صحيت تاني يوم تعبانة ومصدعة عدنان ما كان جمبي عاينت بالبلكونة كان في الجنينة دخلت ادوشت ونزلت جاء داخل قال
-تعالي خليتهم يجهزوا الفطور في الجنينة☺.
هزيت ليه راسي وطلعت معاه كنت قاعدة بس و م قادرة اكل اساسا قال
-بابا وماما عزمننا غداء بس شكلك تعبانة.
هزيت راسي وقلت
-ح نمشي
-انتي م كويسة
-م ليك دخل.
قال بعصبية
-م تتكلمي معاي بالأسلوب دا عارفاني كويس انتي
-مع الأسف اني بعرفك دا اكبر وجع لي بحد زاته💔.
رمى شوكته وقام بعصبية قمت طلعت المكتبة وفضلت اقرا فترة جاء داخل وكان جاهز قال
-ماشة؟.
رميت القلم وقمت ادوشت ولبست بنطلون ابيض فيه ورود روزية وصفقها اخضر باهت ومعاه تيشيرت مع بداية الكمر من نفس القماش اوف شولدر نص كم في اربطة ناحية الصدر بتقفل بيها التيشيرت وعملت روج روزي ولبست كعب شفاف وطلعت السلسل الكنت لابساه عدنان جاء داخل بقى واقف بعاين لي م اشتغلت بيه وكملت تسريح شعري دخل غرفة الملابس وجاء وقف وراي قمت عايزة امشي وقفني وقال
-استني☺.
حمرت ليه ووقفت بزهج لبسني سلسل فيه خماسي صغير💛قال
-كدا حلو❤.
شلت شنطتي لونها ابيض ونزلت جاء لاحقني ومشينا بيتهم كان مسافة ربع ساعة نزلنا وفتحت لينا نينا حضنتني بإبتسامة بعدين حضنت عدنان باس راسها ودخلنا لقينا عمو مهر شايل ميهان بتلعب وبتكلم مع وافي لما شافونا وقفوا عمو سلم علينا ووافي سلم ببرود وشال ميهان وطلع عاينت لعدنان كان معصب عمو كان بتكلم معاي قال
-باقي لإمتحاناتك شوية صح؟
-اي والله كبست😹.
ضحك وقال
-شدي حيلك و م تشتغلي بعدنان خليك في قرايتك بس
نينا:كأنك يا بابا بتحرشها عليه🐸
عمو:انا م قلت حاجة حسي😂.
اتدخل صوت خالتو
-هي عرست قراية شنو تاني زاتو😏.
وقفت سلمت عليها وكانت ميسندرا معاها كانوا جايين من برا -م كانت طايقاني ابدا ميسندرا قعدت جمب عدنان وقصادي وانا كنت قاعدة جمب عمو وعلى يساري نينا خالتو قعدت جمب عمو بالجهة التانية قالت لنينا
-ميهان وين؟
-نينا:مع وافي.
ميسندرا قامت وقالت
-ح امشي اشوفهم.عدنان كان سرحان اتونسنا مسافة
عمو:نينا قومي شوفي وافي وين وخليه ينزل للغداء و رسلي لي ميسندرا😒.
قامت عمو كان بنقنق انو م داير ميسندرا هنا
خالتو:عدنان ح يتزوجها.
عدنان رفع عينه عاين ليها وعاين لي وقال
-والمناسبة شنو؟
-ميهان تكون قاعدة كدا بدون ام؟.
رد وهو لسة بعاين لي
-م انتي حسي اهو ماسكاها المشكلة وين؟
-انا م دايمة ليها والله وبعدين امها حسي رجعت وممكن في يوم تاخدها وتمشي تعرس عادي.
ضحك وقال
-ممكن نرفع دعوة عادي وناخدها الموضوع م خطير😂.قالت بحدة
-ولما البت تكبر وتعرف تكرهنا صح؟
-امي ميهان ديك امها وداك ابوها انا م لي علاقة
-ابوها صغير لسة وطايش
-والله لو صغير م كان جابها😊.
نزل عيونه مني وانا عملت رايحة
عمو:آن خلاص😒.
عاينت لي بحدة وكره وقامت نينا جات نازلة ومعاها ميسندرا قالت
-وافي قال م عايز وميهان نايمة.
قعدنا اتغدينا بهدوء بعد خلصنا خالتو جات نازلة قعدت مع ميسندرا وطنشت الباقين عدنان قال
-بعد كدا نمشي
نينا:خليكم😦
عدنان:سالي عندها مدرسة بكرة
ميسندرا:عيب انك تعرسي ﻷخوك شافعة😏.
نينا جات مسكتني من يدي وقالت
-انسينا م ليك علاقة انا عاجباني وهي عاجباه م حد طلبك معلق😊.
التفتت لي وقالت
-تعالي معاي ثواني.
ابتسمت ليها وطلعنا الجنينة لقينا ميهان شايلها وافي وقاعدين على المرجيح م اشتغلت بيه قالت
-م عارفة اقول كيف بس اتكلمي مع عدنان يمكن يفهم
-يفهم شنو؟.
عاينت لوافي وميهان ورجعت عاينت لي وقالت
-القالته ليكم ماما.
هزيت راسي يعني هي برضو عايزة عدنان يتزوج ميسندرا؟
-اوكي طيب😊💔قلت
-لو ربنا سهل كل شي ح يحصل.
ابتسمت لي ورجعنا ودعناهم وطلعنا لما وصلنا طلعت ادوشت ونمت طوالي م اتكلمت معاه نهائي الصباح صحيت قبليه ادوشت وطلعت طوالي ومشيت الكافيه لما جاء الوقت بتاع الحصة مشيت في نص الحصة حضرته طلبني استأذنت من الأستاذ وطلعت مشيت ليه وقفت قصاده بزهج التفى بكرسيه وقال
-تعالي😒
-م جاية خلصني وقول العندك.
كان ماسك قلم في يده اتكسر من الضغط عليه وقال بعصبية
-قلت ليك تعالي😡.
جفلت لورا فتح خشمو عايز يتكلم تاني مشيت وقفت قدامه واتكلت على المكتب بتاعه قرب وخت يده ضغط بيها على خصري قال
-كنتي وين؟
-ناديتني علشان كدا؟
-سالي م تستفزيني وجاوبي
-وانا م عايزة اجاوب.
قمت وفكيت يده مني جراني وقعني عليه وهمس
-حاولي م تلعبي معاي.
قمت منه لقيت يده عاملة جرح الدم بقى على قميصي فتحت الدرج طلعت علبة الإسعافات وختيتها قدامه وطلعت مشيت شلت قميص من دولابي ودخلت غرفة التغيير لبسته ورجعت كملت اليوم
