وقـــــت

الخيــانــة

بارت النهاية

*********************************************************

صحيت من النوم ملقيتش احمد في الاقوضة ، غريب راح فين

غيرت هدومي بسرعة و طلعت بره الاوضة عشان اشوفه فين

لا اكيد اللي انا شايفاه ده مش حقيقة ، اكيد احمد مش بيخوني لا

بس اللي انا شايفاه ملوش أي مبرر تاني ، واحد متجوز و واقف مع واحدة و عمالين يهزروا و في الاخر تبوسوا على خده

" برافوا برافوا ، كملوا كملوا وقفتوا ليه "

بصلي أحمد ، بتفاجأة ربما مع نظرة ذنب على ما أظن

" منة متفهميش الموقف غلط "

" لا انا فهماه صح خالص ، لدرجة أني هقولك الجملة دي "

" جملة أيه "

" طلقني "

**********************

حبيبة : لا ستوب وقفي في الحتة دي

ميرنا : في أيه

حبيبة : ميرنا الحتة دي أوفر أوي ، مش عشان شوفتي جوزك واقف مع واحدة و باسته من خده يبقى كده بيخونك

ميرنا : قولتلك يا حبيبة ان الخيانة مش لازم انك تشوفي حبيبك في سرير مع واحدة تانية ، الخيانة ممكن تكون حوارات مع حد تاني و حتى صباح و مساء الخير

لينا : بس مش توصل للطلاق يا ميرنا

ميرنا : يا جماعة انتوا بتحسسوني اني السبب في علاقتهم فشلت ، على فكرة انا بس بحكي قصتهم

امنية : انا دلوقتي نفسي فعلا اعرف مين منة عشان أروح اسألها عن السبب

ميرنا : اكمل الحكاية ولا هتتكلموا مع بعض

نادية : لا طبعا كملي

************************

" انتي بتقولي أيه يا منة ، انتي اتجننتي "

" لا خالص انا مش اتجننت خالص ، بس اما اشوف جوزي خلاص هيبوس واحدة من بوقها اكيد هطلب كده "

" منة استهدي بالله كده ، و فكري كويس "

" لا الحكاية دي مش محتاجة تفكير " 

" تعالي ندخل أوضتنا دلوقتي ، مش معقولة نكلم قدام الناس "

" طيب "

دخلنا ألاوضة و قعد يتحاور معايا كتير ويقنعني اللي انا شوفته ده مكنش حقيقة و انا فسرته بطريقة مش حضارية خالص ، طريقة حضارية بجد

هو فيه حد بيفكر بطريقة حضارية دلوقتي ، بعد نقاش طويل بينا اتفقنا أننا نرجع من شهر العسل ، و نروح على المأذون و نطلق

يمكن هو ده الحل الوحيد فعلا لحالتنا

وضبنا شنطنا على السريع ، و خرجنا من الفندق و خدنا عربيتنا و سوقنا في طريقنا لمدينتنا

كان الطريق ملينا صموت محدش فينا قدر يقول كلمة ، يمكن محدش فينا عارف هيقول أيه

******تسريع احداث******

انا و احمد أطلقنا بقالنا شهر ، محدش فينا كلم التاني

يمكن احنا الاتنين عايزين شوية وقت

فعلا كل حاجة محتاجة وقت

*************************************

حبيبة : مش مقتنعة

ميرنا : ولا انا اصلا

لينا : قصة حب من الطفولة تنتهي بمجرد نقطة شك

ميرنا : ده مش شك يا لينا ، دي خيانة

نادية : خيانة من أي ناحية بالظبط

ميرنا : بصوا عشان افهمكم النقطة دي كويس ، في اللاوعي بتاعكم ، أي حاجة تصدر من اللي بتحبوه لشخص أخر حتى لو كانت عادية اللاوعي  بتاعكم بيفسرها كأنها خيانة

امنية : بس ممكن نقف ثانية و نفكر و نقرر ، مش نتخذ قرارت جنونية في لحظة ضعف

ميرنا : بصوا ده من الاخر مجتمعنا كل الناس عايشة كده في مصر ، عشان كده كل قصة حب بتنتهي بسبب اللاوعي أبن الجزمة

حبيبة : طيب أحنا هنمشي بقى

ميرنا : اه يا كلاب بتبعوني بعد اما قولتلكم الحكاية

حبيبة : لا مش بنبيعك ولا حاجة ، بس لازم أخد حاجة عشان الصداع

لينا : و أنا كمان ، انا في مليون سؤال في دماغي بسبب الحكاية دي

ميرنا: بصوا عشان انا هجاوب على سؤال انا متأكدة انه موجود في دماغكم ، علاقات الحب ممكن تنتهي في خطوة غلط ، ختى لو خطوة صغيرة ، فا قبل اما تحبوا ، فكروا بجد في السؤال ده ، انا قادرة فعلا أني اتحمل كل قرف و صعوبات علاقة حب ؟

***********************************************

أحب اشكر كل حد قرأ القصة دي ، يعني بجد بشكركم جدا

وقت دي أكتر قصة كتبتها و عجبتني بجد اكتر من هل يحبني و من أي قصة تانية كتبتها

و أرجو انكم اتعلمتم منها حاجات أو عرفتم حاجات هتفدكم في المستقبل انشاء الله

يلا أشوفكم في حتة تانية بقى

سلام