**************************************
" انتي بتحطيني قدام الامر الواقع يا منة "
" انا بس بديك اختيارات يا احمد "
" و انتي عارفة ان اختار دي حاجة مستحيلة "
" ليه هو انت مش هتختارني و هتختار شغلك "
" يا منة مشكلتك انك مش فاهمة حاجة "
" انا فاهمة كل حاجة ، انا فهمت انك مش بقيت مهتم بيا "
" يخربيت ام الكلمة دي ، منة انا بروح عشان احمي ناس ملهاش اي ذنب في اللي بيحصل ده ، ناس طيبة و عيال مش فاهمة ايه اللي بيحصل و انا محتاجلك تفهمي الموضوع ده ، لكن لا انتي عمرك ما بتفهمي دايما بتتصرفي زي عيلة عندها 5 سنين "
" انا بس مش عايزة اخسرك يا احمد "
" انتي فعلا بدأتي تخسريني يا منة "
" قصدك ايه يا احمد "
" قصدي انك تبطلي تصرفات العيال دي عشان نعرف نكمل مع بعض "
" ماشي يا احمد مش هتصرف زي العيال ، بس انا عايزاك توعدني بحاجة واحدة بس "
" ايه هى ؟ "
" انك تتصل بيا كل يوم ، و بعد الفترة دي مترجعش تاني سينا أبدا "
" حاضر يا منة ، انا بحبك "
" وانا بموت فيك "
***************************************
حبيبة : بدأت بخناقة و انتهت ببحبك
لينا : انا عرفت ايه السبب اللي ظهر
ميرنا : اتحفيني
لينا : عدم التفاهم
ميرنا : صح طلعتي ذكية اهوه ، و انتوا يا كباتن ايه نظامكم
نادية : ميرنا انا عندي سؤال
ميرنا : قولي
نادية : طالما علاقتهم كل ما تتدمر بتتصلح ، ازاي هتنتهي بفشل
ميرنا : هقولك ازاي ، مثلا لو انتي عندك فاظة و وقعت و اكسرت و ركبتيها في بعض تاني ، مش هتبقى قابلة للكسر اكتر
نادية : طبعا
ميرنا : علاقتنا هنا زي كده بالظبط ، كل اما تفشل هتتصلح لكن مش هتكون زي الاول ابدا و هتكون قابلة للفشل اكتر
امنية : طيب لو هى دلوقتي قابلة للفشل ، ليه مستمرة بالصمود
ميرنا : لآنهم عايزنها تصمد ، مفيش حد بيتمنى علاقته تفشل
حبيبة : ميرنا النهاية قربت
ميرنا : جدا ، احنا قلنا كام سبب دلوقتي
لينا : تلاتة الشك و الكدب و عدم التفاهم
حبيبة : يبقى فاضل اتنين الخيانة و الغيرة
ميرنا : اهوه هانت جدا اصبروا انتوا بس
أنت تقرأ
وقـــــت
Romanceكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
