حبيبة : سمعتوا اللي حصل
لينا : ايه
حبيبة : مريم و محمود انفصلوا
امنية : يا خسارة بجد ، دي علاقتهم استمرت 3 سنين
نادية : طيب متعرفوش هما انفصلوا ليه
حبيبة : للآسف منعرفش
ميرنا : طيب ايه رأيكم اخليكم تعرفوا هما انفصلوا ازاي
امنية : ازاي يا ميرنا
ميرنا : بس الاول فاضين كام ساعة كده
لينا : معاكي طول اليوم لو عايزة
نادية : بس قوللنا هتعرفينا ازاي
ميرنا : هحكيلكم حكاية حقيقية بين اتنين كانوا بيحبوا بعض جدا بقالهم سنين بس في الاخر انفصلوا ، بس محتاجة منكم تجاوبوا على سؤال
حبيبة : ايه هو
ميرنا : تفتكروا ايه اكتر حاجة بتبوظ علاقة حب
لينا : الغيرة
حبيبة : عدم التفاهم
امنية : الكدب
نادية : الخيانة
ميرنا : كلكم صح ، دي فعلا اكتر حاجات بتبوظ علاقة حب ، تحبوا ابدأ في الحكاية
لينا : ياريت
ميرنا : يلا بينا نبدأ
**********************************************************************
قالت منة بفرح و براءه " انت عارف اني بحبك جدا " و ابتسمت اكبر ابتسامة عندها ، راح بصلها احمد بغرور و قال" طبعا عارف "
منة "اصبر غيرت رأيي انا مش بحبك " ضحك احمد على طفولتها و طريقة كلامها و قال " متزعليش يا طفلتي انا بهزر معاكي " كشرت منة تكشيرة صغيرة مستخبية وراها ضحكة
منة " لا انا زعلانة منك ، و هخصمك اهوه " و شبكت صوبعها الصغير بصبعه و طلعت تجري
راح جري وراها وخادها في حضنه و قالها " متزعليش بقى انا بهزر معاكي و عمرك متخاصميني تاني فاهمة انتي تاعتي انا وبس " و خادها في حضنه اكتر
طيب عارفين انتوا ورا كل الحب ده ، منة عندها اربع سنين و احمد ستة ، صغيرين صح
بس خليكم دايما مقتنعين ، ان الحب ميعرفش سن ولا وقت
الحب بيجي في الوقت اللي بتكون لوحدك في الوقت اللي بتحتاج في انسان
يكون جنبك حتى لو كذب
انسان يحبك عشان نفسك مش عشان فلوسك او شهرتك
ببساطة انسان عايز يكملك و تكمله <3
منة " خلاص انا مش مخصماك بس متعملش كده تاني فاهم " و بصتله و قعدت ترمش بعينيها بطريقة طفولية
احمد" تيجي نروح نلعب بالمكعبات
" طيب يلا بينا "
***************************************************************************
نادية : يـــاه انتي لسة بتبدئي الحكاية من و هما صغيرين
ميرنا : متفقديش الامل كده ، ما كل حاجة بتبدأ من و احنا صغيرين
امنية : باين ان الحكاية هتكون طويلة
ميرنا : المسألة كلها شوية وقت
أنت تقرأ
وقـــــت
Romanceكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
