مشينا نص المسافة وميهان بكت ومدت لي يدينها قال
-بابا ميهان اهدي احسن من البت دي تعمل بينا مصيبة.
قلت
-اسكت يا زول انت مالك😹.
وقفت العربية وشلتها منو وبوستها
-مالك يا حلو انتي😦❤.
قعدت تضحك قال
-عايزة تربية من الأول انتي يا بابا.
ضحكت وقلت
-حواء تبحث عن ادم🐸.
سكت مسافة وقال
اصدميني وقولي لي قصدك حامل بولد🐸.
ضحكت وقلت
-امم امم😹
-دا منو الغشاك بالكلام دا😹
-امم مش مستر العربي قال كدا؟
-يا بت امشي امشي😹.
ضحكت ومشينا البيت نزل وفتح الباب شال مني ميهان ونزلت دخلنا لقينا نينا بتحضر في فيلم قالت
-والله بدري لكن🐸
وافي:انا زاتي قلت كدا لكن خفت على سالي تتعب😹.
ضحكنا وقلت
-انا طالعة انوم طوالي😪
وافي:وانا كمان☺
نينا:اديني ميهان طيب😪
وافي:شيليها ساي😹.
طلعت ادوشت واتسطحت وانا بفكر في عدنان نمت زي ساعة وحسيت بحركة جمبي شوية وفي حد حاوطني فتحت عيوني بخلعة لقيته عدنان حاولت ابعد ضغطني من خصري عليه وقال
-خليك💔.
فضلنا كدا فترة باس رقبتي ودموعه نزلت علي قال
-ليه عملتي كدا؟
-وانت سببك شنو؟
-علشان انا غلطت انتي كان مفروض تغلطي؟
-انا بالنسبة لي كل تصرفاتك صح يا عدنان💚.
ضميته قال
-ليه كنتي معاه؟كنت عايز اضمك علي بس مشيتي معاها💔
-منو؟
-وافي في المدرسة💔.
عاينت ليه مسح لي دموعي وباس عيوني قال
-انا الغلطان وانا اسف وانا مشتاق ليك.
كان ببكي بوجع اتخبيت على صدره نزل يده من ضهري وختها على بطني
-كم عمره؟.
ابتسمت ومسكت يده قلت
-3شهور.
ابتسم وباس بطني ورجع ضماني باس خدي ورقبتي وقال
-خلينا كدا💛.
هزيت راسي كان ضاميني ويده بتلعب على يدي في بطني ابتسم وقال
-شكلو اكتر من بيبي❤.
عاينت ليه بدموع وقلت
-انا أسفة
-انا عارف انو في حياتك م ح تفكري تعملي كدا واذا شفتك م ح اصدق بس محتاج منك وقت.
مسح لي دموعي وغطانا وقال
-يلا نومي.
هزيت راسي وغمضت عيوني شوية ونمت كانت اهدأ واحلى نومة من فترة طويلة💔صحيت بدري لقيته لسه صاحي وزي م خليته قلت
-انت م نمت ليه؟
-م نعست☺.
باس خدي وفتح التيشيرت هزيت راسي بﻷ وبعدته عني بسرعة قلت
-م تفكر تلمسني ابدا و م تحاول😠.
طلع وانا ضميت نفسي وفضلت ابكي على غبائي و على حبه وانانيته نينا جات داخلة قعدت جمبي ختيت راسي على رجولها قفلت لي التيشيرت ومشت على شعري
-اشش اهدي يا سالي اهدي
-جاء هنا يا نينا جاء بكل انانية😭💔
-م تختي في بالك انسي💔
-انسى كيف بس كيف؟😭
-كله ح يتصلح قربتوا.
فضلت ابكي جاء وافي داخل قال
-مالكم؟.
جاء قعد جمب راسي وخت ميهان جمبي لمست وشي وكانت ح تبكي ضميتها نينا قالت
-عدنان كان هنا💔
وافي:امم شفته بس إفتكرته ح يعتذر.
التفت لي وقال
-حصل شنو؟
هزيت راسي بﻷ
نينا:تعال خليها شوية
وافي:نخليها بحالتها دي براها؟انتي مجنونة؟.
جرته من يده وقالت
-اهدأ وتعال معاي بس.
طلعوا وانا رقدت ميهان على صدري وبلعبها وهي بتمسك اصابعي وبتعضيهم وبتضحك لحد م نامت فضلت اعاين ليها عسولة شديد❤قمت ادوشت وطلعت لقيتها بتتقلب مشيت على شعرها وربت على بطنها لحد م نامت تاني اتجهزت للمدرسة ونزلت نينا عاينت لي بإستغراب
وافي:ابدوا افطروا انا ح اجهز سرعة وانزل واساسا م جيعان☺
انا:من غيرك مافي فطور😹.
ضحك وطلع قعدنا فطرنا وافي جاء نازل جاهز مشينا المدرسة عدا اليوم عادي نهاية الدوام ضربت لي مها
-سالي انتي وين؟
-طالعة من المدرسة يا مها في حاجة؟
-كيف يعني؟اه منك يا بتي الليلة المقابلة تعالي المستشفى علشان انا مسافرة بعد ساعتين ومستنياك😂
-واه شت ح اجي حسي.
قعدت تضحك وقفلت قلت
-وافي يلا البيت سرعة عندي مقابلة
-مقابلة؟
-انت يلا بس.
هز راسه ومشينا طلعت ادوشت سرعة ولبست اسكيرت بيج غامق 3/4 مع الجسم فيه خطوة عند الرجل اليسار لنص الفخذ وتيشيرت من نفس القماش اكمامه طويلة في نص البطن عند الخصر ولبست كعب من نفس اللون وخليت شعري فاكي ونزلت لقيت نينا شايلة ميهان ومعاها وافي بتونسوا
نينا:على وين يا جميل🐸
وافي:اتخيلي بعد الحلاوة دي كلها ماشة لمها😹
نينا:بسم الله في شنو؟.
ضربت يدي على راسي وقلت
-امم المقابلة يا زولة😂.
ضحكت وقالت
-امم طيب بالتوفيق💗.
جات الشغالة مدت لي مفتاح عربيتي قالت
-مدام السواق جابه ليك.
ابتسمت وشلته منها قلت
-يلا مع السلامة❤.
طلعت ومشيت كنت تعبانة وزهجانة وخايفة وصلت ونزلت تلفوني ضرب لقيته عدنان فصلت فيه ودخلت علي مها قالت
-انتي وين ياخ الساعتين تمت يا بت😒.
ضحكت وقلت
-مسافة الاصانصير بس😂.
فصلت منها ودخلت المستشفى في زول جرا لي شعري براحة التفت لقيتها ميهان بتضحك ومعاها وافي💛.
قعدت اضحك بوستها وقلت
-دا شنو حسي😂
-م حبيت اخليك براك وعايز اشوف ولد اختي😹.
قعدت اضحك ومشينا
