ورجعت الفصل المدير كان بشاكل في عدن م عارفاه عمل شنو إستأذنت ودخلت قال
-عدن اعتذر منها حالا😡.
عاينت ليه بإستغراب صرخ عليه
-ح تحرم من الإمتحان اذا م اعتذرت😡.
التفت لي بعصبية لم خفت قال
-انا اسف😠.
وقعد على مقعده وهو بتهز بعصبية
الأستاذ:انا مش حذرتكم م حد يضايقها؟ تقوموا تعملوا كدا؟
المدير:يكون في علمكم الح يسمعها حرف بس عقوبته الطرد يعني مافي مدرسة ح تقبلوا تاني ولى حتى امتحان م ح يمتحن مفهوم؟.قالوا
مفهوم.وطلع الأستاذ قال
-ليه يا عدن عملت كدا انا مش حذرتكم ؟
انا:مستر ممكن افهم الحاصل؟
ماليزيا:المدير كان بعاين لتسجيل الكاميرات ومعاه مالك المدرسة وظهر عدن وهو بتناقش معاك
انا:مالك المدرسة؟
الأستاذ:ايوا سيد عدنان مهر😊.
هزيت راسي الأستاذ بدا يراجع نهاية الدوام كلهم طلعوا عدا البت الكانت جارية ورا عدن وعدن كانوا بلموا حاجاتهم وانا كنت براجع في حاجة قفلت الدفتر وقمت مشيت ليه مديت يدي وقلت
-عدن انا اسفة☺.
م رد لي اتنهد بعد مسافة وكان ح يتكلم جاء داخل عدنان قال
-سالي خلصتي؟.
التفت ليه بإبتسامة ونزلت يدي وقلت
-يلا.
عاين لعدن بحدة حمرت ليه شال شنطتي ومسك يدي وطلعنا ضماني عليه وفضلنا ماشين قال
-جسمك بارد حاسة بحاجة؟.
هزيت راسي بﻷ وقلت
-عدنان ليه خليت المدير يشاكله قدام باقي الطلاب؟اساسا م كان في داعي عارف انو انا الموضوع م بأثر معاي😐
-المدير شاكله؟ انا م قلت ليه يشاكله سالته بس ليه طالب من طلابه يتكلم بالطريقة دي بس ح اتكلم معاه بعدين😊
-خلاص اقفل على الموضوع.هز راسه ومشينا قال
-نمشي الدكتور طوالي ولى تمشي ترتاحي اول؟
-خلينا نمشي البيت اول عايزة اغير واطمن على ماما.
ابتسم وقال
-اوكي ماشي.
غير الطريق للبيت مشيت لماما لقيتها نايمة وبابا كان برا البيت دخلت ادوشت وطلعت لقيت عدنان مجهز لي الأكل حضنته وبوست خده قعد يضحك وقال
-يلا يلا لانو الدكتور دا م زي مها اذا وقته خلص ح يطلع طوالي.
هزيت ليه راسي وقعدت اكلت بعدين جهزت لبست فستان من لون بشرتي على الجسم بدون ايادي وجكت جينز لونه فاتح بدون ايادي برضو واسبورت اسود ونزلت لعدنان كان مستنيني ومشينا الطريق كله بتعاور فيني قلت
-خليك بارد يومين بس ياخ🐸.
ضحك والله
-م بقدر والله صعبة شديد🌚.
قعدت اضحك وصلنا ونزلنا الدكتور كان مستنينا وكان صاحب عدنان قال
-والله ثواني بس وكنت ح امشي اخليك ،، تتأخروا ساعة كاملة لكن😹
عدنان:اوليفر ياخ مشتاقين يا راجل
اوليفر:خليك مني خارجوني يلا مرتي ح تجي تموتني سرعة يلا عايز حياتي انا😂.
قعدنا نضحك بعد فحصني قال
-م شاء الله بت و3 اولاد.
التفت لعدنان وقال
-بعدها عن التوتر وخليها على فايتميناتها زاتها طيب؟
عدنان: وصحتها كويسة؟
اوليفر:بتك ولى مرتك؟.
قعدت اضحك قال
-سالي الكبيرة مرتي😹
اوليفر:ﻷ صحتها عال وخمستهم كويسين م تخاف
انا:الحمدلله
عدنان:يلا اطبع لينا الصور وخارجنا🐸
اوليفر:معاك حق وشك قاسي انا م ح اقدر اتحمله🌚.
قعدت اضحك بعد خلصنا رجعنا البيت قبل م ندخل قلت
خلينا ننزل قبل البوابة ونمشي لجوة برجولنا☺.
ابتسم لي ووقف العربية ونزل وجاء ساعدني نزلت لانو انا بقيت تقيلة شوية بعد قفل الباب جات مارة خالتو كادي وشكلها ماشة تتمشى برضو جات سلمت علينا بإبتسامة قالت
-دايما طلعها كدا علشان م تكتئب.
عدنان هز راسه وقال
-كانت في المدرسة وبعدها مشينا الدكتور🌝❤
-طيب كويس قال شنو الدكتور كويسين صح؟.
عدنان ضماني وقال بفرحة
-ح تجيني سالي صغيرة و3 اولاد يا خالتو🌚💚.
ختت يدها على خدي وقالت
-ربنا يقومك بالسلامة ويجيبهم سالمين.
ابتسمت ليها قاطعنا صوت
يا ماما يلا☺.
التفتت وقالت
عدن تعال سلم.الولد جاء وكان نفس عدن بتاع المدرسة اول م شافني قلب عيونه بملل وسلم على عدنان عادي وعلي ببرود
خالتو كادي:عدن ممتحن زيك احياء برضو🐸.
ابتسمت وقلت
-اتلاقينا في المدرسة بس م كنت عارفة انو عندك غير ميسندرا.
ابتسمت وقالت
-عندي تاني ساندرا اكبرهم متزوجة وعايشة في تركيا☺
عدن:يا ماما يلا علشان م نتأخر😊.
إستأذنوا ومشوا التفت لعدنان ونحنا داخلين قلت
-ليه م قلت لي انو اخوها؟
-انا زاتي م عرفته اخر مرة شفته قبل خطبتي انا وميسندرا بإسبوع.
هزيت راسي ودخلنا لقينا ماما وبابا بشربوا في كوفي وبتونسوا مشيت حضنت ماما وقلت
-ماما مشتاقين🐸.
قعدت تضحك وقالت
-كيف يومك
-الحمدلله حلو
بابا:شنو م ح تسلمي على ابوك يعني؟.
قمت حضنته قال
-اها قال الدكتور شنو
عدنان:الحمدلله كويسين شديد.
نطيت وقلت بصراخ
-انا ح يكون عندي بت و 3 اولاد🐸💗💗.
عدنان جراني قعدت وهم بضحكوا قال
-اهدي يا شيخة😹.
ابتسمت عادي
