غرام علي قضية

البارت السابع

التفاؤل أن تتعلق بفرج الله حتى ولو كانت المعطيات كلها ضدك فالبحر أمام موسى والعدو خلفه ومع ذلك قال : " كلا إن معي ربي سيهدين

#الكاتبة:مريم محمد

****************************************************
بعد مرور 5 سنوات
ايات:اليوم هو يوم تخرجي وانا كل ما يخطبوني ناس اهلي يرفضون من يمهم يدرون اهم شي دراستي اليوم احقق حلمي واخذ شهادتي اليوم بداية حياة جديده والله الوحيد اعلم بالمضموم
_________________________________________
علي:مر 5 سنوات المقويات والعلاجات تركتها رحنا حتى نعيد التحاليل وعدناهن كالوا باجر تعالوا اخذوا النتيجه مالت التحاليل

بالليل انا جنت جاي انام اجت زهراء اخذت التلفون وطلعت تتسحب كلت هاي شبيها خليتها طلعت وكمت وراها بدون ما تحس خابرت واسمعها

زهراء:اي شوفي التحاليل نفس هذيج المره تغيرينهن وتخلين الخلل بيه وانا ما بيه شي..........اي شكد ما تردين انطيج هو مكنز عده فلوس واملاك ودنيا انطيج التردينه بس مو تحجين لاحد...........عفيه ادري بيج ما تحجين وهالسالفه صارلها 5 سنوات مضمومه شذكره كله من امه تكله احنا محد بيه عقم يمكن خلل بالتحاليل عيدوها انت ومرتك وتوز براسه العجيز

علي:انا عرفت راح تخرب التحاليل ف رحت من الصبح قبل لا الكل يكعد يعني محد يكدر يخرب التحاليل رحت اخذتهن وشفت بنيه كالت

البنيه:ها انت اخذت التحاليل ووجهها اصفر صار من شافتني

علي:اي هاي تحاليلي انا وزوجتي خير اكو شي

البنيه:ها لا مو ااا لا ماكو شي

علي:فتحت التحاليل وشفت انا ما بيه اي شي والخلل بزهراء وماكو اي امل تتعالج يعني عقمه انا عيوني صارن حمر من العصبيه رجعت عالبيت هزيته هز بصياحي

علي:زهررررررررررررررراااااااااااااءء

ام علي:خير يمه وليدي شكو من الصبح مغبش تصيح شنو ديج

علي:يمه بحال تحشيش انا هاي الكلبه طلعت عقيمه ما تخلف ومغيره التحاليل الاولى بت الكلب و5 سنوات تعير بيه مو رجال وما تخلف وهو الخلل بيها

ام علي:عزه بعينها ان شاء الله والله شكيت بيها هاي عود بت عمك جا شنكول لو غريبه الله ليوفقها

علي:والله يمه الا اموتها واطلكها واذبها ذبة الجلاب السود

ام علي:شمالك يالاغم مو هيج المره ما تكسرها غير مره اهجرها وتزوج عليها واذا قبلت بالوضع تكعد وتنجب واذا ما قبلت طلكها والله ومحمد وعلي وياها

علي:كلام امي هم صح رحتلها للغرفه بعدها نايمه مدري تمثل رحت دست ببطنها هي عاطت الجيران كلها سمعتها سحبتها من شعرها واضربها بوكسيات عبالك اتعارك وي زلمه دربي ما كمت اشوفه طلعت حزام جلدتها بيه موتتها جنزتها وگلبي ما مرتاح 5 سنوات تلعب علي وتعيرني بت الكلب عفتها جنازه وطلعت من البيت

وره فتره عرفت ايات تخرجت اخذت عمامي ورحنا نخطبها وابوها كال

ابو ايات:عمي انا ادري بيك شاري بنيتي بس هسه انت متزوج والله لو ما متزوج كبع واخذ

عم علي:بويه انا ابو البنيه زوجته وانا براسي جاي اخطبله بنتك وانا بنيتي ما تخلف والله محلل 4 للرجال وابنا شاري بنيتك انتوا فصلوا واحنا نلبس

ابو ايات:الشور يبقى شور البنيه انا من يمي موافق بعد اسأل اهلها وعمامها وامها وهي القرار الها اولا واخيرا

علي:والله ردت اهلهل من حجه هيج يعني غزالتي اذا قبلت بيه خلاص نتزوج وتصير حلالي ما اعرف شصار بحالي اريد اركص بالكوه كاض نفسي😂
_________________________________________
ايات:يوم تخرجي كان احلى يوم كسرت عيون الشماته سويت احتفال ببيتنا وعزمت الكل شامت وفرحان كلها اجت واشوف الحاقد والحاسد والفرحان وانا اركص واحرك بگلوبهم وكلهم اجو يباركون وجايبين هدايه ونفسهم التشمتوا وكالوا ما تجيبين الطبيه هسه كلولي الف مبروك وتستاهلين كل خير حسبالهم ناسيه كلامهم بس خوش هم تشمتوا وانا رديت عليهم بشهادتي

مر يومين على تخرجي وبابا بده يبنيلي بعيادتي لان ما نعرف اتعين لو لا عالاقل استفاد من شهادتي بالعياده

يوم من الايام اجه بابا وكال
اب ايات:باباتي ايات انتي هسه صار عمرج 24 وكل ما تنخطبين نرفض بحجة الدراسه هسه ما بقت حجه واكو شخص من جنتي بالسادس خطبج 7 مرات واحنا نرفض من يمنه والولد مبين شاريج ومن سمع بيج متخرجه اجه يخطبج

ايات:من سمعت كلام بابا عرفت يقصد علي انصدمت بعده يتذكرني بعده يريدني ما ناسيني وانا گضيت فترة حياتي الفاتت بس اتناساه اريد انساه بعده وفي بحبه الي بس شلون هو متزوج بابا شافني صفنت كمل كلامه

اب ايات:بويه الولد متزوج من 5 سنوات ومرته عقيمه واليوم جايب شيوخ العراق كلها وجاي يطلبج انا من يمي موافق بنيتي بس القرار الاول والاخير الج

ايات:ما عرفت شكول فرحت بابا موافق فرحت راح انجمع بعلي كلتله

ايات:بابا انا تخرجت وجاي اسوي عيادتي الخاصه وهسه عمري عمر زواج وانا شوري من شورك اذا موافق انت انا موافقه

سمعت ماما تهلهل بس مبينه مو كلش فرحانه راح بابا واجتي يمي ماما

ام ايات:بنيتي متزوج شلون تنزلين على ضره

ايات:ماما شفتي بابا شلون فرحان ويكلي الولد شاريج وطلبج 7 مرات وهو يعرف مصلحتي واذا هو موافق انا موافقه وبعدين الشرع حلل 4

ام ايات:بنيتي اليتزوج مرتين يتزوج اربعه تقبلين تنزل عليج ضره

ايات:طبعا ما اقبل اذا ما بيه عيب وما بيه شي بس هي عقيمه انا اسم الله لو عقيمه خل يتزوج علي بس مال ما بيه شي ويتزوج هاي الي ما ارضاها

ام ايات:الله كريم بنيتي ما دام انتي هيج رأيج بعد بكيفج انا الي عليه كلته
***********************************************************
لهنا وانتهى البارت لا تنسوا الفوت والكومنت حتى استمر وشكرا الكم💖

#الكاتبة:مريم محمد