وفي عقد القرآن جلست بجنبه
وقالت باستيحاء : السلام عليكم
فرد عليها قائلا : وعليكم الحب ورحمه الله على قلوبنا وبركاته على هذا الوجه. ..
الطيبون للطيبات"❤️
اجت مريم حاجتني ونرفزتني تكلي مستمتع بنظرات البنات ههههه استغفر الله ما تدري اجيت اتقيأ من وراهن كل وحده حاطه كيلو مكياج وتخرع
رحت لشغلي والتهينه بعد وكل شوي اتذكر الغزال الشفتها وي مريم _________________________________________ ايات:وره ما راحت مريم للشاب انوب رجعت كضينا اليوم سوالف وضحك اول يوم دوام وماكو دروس بس استلمنا الكتب رحت للمدرسه بس جنطتي ومن رجعت جنطتي محمله كتب ههههه وبالعطله اشتريت دفاتر لكل ماده ودفاتر ملاحظات وانطونا الجدول اول ما رجعت للبيت تعبانه سبحت وبدلت ملابس البيت هذن
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصليت ونزلت تغديت وصعدت لغرفتي نمت وكعدت الساعه ب6 كمت ساعدت ماما بالعشه وصلينا صعدت اقره حسب الجدول رغم ما منطينا تحاضير بس انا احب ادرس بديت من 8 كملت ب 11 وانا دارسه المواد بالعطله بس حبيت اراجعهن لزمت التلفون شوي ل 12 نمت كعدت الصبح روتين عادي ورحنا للدوام اليوم رحنه مشي لان مدرستنا قريبه على بيتنا 5 دقايق مشي ونوصل دخلت شفت مريم جايه قبلي
مريم:اهو ولا تتوبين د استمتعي بدون تحاضير شعدج تدرسين
ايات:بكيفي الدراسه هي استمتاعي
مريم:دودة كتب الله يحفظج
ايات:دك الجرس🔔🔔رحنا كان اول درس فيزياء يجينا استاذ كلش محبوب اسمه استاذ مشتاق من الاول هو يدرسنا ويعرفني وهو من النوع يريد الطالب يحضر اول يوم حتى بدون ما يكون منطينا تحضير يكول مادام انطوكم كتب البارحه انتو لازم تدرسون لوحدكم
دخلنا للصف وره ثواني دخل الاستاذ لان هو ما يحب يتأخر مرات يجي من الفرصه لما جنه بالثالث والثاني والاول ف نعرف طبعه كلنه
ظل يحجي وينصحنا والفيزياء اذا ما ضبطناها من هسه ما نكدر نضبطها بعدين وخصوصا ورانا سادس والرابع العلمي هو اساس السادس
انا جنت دارسه وشيسأل اجاوب
بعدين كال شنو اليوم بس ايات محضره بابا انتو رابع لازم تحضرون من اول يوم انا ظليت اقره ايات على نفسي من الحسد ههههه خاف يطكني بعين يكعدني قرن اكره الكتب اعرفهن حاسودات بس مريم عمري كله وياها وهي فطيره حتى من تكلي شكد تدرسين ما قصدها حسد
خلص الدرس وظلن يدخلن المدرسات واحنه ما نعرفهن لان ما درسنا بالصفوف السابقه وكذلك انا الوحيده الي اتفاعل بالدرس ف كل المدرسات عرفني ويسألني اسمي ومعدلي شكد بحيث انا حسيت نفسي فد شي مو مجرد طالبه محضره دروسها خلص الدوام ورجعت للبيت _________________________________________ علي:رجعت من الشغل للبيت الساعه ب 3 سبحت لان ميت من الحر وبعد العراق وبالجنوب شتتوقعون صليت وتغديت نمت كعدت وي صلاة المغرب احس مكسر صليت وتعشينا وطلعت وي جماعتي ل10 بالليل رجعت للبيت شفت فلم اجنبي اكشن احب هالنوع من الافلام ونمت كعدت الصبح هم وصلت مريم لان خطهم بعده ما جاي متأخر من اول يوم ولا عدهم مسؤوليه وصلتها ردت اشوف غزالتي بس ما شفتها يمكن ما جايه رحت لشغلي ونفس الروتين ***************************************** لهنا وانتهى البارت لا تنسو التصويت والكومنتات الي تشجعني استمر بالكتابه الاحداث المشوقه راح تبدي بالبارتات القادمه هالبارتات مجرد مقدمه للاحداث المهمه والمشوقه
