بعد كذا شهر
***************************************************
" احمد بطل تبص "
" ليه حتى دي الفرجة حلوة "
" يعني انا مش مكفيا عينيك "
" انتي مكفية عيني وقلبي و عقلي ، بس سيبيني أبص "
" على فكرة الرقاصة مش حلوة أوي "
" دي زبالة بس رقصها حلو "
" طيب ماشي يا احمد "
و قمت و سبته ، احنا كنا في رحلة في شهر عسلنا و النهارده كانوا جايبين رقاصة ، زغرطي ياللي مش غرمانة حاجة
" منة خلاص يا منة أوقفي انا كنت بهزر معاكي "
" روح كمل فرجة على الرقاصة دي حلوة برده "
" خلاص يا مجنونة كنت بهزر "
" أووف هسامحك بس بشرط "
" أومري "
" تنزل معايا المياه "
" طيب بكره انشاء الله "
" لا انا قصدي دلوقتي حالا "
" انت مجنونة صح ، الساعة دلوقتي 8 بليل "
" ايه حضرة الظابط خايف ولا حاجة "
" انا مش خايف عليا انا خايف عليكي "
" لا متخافش ، ويلا بقى "
" بس يا مجنونة بس "
" يلا بقى يا أحمد و خليك ممتع "
" طيب انتي اللي طلبتي "
و راح شالني و نزل بيا في البحر
********************************************
حبيبة : مجانين
لينا : بالحب
ميرنا : أيوة بقى يا ست سعاد حسني
لينا : خربيت ظرافة اهلك -_-
ميرنا : بقى كده طيب ، شوفوا بقى مين اللي هيكملكم الحكاية
امنية : لا خلاص يا ميرنا كملي كملي
حبيبة : و حياة اغلى حاجة عندك كملي
ميرنا : اعمل أيه جيتولي في نقطة ضعفي ، يلا بقى مين الشاطر اللي فيكوا هيقول أيه السبب من ألاسباب اللي ظهر
لينا : من غير ما نفكر أصلا الغيرة
ميرنا : أيوة يا واد يا واثق انت
حبيبة : بس برده يا ميرنا كل خناقة بتنتهي بأنهم يتصالحوا ، و انا أصلا مش شايفة أي حاجة في علاقتهم تخليها تفشل
ميرنا : هقولكم معلومة صغيرة كده ، مفيش علاقة بتفشل ألا بفعل سبب من ألاسباب اللي قولناها ، مش شرط كلهم سبب واحد بس كفيل انه يحطم علاقة قوية
لينا : يعني علاقتهم مرت بالآسباب دي كلها ولسة مش فشلت
ميرنا : زي ما قولتلكم كل ما هتفشل هيصلوحها ، حتى ده لو معناه ان واحد فيهم يجي على كرامته
حبيبة : بس لو ألاسباب دي كلها مش أثرت على علاقتهم انتي قولتيها ليه
ميرنا : عشان اعرفكم ان الاسباب دي موجودة ، و مش شرط في علاقتنا بالذات تكون كل الاسباب تبوظها
نادية : بس لسة في سبب مش قولناه
ميرنا : صح الخيانة ، و قبل ما تقولوا أي حاجة ، هو ده السبب اللي هيبوظ العلاقة
امنية : طيب ليه كل الاسباب دي مش بوظت العلاقة وده الوحيد اللي بوظها
ميرنا : لآن الخيانة يا أمينة ، مش زي كل الاسباب ليه طريقة واحدة او وش واحد بمعنى اصح ، الخيانة ليها كذا طريقة و كذا وش
نادية : ازاي يعني ؟
ميرنا : الخيانة ممكن تكون انك تتكلم مع حد غير اللي بتحبه ، تقابل حد غير اللي بتحبه ، حتى لو ترتاح مع حد غير اللي بتحبه
حبيبة : بس كل الحاجات دي عادية مش فيها حاجة
ميرنا : بالنسبالك عادي ، لكن بالنسبة للي بتحبيه معناها خيانة
لينا : دي الحكاية دي طلعت معقدة اوي
ميرنا : هى بس محتاجة شوية وقت
أنت تقرأ
وقـــــت
Roman d'amourكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
