قال وهو بضحك
-اذا مت ح ترتاحي مني يعني؟.
ختيت يدي على شفايفه وقلت
-ﻷ انت م ح تموت لكن ح تبلع لسانك دا😒.
نزل يدي وباسني تاني وشالني ونزلنا الغرفة قلت
-م تتكلم معاي😒
-انا حسي ساكت انتي البتتكلمي.
حمرت ليه وضحك نزلت لبابا كان بتكلم مع ماما قلت
-بابا انا زعلانة من الإتنين ديل تعال انت اقعد معاي.
قعد يضحك
ماما:الإتنين ديل قصدك انا وراجلك؟
عدنان:والله شكلو يا خالتو
بابا:تعالي تعالي اتغدي عشاء😹.
ضحكت مشيت معاه خت لي اكلت وجاب لي حبوبي اخدتها وقعد جمبي قال
-سالي حبيبتي انتي قصت شعرك حلوة واي حاجة بس انتي لم تجي تعملي حاجة زي دي لازم تسألي عدنان طيب؟.
هزيت راسي بﻷ قال
-ربنا ح يحاسبك اذا م رضى و عجبه يا سالي علشان كدا م تعملي اي حاجة بدون م تسأليه.
هزيت راسي بطيب باس راسي وقام عدنان جاء قعد في حتته وخت يده على خده بإبتسامة وقال
-ها حبيبي خلصتي؟
-عدنان انت زعلان مني؟بالجد شعري م حلو؟😢.
مسك يدي وقال
-ﻷ والله حلو شديد بس انا كنت عايز اغيظك☺.
دموعي نزلت مسحها لي وقام حضن راسي مسكت يده وقلت
-متأكد انك م زعلان؟
-انا م زعلان وانتي اذا عايزة تراضي زول راضي خالتو هي الزعلت و شكلها فهمتك قصيتيه ليه😐.
هزيت راسي وقمت مشيت ليها لقيتها طلعت غرفتها دقيت الباب ودخلت كانت بتسرح في شعرها طوله اقصر من بتاعي بشوية جات قعدت وانا قعد جمبها وختيت راسي على رجولها مشت على شعري قلت
-اسفة😔
-هممم
-م ح تسامحيني يعني؟.
م ردت قلت
-طيب ح البس باروكة كدا تمام؟
-انتي مجنونة؟
-م انتي م عاجبك لكن
-هو حلو بس انا بحب شعرك لم يكون طويل لأنك بتكوني بتشبهي امك شديد😪.
قمت من رجولها وقلت
-ماما مارينا رايك شنو انتي وبابا تتزوجوا؟.
قلبت عيونها بملل وقالت
-مستحيل
-ليه يا ماما؟ انا ح اكون مع عدنان وانتوا براكم؟ وكل واحد وحيد يعني؟ بعدين انتي لسة صغيرة حتى لو م دايرة بابا م تقعدي كدا.
ابتسمت وهزت راسها وختت يدها على خدي وقالت
-انا م عايزة ابعد عنك ابدا انتي بتي الوحيدة صح م مني بس تربيتي و م ممكن اجيب غيرك💗.
حضنتها وقلت
-طيب الله يخليك علشان م تبعدي عني وافقي ببابا😐.
ضحكت وقالت
-اول بت تلاقيني ام وعايزة تعرس ﻷبوها
-امم بس من احلى ام انا م عارفة انتي رافضة ليه😪
-سالي اقفلي على الموضوع وامشي لراجلك قومي
هزيت راسي بﻷ وقلت
-ح انوم معاك😐
-طيب قومي إستأذني منو وتعالي.
قمت ومشيت ليه كان بعمل لي في امتحانات قلت
-عدنان
-امم
-عايزة انوم مع ماما ممكن؟.
التفت لي ورجع للورق تاني وقال
-ﻷ
-م بكيفك😒.
ضحك وضماني وهو شغال قال
-احلفي كدا😹
-والله جد☺.
قعد يضحك وقال
-طيب يلا اشربي حليبك ونومي
-حليب شنو ياخ شايفني بيبي قدامك😑.
جرا لي انفي وقال
-احلى بيبي كمان.
ضربت يده وضميته وانا بتسأم وصلني غرفة ماما وباس راسي ومشى دخلت ليها وقلت
-م وافق😢
-م وافق؟ليه لكن😐.
قعدت اضحك وقلت
-معقولة م يوافق يا ماما😹💔يلا انا ماشة ادوش واجيك.
هزت راسها طلعت الغرفة ادوشت عدنان كان في البلكونة مشيت حضنته من ورا مسك يديني وقال
-حبيبي مالك؟
-انا ماشة يلا تصبح على خير☺❤.
التفت لي وباسني ومشيت فضلنا الليل كله بنتكلم عن عمايلي وانا صغيرة صحيت الصباح قبليها مشيت غرفتي لقيت عدنان نايم قعدت جمبه ومشيت على شعره قلت
-يا بيبي اصحى.
م رد مسكت يده وبقيت بحركها م صحى قعدت ابكي لانو غاظني شديد جراني جمبه وخت يده علي وقال
-يا ماما اسكتي خلاص انا عايز انوم😴.
جراني عليه وخت راسه في رقبتي بسته وقلت
-طيب انا معايزاك تنوم😐.
فتح عيونو وجراني عليه زيادة
-امم وعايزة شنو طيب🐸.
ضربته وقلت
-انا م قصدي كدا ياخ😒.
كنت ح اقوم جراني وقال
-وين تحلمي مافي قومة حسي صحيتيني ودي مشكلتك😄.
اتقلبت منو بالعكس ويده كانت حولي مسكتها وقلت
-مش عايز تنوم نوم يلا😒
-حسي انتي زهجانة مالك😐
-مالي حسي قلت عايز تنوم وقلت ليك نوم في شنو يعني😟.
همس
-طيب اذا م عايز انوم.
قمت منو وقلت
-انت واحد ممل انا ماشة ادوش😒.
خليته بضحك ودخلت ادوشت وطلعت بالمنشفة كان راقد وبعاين لباب الحمام بزهج حمرت ليه ومشيت قعدت في التوليت قام قفل المكيف وقال
-يا مجنونة انتي جنيتي؟.قعدت اضحك
-لو مجنونة ح اجن كيف؟😹
-امم كدا عادي🐸.
شالني ونزلني في السرير وفتح الدرج قال
-رجولك وارمة كدا ليه؟
-علشان الأولاد☺.
طلع لي حجلي وقال
-نفسي افهم م بتطلعيه من رجلك ليه☺
-بحبو بس😂
-اها والخاتم برضو بتحبيه بس🐸.
هزيت راسي قال
-امرك غريب.
عمل لي مساج لحد م الورم خف دخل ادوش ونزلنا للفطور كنا بنتونس عادي الشغالة جات وقالت
-مدام في وحدي جابت البرك دا قالت اسمها كادي
عدنان:خالتو كادي يا سالي.
هزيت راسي وقلت
-مشت ولى في؟
الشغالة:ﻷ ادتني ليه ومشت طوالي☺.
هزيت ليها راسي ومشت
