البارت ده بهديه لحبيبة
**********************************************************
ميرنا : تفتكروا أيه اللي هيحصل لما احمد يرجع
لينا : اعتقد ان هو مش هيرجع سينا تاني
حبيبة : مش هيشوف منة و هيروح العزا بتاع زملائه
نادية و امنية : معنديش اي فكرة
ميرنا : للآسف يا حبيبة انت ولينا غلط
حبيبة : أزاي
ميرنا : خلينا نشوف
*************************
" احمد اخيرا جيت انت وحشتني أوي "
جريت منة أول ما شافت احمد و حضنته ، حست ان روحها بترجعلها تاني
حست ان حياتها اتملت باللون الابيض ، بدل اللون الاسود اللي كان موجود في غيابه
" انتي كمان وحشاني أوي يا منة ، انتي متعرفيش انا كنت عايش أزاي من غيرك "
الجملة دي قالها فعلا من كل قلبه ، اصل برده صعب انك تشوف زملائك بيموتوا قدام عينك و انت مش قادر تعمل حاجة
زمان لما كانوا صغيرين كان كل اما تحصلوا حاجة يرجعلها ، هى الوحيدة في الكون اللي تقدر تنسيه وجعه أو أي حاجة شافها
حست منة بدموع بتنزل على كتفها
بسرعة ابتعدت عن حضن احمد و بصت في عينيه
" احمد انت بتعيط "
" لا انا مش بعيط ولا حاجة ، ممكن اطلب منك طلب "
" طبعا اطلب و انا انفذ "
" عايزك تدخلي دلوقتي تلبسي طقم اسود و تيجي معاايا "
" حاضر بس ليه "
" روحي اعملي اللي بقولك عليه بس و بعدين هتعرفي "
طاوعته منة و دخلت غيرت هدومها لطقم أسود و نزلت معاه
هى من ناحية مستغربة طلب احمد ، أصله أول مرة يطلب منها طلب زي ده
و احمد من ناحية ، مش عارف ازاي هيستحمل يشوف جنازة صحابه ، صحابه اللي كان بيهزر معاهم من كام يوم
صحابه أللي قعد يحكيلهم بالساعات عن منة و هما عمرهم ما زهقوا
حاسس بوجع موجود في كل جسمه
كأنه بينتشر بسرعة عشان يسلمه لملاك الموت
و أول ما وصلوا لمكان العزا نزل احمد و منة من التاكسي و دخلوا ، منة بدأت تفهم كل حاجة بسرعة
ليه هو كان زعلان و هو بيكلمها في التليفون ، و ليه كان بيعيط
بدأت منة في انها تواسي أهالي صحابه ، لكن لغاية نقطة و بعد كده منة وصلت لنقطة الانهيار
كانت هتعزي خطيبة واحد من زمايل احمد ، بس مش قدرت تستحمل ساعة اما سمعت حكايتها معاه من أول ما اتقابلوا لغاية اما رحمه الله
في النقطة دي بالذات وقفت و نزلت دموعها ، اصل محدش يعرف معني انك تستنى ساعات عشان يتصل اللي بتحبه بيك
و في لحظة يتصل شخص عشان يقولك خبر وفاته
بعد اما قعدوا شوية و اكتفت منة العياط ، نزلوا بعد اما ودعوا اهالي زمايله
" ده الحاجة اللي كنت عايز اقولك عليها "
" انا بعد اللي شوفته ده ، مش عايزاك ترجع تاني يا احمد "
" لازم أرجع يا منة "
" انا مش عايزة أكون مكانها يا احمد "
" بأذن الله مش هتكوني مكان حد يا منة ، و هرجعلك سليم أنشاء الله ، بس في حاجة مش قولتلك عليها "
" ايه "
و ببطء رفع كم التيشيرت و وراها اصابته
" احمد ، انت اتصابت "
" مش كنت عايز أقلقك "
" انت رجعت تاني تكذب عليا "
" لا ، انا بس مش حبيت اقلقك "
" احمد انا تعبت "
**************************************
بصيت لقيت كلهم بيعيطوا
ميرنا : كنت متأكده انكم هتعيطوا
حبيبة : معلش اصل الحتة دي مؤثرة شوية
لينا : انا مكنتش اتوقع الحزن ده كله
نادية : بس انتي ليه رجعتي للكذب ، مع انك قلتي انه انتهى
ميرنا : الكذب عمره ما بينتهي في حياتنا ، هو بس بياخد استراحة صغيرة عشان يدي الحزن فرصة
لينا : خلصنا من واحد ، فاضل 4
أنت تقرأ
وقـــــت
Romanceكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
