**********************************************************
منة" حط المكعب ده هنا ، عشان يكتمل القصر " رد عليها احمد بأبتسامته المعتادة " حاضر ، اهوه اكتمل القصر
" انا عايزة اما اكبر تجيبلي قصر زي ده "
" انا هجبلك قصور كتيرة ، و شوكولاتات كتيرة جدا "
" و مصاصات و بلونات كتيـــرة أوي "
" حاضر كل حاجة انتي عايزاها هجبهالك ، انا بحبك <3
" انا كمان بحبك أوي أوي "
" انا اما اكبر هبقى ظابط و هاجي أقعد معاكي بالبدلة بتاعتي "
" لا مش عايزاك تبقى ظابط ، انت هتموت زي بابا "
و بصتله بعينين مدمعة ، راح فهم الاشارة بسرعة وراح خادها في حضنه و هى عمالة تنزل دموع
" اهدي يا منة اهدي ، متخافيش انا مش هيحصلي حاجة "
" لا انت هتموت زي بابا ، لا يا احمد مش عايزاك تبقى ظابط لا "
راح دفنها اكتر في حضنه ، و قالها
" متزعليش يا منة هو حد يكره يروح الجنة ، خلاص بقى متعيطيش "
راح ماسح دموعها بصباعه الصغير ، و باسها على خدها و رجعها لحضنه
" طول ما انا معاكي مش عايزك تعيطي ابدأ فاهمة "
" حاضر ، تيجي نكمل لعب بالكعبات "
" يلا بينا "
**********************************************
نادية : طيب انا مش عارفة دلوقتي اضحك ولا أعيط
ميرنا : ههههه هى فعلا الحتة دي معقدة
لينا : هما مش هيكبروا بقى
ميرنا : ايه مالك زهقتي ، ده احنا لسة في البداية
لينا : مش حكاية زهقت ، انا بس عايزة اعرف ايه السبب اللي يقدر يدمر العلاقة الجميلة دي
حبيبة : هى فعلا جميلة ، وانا اصلا من قبل ما اكملها زعلانة لآنها هتنتهي بحزن
ميرنا : مالكم قلبتوها حزن يا جماعة ، اصبروا شوية كده انا لسة مكملتش الحكاية ولسة اصلا مش دخلنا في الحزن
امنية : انا بقول تكملي الحكاية
***********************************************
عدت سنين و كبروا منة و احمد ، احمد اتخرج من كلية الشرطة و منة بقت في 2 جامعة
من هنا بقى الحكاية هتتعقد
" هو انت هتقعد في سينا كتير "
قالت منة لآحمد بأبتسامة انكسار ، راح رد عليها احمد بهدوء مع علمه انها فاضلها سنة و تنهار من العياط
" هو شهر واحد بس يا منة ، و هرجع اشتغل في القسم بتاع هنا "
" و انت تفتكر اني هقدر استحمل انك بعيد ده كله "
" معلش بقى مش بأيدي "
و أول ما نزلت دمعة من عنيها راح خادها في حضنه على طول
" انا خايفة تروح مترجعش يا احمد "
" شششش ، متخافيش بأذن الله هرجع "
" ما بابا قال نفس الكلام و مرجعش تاني يا احمد "
" خلاص بقى انا هرجع بأذن الله ، مش انا لازم اشتغل عشان اتجوزك "
" ماشي بس اوعدني انك ترجع "
" انشاء الله هرجع ، هخلص التدريب على طول و ارجعلك "
" انا بحبك "
" و انا بعشقك يا احلى و احسن منة في الدنيا "
و شالها وقعد يلف بيها
" هقع يا مجنون "
" مجنون بحبك انتي"
**********************************************
ميرنا : و هنا تبدأ الحكاية
أنت تقرأ
وقـــــت
Romanceكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
