"احمد انا تعبت "
" تعبتي من أيه يا منة "
" من كل حاجة في حياتك ، انا بقيت اشك انك مش عايز تبقى معايا "
" مش عايز اكون معاكي ازاي ده انا بعمل كل ده عشان اكون معاكي "
" عشان تكون معايا تتحارب في نص التاني من مصر ، و تتصاب و تقول انك بتعمل كل ده عشان تكون معايا "
" أمال عشان مين "
" عشان اي حد في الدنيا دي غيري ، انا قلتلك و احنا صغيرين مش عايزاك تبقى ظابط عشان هتموت زي بابا "
" و انا الحمدلله مش مت "
" بس جايلي بأصابة في كتفك ، لو النهارده في كتفك بكرة هتكون في قلبك يا احمد "
" تفائلي يا منة ، انتي دايما مكتئبة "
" هو انا بعمل حاجة في حياتي غير التفائل ، بتفائل لبكرة و بعد و بعد ، و بيوصلني فين التفائل فين قولي فين ، مش بيوصلني لآي حاجة غير الحضيض "
" انت عايزة ايه يا منة "
" عايزة ارتاح يا احمد "
" ترتاحي من أيه بالظبط "
" من كل حاجة ، من كل ضغط ، عايزة في يوم انام و انا مرتاحة البال ، و عارفة انك كويس و بخير "
" خليكي واثقة شوية فيا و في ربنا "
" انا واثقة ان ربنا هيرجعك ليا بخير ، بس انتي دايما بترجع لسيناء "
" هو انا بروح سيناء عشان العب ، انا بروح عشان احمي اطفال و ستات و رجالة ، بروح عشان احمي ناس ملهاش اي ذنب باللي بيحصل في بلدنا "
" و انا برده مليش ذنب "
" منة انتي عايزة ايه من الاخر "
" عايزاك تختار يا احمد ، لا انا لا شغلك "
-----------------------------------------------------------
لينا : ايه الخناقة الجامدة دي
حبيبة : دول كانوا ناقص يولعوا في بعض بجاز
ميرنا: لا مش للدرجادي ، بس حد فيكوا عرف ايه من الاسباب اللي ظهرت في المحادثة
كلهم : الشك
ميرنا : صح ما انتوا طلعتوا بتفهموا اهوه ، يارب تكونوا كده في المذاكرة
لينا : ههههههه ظريفة -_-
حبيبة : بس منة كانت متعصبة بزيادة
ميرنا : بس متنكريش هى عندها حق في كل كلمة قالتها
حبيبة : انا مش بنكر حاجة ، بس مكنش في لزمة لكل العصبية دي
امنية : و احمد كان بيتعامل معاها بكل هدوء ، دي بيدل على انه ضعيف الشخصية
ميرنا: غلط ده بيدل على انه صبور و مش عايز يعمل مشكلة
نادية : المشكلة موجودة موجودة ، بس محدش يعرف في مين
لينا : و اكيد المشكلة هتكبر
ميرنا : صح فعلا المشكلة هتكبر ، بس انتوا عارفين ايه هى المشكلة
حبيبة : ايه ؟
ميرنا : ان انتوا طلعتوا أغبية
نادية : ياختي ظريفة
ميرنا : بجد مش بهزر ، لآن مش الشك بس اللي ظهر في محادثتهم
لينا : قصدك ان في سبب تاني من الاسباب ظهر في محادثتهم
ميرنا : ايوة
امنية : بس هيكون ايه ايه يا ترى
ميرنا : أيه رأيكم اكملكم الحكاية و تبقوا تعرفوا بعد اما اكمل
حبيبة : قشطة ، انا بدأت اتشوق للفشل اكتر و اكتر
ميرنا : و صدقيني هى هتفشل بسرعة جدا
أنت تقرأ
وقـــــت
Lãng mạnكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
