مشيت مع وافي البيت لقينا ميهان صحت وبتلعب ومعاها نينا شلتها بوستها وقعدت
نينا:شنو لكن يا هناية تختفي كدا🐸
وافي:كانت في بيتها وعدنان لحقها وكتمت عندهم.
نينا قعدت تضحك قالت
-ياريت لو عارفة انا كنت هناك لحظات الفض كنت جيتك😹
انا:كنتي وين؟
نينا:في المظاهرات❤
وافي:الوداك شنو؟
نينا:مشيت مع صحباتي وبالجد مفروض كل الناس تطلع
انا:حرام ياخ ناس الأمن ضربوا نار و ضربوا البنات برضو بالعصايات💔.
ابتسمت وقالت
-علشان وطن جديد كله بهون💛
انا:عايزة امشي😐
وافي:صحتك انتي والأولاد م بتستحمل.
نطيت وقلت
-اانا مسافرة بعدين طالعة انوم شوية
نينا:مسافرة وين؟والمدرسة؟
انا:ماما مارينا معاها كانسر وفي ماليزيا.
وافي نزل راسه لانو كان عارف ورفض يوريني بعدت نظري عنو
نينا:لا حولا ياخ💔ربنا يعافيها
وافي:مع عدنان صح؟.
هزيت راسي
نينا:سالتي مها لكن؟
انا:امم وقالت امشي عادي بس م اتعب.
الجرس رن فتحت الشغالة وجات قالت
-مدام سيد عدنان قال تعالي مستنيك برة☺.
هزيت راسي وشلت ميهان وطلعت شال مني ميهان وبوسها قال
-شنو يا عمو مشتاقين والله🐸.
قعدت تضحك قال
-ادخلي جيبي حاجاتك ح نمشي البيت
-قلت ليك م ح ارجع البيت داك😊.
هز راسه وقال
-ﻷ دا البيت التاني يلا.
عاينت ليه بإستغراب قال
-لو م عجبك ممكن نمشي اوتيل عادي على فكرة☺.
م رديت قال
-معناها ح نمشي اوتيل يلا.
بوس ميهان واداني ليها دخلت وانا بفكر اديتها لنينا واتنهدت قلت
-انا طالعة راجعة مع عدنان البيت☺
وافي:ماف كلام زي دا م ح تتحركي لو م اتذل ليك
انا:انت مجنون انا عايزة ارجع وبعدين نحنا اتصالحنا
وافي:سامحتيه كدا سلام ولا وراك؟☺
انا:وراني يعني انت عارف انو دي خالتو آن؟.
هز راسه وقال
-انا عرفت قبل كم يوم وكنت عايز أأدبه لانو بسمع كلامها زيادة عن اللزوم.
ضحكت
نينا:ممكن تفهموني؟.
قلت وانا ماشة
-وافي اشرح ليها.
طلعت شلت حاجاتي المهمة ونزلت ودعتهم ومشيت لقيته فاتح ميوزك ومركب السماعة ومرجع الكرسي لورا ومستكين قفلتها ليه وطلعت السماعة فتح عيونه وقال
-خلاص؟.
ابتسمت ليه باس خدي واتحرك قلت
-خلينا نمشي البيت طيب؟.
هز راسه وصلنا بعد فترة 15دقيقة كدا كان حلو بس م احلى من القديم بس دا سمبلي اكتر ومريح💚 التفت لي وقال
-عجبك؟.
هزيت راسي باسني ودخلنا كان حلو شديد💛قال
-يلا فوق طوالي ارتاحي علشان م تتعبي
هزيت ليه راسي شالني ومشينا دخلت ادوشت ونمت طوالي صحاني بالليل وقال
-يلا اصحي الطيارة جاهزة ومستنيننا.
هزيت ليه راسي وقمت ادوشت لبست فستان زيتي مكرمش من ناحية الصدر ويدينه سيور فيه حزام بتربط من قدام ومكرمش بنفشة من سيوره تحت وطوله تحت الركبة طوالي واسبورت ابيض ولميت شعري بهيدباند ابيض لورا وخليته فاكي وكنت لابسة السلسل السداسي الكان جابه لي عدنان بطني كانت عاملة كورة كأنو حامل باكتر من 3شهور بس علشان التؤام💕عدنان كان في البلكونة جاء داخل وانا بتعطر لف ايديه حولي وقال
-ليه كل الحلا الزايدة دي؟💛
ابتسمت ليه بخجل باسني نضفت ليه شفايفه وانا بضحك فكاني وقال
-تصدقي انا الغلطان العامل فيها رومنتك🐸💔.
قعدت اضحك صلحت روجي و نزلنا اكلنا وطلعنا في الطيارة -م كنت نعسانة شغلنا فيلم عدنان يشيل ويعاين لبطني لم حيرني قلت
-عدنان في شنو؟
-م قادر اتخيل انو الحاجات الفي بطنك ديل ح يكونوا بشر قاعدين🐸
-الحاجات؟م تقول لي قصدك عيالنا؟.
هز راسه بأي جريت ليه اضانه وقلت
-ديل اولادك م حاجات انت فاهم؟.
هز راسه التفت منو خت راسه على صدري بعدين زح وقال
-ياخ انتي قصيرة م ح اقدر انوم كدا.
ضماني وقال
-كدا احسن🐸.
قلت بملل
-انا م عايزة انوم ذنبي شنو
-دي وحدي من واجباتك كزوجة
-هييي استنى اضحك ليك😒.
ضحك ورجع عاين لبطني بخوف ختيت راسي على يدي وقلت
-هممم المرة دي خطر على بالك شنو☺
-استني م تضحكي طيب؟.
قلت وانا كاتمة الضحكة وخاته يدي التانية على بطني من تحت
-اها م ح اضحك😹
-حسي البيبز ديل يعني..حمرت ليه بلع ريقه وقال
-يعني جوا مع بعض مرة وحدي ولى في اتنين براهم واتنين براهم ولى كل واحد براه.
ضحكت وقلت
-كيف يعني؟
-كدا والله.
قعدت اضحك قال استني عندي سؤال تاني رفعت رجلي اليسار وقعدت عليها قعد يعاين لبطني تاني قال
-هم قاعدين 4 كدا عادي؟☺.
هزيت راسي قال
-يعني ممكن يبلعوا بعض؟.
عاينت ليه وضربت راسي وعاينت حولي واتنهدت قلت
-حبيبي انت نعسان شديد عارف صح؟.
هز راسه بﻷ ختيت راسه على صدري وقلت
-نوم نوم احسن لي وليك بأسئلتك دي ممكن اولد في التالت دا انت عارف؟.
ضرب راسه وقال
-م ممكن تولدي في التالت انتي غبية؟ حالتك ح تدخلي صيدلة؟.
قعدت اضحك وقلت
-زول هنا غيرك بقى غبي ماف🌚.
ابتسم وباس يدي ورجع خت راسه علي ونام بقيت بمشي على شعره شوية وضهري وجعني نزلت رجلي براحة بس هو حسى وفتح عيونه قال
-ضهرك وجعك صح؟.
هزيت راسي خت راسي على صدره وقال
-كدا احسن.
ابتسمت ومسكت في تيشيرته وكان بمشي على شعري لحد م نمت
