قال
-دا منو الغشاك انك سمينة دا؟
-انا عارفة نفسي م محتاجة زول يغشني😭.وقف ضحك ورفع لي راسي ومسح دموعي عاينت ليه ورجعت ابكي تاني خت يده على خدي وقال
-سالي وقفي بكى.
هزيت رأسي بﻷ قال
-على فكرة يا حلوة انتي حلوة.
ضحكت قال
-السمين بكون شكله كيف
-قلت:بكون سمين وعنده كرش😢
وانتي كرشتك دي وين؟.
خت يده على بطني وقال
-والله م عندك ربع ربع كرشاية يا كذابة🐸.
م رديت قال
-بعدين يا سالي يا حبيبتي انتي كوحدي وك بت بعد الزواج جسمك بتملي دا العادي يعني😂.
حمرت ليه قال
-م تحمري لي جادي انا😂.
باس انفي وقال
-يلا يا حلوة انتي اول زول ح يعرف في تيست بعد بكرة ف اقري وبطلي جنك دا.هزيت راسي ومديت ليه الكتاب قلت
-سمع لي.
هز راسه بضحك وشاله قال
-حاسي نفسي بقري بتي للإمتحان😹.
قعدت اضحك بعدين حمرت ليه وهو مكمل ضحك شلت منو الكتاب جراه وقال
-خلاص خلاص😹.
بديت اسمع ليه وانا ماشة وجاية فجأة وقف قدامي وباسني
صحيت الصباح بصوته بصحيني غطيت وشي منو قال
-قومي قومي
-عدنان عايزة انوم😴
-سالي الوقت ح يتأخر يلا😪
-امم
-قومي ياخ
-م قايمة ابيت😴
-ﻷ؟
-امم
-راحتك.
رجعت نمت صحيت بموية باردة علي صحيت بخلعة قلت
-عدنان ح اموتك😬.
كان بضحك قمت ادوشت ونزلت فطرنا وطلعنا المدرسة دخلت مكتبي كان يوم مراجعة نسب المعاي في الفصل وافي درجاته بقت عالية شديد حرفيا قمت شلت فايله وماشة لعدنان لما قربت لقيته واقف مع وحدي من البنات وكانت واقفة قريبة ليه وبتضحك وهو مبتسم جبت ضفيرتي بالجنبة ومشيت وقفت قدامه ومسكت يده بعصبية وختيت الملف عليها كان بعاين بإستغراب التفت منو ورميت شعرتي لورا وضربته انا متأكدة ومشيت خليته وهمي ياخ😑 رجعت مبنى فصلي لقيت وافي في وشي وقفته رفع حواجبه وعيونه بملل قلت
-سبب إنك م تركز في دراستك ام ميهان يعني؟.
م رد قلت
-المهم..
قاطعني صوت عدنان قال بحدة
-وافي تعال ضروري.
وافي عاين بإستغراب عدنان كان واقف ومدخل يد على جيبه والتانية ضاغط بيها على نفسه م اتحركت وهم اتقدموا شوية بس كنت سامعة كلامهم
عدنان:وافي اياك تتكلم مع سالي اياك😡
وافي قال بإستفزاز:اتكلم مع البعجبني انت مالك؟
عدنان ضحك وقال:مع الأسف انها مرتي وانت م ح تقدر تعمل حاجة يعني😂.
وافي جاء معصب مشيت لعدنان قلت
-ليه قلت ليه كدا؟
-اقول العايزه
-حرام عليك دا اخوك😐
-بااااس اخوي انتي م تدخلي انا بعرف ليه
-عدنان م تتكلم بالطريقة دي😒
-وسالي انتي م تتدخلي
-ﻷ أنا ح اعمل العايزاه وبعدين ملاحظ اني م بتدخل فيك ف انت م تتدخل😊.
مشيت خليته واقف عدا اليوم عادي رجعنا البيت بدون كلام نزلت بعصبية وقفلت باب العربية شديد وطلعت الغرفة بسرعة جاء لاحقني حمرت ليه وشلت منشفتي جراني من يدي وقال
-في شنو؟
-شنو😒
-مالك معصبة
-م بهمك
-كيف؟
-كدا😒.
لزاني وقعني على السرير واتسطح خت راسه على بطني قال
-قولي في شنو من الأخر
-قلت م بهمك وخلاص😒
-ﻷ والله م خلاص.
قام مني وعاين لي قلبت عيوني بملل قال
-زعلانة دا كله علشان وافي بس؟.
قمت وقلت
-ﻷ م علشان وافي بس علشانك انت و علشانك انت تاني والزفته المضحكها😒
-نعم؟.
قعد يضحك وحضني قال
-دا كله غيرة يعني😂.
بعدته عني وقلت
-م تشوف غلط يا بيبي م غيرة لكن انا جادة م ممكن البتعمله دا ياخ دا اخوك قطعة منك ليه بتعمل كدا؟.
قال
-اعمل كدا؟انتي لو في حتتي ح تكوني عادي كدا ومبسوطة يعني؟
-مش على اساس بتحبني😂😏م تغش على نفسك للمرة الألف.
قمت دخلت الحمام وانا ببكي ادوشت وطلعت لقيته في وشي مشيت المرسم فتحت رسمة كنت راسمة فيها نفسي ضايعة وتحت شجرة فوقها الشمس والقمر قعدت ابكي من جوة قلبي وبحرقة لأنو البعمله دا كله م بحبني شوية وجاء قعد جمبي مسك يدي وقال
-بطلي بكى.
هزيت رأسي بﻷ قال
-انتي قلتي كلامك بدون م تسمعيني حسي اهدي علشان نتكلم.
حضني وقعدت في حضنه قلت
-انا م عندي القدرة نتكلم💔.
باس خدي قال
-م تقولي كدا
-لكن دي الحقيقة يا عدنان💔انت كل خلافاتك بسبب علاقتكم الماتت و م خاتي اساس لعلاقتنا نحنا ابدا😭.
نزل يد التيشيرت ومشى على رقبتي وكتفي وقال
بس انتي عارفة كويس انو انا بحبك والا م كان ح اخليك بعيدة عن وافي.
عاينت ليه ورجعت مسكت يده العلى خصري ورجعت راسي على رقبته وقلت بتعب
-حبك بوصلنا بس السرير دايما يا عدنان م اكتر💔
-بتقولي كدا ليه؟
-عايزني اقول ليك شنو مثلا انك بتحبني شديد وعملت حاجات كتيرة علشاني ؟وانت اساسا م حصل مرة اتفاهمت معاي كل حاجة عندك امر و نهي وخلاص💔.
مسح دموعي وقال
-بس انا بكون معاك برضاك يا سالي
-م برضاي وانت عارف كدا قلت ليك انا بكره نفسي واستسلامي ليك ﻷنو دايما بكون في كلام بس م بقدر اقوله💔
-حسي قولي.
فكيت يدي منو والتفيت عليه مسحت دموعي ولفيت يدي على رقبته وبسته دخل يده على شعري بعد بعدت عنه مسح لي دموعي وقلت
-خلينا نكون عادلين انت م بتحبني وانا ميته عليك م تظلمني ربنا ح يسألك مني حبيبي.
قمت والتفت منه ماشة جراني من يدي ووقعني عليه وضماني ختيت راسي على صدره وانا ببكي قال
-م تعملي في نفسك كدا💔
-انا تعبانة
-هشش.
قعدت ابكي وهو حاضني لحد م غفيت
