غرام علي قضية

البارت الثاني عشر

"مَن أحبَّك في عُسرك ويُسرك دون أن ينتَظِر منك معروفاً واحتملكَ في غضبك وسرورك دون أن يُضمِر لك سوءاً، فذَلِك هو الصديق.“

#الكاتبة:مريم محمد

❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄💖❄

ايات:مرت الايام وانا عندي وهواس زهراء تسويلنا شي يعني تعرفون انا قارءة روايات يعني اشوف الخبيثات بالروايات يسون سحر ومحادثات وهميه والبطله تطيح بيها او يسون خط ويوهمني انو زوجي يخوني ف لهيج جدا حذره وي زهراء تلفوني ما انطيها فرصه توصله دائما اضمه بصدري😂 والملابس دائما اتفقدهن خاف ناقصه قطعه او لبسه حتى لتسويلي سحر بيهن والغرفه من انزل اقفلها حتى لا تدخل صح وهواس قوي لكن عشت حياتي طبيعيه وانا وعلي كلش متوالمين هو هادئ وكل يوم يزيد حبي اله اضعاف وهو كل يوم من يرجع بالليل يجيب حلويات علاكه للبيت والنا انا وياه علاكه

بيوم من الايام الساعه 10 الصبح اتصلت علي ماما

ام ايات:الو

ايات:الو هلو ماماتي شلونج

ام ايات:هلا بيج بعد بيتي انا الحمد لله انتي شلونج شخبارج

ايات:تمام الحمد لله شلون حيدر وبابا وامنه

ام ايات:زينين يسلمون عليج

ايات:الله يسلمج حياتي

ام ايات:اي شلونهم عيالج وياج شلونه علي وياج

ايات:الحمد لله ماما لا تخافين ام علي كلش حبابه ولطيفه وحتى اصيحلها ماما هي كالت انتي مثل بنتي صيحيلي ماما ومريم صديقتي من الطفوله طبعا تحبني وابو علي علاقتي سطحيه بيه مجرد عالوجبات نلتقي بس هو كلش حباب ومن اهل الله وعلي كلش هادئ مو عصبي وحباب

ام ايات:الحمد لله بنيتي الله يسعدج وضرتج؟

ايات:تخبث شكو مكان انضفه توصخه وليل ونهار تصيح وتلعلع وتتعارك عرمه وولا تستحي بس انا بنيتج تعرفيني ما اسكت الدها على حلگها اخليها تشيط والدخان يطلع منها ههههه

ام ايات:اي هو انتي منو يكدرلج ديري بالج بنيتي اكلج

ايات:ها ماما كولي

ام ايات:باجر معزومين عالغده عدنا انتي وعيالج وحتى ضرتج واذا ما اجت بعد احسن

ايات:ههههه شعدها جايه نذبها على اهلها المهم ماشي حبيبتي راح اكوللهم ونجي ان شاء الله

ام ايات: يلا حبيبتي بيباي ديري بالج على نفسج

ايات:تمام وانتي هم وسلميلي على بابا وحيدوري باي

ام ايات:الله وياج

ايات:سديت التلفون ورحت نزلت نسوي الغده انا كاعده من ال7 ومسوين ريوك ومتريكين بس زهراء جانت نايمه من نزلت لكيتها كاعده شافتني وكالت