غرام علي قضية

البارت الخامس

البياض لا يعني الجمال والسواد لا يعني القباحة فالكعبة سوداء و جميلة و الكفن ابيض و مخيف  و لو كانت الأنوثة بالتعري لكانت القردة سيدة الإناث و لو كانت الرجولة بالصوت المرتفع لكان الكلب سيد الرجال

#الكاتبة:مريم محمد

******************************************************

ايات:سمعت بخبر زواج علي صراحه ما اهتميت وما انقهرت بس حبه بداخلي جاي اتناساه
ظليت اتذكر مواقفي وياه

مرة ردت اطلع فهوه جنت ما احجي وياة  كال اريد اشوفج مشتاقلج كتلة راح اطلع بس ما اكلك ظل ، طلعنا اني واختي اني امشي بالسوكً واسمعً واحد ايصيح هلا بعلي قضية
اني جان ادور والكاة المرة الوحيدة الباوعت  بيها عليه استجمعت قوتي وباوعت كل مرة اهرب واغمض والبد
طلع جاي لفرعنا من احنا طالعين ولاحكنا بدون ما ننتبه

اني ورة ماخطبني اول مره حبيتة ،جنت احجي وياه واخاف لحد ماهوه طمني كال اليصير بيج يصير بيه اول شي ياذيني انا

وكال اذا اهلج يعرفون بساعتة اجيب المهر واجيب الشيخ واكلهم اني اريدها بالحلال اني ثقيت بية
وطلعت الثقة بمركزه بس الوكت مارادها

جان يحب الاغاني القديمة  وخلاني احبها

،اللغة الانكليزية توب بحكم عملة ، يحب يسافر هواي ،

حجايتين والثاالثة يحشش

لو مراسلتة جانً هسه تسودنا احنا الاثنين لان تزوج من بعد هذ البعد تتوقعون اعوفة لو يعوفني بعد لا والله يخطفني بليلة ظلمة  ويشرد بية 😅 اذا هم ماطوني

اني حسبتها من البداية كلت مادام بابا رفض اول مرة بعد يرفض لو مليون مرة،
صدك  كتلة ماكدر كمل وهوه   طكت اعصابة علية ، كتلة مابينة مستقبل مايطوني وحضرتة وحذفتة كلشي لحد ساعة الله هاي ، اذا رجعت اله بعد راح الطرفين يتعذبون ف مارسلت ولاسويت شي

مرت علية ايام ادور بس ع لمحة منة ، ع هوا منة ، وين صفت بيه الدنيا مادري💔 احس روحي شلون المفطومة والله كلبي بدقيقة وحدة احسة مدري شبية مات سكت مدري شبية !
عجيب امر الحب عجيب .

وجان خوش ولد ، حباب ،يستحي ،  لايوم كلالي شي حرام لايوم كلالي نطلع لاكلالي دزي صورتج ، جان يحبني حب مال الله

خو بالبداية اول ماتذكرني (لما شافني يم المكتبه وتذكرني انا صديقة اخته) جان يباوع علية يجي يكول اةةة ويرجع يدخل اةة يحتار شيسوي 😂

شايفين هذا الزلمة اباوع ع اصابعة كسرهن والله يطكطك بيهن يحطهن بجيوبة وعينة مايشلها من الكاع  واحلة شي  يشهكك من يحجي  ويكضيها يهز براسة🤷🏻‍♀

راح كلشي وبقت بس الذكريات💔
____________________________________________
علي:مرت الايام وزهراء كل يوم مسويه مشكله يوم تتعارك وي امي يوم تتعارك وي مريم حتى مقدام ما سلم منها

تذكير:مقدام اخ علي

ارجع من الشغل تعبان كلمة الله يساعدك ما تكولها معذبتني بطلباتها كل يوم تريد سوك وطلعه وطبه وكل اسبوع تعال وديني لاهلي شلعته لگلبي ربتلي عله ربي ساعدني ما عندي غيرك

اتذكر شلون جنت اراقب الفرع مال بيت ايات بالشهر يادوب تطلع مره اتذكر من اكلها تعبان تكلي بيه ولا بيك الله يساعدك بحيث ارجع مين بكلمه منها احيا واعيش مرتاح ويروح كل التعب

بس كلشي راح وبقت بس ذكريات
____________________________________________
ايات:مرت العطله وبده الدوام وانا حبست روحي بغرفتي بس ادرس ليل ونهار تجاهلت كل الضغوطات يجون خطار ما اطلع ولا اسلم اظل ادرس وماما خطيه تجيب الاكل للغرفه

طبعا انا اصلي واصوم بس بهالفتره تقربت كلش لربي انا بحاجته
ما اقصده بس بوقت الحاجه لا
انا دائما ملتزمه بالدين بس لما احتاجه الح عليه بالدعاء وربي يحب العابد يلح بالدعاء

دعيت اطلع المعدل الي اريده وارفع راس اهلي واذا ما طلع المعدل هم اعيد المهم مستقبلي شنو يعني سنه سنتين عدت معناها ابطل واكعد بالبيت لا طبعا اكمل واحقق حلمي بأرادتي وايماني بربي

مرت الايام وبدن الامتحانات الشهريه ودرجاتي ما ينزلن من 98 بس ما اكول لاي وحده درجاتي لان اصلا البنات مو صديقاتي هذن بنات الخامس الي نجحن للسادس ومن يسألني شكد اخذتي اكول الحمد لله ناجحه وباليومي ما اكوم حتى لا تصير فطنه انو هاي تحظر وشاطره ويطكني بعين بس من يكومني المدرسات اشرح على كد السؤال ومريم طلعت صيدله وهسه سنه اولى
كملت الشهريات ونص السنه

اختصرلكم الاحداث بدت العطله الي نراجع بيها خاف جان عندي وقت اكل هسه ولا اكل بس وجبه وحده باليوم وماما خطيه كلساع تجيني يا جايبه فاكهه يا عصير وانا ما اكسر بخاطرها اكل واشرب كدامها ياله ترتاح

ايات:خلصت المواد كلهن وبقه اسبوعين عالامتحانات راجعت كومه اسئلة وزاريه واجه اليوم الموعود......
*********************************************
لهنا وانتهى البارت اتمنى يكون عجبكم دمتم في امان الله وحفظه
هذا البارت اهداء ل user62545041
لا تنسوا الفوت والكومنت حتى تشجعوني استمر شكرا لكم💖