وقـــــت

مناقشة طويلة !؟؟

***************************************************

حبيبة : ميرنا انا عندي ليكي سؤال 

ميرنا : اتفضلي

حبيبة : انتي ازاي تعرفي كل الكلام ده ، مع كل احترامي ليكي بس انتي مجرد 11 سنة

ميرنا : على فكرة الحكمة مش بالسن ، ان كنت صغيرة فلست بأصغر من هدهد سليمان ولا انت اكبر من سليمان عليه السلام ، عندما قال له الهدهد (احطت بما لم تحط به

لينا : بس بجد يا ميرنا انتي عرفتي حكاية منة و احمد دي منين

ميرنا : سر من الاسرار مش ينفع اقوله

لينا : طيب منة و احمد دول أشخاص حقيقين

ميرنا : طبعا ، ما انا مش هقعد احكيلكم قصتهم في ساعات و في الاخر مش يكون ليهم وجود اصلا

حبيبة : طيب انتي ليه اخترتي منة و احمد كمثال بالذات ، ما كان ممكن تختاري اي اتنين متصاحبين و تبوظي علاقتهم

ميرنا : الاتنين المتصاحبين يا حبيبة علاقتهم كده كده هتنتهي بسرعة ، لآن مافيش حاجة هتخليها تستمر ، و مش تعارضوني بقى و تقولوا امال حبهم و مش حبهم و بتاع ، المصاحبة عمرها ما كانت حب المصاحبة اتنين فاضين طول الوقت و عايزين يبعتروا فلوسهم على الهدايا و كروت الشحن

امنية : انتي النظرية بتاعتك دي غريبة أوي

ميرنا : دي مش نظرية ده الواقع وده للآسف اللي بيحصل في مجتمعنا

لينا : انتي بنظريتك دي بتحرمي الحب

ميرنا : محدش في الدنيا يقدر يحرم الحب ، الحب اللي بجد معناه خطوبة أو جواز أو حتى حد يبين انك بتاعته و كل الناس عارفة انك تبعه و علاقته بيكي تكون معروفة و محدش يقدر يكلم

انما الشغل بتاع اتصل بيا الساعة 2 بليل اصل اخويا و مش اخويا ، ده عند أمه يا محسن

نادية : هههههه ، بس على فكرة اللي بتقوليه ده مش بيحصل في مجتمعنا

حبيبة : و عمره اصلا ما هيحصل في مجتمعنا ، عشان مجتمعنا ماشي بمبدأ المصاحبة تجيب دهب

ميرنا : و انا بقى عايزة افهم مجتمع مصر ان المبدأ اللي ماشين عليه ده غلط ، بس انا اتكلم و محدش يسمع

لينا : و عمرهم ما هيسمعوا ، اصل شعب مصر يكره حد يفهمه غلطه

ميرنا : بس برضه في ناس على وجه الارض مش مصاحبة ، في بنات لسة مؤمنة بالحب و لسة مؤمنة ان اللي بيحبها هيجلها يخطوبها

امنية : و يبين ليها انه راجل

ميرنا : بالظبط و يبين ليها انه راجل

حبيبة : ميرنا هو انتي اصلا مؤمنة بوجود الحب

ميرنا : في الحقيقة لا ، بؤمن بوجوده في القصص و الروايات أنما في الحقيقة لا

لينا : السبب

ميرنا : تقدري تقولي اني ملقتش اتنين لغاية دلوقتي بيحبوا بعض من أول ما اتقابلوا لغاية اما خلفوا ولاد و كبروهم

نادية : ده على اساس ان المتجوزين مش بيحبوا بعض

ميرنا : مش كلهم على فكرة ، في منهم عايز يكمل مع التاني وخلاص عايز يكبر عياله و يكونوا جنب أمهم و ابوهم مش يكونوا مع أب و ام منفصلين

لينا : لا يا ميرنا انا في دي هعترض

ميرنا : من حقك و انا مش قلت حاجة ، و انا مقلتش ان كل المتجوزين مش بيحبوا بعض ، هما شوية بس اللي عايزين يكملوا المشوار و خلاص

حبيبة : ميرنا هو انت كنتي عايزة علاقة احمد و منة تنتهي بفشل

ميرنا : طبعا لا بس ده الواقع و الواقع مش ينفع يتغير

لينا : بس ينفع يحصلوا شوية تعديلات

ميرنا : أزاي يعني

لينا : أن احنا نجرب نرجعهم مع بعض ، مافيش ضرر من المحاولة 

ميرنا : مش لما نكمل حكايتنا الاول و تعرفوا هما انفصلوا ليه عشان تعرفوا ترجعوهم

لينا : اه صحيح ، أيه الغباوة اللي فيا دي

ميرنا : لا عادي ولا يهمك

حبيبة : انا حاسة ان الحكاية هتختلف عن اللي في بالي

ميرنا : صدقيني اختلاف كبيرأوي 180 درجة !