والتفت على جهة المتظاهرين لقيت بضربوا فيهم بعصايات التفت معاي وقال
-حرام عليهم انا طالع.
فكاني ومشى المسافة كانت من البوابة بتاعت البيت لبوابة القزاز البرا بتاعت الشارع شوية طويلة كان ماشي بسرعة وانا شبه جارية وراه قريب للباب كنت ح اوقع صرخت ليه التفت بسرعة وجراني وقع ووقعت عليه قعد وقومني لفيت يديني حوله ومسكني عليه قال
-انتي الطلعك وراي شنو؟
-عايزة امشي☺
-وين؟
-برا معاك☺
-نعم؟ وبلبسك دا؟.
رفعت اكتافي قال
-يلا يلا بلى ماشة معاك
-م قادرة اقوم ياخي😪
-لاحظي اني في الارض وشايلك م ح اقدر اقوم بيك يا بقورتي😹
-عدنان اتصرف.
ضحك ومسكني كويس وقام دخلنا البيت نزلني في الكرسي وقال
-اها م قادرة تمشي مالك؟ نمشي الدكتور؟حاسة بحاجة؟.
خت يده على بطني ختيت يدي على وشي وقعدت اضحك قلت
-نظام كدا ح تعرف؟.
رفع اكتافه بإبتسامة قعدت اضحك تاني وقلت
-م تخاف م وصلت الأرض😂.
باس بطني وقعد جمبي -وضماني.
بعدته عني وقمت الحمام استفرغت الفي بطني كله جاء قعد جمبي ونضف لي خشمي ضماني عليه ختيت راسي بتعب على صدره شالني وطلع مشينا غرفتي رقدني وجاب عطر شممني ليه وخت لي منو قال
-احسن؟.
هزيت راسي ومديت يدي لحضني اتسطح جمبي وضماني جاتني صورته مع ميسندرا قعدت ابكي رفع راسه عاين لي ويده كانت في بطني وقلت
-ليه الحصل م خيال ليه م كذب انا تعبت يا عدنان تعبت شديد م بقدر اتحمل من دونك😭💔.
نزل راسه قلت
-م تنزل راسك اقنعني واديني سبب انك عملت العملته لسبب اقنعني بس😭💔.
قام وقف عكسيني على الشباك وقال
-امي💔.
سكت اتنهد وقال
-امي جبرتني والله العظيم وهي لحد حسي جابراني علشان اتزوجها بس هي م عارفة انو انتي حامل وم عارفة انو انا بلاقيك امي حابة انها تظلمني بس💔انا والله م لمستها وم خنتك كانت عايزاك تشوفينا بس💔.
انهار على الارض وهو ببكي وقال
-اقسم بالخالق م لمستها وم قربت عليها واذا م مصدقة اسأليها انا م بقدر اعاين لغيرك يا بت الناس اساسا😭💔
- تعشقه عشق الارض لانعكاس السماء عليها 💙
هي سحر لتلك الروح الباكية💕
هو قبيلة قلبها وعائلته...
صحيت تاني يوم الضهر مصدعة اتقلبت وانا ماسكة يد عدنان العلى بطني لقيته بعاين لي بإبتسامة ابتسمت ليه بخجل باسني لحد م بعدته عني قال
-انتي كويسة؟.هزيت راسي وقلت
-ماما مارينا💔
-امم نمشي ليهم بالليل؟
-عادي وانا حامل صح؟.
هز راسه وقال
-نشوف مها ح تقول شنو.
ضميته ضحك وقال
-روقي يا مجنونة😂💚.
بعدت عنو وبوزت وشي جر لي انفي ومسكني من حنكي وهو بضحك قلت
-عدنان بطل تغيظني😐.
ضماني وقال
-اسف يا ستي😂.
قمت ادوشت ونزلت بعد هو دخل لقيت الشغالة بتجهز في الغداء ساعدتها وعدنان نزل اتغدينا وضربنا لمها قالت
-عدنان ياخ جننتني في شنو يا راجل مرتك كلمتك الف مرة انها كويسة وحسي م عارفة امشي شوفها براك انا عندي مرضى😏.
وقفلت قال
-سجم خلاص البت دي.
قعدت اضحك حك انفه طلعت تلفوني وضربت ليها قالت
-ياخ البت وراجلها الإتنين لكن؟ها في شنو؟
-مها استكيني انا معاه م تتفعلي عايزين نسألك من حاجة🐸
-اي الحمدلله اتفضل.
قلت
-مها معاك زول؟
-اكسري الحنك وقولي في شنو خوفتوني😐
عدنان:بطلي كذب انت قفلتي فينا😒.
ضحكت وقالت
-كدي افتحوا الكاميرا😹.
فتحناها انا كنت في حضن عدنان قالت
-اها في شنو انا م فاهمة
عدنان:عايزين نمشي ماليزيا دي حاجة بتأثر على البيبز؟
مها: امم طيب امشوا بس م تكونوا نشيطين شديد فاهمني صح؟.
باس رقبتي قرصته على رجله قالت
-انا بقول في شنو وهم بعملوا في شنو😒
عدنان:حركات بايرات بس🐸.
ضحكت وقالت
-وين يا😂.
باسني تاني حمرت ليه وقلت
-عدنان اتلمى ياخ😑
مها:عدنان انت م عندك زوق معاي ابدا زاتا انا م فاضية ليكم عندي عملية قدوا🐸.
قفلت فينا فكيته قعد يضحك وقال
-مها اقرب لي من نينا عارفة صح؟
-لاحظته.
الجرس دق مشت الشغالة تفتح وكان وافي قمت قبل يوصلنا غيرت لبنطلون جينز وتيشيرت كحلي ونزلت كانوا بحمروا لبعض بس قلت
-انت مجنون الجابك شنو؟😐
-اخليك براك مثلا😒
عدنان:انا معاها😒
وافي:يلا البيت خليت ميهان مع الشغالة انا.
عدنان وقف وقال
-كفاية بعد كدا ح ترجع بيتها وبيت راجلها.
وافي وقف وقال
-بيت راجلها؟راجلها كان وين لم هي تعبانة في المستشفى و اولادها بين حياتهم وموتهم؟ كانت وين تملكه وحبه وغيرته لم كان بضربها ووين بيتها الإنت بتقصده دا؟قصدك البيت الخنتها فيه؟.
وافي ضحك ولزاه من صدره عدنان جراه من يده ولواها ليه صرخت فيهم وقلت
-ياخ احترموني انا على الأقل وشوفوا رأي😠.
عدنان فكاه وقال
-ح تمشي معاه طبعا صح؟.
هزيت راسي بأي وقلت
-انت مفكر انو ح ارجع البيت داك تاني؟ مستحيل مستحيل يا عدنان المنظر م ح يطلع من راسي و خيالي ابدا💔.
التفت وطلع وافي قال
-نمشي؟.
هزيت راسي وطلعنا عدنان كان واقف عاين لي بعصبية وركب عربيته ومشى
