***********************************
منة دلوقتي في المحاضرة ، و احمد دلوقتي في سينا بيدافع عن بلده
الاتنين في دماغهم نفس التفكير ، يا ترى مش هيقابلوا بعض تاني ؟
يا ترى احمد هيموت قبل ما يشوف حبيبته من أيام الطفولة
و منة قبل ما تخلص المحاضرة هتسمح خبر وفاته
كل واحد فيهم خايف متوتر ، بس متأكدين ان ربنا هيحميهم و يحمي اللي بيحبوهم
خلصت محاضرة منة بعد عذاب من التفكير المرهق ، و شوية خوف و رهبة
بس في وقتها جالها الاتصال اللي كانت دايما بتتمناه
" احمد انت وحشتني اوي ، انت كويس حصلك حاجة "
" مش قولتلك بأذن الله هرجعلك تاني "
الجملة دي خلت قلب منة يرفرف ، هى كانت مفرود تصدقه و متقولش انه بيكدب
" كان لازم تثقي فيا و في ربنا شوية ، و مش تكذبيني "
" انا اسفة بس اصل انا تعبت ، كل يوم بتروح معركة و انا مش ضامنة انك ترجعلي تاني "
" برده كان لازم تثقي بربنا شوية ، على كل حال انا عندي ليكي مفاجئة "
ردت منة بطفولتها و برائتها
" ايه هى قول قول بسرعة "
" حاضر يا طفلتي ، انا خدت اجازة يومين عشان اجيلك "
" بجد انا فرحانة أوي ، انت خليت يومي احسن بــ100 مرة "
" للدرجادي وحشتك "
" اكتر مما تتصور "
" طيب اسيبك انا ترتاحي شوية عشان تكملي محضراتك و بعدين هبقى اكلمك بليل "
" ماشي سلام ، احمد "
" نعم "
" لا أله الا الله
" سيدنا محمد رسول الله "
***********************************
امنية : طيب انا مش فاهمة دي كلها رومانسية فين الكدب في الموضوع
ميرنا : بالعكس الرومانسية دي كلها وراها كدب
نادية : ده اللي هو ازاي ؟
ميرنا : احمد مش خد اجازة عشان منة ، احمد أدوله اجازة عشان يروح يدفن زمايله
حبيبة : انتي بتهزري
ميرنا : انا كل اللي بقوله جد ، احمد معظم زمايله ماتوا في المعركة ، حتى هو ذات نفسه اتصاب
لينا : طيب كده عرفنا ان احمد بيكدب منة كدبت في ايه بقى
ميرنا : كدبت فأنها مش صدقت احمد ، او كان عندها شوية ثقة فيه
حبيبة : في ايه بالظبط
ميرنا : مش صدقت ساعة اما قلها انه رايح يحمي بلده رايح يحافظ عليها و لو ده كان معناه انه يموت فاهيموت
حبيبة : وده معناه انها كذبت
ميرنا : و مش دي وبس اللي كذبت فيها ، هى وراها اصلا كذبة كبيرة أوي
لينا : طب و ايه هى
ميرنا : لا الحكاية دي هتطول أوي ، متأكدين انكم فاضين
امنية : لغاية الصبح
ميرنا : طيب بس حكايتها مش هتظهر دلوقتي ، ده لسة مشوار طويل أوي
نادية : و احنا فينا صحة
ميرنا : متأكدين
لينا : احكي يا ميرنا و خلصي
ميرنا : امرك يا مولاتي
أنت تقرأ
وقـــــت
عاطفيةكلنا حبينا صح ، كلنا في فترة لقينا الشخص اللي شبهنا في كل حاجة بعدنا كل الناس حوالينا عشانه ، ارتكبنا كل غلطة في تاريخ البشرية عشانه بس ياترى الشخص ده يستحق ، الشخص ده هو اللي هيكمل حياته معاك هو ده اللي هيكون جنبك في الغنى و الفقر في الصحة و الم...
