.نزل راسه ودخل يده في جيوبه وقال
-امهمم صح امي💔.
شلت يده ختيتها على بطني وقلت
-لما اولادك يجوا هي ح تفرح و ح تنسي اي حاجة لم تضمهم انا متأكدة هي كل العايزاه انك تكون مبسوط ومستقر.
باس يدي العلى خده وضماني رجعنا البيت كنت ماشة اقرا جراني وقال
-ح تضيعي المعلومات الفي راسك اقعدي 10 دقايق مع نفسك وجمعيها
هزيت ليه راسي وغمضت عيوني وبديت اراجعها خلصت بعد فترة قصيرة عدنان كان خاتي راسه على صدري وبلعب بيدي ابتسمت ليه وقلت
-مالك؟
مستغرب فيك☺
-عملت شنو انا؟
-انا العملت كتير وبالرغم من العملته انتي سامحتيني انتي اتحملتي ضرب سنوات وطلعتي من الضرب دا في ثواني لجحيمي وبعد دا كله خليتك تشيلي مسؤولية 4 اطفال وعمرك لسة صغير كان مفروض اكون معاك كأي زوج بحب مرته وبساعدها بس انا كنت ح اخونك.
ختيت يدي على خشمه وقلت
-م تتكلم كدا على فكرة انا لو م كنت بقدر ربنا م كان ح يدينا النعمة الحلوة دي وانا مبسوطة شديد بيك وبيهم ف لازم نحنا نحس بالمرارة علشان نعرف الطعم الحلو صح؟.
هز راسه وقام باسني وضماني عمل لي مساج على ضهري لحد م نمت صحيت بدري م كان جنبي قمت ادوشت ونزلت لقيته لابس ملابس الطبخ وبرص الفطور مشيت حضنته وقلت
-ليه متعب نفسك😐.
دخل لي زيتون في خشمي وقال
-خليك ساكته.
قعدت اضحك قال
يلا علشان تطلعي تذاكري شوية.
هزيت ليه راسي وقعدنا كان بياكل وبأكلني وهو بضحك بعد خلصنا طلعنا الجنينة كان براجع لي ومتوتر اكتر مني شلت منو التلفون وقلت
-خلاص كفاية فهمت☺💜.
ضماني وباس راسي قال
-ربنا يوفقك ان شاء الله.
رفعت رجولي واتسطحت عليه وهو ضاميني بقى بنكش لي في شعري جاء بابا باس يدي.
كنت ح اقوم ابتسم وقال
-خليك خليك.
رجعت رقدت قال
-ركزي طيب؟.
هزيت ليه راسي بخجل قام ونكش لي شعري وقال
-ربنا يوفقك ان شاء الله💗.
طلع عدنان قال
-يلا قومي علشان نمشي.
ساعدني قمت ومشيت اتجهزت لبست بنطلون ازرق جلدي و تيشيرت قطني اوفر سايز بأكمام طويلة لونه ابيض فيه كم واقع وطول التشيرت لحد الركبة واسبورت ابيض ونزلت عدنان كان مستنيني مشينا قال
-انا ح اكون منتظرك هنا اوكي؟.
هزيت ليه راسي بوسني وقال
ركزي باقي دقيقتين والجرس يدق خلي بالك كويس و م تستعجلي.
هزيت ليه راسي وضميته لم الجرس رن فكاني ودخلت القاعة الإمتحان كان حلو شديد بعد خلصت وطلعت لقيت عدنان ماشي وجاي في الممر لم شافني اتنهد وجاني بسرعة حضنته قال
-ها طمنيني كيف اشتغلتي؟😧
-الحمدلله حلو شديد.
باسني بفرح ضربته بخجل وقلت
-اتلمى ياخ نحنا مافي البيت😶.
قعد يضحك مشينا البيت جات ماما جارية
-اها كيف اشتغلتي؟.
ضميتها وقلت
-م تخافي حلو شديد💚.
جات خالتو كادي قالت
-سالي كيف الإمتحان؟
-الحمدلله يا خالتو مظبط شديد.
عدت فترة الامتحانات كويسة شديد الحمدلله اخر يوم طلعنا انا وعدنان كنت مبوزة الا نرجع السودان وهو رافض وقف العربية والتفت لي بعصبية انا كنت متلفت عكسيه ومربعة ايديني قال
-سالي خلاص قلنا😡.
التفت ليه بدموع كان لونه احمر وعروقه ظاهرة قلت
-رجعت لعصبيتك دي تاني؟.
حمر لي قلت وانا بمسح في دموعي
-رأيك شنو تضربني كمان.
اتنهد وفك حزامه وقرب ضماني قال
-اسف
-اعتذارك م مقبول ابدا يا عدنان😭.
بعد عني ومسك يدي وقال
-وتقبليه كيف يا ماما
-انت عارفني عايزة شنو
-السودان ﻷ
-وليه السودان ﻷ؟ انا عايزة امشي ياخ😭
-حملك م ح يخلينا نسافر
-اذا حجتك الحمل حسي نمشي ﻷوليفر يا عدنان بس دي م حجتك انت م بتحبني بس😭.
اتنهد وساق وصلنا البيت ماما وبابا جوا كعادتهم يسألوني قمت جارية الغرفة بدون م ارد دخلت الحمام فضلت استفرغ عدنان جاء يقومني فكيت يدي منو وقلت
-اطلع انا عايزة ادوش.
طلع وهو زعلان ادوشت وطلعت كان واقف في البلكونة اتسطحت عكسه بزعل جاء ضماني من وراي عملت نايمة باس رقبتي وقال
-انا عارفك صاحية بطلي إستهبال😐.
زحيت يده مني وقلت
-خليني في حالي ومن هنا لحد م اولد م تقرب علي والحمدلله في شهرين بعدها م ح تكون فيها.
قال
-نعم يختي؟😒.
اتقلبت بست خده وقلت
-السمعته
ورجعت اتقلبت قلبني عليه ومسكني من ضهري
-م شنو؟
-م ح اعيد م سمعت مشكلتك.
فكاني وقام بزهج نمت خليته صحيت بالليل كان قاعد في الكنبة وشغال في اللابتوب عاين لي بطرف عينه قمت لبست الجكت كنت لابسة شورت وتيشيرت حرير لونهم اسود ونزلت ماما كانت في المطبخ بتشرب قالت
-اخت ليك تاكلي؟.
هزيت راسي بﻷ شربت حليب وطلعت غسلت ونمت صحيت الصباح لقيته تاكل راسه على يده ونايم واليد التانية على اللابتوب شلته منو براحة قفلته وختيته فالدرج وصلحت ليه رقدته دخلت ادوشت ولبست بجامة قطنية شورت وتيشيرت ابيض بدون ايادي مكتوب فيه 17 بالأحمر نزلت لقيت ماما وبابا بتونسوا حضنتهم وطلبت عصير وقعدت معاهم
بابا: رايك شنو تبدي تجهزي للأولاد؟.
هزيت راسي وقلت
حسي في حاجة اهم
ماما:ويلي هي!☺
انا:امم ح تعرفوا قريب🌚.
ابتسمت لي
