غرام علي قضية

البارت السادس

هُنَاكَ قلُوبٌ.. لَا تَعَرفٌ أَن تَكرهُ مَهمَا ظَلَمتُهَا هُنَاكَ قلُوبٌ.. لَا تَعَرفٌ أَن تُحِبَّ مَهمَا أَكرَمتُهَا

#الكاتبة:مريم محمد

*******************************************************

ايات:اجه اليوم الموعود اليوم اول امتحان اسلامية انا دارستها السنه الفاتت وهاي السنه يعني شتتوقعون حتى الصفحه حفظتها امتحنت وكلت اخذها ال 100 اخذها رجعت من الامتحان والاسئلة جانت كلش سهله نمت وكعدت اقره واقره لحد امتحاني الثاني وهيج خلصت ايامي وجبه وحده واصلي وادرس وادرس وادرس

كملت امتحانات والحمد لله كلهن جاوبتهن وما اجلت ولا امتحان لان جانن سهلات كلش
_________________________________________
علي:مرت سنه على زواجي بزهراء ومن تزوجتها ما شفت الراحه ولا الخير كل يوم عركه متعبتني وشالعه گلبي وما خلفت ولا صارت حامل رحنا سوينه فحوصات وتحاليل وره كم يوم رحت اشوف النتيجه والصدمه السبب مني انا ما اخلف وزهراء ما بيها شي

انكسر شي بداخلي شلون ما اخلف يعني ما اصير اب
خليت املي بربي وظليت اخذ العلاجات والمقويات بس ماكو نتيجه

بالي وفكري كله يم ايات بعدها روحي بيها شسوي ما اكدر انساها هاي بنية گلبي وضحكتي وغزالتي شلون انساها
_____________________________________________
ايات:اليوم كلش متوتره وخايفه رغم جاوبت بس اليوم النتيجه اليوم تحديد مصيري وانا ما اجلت ولا امتحان يعني اذا معدل مو زين ما اكدر اعيد الا ارسب نفسي بماده وانا كل المواد مجاوبه فوك النجاح ف خايفه

حيدر:ايات ولج اويته اركضي علنوا النتائج ماما بابا ولكم النتائج طلعن تعالوا

ايات:انا نزلت اركض اجيت انجبح على وجهي نزلت لكيت ماما وبابا وحيدر وامنه كلها واكفه عالحاسوب وتدعي النتيجه زينه

ام ايات:ربي اجبر بخاطر بنيتي ربي كون تطلع الطبيه

امنه:يارب يا حبيبي ان شاء الله درجاتها فول بداعتي

ايات:انا متوتره وخايفه وهي بس كالت بداعتي غميت گصتي كلتلها على هالحساب راح اطلع راسبه

امنه:فوك ما ادعيلها

ايات:اجيت ارد عليها صاح حيدر

حيدر:لا يا الله لا ايات صخمتي وجهنا

ايات:يمه شكو حيدر كول شكد معدلي

حيدر:ولج 66

ايات:يمه لا عفيه وظليت ابجي

ام ايات(بكسرة خالطر):يلا حبيبتي ولا يهمج سوي تحسين معدل ورسبي نفسج وعيدي السنه تنجحين بنيتي لتخافين

ايات:يمه العام احسن شنو هسه 66 والله درست كومه😭😭😭

حيدر:هههههههههههههههههههههه لج كافي خبله معدلج 99

ام ايات:كللللللللللللللللللللللوش رحمتك ربي الهم صل على محمد وال محمد

ايات:انا ميته اجه ينغمي علي لزمت النعال حشاكم واركض وره حيدر

ايات وهي تركض وره حيدر وهو يركض منها:لك حيوان محترمتك اخوي الجبير وكفت گلبي انا الك

حيدر:ههه ولج اوكفي فحطتيني ههه ياهي المحترمتني شو تركضين وراي بالنعال

ايات:اوكف د اوكف خل اشوفك النسوان شتجيب

تالي اندار علي وهو يركض عثر بالفراش وطاح وانا ذبيت النعال من ايدي وهجمت عليه بوياي عده شلون كفشه فرحان مطولها ظليت املش بيها

حيدر:آآآي ولج اخ وخري كلشي الا شعري آي كافي ولج

ايات:وخرت منه ورحت اهلهل واهوس جا غير طلعت طبيه هههههه

مرت الايام قدمت على طب اسنان لان اذا طب عام 6 سنوات دراسه وسنتين تخصص ف 8 سنوات يعني اعجز وانا ما متخرجه ههههه بينما طب الاسنان 5 سنوات اخلصهن وافتحلي عياده وعمك الله يرحمه نفكر للمستقبل ليش اخذ وضيفه متعبه

انقبلت طب اسنان وره شهرين نبدي دوام
___________________________________________
علي:كل اخبار ايات انا مطلع عليها من صديقتها تسولفلي نجحت واخذت معدل 99.86 يعني شتريد تروح واعرفها راح تروح طب اسنان اعرف تفكيرها قدمت على جامعة ميسان نفسها الي تدرس بيها مريم صيدله

زهراء وما ادراك ما زهراء ليل ونهار تعيرني مو رجال وما تخلف وانا ما اتحمل اجنزها وترجع تعيدها

امي تمرضت وراحت عافيتها وزهراء ولا تهتملها ومريم جامعه من ال8 الصبح ل 3 العصر وانا كذلك شغلي ماخذ وقتي

زهراء:علي تره امك عذبتني انا ما مسؤوله عنها شدخلني بيها اوي ذبها بدار العجزه يعتنون بيها وخلصني

علي:انتي شتحجين تخبلتي اشو تظلين وتخدمينها ورجلج فوك راسج شو تماديتي انتي

زهراء:فوك ما متحملتك ما تخلف وما اشوف اطفالي تريدني اعتني ب امك ومن اكلك تعبت منها تكلي تماديتي

علي:خلف الله عليج متحملتني هو انتي المتحملتني لو انا المتحملج يوم حلو ما شفت وياج من اجيتي لليوم كل يوم تطلعين مشكله من جوه الكاع

زهراء:الا اروح لاهلي واخليك تبوس رجلي ارجع الا اذلك وما ارجع

علي:خفتا وراحه الله ومحمد وعلي وياج عبالك اموت بدونج

راحت زهراء خمس ايام فد مرتاح ومريم تكعد بهلهوله وتنام بهلهوله تكول خلصت منها فات اسبوع ورجعها ابوها يكلي ما تفتهم ونتعذر منك ومدري شنو ردت بلوة حياتي هي ومشاكلها وماشيه الحياة وانا اتجرع المر
*************************************************
لهنا وينتهي البارت لتنسون الفوت والكومنت حتى استمر وشكرا الكم💖

#الكاتبة: مريم محمد