوات الأجهزة بس من بعيد
الراجل: حالتها وحتى الأطفال مستقرة بس ح تفضل تحت المراقبة
عدنان: ح تفتح متين يا دكتور؟
الدكتور: دي حاجة ح تحددها هي هي حسي سامعة وحاسة بأي حاجة واذا م عايزة تصحى م ح تصحى.
قال كدا وطلع عدنان قعد ومسك يدي وخت راسه عليها وفضل يبكي انا كنت ساكنة بدون اي حركة بس سامعة الحولي كله قال
-انا اسف اسف جدا💔 م كنت قادر احميك م كنت الزوج المثالي الإنت بتتمنيه م قدرت حتى ادافع عنك قدام امي 💔 انا عارف انك حسي سامعة وحاسة بدموعي وم عايزة تصحي بس انا م ح اقدر اعيش من غيرك ثواني ف الله يخليك فتحي وخلينا مع بعض .
خت يده على خدي والتانية على بطني قال
-عارفة انو اولادنا كويسين وانك قدرتي تحميهم؟ عارفة؟ انتي قدرتي تحمي اربعة مع بعض وفي وقت واحد اما انا انتي وحدي م قدرت م قدرت احميك م قدرت😭💔.
ضحك وقال
-انا تقريبا اسوأ زول لاقيتيه في حياتك ﻷ م تقريبا انا فعلا اسوأ زول.
قعد يبكي شال يدي وبقى بضرب بيها نفسه
-اصحي يلا اخدي حققك يلا😭💔.
قال
-جسمك بارد انتي م بتحبي يكون جسمك كدا اصحي يلا😭
-سأظل احوم حولك اراك من على بعد اشعر بمطر قلبك لكني لا اقوى المتابعة لست بتلك القوة التي تمكنني من الوقوف امامك ،، اعطيتك اكثر م يملكه قلبي نبضه ولكنك ظللت تعبث حتى ها هو اخيرا منهك
-ولكنني انا من لا قوة له انا من انهك بين اثنتين ام انجبته واخرى خلقت من ضلعه خارت قواي وتعبت عيناي اصبحت رؤاي دماء ف تقام بكل ثواني مذبحة بين نبض قلب هواك
-بين رجل احببت وبين صغار من قربه ارى الحب اراه بكل عبير استنشقه ،، اذا هل لي في موتي فيك مقبرة؟!
-فرطت قواي تعبت وانهكت عيناي كنت هذا القمر والذي قبله احبك ،، والذي بعده احبك ف اظل اكتب خمسين شمسا كل ليلة بإسم حبك
-انا من كسرت رؤاي وانهكت قواي آليت و اقسمت بحبك لم تبتعد أمللت حب الإنتظار؟ ام اردت الإنفصال؟ لم يبتعد عليل انفاسك؟ امللت حقا؟
-ألا شيء قد يعنيكي في كل الذي في داخلي يجري ؟
-وكأنك اخر ما تمنيته وأتيت في لحظه استجابه
-وكأنكي نار برد لقلبي ودقاته
-احببت ان اكون وحيده منعزله عنك لانني بُكل بساطة متعبه من كل شيء
-اذا و م زادني بعدك الا حبا
-هب لي صلوات ودعاء ليل عل قوتي ترد
-في كل مكان من حولي يتهامسون من اجل دمارك ولكنك ستبقين الاقوى من اجلي انا ... من اجل صغارك .. من اجل ان اكون لك ... وتكونين لي وحدي ... انتي الاقوى و ستظلين الاقوى
-اخبروه اني اريد سماع نبضه من الهاتف المقابل ،، واعلموه بحبي لصوت انفاسه
